گرما گرم خبریں

گو جر خان پو لیس نے بغیر اجازت محرمم الحرام کا جلوس نکالنے پر مقدمہ درج کر لیا
محرم الحرام کے دوران سیکورٹی کے فول پروف انتظامات کئے جائیں گے،ایس ایچ او جاتلی
گرلز ڈگری کالج میں اساتذہ کی کمی سے طالبات کا مستقبل تاریک ہونے کا خدشہ ہے
چلڈرن پا رک حکومتی ہدا یا ت اور ٹھیکہ کی شرئط کے مطابق بنے گا
گوجرخان،ڈاکوؤں نے دن دیہاڑے مو ٹر سائیکل پر سوار میاں بیوی کو لوٹ لیا اور فرار ہو گئے
مسلم لیگ ن کے را ہنما شو کت عزیز بھٹی کے بڑے بھا ئی طارق عزیز بھٹی کی پی ٹی آئی میں غیر مشروط شمو لیت
بلدیہ گو جر خان کی طرف سے 27کھو کھے سر بمہر کر نے کا معاملہ گھمبیر شکل اختیار کر گیا
گو جر خان کے تا جر را ہنماؤں نے بجلی کی قیمت میں اضافہ مسترد کردیا

بہت ہی کڑوا مگر سچ 

راجہ احسان الحق
میاں محمد نواز شریف نے نا اہلی کے بعد لاہور تک بائی روڈ جانے کا جو فیصلہ کیا اس کا سب سے پہلے اختلاف چوہدری نثار علی خان نے کیا اور اس میں شرکت نہیں کی کیوں کہ ان کو پتہ تھا یہ شو 100% ناکام ہو جائے گا۔ میاں صاحب آپ ایک بار پھر انہی لوگوں سے دھوکا کھا گئے جنہوں نے آپ کے ساتھ ماضی میں بے وفائی کی تھی ۔ دوبارہ اقتدار میں آنے کے بعد آپ نے بہت سے وہی چہرے ساتھ ملائے جو مشرف کے دست راست تھے اس کی ایک زندہ مثال امیر مقام ہے جس کے لئے آپ نے حکومتی خزانے کی بوریوں کے منہ کھول دیئے ۔ حقیقت یہ ہے کہ اگر یہ لوگ آپ سے مخلص ہوتے اور عام عوام کو چھوڑ کر یہ جو پچاس وزیروں کا جم غفیر ہے ہر وزیر صرف 100, 100لوگ ساتھ لاتا تو اسلام آباد کی روڈ کا سماں ہی کچھ اور ہوتا اور پھر سچ تو یہ ہے آپ نے اگر بائی روڈ لاہور ہی جانا تھا تو یہ طریقہ ہی غلط تھا۔ اسحاق ڈار جیسے ماہر معاشیات جس نے اس قوم کو 80ارب ڈالر کا مقروض کر دیا سے مشورہ لینے کی بجائے کسی عوامی لیڈر سے مشورہ لیتے تو آج معاملات کچھ اور ہوتے۔ میاں صاحب آج حالات یہ ہیں کہ گوجر خان کے بیشمار دیہاتوں میں 18, 18گھنٹے لوڈ شیڈنگ ہو رہی ہے۔ یہ نا اہلی ، نا انصافی اور بد دیانتی نہیں تو اور کیا ہے۔ اگر کسی جگہ محکمہ کام کر بھی رہا ہے تو اس کا یہ بد ترین طریقہ دنیا کے کسی غریب سے غریب ملک میں رائج نہیں کہ آپ کام کا بہانہ بنا کر گھنٹوں گھنٹوں بجلی بند کر دیں ، اتنی طویل لوڈ شیڈنگ سے لوگ تو نڈھال ہو ہی رہے ہیں اس کے ساتھ ساتھ لوگوں کے کاروبار ٹھپ ہو چکے ہیں۔ آپ کیا سمجھتے ہیں ایسی بھیانک صورت حال میں گوجر خان میں لوگ آپکا استقبال کرتے ۔ شکر کریں شہیدوں اور غازیوں کی عظیم سرزمین کی لوڈ شیڈنگ سے ستائی ہوئی ماؤں بہنوں اور بیٹیوں نے آپ کا استقبال جوتوں کے ساتھ نہیں کیا۔ کوئی کتنا ہی پکا مسلم لیگی کیوں نہ ہو میری اس سچی حقیقت سے انکار کرنے والا نواز شریف کے ساتھ کتنا ہی کوئی مخلص کیوں نہ ہو وہ اپنے آپ کو اس دھرتی سے پیار کرنے والا ہرگز ثابت نہیں کر سکتا۔ اس سے بڑھ کر اور کیا مقافات عمل ہو گا صوبے میں حکومت مسلم لیگ کی، کم و بیش 50وزراء کا بے ہنگم ہجوم، تحصیل دار اپنے ، پٹواری اپنے، تھانہ کچہری اپنی، تعلیمی ادارے اپنے، پنجاب بھر میں MPA کی ایک لمبی قطار لیکن یہ بے وفا ، مفاد پرست اور بے فیض لوگ دوچار ہزار لوگ اپنے قائد کے استقبال کیلئے جمع نہیں کر سکے۔ میاں صاحب گوجر خان میں آپ کے ناکام شو نے ثابت کر دیا ہے 2018میں انشاء اللہ نہ صرف جیت راجہ پرویز اشرف کی ہو گی بلکہ حلقہ PP-4کے ضمنی انتخابات میں جیت راجہ خرم پریز کا مقدر بنے گی۔
وہ مرد نہیں جو ڈر جائے حالات کے خونی منظر سے جس دور میں جینا مشکل ہو اس دور میں جینا لازم ہے
راجہ احسان الحق (0300-5261181)

Leave a Reply

Your email address will not be published. Required fields are marked *

error: