گرما گرم خبریں

رورل ہیلتھ سینٹر دولتالہ میں بے قاعدگیوں کے بارے میں خبروں کی اشاعت پر ہسپتال انتظامیہ میں کھلبلی مچ گئی
فنڈزکی غیر منصفانہ تقسیم کے خلاف دائر کی گئی رٹ پٹیشن کا بدھ کو بھی فیصلہ نہ سنایا جاسکا
دو منشیات فروشوں کے قبضہ سے مجموعی طور پر دو کلوگرام چرس برآمد کر کے گرفتار کر لیا
مندرہ کا نوجوان طالب علم ٹرین کی زد میں آکر موقع پر ہی ہلاک ہو گیا
محرم الحرام کے دوران سیکورٹی کے فول پروف انتظامات کئے جائیں گے،ایس ایچ او جاتلی
سلیمان فاؤنڈیشن کے سربراہ شیخ محمد ساجد مختصر دورے پر متحدہ عرب امارات سے پاکستان پہنچ گئے
کلر سیداں اور گردونواح میں سوئی گیس کی غیر ا علا نیہ لوڈ شیڈنگ
زمین کے تنازع پربھائیوں نے کلہاڑیوں کے وار کر کے ایک شخص کو زخمی کر دیا گیا

Archive for: June 12th, 2017

ٹی ایم او کی نااہلی سوہاوہ شہر اور گردونواح میں جگہ جگہ گندگی کے ڈھیر سے وبائی امراض اور تعفن پھیلنے لگا

سوہاو ہ (بشیراحمد تارڑ ) ٹی ایم او کی نااہلی سوہاوہ شہر اور گردونواح میں جگہ جگہ گندگی کے ڈھیر سے وبائی امراض اور تعفن پھیلنے لگا ۔تفصیلات کے مطابق ٹی ایم او سوہاوہ کی نااہلی کی وجہ سے سوہاوہ شہر اور میونسپل کمیٹی کی حدود میں جگہ جگہ گندگی اور غلاغت کے ڈھیر سے نہ صرف تعفن اور وبائی امراض پھوٹ رہے ہیں بلکہ شہری مختلف وبائی امراض کا شکار ہو رہے ہیں جبکہ میونسپل کمیٹی کے سینٹری ورکر تنخواہوں کی عدم ادائیگی کی وجہ سے کام نہیں کر رہے جس کی وجہ سے شہر میں جگہ جگہ گندگی کے ڈھیر لگے ہوئے ہیں گندگی کے ڈھیروں کی وجہ سے شہر بھر میں آوارہ کتوں کی بھر مار ہے جس کی وجہ سے شہری سخت پریشانی کا شکار ہیں اور آوارہ کتوں کی بھر مار سے شہریوں میں شدید خوف و ہراس ہے جبکہ بازار میں خریداری کرنے والی خواتین کو بھی ان آوارہ کتوں کی وجہ سے شدید پریشانی کا سامنا ہے آوارہ کتے مدینہ مسجد، محلہ ہائی سکول موہڑہ پڑی میں مویشیوں پر حملہ کر کے پانچ سے زاہد بکریوں کو مار چکے ہیں متعدد بار میونسپل کمیٹی کے چیئر مین کو اس بار ے میں شکایت کرنے کے باوجود کسی قسم کا کوئی نوٹس نہ لیا گیا ہے جس کی وجہ سے شہریوں کا نقصان ہو رہا ہے جبکہ گندگی اور غلاظت سے کی وجہ سے شہری مختلف بیماریوں کا شکا ر ہو رہے ہیں۔عوامی حلقوں نے اعلیٰ احکام سے مطالبہ کیا ہے کہ وہ شہر میں صفائی کی نظام کو موثر بناتے ہوئے گندگی اور غلاظت کے ڈھیر ختم کریں اور شہر اور گردو نواح سے آوارہ کتوں کا خاتمہ کیا جائے ۔

ایس ڈی او سوہاوہ کی نااہلی سوہاوہ شہر اور گردو نواح میں بجلی کی غیراعلانیہ لوڈ شیڈنگ 12گھنٹے سے تجاوز کر گئی

سوہاوہ (بشیراحمد تارڑ ) ایس ڈی او سوہاوہ کی نااہلی سوہاوہ شہر اور گردو نواح میں بجلی کی غیراعلانیہ لوڈ شیڈنگ 12گھنٹے سے تجاوز کر گئی جبکہ وولٹیج سو سے بھی کم درجنوں ٹرانسفارمر خراب تفصیلات کے مطابق سوہاوہ شہر کے گردونواح میں ایس ڈی او واپڈا کی نااہلی سے درجنوں ٹرانسفارمر خراب ہونے کی وجہ سی شہری روز دار اس شدید گرمی میں نہ صرف اذیت کا شکار ہیں بلکہ چوبیس گھنٹے سے زائد وقت گزرنے کے باوجود ٹرانسفارمر مرمت نہ ہونے کی وجہ سے مسجدوں اور گھروں میں پانی کی شدید قلت پیدا ہوگئی ہے جبکہ شہر میں لوڈ شیڈنگ کا دورانیہ بارہ گھنٹے سے بھی تجاوز کر چکا ہے رمضان المبارک میں لوڈ شیڈنگ نہ کرنے کے حکومتی دعوئے ہوا میں اڑا دیے گئے بارہ گھنٹے سے زائد کی لوڈ شیڈنگ سے کاروبار زندگی مفلوج ہو کر رہ گیا ٹیلرنگ کا کام کرنے والوں کو سخت پریشانی کا سامنا ہے کاروباری اور عوامی حلقوں نے وفاقی وزیر پانی و بجلی سے مطالبہ کیا ہے کہ وہ رمضان المبارک میں لوڈ شیڈنگ نہ کرنے کے وعدے کو پورا کریں

واپڈا اِن ایکشن، عدم ادائیگی بل کی بناء پر پاسپورٹ آفس گوجرخان کابجلی کنکشن کاٹ دیا گیا

گوجرخان (عبدالستار نیازی)واپڈا اِن ایکشن، عدم ادائیگی بل کی بناء پر پاسپورٹ آفس گوجرخان کابجلی کنکشن کاٹ دیا گیا، عوام ذلیل و خوار ، تفصیلات کے مطابق سوموار کے روز علی الصبح واپڈا اہلکاران نے پاسپورٹ آفس گوجرخان کا بجلی کنکشن کاٹ دیا ، جس کے باعث عوام شدید گرمی میں پاسپورٹ آفس میں محصور ہوکر رہ گئے، پاسپورٹ آفس میں نصب شدہ جنریٹر بھی عدم دیکھ بھال کی بناء پر انتہائی خستہ حالت کا شکارہے جس نے بھی عوام کے غم و غصہ میں شدید اضافہ کیا، عوام نے احتجاج کرتے ہوئے مطالبہ کیا ہے کہ موجودہ حکومت عوام کو ریلیف دینے کی بجائے ان سے بدلہ لے رہی ہے، پاسپورٹ آفس عوامی سہولت کے پیش نظر بنایا گیا تھا مگر اس میں بجلی جیسی بنیادی سہولت کا نہ ہونا حکومت وقت کیلئے ایک سوالیہ نشان ہے، عوام نے مطالبہ کیا ہے کہ جلد از جلد بجلی کنکشن بحال کرایاجائے اور ذمہ داران کو قرار واقعی سزا دی جائے۔

رمضان میں چور سرگرم ،رات کی تاریکی میں نامعلوم چور بھائی خان سے گاڑی چوری کر کے لے گئے

گوجرخان (عبدالستار نیازی) رمضان میں چور سرگرم ،رات کی تاریکی میں نامعلوم چور بھائی خان سے گاڑی چوری کر کے لے گئے ، تفصیلات کے مطابق بھائی خان کے کونسلر کے سسر کی گاڑی گزشتہ روز جی ٹی روڈ سے ملحقہ روڈ پر کھڑی تھی کہ نامعلوم چور اسے لے اُڑے، کونسلر کے سسر گوجرخان کے رہائشی ہیں ، پولیس نے مقدمہ درج کر کے گاڑی کی تلاش شروع کر دی ہے۔

گلیانہ موڑ گوجرخان موٹرسائیکل ورکشاپ میں آتشزدگی،سامان جل کر خاکستر ہوگیا

گوجرخان (عبدالستار نیازی ) گلیانہ موڑ گوجرخان موٹرسائیکل ورکشاپ میں آتشزدگی،سامان جل کر خاکستر ہوگیا ، ریسکیو 1122 کی فائر بریگیڈ موقع پر تاخیر سے پہنچی، تفصیلات کے مطابق علی الصبح تقریباً 8بجے گلیانہ موڑ میں واقع حفیظ آٹوز میں اچانک آگ بھڑک اٹھی جس نے ساری دکان کو اپنی لپیٹ میں لے لیا، آگ کی شدت کے باعث تمام سامان جل کر خاکستر ہوگیا، ریسکیو 1122کی گاڑی دس منٹ بعد پہنچی تو سارا سامان کوئلہ بن چکا تھا، تاہم ریسکیو کے عملہ نے آگ کو بجھایا، آگ لگنے کی وجہ شارٹ سرکٹ بتائی جارہی ہے۔

حادثہ میں دو مو ٹر سائیکل سوارنو جوان جاں بحق ہو گئے

Gujar Khan city
گو جر خان(نامہ نگار)شہری حدود میں ٹریفک کے ایک حادثہ میں دو مو ٹر سائیکل سوارنو جوان جاں بحق ہو گئے۔ حادثہ اس قدر شدید تھا کہ مو ٹر سائیکل سوار دور تک گھسٹتے چلے گئے اور مو قع پر ہی چل بسے۔ ڈرائیور موقع سے فرار ہو گیا۔محمدثاقب نے پو لیس تھا نہ گو جر خان کو بتا یا کہ وہ محمد وحید کے ہمراہ علی الصبح مر کزی جا مع مسجد گو جر خان میں فجر کی نماز پڑھ کر جا رہا تھا کہ میرے ساتھ دوسرے مو ٹر سائیکل پر بہرام قاسم سکنہ بچہ اور عثمان سکنہ راولپنڈی بھی جا رہے تھے۔ جب وہ بڑکی موڑ یو ٹرن پر پہنچے تو پیچھے سے مر غیوں بھر ایک منی ٹرک آ رہا تھا جسکا ڈرائیور شہری حدود کے با وجود بہت زیادہ سپیڈ میں چلا رہا تھا ۔ اس نے انتہائی غیر ذمہ دارانہ ڈرائیونگ کا مظاہرہ کرتے ہو ئے انہیں پیچھے سے زور سے ٹکر ماری اور موٹر سائیکل کو دور تک گھسیٹتا چلا گیا ۔ جس سے دو نوں نو جوان مو قع پر ہی جا ں بحق ہو گئے عینی شاہد محمد رشید صائم نے بتا یا کہ منی ٹرک کے ڈرائیور نے رانگ سائیڈ پر جا کر مو ٹر سائکل کو ٹکر ماری ۔ حادثے کے فوری بعد ڈارئیور سڑک کے قریب گلیوں میں فرار ہو گیا۔پو لیس تھانہ گو جر خان نے نا معلوم ڈرائیور کے خلاف مقدمہ درج کر کے اسکی تلاش شروع کر دی ہے۔ادھربہرام قاسم کو اتوار کی شام نواحی قصبہ بچہ کھنیارہ شریف میں سپر د خاک کر دیا گیا۔

گورنمنٹ بوائز ہائی سکول نابن جنجوعہ کے ہیڈ ماسٹر نے سکول کی زمین سے را ستہ دید یا

school2
گو جر خان(نامہ نگار)گورنمنٹ بوائز ہائی سکول نابن جنجوعہ کے ہیڈ ماسٹر نے کمرے گرا کر سکول کی زمین سے من پسندفراد کو را ستہ دید یا ۔ سکول کونسل کے ممبران را جہ محمد افسر، حاجی عبد الحق اور را جہ طیب نواز نے تفصیلات سے آ گاہ کرتے ہو ئے بتا یا کہ علاقہ کے مخیر لو گوں نے سکول کو زمین عطیہ کی تھی جسے سکول کی حدود میں شامل کر نے کے بعد جس پر کمرے بھی بنا دئے گئے ۔اور سکول کے طلبا کی سہولیات میں اضافہ ہوا۔ تا ہم اعلی حکام سے اجازت لئے بغیر سکول کے ہیڈ ماسٹر نے اپنے کچھ افراد کو نواز نے کے لیے سکول کے کمرے گرا کر انکے لیے سڑک بنا دی ۔ کو نسل کے ممبران نے کہا کہ اس سلسلے میں اعلی حکام کو درخواستیں دیدی گئی ہیں۔ انہوں نے وزیر اعلی پنجاب شہباز شریف اورضلعی انتظامیہ سے صورتحال کا نوٹس لینے کا مطالبہ

جی ایم گیس نے گو جر خان میں قدرتی گیس کے پریشر کی کمی کے مسئلہ کا نو ٹس لے لیا

Gas Pipeline 2
گو جر خان(نامہ نگار)جی ایم گیس اسلام آ باد ظہور احمد نے گو جر خان میں قدرتی گیس کے پریشر کی کمی کے مسئلہ کا نو ٹس لے لیا۔ گھریلو صارفین کی مشکلات پر قابو پا نے اور ٹیمیں گو جر خان بھجوا نے کی ہد ایت۔ پارلیمانی سیکر ٹری را جہ جا وید اخلاص کے فوکل پرسن حاجی ملک محبوب حسین اس سلسلے میں رابطہ کار کا کردار ادا کر رہے ہیں۔ گذشتہ ایک ہفتہ سے زائد عرصہ سے گو جر خان میں گیس کا پریشر انتہائی کم ہے جو چالیس سے کم ہو کر آ ٹھ تک آ گیا تھا۔ گھریلو صارفین کے چو لہے با لکل بند ہو گئے حتی کہ سحری و افطاری کے اوقات میں بھی شہری گیس سے بالکل محروم رہتے۔ فوکل پر سن حاجی ملک محبوب حسین نے بتا یا کہ اس سلسلے میں جی ایم گیس ظہور احمد سے رابطہ کیا گیا جنہوں نے ڈائریکٹر سمیع اللہ کو مسئلہ فوری طور پرحل کر نے کی ہدایت کی۔ انہوں سے ملک محبوب حسین سے رابطہ کیا ہے۔ اور توقع ہے کہ پیر یا منگل تک دن میں گھریلو صارفین کے لیے پریشردن میں تیس پوائنٹ اور سہہ پیر چار بجے کے بعد پینتالیس پوائنٹ کر دیا جا ئے گا۔ملک محبوب حسین نے کہا ہے کہ آئندہ گھریلو صارفین کو سحری و افطاری کے اوقات میں گیس کمی کی شکایت با لکل بھی نہیں ہو گی۔ انہوں نے تعاون پر جی ایم گیس ظہور احمد کا شکریہ ادا کیا۔

پٹرول کے منافع کی ڈی ریگولیشن کی تجویز کی مذمت کرتے ہیں،خواجہ قیصر فاروق

Khawaja Qaiser
گو جر خان(نامہ نگار)گو جر خان کے تاجر راہنما خواجہ قیصر فاروق نے پٹرول کے منافع کی ڈی ریگولیشن کی تجویز کی مذمت کرتے ہو ئے کہا ہے کہ اس سے تجارتی سر گر میاں برے طریقے سے متاثر ہو ں گی اور مہنگائی کا ایک نیا طوفان آئے گا۔ یہاں میڈیا سے گفتگو کرتے ہو ئے انہوں نے کہا کہ حکومت پٹرول پمپ مالکان اور آئل کمپنیوں کے منافع کی ڈی ریگولیشن کر نے جا رہی ہے جس سے تاجر برادری اور عوام بہت برے طریقے سے متاثر ہو ں گے وزیر خزانہ اسحاق ڈار کی اس ڈیل سے زراعت اور صنعت پر منفی اثرات مرتب ہو ں گے ۔ وزیر اعظم نواز شریف اس تجویز کو مسترد کریں اس سلسلے میں حکومت نے پٹرول پمپ مالکان اور آئل فیکٹریوں کا جو منافع قائم کر رکھا ہے اسی نظام کو جا ری رکھا جا ئے۔خواجہ قیصر فاروق نے کہا کہ اپنے منافع کے تعین کا مالکان کو خود اختیار دینے سے قیمتوں میں اضافے کا نہ ختم ہو انے والا سلسلہ شروع ہو جا ئے گا۔

تحصیل روڈ پر ٹریفک کا مسئلہ گھبیر صورتحال اختیار کر گیا

gujar khan city
گو جر خان(نامہ نگار)تحصیل روڈ پر ٹریفک کا مسئلہ گھبیر صورتحال اختیار کر گیا ہے۔اور دن ہو یا رات یہاں ہیوی ٹریفک کے باعث ٹریفک بند رہنا معمول بن چکا ہے۔ گو جر خان بار ایسو سی ایشن کے سابق سیکر ٹری احمد ادریس مرزا اور مرزا لیاقت حسین نے جنگ کو بتا یا کہ مقامی انتظامیہ نے دن کے اوقات میں بھاری ٹریفک کے تحصیل روڈ پر آ نے پر پا بندی لگا رکھی ہے مگر بڑے ٹرک پھر بھی یہاں آ کر ٹریفک بلاک کر دیتے ہیں۔ جبکہ رات کو وہ راستہ بھی انہیں چھوڑتے۔ انہوں نے کہا کہ یہ راستہ نصف شہر پر مشتمل آ بادی استعمال کرتی ہے جنکا متبادل کو ئی راستہ نہیں ہے۔ انہوں نے مزید کہا کہ مین با زار میں رکشوں نے الگ مسائل پیدا کر رکھے ہیں۔جنہوں نے سڑک پر خود ساختہ اڈے بنا کر شہریوں کے لیے مشکلات پیدا کر رکھی ہیں۔ انہوں نے اعلی حکام سے مطالبہ کیا کہ اس مشکل کو آ سان کر نے کے لیے کوئی حل نکا لا جا ئے تحصیل روڈ اور مین با زار کے راستے کھلے رکھے جائیںَ

بلدیہ گو جر خان واحد فلٹریشن پلانٹ سے پا نی کی فراہم یقینی بنائی جائے

gujar khan watarگو جر خان(نامہ نگار)رمضان المبارک کو شروع ہو ئے دو ہفتے ہو گئے ہیں مگر بلدیہ گو جر خان واحد فلٹریشن پلانٹ سے شہریوں کو پینے کے صاف پا نی کی فراہم یقینی بنانے اور اسکی ٹونٹیاں مرمت کرانے میں نا کام رہی ہے ۔جس لوگ شدید عذاب ہیں۔ فلٹریشن پلانٹ کی گیارہ میں سے صرف تین ٹونٹیاں کام کر رہی ہیں باقی کے آگے گھٹکے لگائے گئے ہیں۔ جبکہ تین مکمل طور پر بند ہیں۔شہریوں نے کہا ہے کہ چئیرمین بلدیہ گو جر خان شاہد صراف اپنی سخاوت کا بہت پروپیگنڈہ کرتے ہیں کیا وہ فلٹریشن پلانٹ کو مکمل طور پر فنکشنل نہیں کر سکتے۔انہوں نے ضلعی انتظامیہ اور اسسٹنٹ کمشنر سے مطالبہ کیا کہ وہ لو گوں کو مشکلات سے نجات دلائیں اور شہریوں کو مکمل طور پر بلدیہ کی نا اہل انتظامیہ کے سپرد نہ کریں جو حکومت کی بد نامی کا باعث بن رہے ہیں۔

گو جر خان ،رمضان المبارک کے مہینے میں بجلی گیس اور پا نی سے محروم کر دیا گیا ہے، قاضی نعمان احمد

GUJAR KHAN CITY 95
گو جر خان(نامہ نگار)گو جر خان بار ایسو سی ایشن کے سابق صدر قاضی نعمان احمد نے کہا ہے کہ تمام وزیر مشیر اور حکومتی مشینری وزیر اعظم اور انکے خاندان کو جے آئی ٹی کے عذاب سے نکالنے کی کو ششوں میں مصروف ہے دوسری طرف عوام کو ایک عذاب میں مبتلا کر دیا گیا ہے انہوں نے کہا کہ ملک کے دیگر حصوں کی طرح گو جر خان کے لو گوں کو رمضان المبارک کے مہینے میں بجلی گیس اور پا نی سے محروم کر دیا گیا ہے ۔ کئی دنوں سے سحری و افطاری کے اوقات میں بھی گیس اور بجلی کی فراہمی روک دی جا تی ہے۔ قاضی نعمان نے کہا کہ اس سلسلے میں حکومت یا ممبران اسمبلی کی طرف سے کوئی وضاحت نہیں کی گئی کہ جون کے مہینے میں گیس کا پریشر کیوں کم کر دیا گیا ہے ۔ہماری معلو مات کے مطابق حکومت میں بیٹھے سر ما یہ داروں کی فیکٹریوں کو گیس کی وافر فراہمی کے لیے گو جر خان کے گھریلو صارفین کے گیس پریشر میں کمی کی گئی ہے انہوں نے کہا کہ سحری و افطاری میں رو زے داروں کو بنیادی سہولیات سے محروم کر نا عذاب الہی کو دعوت دینے کے مترادف ہے۔

شہر کی رش والی مارکیٹوں میں وردی اور سادہ کپڑوں میں اہلکار تعینات کریں،محمد شاہد قریشی

Muhammad Shahid Quresh
گو جر خان(نامہ نگار)صرافہ ایسو سی ایشن کے چئیرمین محمد شاہد قریشی نے کہا ہے کہ رمضان المبارک میں شہر کی مارکیٹوں میں عید کا رش شروع ہو تے ہی جیب کتروں، جیب کترنیوں اور اوباز نو جوا نوں کی تعداد میں اضافہ ہو جا تا ہے۔ہر بار ان دنوں خواتین سے پرس چھینے، انکے ساتھ چھیڑ خوانی کرنے،پرس چھیننے اور جیب کاٹنے ایسی وارداتوں میں اضافہ ہو جا تا ہے۔ انہوں نے کہا کہ مقامی پو لیس چاند اس وقت حرکت میں آتی ہے جب کوفی نقصان ہو چکا ہو تا ہے۔ شاہد قریشی نے اے ایس پی گو جر خان اور ایس ایچ او سے مطالبہ کیا کہ وہ فوری طور پر شہر کی رش والی مارکیٹوں میں وردی اور سادہ کپڑوں میں اہلکار تعینات کریں اور وارداتیں ہو نے سے قبل انکی روک تھام کریں۔

ٹر یفک حا د ثے میں 9سا لہ بچہ جا ں بحق حا د ثہ پنڈ ی ر و ڈ پر پیش آ یا

hadsa
کلر سیداں(پر و یز و کی سے)کلر سید اں شہر میں ٹر یفک حا د ثے میں 9سا لہ بچہ جا ں بحق حا د ثہ پنڈ ی ر و ڈ پر پیش آ یا تفصیلا ت کے مطا بق ا تو ا ر کے ر و ز ر کشے میں سو ا ر فیملی ا پنے گھر جا ر ہی تھی کہ سا منے سے آ نے و ا لے ٹر یکٹر ٹر ا لی نمبر ی RIS5207نے چنگ چی کو ٹکر ما ر ی جس کی نتیجہ میں چنگ چی میں سو ا ر فیملی کا 9سا لہ بیٹا حا شیر ولد طا ہر سا کن ڈ ھو ک مک حا دثہ کے نتیجہ میں مو قع پر ہی جا ں بحق ہو گیا جسے فو ر ی طو ر پر ٹی ا یچ کیو ہسپتا ل لا یا گیا جہا ں ڈ ا کٹر و ں نے ا س کی مو ت کی تصد یق کر د ی ڈ یو ٹی پر مو جو د ٹر یفک پو لیس کے بیٹ ا نچا ر ج بلا ل ا شر ف نے مو قع پر پہنچ کر ٹر یکٹر ٹر ا لی ڈ ر ا ئیو ر ا و ر چنگ چی ر کشہ ڈ ر ا ئیو ر کو پو لیس کے حو ا لے کر د یا پو لیس نے ٹر یکٹر ڈ ر ا ئیو ر عبد ا لعز یز سا کن صا د ق آ با د ا و ر چنگ چی ڈ ر ا ئیو ر و ا صف سکنہ منگلو ر ہ کو گر فتا ر کر کے ضر و ر ی کا ر و ا ئی شر و ع کر د ی ۔

مشہور مقدمہ قتل ناہید اختر زوجہ محمدشبیرقریشی کے ملزم کوعدالت نے سزائے موت کاحکم دے دیا

cort order
کلر سیداں(پر و یز و کی سے)کلرسیداں کے مشہور مقدمہ قتل ناہید اختر زوجہ محمدشبیرقریشی کے ملزم کوعدالت نے سزائے موت کاحکم دے دیا۔ تفصیلات کے مطابق بھیائی مہرعلی خان کے محمدشبیرقریشی اپنی اہلیہ ناہید اخترکے ہمراہ ناروے میں مقیم تھا اس دوران انھوں نے کلرسیداں شہرمیں بھی اپناگھرتعمیرکرنے کافیصلہ کیا۔ جس کے لئے ناہید اخترناروے سے کلرسیداں منتقل ہوئی، اور انھوں نے مکان کی تعمیرشروع کرادی۔ اسی دوران ان کی ایک مزدور ذکاء اللہ ساکن موہڑہ وینس یوسی مغل تھانہ روات سے شناسائی ہوئی جس نے گھرتک رسائی حاصل کرلی۔ 23دسمبر2014ء کوذکاء اللہ نے ناہید اختر کے گھردستک دی اس نے دروازہ کھولا تو ملزم نے تیل ڈال کراسے آگ لگا دی، جس سے وہ خود بھی جھلس گیاتھا، ناہید اختر کوہسپتال پہنچایاگیا جہاں اس نے اپنے نزعی بیان میں کہاکہ اسے آگ ذکاء اللہ نے لگائی۔ جس کے بعد ناہید اختر کوناروے منتقل کیاگیا جہاں اس نے دم توڑ دیا۔ ایڈیشل سیشن جج راولپنڈی حسنین رضا کی عدالت میں ملزم کے خلاف چالان پیش ہوا، استغاثہ کی جانب سے راجہ ستااللہ ایڈووکیٹ سپریم کورٹ نے دلائل دیئے ، عدالت نے دلائل سے اتفاق کرتے ہوئے ملزم کوسزائے موت کاحکم سنادیا۔ یادرہے کہ ملزم پہلے ہی اڈیالہ جیل میں قیدہے

طویل عرصے کے بعد چوآ خالصہ میں تعمیر وترقی کے کام شروع ہوئے ہیں

Thanks-A-in-English
کلر سیداں(پر و یز و کی سے)وفاقی وزیر پٹرولیم شاہد خاقان عباسی کی جانب سے مہیا کی گئی 35لاکھ کی گرانٹ سے چوآ خالصہ میں سات گلیوں کی تعمیر مکمل کر لی گئی ۔چئیر مین یو سی چوآ خالصہ سید راحت علی شاہ نے کہا ہے کہ ایک طویل عرصے کے بعد چوآ خالصہ میں تعمیر وترقی کے کام شروع ہوئے ہیں جس کا سہرا شاہد خاقان عباسی کے سر جاتا ہے۔انہوں نے کہا کہ یو سی چوآ خالصہ میں شاہد خاقان عباسی کے تعاون سے گلیات کی تعمیر مکمل کر لی گئی شاہد خاقان عباسی نے یو سی چوآ خالصہ میں سوئی گیس کی فراہمی کے لیے بیس کروڑ اور کلر سیداں سے سر صوبہ شاہ براستہ چوآ خالصہ دو رویہ شاہراہ کی تعمیر کے لیے ایک ارب کی رقم رکھی ہے ۔عید کے فوری بعد چوآ خالصہ میں سوئی گیس کا کام شروع کیا جا رہا ہے جس سے علاقے کی تقدیر بدل جائے گی ۔انہوں نے کہا کہ یو سی چوآ خالصہ کے لوگ بھاری گرانٹ کی فراہمی پر شاہد خاقان عباسی اور حافظ عثمان عباسی کے بڑے مشکور ہیں جن کی بدولت ماضی کی محرومیوں کا ازالہ کیا جا رہا ہے۔انہوں نے کہا کہ چوآ خالصہ سے دھمالی اور سداکمال سڑکوں کی تعمیر بھی جلد شروع ہو گی ڈھوک بابا گوہر پانچ کلومیٹر سڑ ک کے لیے بھی شاہد عباسی نے رقم مختص کر دی ہے ۔انہوں نے کہا کہ آنے والا دور لوگوں کی خوشحالی کا دور ہو گا ماضی کی محرومیوں کا ازالہ کر دیا جائے گا۔

ہم مسلم لیگ ن کی مضبوطی کیلئے اپنی مخلصانہ کوششیں کرتے رہیں گے، میجر(ر) طاہرا قبال

maj tahir1
ڈھڈیال ( بیورورپورٹ) ممبر قومی اسمبلی میجر(ر) طاہرا قبال نے کہا ہے کہ سیاسی مفاد پرستوں کو ہمیشہ کی طرح ناکامی ہوگی۔راول نیوز سے خصوصی گفتگو کرتے ہوئے انہوں نے کہاکہ آج مسلم لیگ ن کے ساتھ اپنی نام نہاد محبت کااظہا رکرنے والوں کو ماضی میں تھوڑا ضرور جھانک لینا چاہیے۔ میجر(ر) طاہر اقبال نے کہا کہ پارٹی کے دیرینہ کارکنوں نے سیاسی مفادپرستوں کوکبھی قبول نہیں کیاجو لوگ ایک مخصوص ایجنڈے کے تحت مسلم لیگ ن میں شامل ہوئے ہیں ان کے عزائم کسی صورت کامیاب نہیں ہوں گے۔ انہوں نے کہاکہ مسلم لیگ ن کی اعلیٰ قیادت سے ضلع چکوال کے مسائل اور اہم منصوبوں کی بروقت تکمیل کیلئے رابطہ میں ہیں اور حکومت کی طرف فراہم کیے گئے فنڈز سے عوام کی فلاح وبہبود کیلئے ہرممکن اقدامات کئے جائیں گے۔ انہوں نے کہا کہ بے بنیاد پروپیگنڈے سے اجتناب کیا جائے ۔ وقت آنے پر سب کو معلوم ہوجائے گا کہ کس کی کیا حیثیت ہے ۔ ہم مسلم لیگ ن کی مضبوطی کیلئے اپنی مخلصانہ کوششیں کرتے رہیں گے

error: