گرما گرم خبریں

چوہدری زاہد جٹ نے اپنی برادری سمیت تحریک انصاف میں شامل ہونے کا اعلان کردیا
کمپیوٹرائزڈ لینڈریکارڈ سنٹر گوجرخان عوام کیلئے دردسر بن گیا
نیشنل ہائی وے اینڈ موٹر وے پولیس سیکٹر نارتھ ٹو کی سالانہ ایوارڈ تقریب کا انعقاد
تحریک انصاف میں شمولیت پر راجہ حسیب کیانی کو خراج تحسین پیش کرتے ہیں،رضوان ہاشمی
پولیس پٹرولنگ پولیس ٹھاکرہ موڑ چوکی نے مختلف کاروائیوں میں چھ مقدمات درج
نیا پاکستان بنانے کیلئے پرعزم ہیں،چوہدری جاوید کوثر ایڈووکیٹ
ضلع چکوال کی سیاست میں آنے والے چند دنوں میں بڑی سیاسی تبدیلیاں رونما ہورہی ہیں

جھمٹ میں تہرے قتل کیس میں ملزمان کی عدم گرفتاری پر مقامی افراد سراپہ احتجاج بن گئے 


کلر سیداں(پر و یز و کی سے)دس یوم قبل ساگری کے نواحی گاؤں جھمٹ میں تہرے قتل کیس میں ملزمان کی عدم گرفتاری پر مقامی افراد سراپہ احتجاج بن گئے ۔روڈ کے درمیان ٹائر رکھ کر ان کو آگ لگا دی جس سے گاڑیوں کی آمدورفت بند ہو گئی اور روڈ کے دونوں اطراف میں گاڑیوں کی لمبی لمبی لائنیں لگ گئیں۔مظاہرین نے اس دوران پولیس کی بے حسی اور ملزمان کو گرفتار نہ کرنے پر ان کیخلاف شدید نعرے بازی کی۔اطلاع ملتے ہی ایس پی صدر سرکل افتخار الحق ‘ڈی ایس پی سلیم خٹک اور ایس او تھانہ روات بشارت عباسی بھاری نفری کے ہمراہ موقع پر پہنچ گئے اور کامیاب مذاکرات کے بعد روڈ کو ٹریفک کی آمدورفت کے لیے کھول دیا ۔مظاہرین کی طرف سے چار مطالبات پیش کیے گے جن میں تفتیش کا دائرہ کار وسیع کرنے، کسی سینئر افسر کی نگرانی میں تفتیش کرنے ،علاقے کی کسی سیاسی شخصیت کو کیس میں ناجائز ملوث نہ کرنے اور اس کے کہنے پر کسی بے گناہ کو گرفتار نہ کرنے جبکہ معززین علاقہ جن میں خاور رزاق،اشتیاق احمد،کیپٹن محمد عارف اور مقدمہ کے مدعی محمد افراہیم شامل ہیں پر مشتمل کمیٹی جیسے مطالبات شامل ہیں ۔اس پر ایس پی صدر نے تمام مطالبات کو مانتے ہوئے مظاہرین کو یقین دلایا کہ وہ اس تہرے قتل کیس کی خود نگرانی کریں اور روزانہ کی بنیاد پر ہونے والی پیش رفت کے بارے میں معززین علاقہ کو بھی اگاہ کیا جائے گا۔

مندرہ( سید ساجد نقوی)نواحی گاؤں جھمٹ میں چند ہفتے قبل المناک حادثے میں ماں بیٹی اور نواسی کے قتل کے بعد تھانہ روات پولیس نے مدعیوں کی جانب سے دیے گئے ناموں پر پولیس کی عدم کاروائی کے خلاف مدعیوں اور اہلیان علاقہ نے ایس ایچ او تھانہ روات اور دیگر اہلکاروں کے خلاف جی ٹی روڈ پر مظاہرہ کیا مظاہرین نے جی ٹی روڈ ٹائر جلا کر تقریباًڈھائی گھنٹے بلاک رکھی جس سے گاڑیوں کی لمبی لمبی قطاریں لگ گئی جو ایک جانب مندرہ تک اور دوسری جانب روات سے پیچھے تک لوگ گرمی و حبس میں کھڑنے ہونے پر مجبور ہو گئے ٹریفیک کی روانی کے لیے موٹر وے پولیس کی دوڑیں لگ گئی موٹر وے بیٹ 5 کے سیکٹر کمانڈ وحید ارحمن خٹک بھی موقع پر پہنچ گئے عارضی طور پر موٹر وے پولیس نے ٹریفک خستہ حال مندرہ تا چوک پنڈوری چڑھا دی پولیس کے اعلیٰ احکام بھی موقع پر پہنچ گئے اور پولیس کے اعلیٰ احکام اور مظاہرین کے درمیان کامیاب مذاکرات ہوئے اور مظاہرین نے اس یقین دھانی پر کے جلد ہی سفاک قاتلوں کو پابند سلاسل کیا جائے گا جی ٹی روڈ کھول دی اور پر امن طور پر منتشر ہو گئے

Leave a Reply

Your email address will not be published. Required fields are marked *

error: