گرما گرم خبریں

سکھو تا چْورہ لنک روڈ کھنڈر بن گئی
مسلم لیگ میں دراڑیں ڈالنے کی تمام سازشیں نا کام ہو چکیں، چو ہدری محمد ریاض
چوہدری حیدر سلطان کی کامیابی کیلئے بھرپور جہدوجد کریں گے ، راجہ شوکت عزیز بھٹی
پریس کلب سکھو نے کے عہدیداران کا بلامقابلہ منتخب ہونا خوش آئند ہے، ایڈوکیٹ محمد ارسلان قریشی
مسلم ممالک کی طرف سے یرو شلم کو فلسطینی دارلحکومت قرار دینا احسن قدام ہے ،قاضی شو کت محمود
دیہاتی سکولوں کا نیشنل ایوارڈ جیتنا باعث فخر ہے ، انجینئر قمر الاسلام راجہ

Category: خاص خاص خبریں

رانا ثناء اللہ پارٹی کو مزید نقصان سے بچانے کے لیے فوری طور پر مستعفی ہو جائیں،عابد زاہدی 


کلر سیداں(پر و یز و کی سے)مسلم لیگ ن کے ممبر میونسپل کمیٹی عابد زاہدی نے کہا ہے کہ وزیر قانون رانا ثناء اللہ پارٹی کو مزید نقصان سے بچانے کے لیے فوری طور پر مستعفی ہو جائیں ملک اور پارٹی کے وسیع تر مفاد کی خاطر رانا ثناء اللہ کو از خود مستعفی ہو جانا چاہیے تین اراکین اسمبلی کا مستعفی ہونا حالات کی سنگینی کو ظاہر کرتا ہے مسلم لیگ ن کی قیادت حالات کی سنگینی کا ادراک کرے مزید استعفوں کا انتظار کرنے اور مذہبی حلقوں کی ناراضگی مول لینے کے بجائے متنازعہ بیان دے کر پارٹی کے لیے مشکلات کھڑی کرنے والے رانا ثنا اللہ کو فارغ کر دینا چاہیے ۔ ان خیالات کااظہار انہوں نے اپنے اخباری بیان میں کیا انہوں نے کہا کہ اپنے اراکین اسمبلی کو تڑیا ں لگا نا اور اشتعال انگیز بیانات سے مذہبی حلقوں کے جذبات سے کھیلنا کونسی دانشمندی ہے حکومت نے اسلام آباد دھرنے سے کوئی سبق نہیں سیکھا رانا ثنا ء اللہ کی ناک بچانے کے بجائے ملک بچانے کی فکر کرنی چاہیے دھرنے اور سیاسی افراتفری ملک کے مفاد میں نہیں ختم نبوت پر سیاست نہیں ہوسکتی یہ ہمارے ایمان کا حصہ ہے انہوں نے کہا کہ ان حالات میں چوہدری نثارعلی خان واحد لیڈر ہیں جو معاملات کو احسن طریقے سے سنبھال سکتے ہیں انہوں نے چوہدری نثارعلی خان سے مطالبہ کیا کہ وہ عوام کے جذبات کی ترجمانی کرتے ہوئے ختم نبوت کے معاملہ میں قوم کو اعتماد میں لینے کے لیے پارٹی کی کمان سنبھالیں ۔

گوجرخان میں مسلم لیگی قائدین کی قیادت میں ن لیگ ناقابل شکست قوت بن چکی ہے، احسن محمود مرزا


دولتالہ(نمائندہ خصوصی)مسلم لیگ عوامی مسائل کے خاتمے اور ریلیف کی فراہمی کے لیے ہر ممکن اقدامات اٹھا رہی ہے گوجرخان میں مسلم لیگی قائدین کی قیادت میں ن لیگ ناقابل شکست قوت بن چکی ہے پارلیمانی سیکرٹری راجہ محمد جاوید اخلاص ،ایم پی اے راجہ شوکت عزیز بھٹی اور صدر مسلم لیگ ن گوجرخان راجہ محمد حمید ایڈوکیٹ کی علاقہ عوام کے لیے خدمات ہمیشہ سنہری حروف میں لکھی جائیں گی ان خیالات کا اظہار مسلم لیگی رہنما احسن محمود مرزا نے اپنے ایک بیان میں کیا انہوں نے کہا کہ بلاشبہ مسلم لیگ ن کا موجودہ دور پاکستان کا سنہری دور ہے مشکلات اور مسائل کے باوجود سابق وزیر اعظم میاں محمد نواز شریف کی قیادت میں سی پیک منصوبے کی تکمیل ،میٹروبس سروس ،اورنج ٹرین ،موٹر ویز کے قیام سمیت درجنوں میگا پراجیکٹس ملکی ترقی اور خوشحالی کے لیے اہم سنگ میل ثابت ہو رہے ہیں انہوں نے کہا کہ مسلم لیگی قائدین تحصیل گوجرخان کی تعمیر و ترقی کے لیے ہر ممکن وسائل بروئے کار لا رہے ہیں مندرہ چکوال مرکزی شاہراہ کی تعمیر ،حلقہ بھر میں رابطہ سڑکوں کی تعمیر ،گاؤں گاؤں قریہ قریہ گیس اور بجلی کی سہولیت کی فراہمی کا سلسلہ جاری ہے ان شاء اللہ2018کے الیکشن میں مسلم لیگ ن کارکردگی کی بنیاد پر کامیابی حاصل کرئے گی

دولتالہ میں شہداء کانفرنس کا انعقاد کیا جائے گا ،چوہدری علی اصغر


دولتالہ(نمائندہ خصوصی) شہیدوں کو خراج تحسین پیش کرنے کے لئے جلد دولتالہ میں شہداء کانفرنس کا انعقاد کیا جائے گا ،شہداء کے والدین کو اعزازی شیلڈز دی جائیں گی،شہیدوں کی قربانیاں قوم کی حیات ہیں ان خیالات کا اظہار چیئر مین شہداء فاؤنڈیشن چوہدری علی اصغر نے اپنے اخباری بیان میں کیا انہوں نے کہا کہ پاکستانی قوم اپنے شہیدوں کی قربانیاں کو ہمیشہ قدر کی نگاہ سے دیکھتے ہیں شہیدوں کا عظیم رتبہ ہوتا ہے اور وہ اللہ اور اس کے رسول کے دوست ہوتے ہیں انہوں نے کہا جلد ہی دولتالہ میں عظیم الشان شہداء کانفرنس کا انعقاد ہو گا جس میں شہداء اور ان کے والدین کو خراج تحسین پیش کیا جائے گا

سید مشتاق نقوی اور راجہ پرویز اختر کو مبارکباد


دولتالہ(نامہ نگار) پریس کلب واہ /ٹیکسلا کے نومنتخب صدر سید مشتاق نقوی جنرل سیکر ٹری سید ندیم زیدی اور ندیم الرحمان شہید پریس کلب سکھو کے نومنتخب صدر راجہ پرویز اختر اور جنرل سیکرٹری محمد فرقان قریشی کو بلامقابلہ کامیابی پر سوار محمد حسین شہید (نشان حیدر )پریس کلب دولتالہ کے صدر سید منور نقوی ودیگر عہدیداران نوید افسر راجہ،راجہ حاجی احمد،چوہدری عابدحسین،محمد اشفاق انجم،چوہدری محمد نواز،چوہدری محمد اسحق،نوید اسلم فرحت،لیاقت بھٹی،شکیل احمد ،محمد آفتاب راجہ،راجہ حسن اختر،ابرار کنول،ضیاء الحسن ہاشمی،کاشف نذیر،شیخ وقاص ،شعیب السلام،بابر زمان،اور عدنان حیدری نے دلی مبارکباد دی ہے

را جہ جا وید اشرف کاگلیانہ روڈ پر سو زو کی پک اپ حادثہ پر افسوس کا اظہار


گوجرخا ن( نامہ نگار)پیپلز پارٹی کے را ہنما را جہ جا وید اشرف نے گلیانہ روڈ پر سو زو کی پک اپ کی غفلت سے ٹریفک کے المناک حا دثہ میں جا ں بحق ہو نے والے فرسٹ ائیر کے طا لبعلم محمد عذیر کے والدین کو انصاف دلا نے کا مطا لبہ کیا ہے ۔ محمد عذیر کی نماز جنا زہ کے بعد انہوں نے میڈیا سے بات چیت کرتے ہو ئے کہا کہ یہ کتنا ظلم ہے کہ دو نوں بھائی پڑھنے کے لیے اکیڈیمی جا رہے تھے کہ ایک اناڑی سو زو کی ڈرائیور کی غلطی سے چھوٹا بھائی چشم زدن میں موت کے منہ میں چلا گیا اور دو سرا شدید زخمی ہو گیامگر ابھی تک پو لیس ڈرائیور کا سراغ نہیں لگا سکی اور حادثے کی ذمہ دار سو زوکی پک اپ بھی موقع سے غائب کر دی گئی را جہ جا وید اشرف نے کہا کہ ایک جواں سال بچے کی المناک ہلاکت پر علاقے میں شد ید غم و غصہ پا یا جا تا ہے ۔ لہذا پو لیس حادثے کے مرتکب ڈارئیور کو گرفتار کر کے قرار واقعی سزا دلا ئے اور پک اپ قبضہ میں لے اسی طرح غمزدہ والدین کی کچھ اشک شو ئی ہو سکتی ہے ۔

پریس کلب جاتلی کا اہم اجلاس زیر صدارت راجہ محمد ریاض منعقد ہوا


جاتلی(نامہ نگار)پریس کلب جاتلی کا اہم اجلاس زیر صدارت راجہ محمد ریاض منعقد ہوا جس میں دیگر عہدیداران راجہ سعید اقبال،نوید اسلم فرحت،چوہدری وقار احمد،ناصر خان،کاشف نذیر،اسد،ثاقب ،اسامہ،عامر سعید ،عدیل احمد شانی نے شرکت کی اجلاس میں جنرل سیکرٹری نوید اسلم فرحت نے سال 2017کی کارکردگی پیش کی اس موقع پر سر پرست اعلیٰ راجہ سعید اقبال نے سال 2017کی کارکردگی پر اطمنان کا اظہار کرتے ہوئے تمام عہدیداران اور اراکین کو دلی مبارکباد پیش کی

پریس کلب سکھو کو کامیابی صحافتی سال مکمل کرنے پر خراج تحسین پیش کرتا ہوں، راجہ ہارون کیانی 


سکھو (نمائندہ خصوصی) پریس کلب سکھو کو کامیابی صحافتی سال مکمل کرنے پر خراج تحسین پیش کرتا ہوں، پریس کلب سکھو نے ہمیشہ عوامی مسائل کو اعلیٰ سطح پر اجاگر کیا ہے، ان خیالات کا اظہار پاکستان تحریک انصاف حلقہ پی پی فور کے امیدوار برائے صوبائی اسمبلی راجہ ہارون کیانی نے گزشتہ روز پریس کلب سکھو کے سال 2018 کے الیکشن کی تقریب سے خطاب کرتے ہوئے کیا، انہوں نے کہا کہ ندیم الرحمان شہید پریس کلب سکھو نے بہت قلیل وقت میں صحافتی میدان میں اپنی صلاحیتوں کا لوہا منوایا ہے، راجہ ہارون کیانی نے کہا کہ عہدیداران کا بلامقابلہ منتخب ہونا کلب ممبران کی آپس کی محبتوں کی عکاسی کرتا ہے، پریس کلب سکھو نے ہمیشہ سکھو کے مسائل کو اعلیٰ سطح پر اجاگر کیا ہے، راجہ پرویز اختر کی قیادت میں قابل ٹیم نے ہمیشہ صحافتی میدان میں گراں قدر خدمات سرانجام دی ہیں، راجہ ہارون کیانی نے کہا کہ منتخب ہونے والے عہدیداران سے نیک خواہشات کا اظہار کرتا ہوں اور امید کرتا ہوں کہ پریس کلب سکھو آئندہ بھی علاقہ کے مسائل کو اعلیٰ سطح پر اجاگر کرتے ہوئے اپنی صحافتی خدمات سرانجام دیتا رہے گا۔

پریڈ گراؤنڈ کے جلسے نے مخالفین کی آنکھیں کھول دی ہیں،شیخ محمدسبحان خالد

2
دولتالہ(نامہ نگار)پریڈ گراؤنڈ کے جلسے نے مخالفین کی آنکھیں کھول دی ہیں پیپلز پارٹی عوام کے دلوں میں زندہ ہے بھٹو ازم کے شیدائی عوام کے دلوں پر ہمیشہ راج کریں گے وقت نے ثابت کیا ہے وطن عزیز کے باسی اپنے قائدین اور جماعت سے پیار کرتے ہیں2018کے الیکشن میں ان شاء اللہ پیپلز پارٹی کی جیت یقینی ہے سابق وزیر اعظم پاکستان راجہ پرویز اشرف اور سرپرست اعلیٰ پی پی پی تحصیل گوجرخان راجہ جاوید اشرف کی قیادت میں گوجرخان کے غیور عوام نے الیکشن سے قبل ہی واضح کر دیا ہے کہ تیر کا انتخابی نشان ہی جیت کا نشان ہو گا ان خیالات کا اظہار یونین کونسل نڑالی کے اہم رکن شیخ محمدسبحان خالداور شٰیخ محمد سلام خالدنے پریڈ گراؤنڈ جلسہ کے بعد میڈیا سے گفتگو کرتے ہوئے کیا انہوں نے کہا کہ کامیاب جلسہ کے انعقاد پر سابق وزیر اعظم راجہ پرویز اشرف،راجہ جاوید اشرف،راجہ خرم پرویزسمیت کارکنوں کو مبارکبادپیش کرتے ہیں انہوں نے کہا کہ شہید بی بی کے ویژن پر عمل پیرا ہو کر پیپلز پارٹی کی قائدین اور جیالے حب الوطنی اور خلوص نیت کے ساتھ پارٹی کے جھنڈے تلے جمع ہیں پیپلز پارٹی پاکستان کی سب مقبول ترین اور بڑی سیاسی پارٹی ہے

اتحاد بین المسلمین وقت کی ضرورت بن چکا ہے ،محمد ارسلان قریشی


سکھو (نمائندہ خصوصی) امریکی صدر ڈونلڈ ٹرمپ کا بیت المقدس کو اسرائیلی دار الحکومت تسلیم کرنے اور امریکی سفارت خانے کی بیت المقدس منتقلی کا اعلان عالمی قوانین کی خلاف ورزی اور عالم اسلام کے خلاف گناؤنی سازش ہے،بیت المقدس مسلمانوں کا قبلہ اول ہے اور عالم اسلام قبلہ اول کی حرمت کی حفاظت کرنا بخوبی جانتے ہیں، ان خیالات کا اظہار پی ٹی آئی سکھو کے سینئیر نائب صدر ایڈوکیٹ محمد ارسلان قریشی نے اپنے ایک بیان میں کیا، انہوں نے کہا کہ امت مسلمہ ایک جسم کی مانند ہیکسی ایک حصے کو بھی تکلیف ہو گی تو پورا جسم متاثر ہو گا،امریکی صدر صیہونی ایجنڈے کی تکمیل اور اسلام مخالف سازشوں میں کھل کے سامنے آ چکے ہیں جس سے عالمی امن کو شدید خطرات لاحق ہیں اور عالمی خانہ جنگی کے خدشات کو تقویت ملی ہے،ایک طرف اسرائیلی حکومت فلسطینی مسلمانوں پر ظلم کے پہاڑ توڑ رہی ہے ایسے حالات میں امریکی صدر کے بیان سے عالم اسلام کے مسلمانوں کے جذبات کو شدید ٹھیس پہنچی ہے، ایڈوکیٹ محمد ارسلان قریشی نے کہا کہ اتحاد بین المسلمین وقت کی ضرورت بن چکا ہے اور قبلہ اول کی حرمت کے خلاف اٹھنے والے ہر قدم کے آگے امت مسلمہ سیسہ پلائی دیوار ثابت ہو گی اور یہودیوں اور صیہونیوں کے ناپاک عزائم کو نیست ونابوت کر دیا جائے گا،انہوں نے کہا کہ ہمارا مطالبہ ہے کہ قومی اسمبلی اور سینیٹ میں امریکی صدر کے بیان کے خلاف قرارداد منظور کی جائے اور پاکستانی حکومت عالمی سطح پر اس کا منہ توڑ جواب دے۔

ختم نبوت قانون میں ترمیم کرنا حکومت کا سیاہ ترین کارنامہ ہے،محمد منظور 


سکھو (نمائندہ خصوصی) ختم نبوت قانون میں ترمیم کرنا حکومت کا سیاہ ترین کارنامہ ہے، عوام حکومتی قادیانیت نوازی کو ہمیشہ یاد رکھے گی، ان خیالات کا اظہار جنرل کونسلر یوسی منگھوٹ محمد منظور نے گزشتہ روز اپنے ایک بیان میں کیا، انہوں نے کہا کہ ن لیگ کی حکومت اقتدار کے نشے میں شریعت کی باغی ہوچکی ہے، بیرونی ایجنڈے کی تکمیل میں حکومتی ارکان نے ختم نبوت کے قانون پر ہاتھ صاف کرنے کی کوشش کی گئی ہے، محمد منظور نے کہا کہ عوام حکومت کی قادیانیت نوازی کو سمجھ چکی ہے جس کا خمیازہ ن لیگ کو آئندہ الیکشن میں بھگتنا ہوگا، انہوں نے کہا کہ ہم حکومتی پالیسیوں کی پْرزور مذمت کرتے ہیں، اور حکومت کو باور کرواتے ہیں کہ عوام اپنے جذبات سے کھیلنے کا بدلہ آئندہ الیکشن میں دے گی،ارباب اختیار کو سوچنا چاہیے کہ طاقت کا گھمنڈ ہمیشہ سر نگوں ہوتا ہے، اقتدار آنی جانی چیز ہے عارضی فوائد کی خاطر اپنی اْخروی زندگی کو نہ برباد کیا جائے۔

صحت اور تعلیم طلبا کیلئے بہت ضروری ہے،چوہدری خورشید بیگ


ڈھڈیال( نامہ نگار) وائس چیئرمین ضلع کونسل چکوال چوہدری خورشید بیگ نے کہا ہے کہ صحت اور تعلیم طلبا کیلئے بہت ضروری ہے۔ صحت مند معاشرہ سے پلنے والے بچے ہی تعلیم کے میدان میں آگے بڑھتے ہیں۔ ہمارے مستقبل کے یہ معمار آگے بڑھ کر معاشرے کی خدمت کریں گے۔ ان خیالات کا اظہار انہوں نے یوسی ہائی سکول ڈھڈیال میں ٹی بی آگاہی کے حوالے منعقدہ سیمیناز سے خطاب کرتے ہوئے کیا۔ جس کی صدارت سینیٹر لیفٹیننٹ جنرل( ر) عبدالقیوم نے کی ۔ اس موقع پر عمائدین شہر بھی موجودتھے ۔ چوہدر ی خورشید بیگ نے کہا کہ وزیراعلیٰ پنجاب میاں شہبازشریف کے حکم پر ڈھڈیال شہر سے گندگی کے تمام ڈھیر اٹھوادئیے گئے جبکہ گراؤنڈ کے مطالبے پر وائس چیئرمین نے کہا کہ ریلوے گراؤنڈ پر قابض افراد کے خلاف سپریم کورٹ میں رٹ دائر ہے۔ امید ہے کہ اس پر بھی جلد فیصلہ آئے گا۔علاقہ کی تعمیر وترقی میرا مشن ہے اور اس پر کام کرتا رہوں گا۔

اظہار تعزیت


دولتالہ(نامہ نگار)یونین کونسل نڑالی کی اہم شخصیت اور اسسٹنٹ سب انسپکٹر سید کبیر شاہ کے چچاسید عبدالرحمن شاہ گزشتہ دنوں اپنے خالق حقیقی سے جا ملے ،ان کی وفات پر سابق وزیر اعظم راجہ پرویز اشرف،چیئرمین شیخ طاہراشفاق،جنرل کو نسلر راجہ سجاد کیانی،پاکستان پیپلز پارٹی موضع ڈہونگ کے صدر راجہ جاوید کیانی،جنرل سیکرٹری حاجی میاں برکات،حاجی نوید نمبردار،سابق بینک منیجر چوہدری پرویز اقبال،ملک صفدر،حافظ یاسر عرفات ،پریس کلب دولتالہ کے عہدیدران سید منور نقوی، نوید افسر راجہ،راجہ حاجی احمد،عابد حسین چوہدری ،اشفاق انجم،محمد نوازکسانہ،و دیگرنے سید کبیر شاہ اور ان کے لوحقین سے دلی ہمدردی کے ساتھ تعزیت کا اظہار کیااور مرحوم کی درجات بلندی کے لئے دعا بھی کی

امریکی صدر ٹرمپ نے یہ فیصلہ کر کے مسلم دنیا کو للکارا ہے، علامہ ڈاکٹر محمد سجاد ساجد


گو جر خان( نامہ نگار)معروف مذہبی سکالر علامہ ڈاکٹر محمد سجاد ساجد اور علامہ حافظ محمد مجیب نے امریکہ کی جانب سے بیت المقدس کو اسرائیل کا دارلخلافہ تسلیم کر نے کی شدید مذمت کرتے ہو ئے کہا ہے کہ مسلمانوں کے آ پس میں انتشار کی وجہ سے آج ہمیں یہ دن دیکھناپڑا ۔ انہوں نے کہا کہ امریکی صدر ٹرمپ نے یہ فیصلہ کر کے مسلم دنیا کو للکارا ہے اور چیلنج کیا ہے کہ وہ وہ جو کچھ کر سکتے ہیں کر لیں انہوں نے کہا کہ سو چنے کی بات یہ ہے کہ ایک طرف پو ری دنیا اور امت مسلمہ ہے اور دوسری طرف اسرائیل جسے خوش کر کے پو ری دنیا کو نا رض کر دیا گیا ہے ۔ علمائے کرام نے کہا کہ اب بھی وقت ہے عالم اسلام اتحاد کا مظاہرہ کرے اور امریکہ کی یہ کو شش نا کام بنا دے انہوں نے کہا کہ دنیا کو امن کا درس دینے والا امریکہ آج خود امن ختم کر نے کے در پے ہے ۔انہوں نے کہا کہ اسلامی ممالک پر مشتمل ایک اتحاد تشکیل دیا جا ئے جو مسلمانوں کے مفا دات کا تحفظ کرے۔جو مسلمان ممالک غیروں کے ہا تھوں کھلو نا بنے ہو ئے ہیں وہ ہوش کے ناخن لیں امریکہ ان سے کام لینے کے بعد انکے حکمرانوں کے خلاف وہی کچھ کرے گا جو وہ پہلے عراق،لیبیا، شام اور یمن کے ساتھ کر چکا ہے ۔ انہوں نے کہا کہ پاکستان کا اس سلسلے میں کر داربڑا اہم ہے ہماری لیڈر شپ کو بھی ایک دائرے سے نکل کر دلیرانہ فیصلے کر نا پڑیں گے۔

گورنمنٹ ہائی سکول نڑالی میں سیرت کانفرنس کا انعقاد


دولتالہ(نامہ نگار ) گورنمنٹ ہائی سکول نڑالی میں سیرت کانفرنس کا انعقاد ہوا جس میں تحصیل بھر کے طلباء کے درمیان ایک تقریری مقابلہ ہواجس کا عنوان تھا ،حضور ﷺبطورمعلم اخلاق۔ تقریب میں ماہرین تعلیم ،قاضی وقار احمد کوایڈینیٹرتحصیل گوجرخان،شیخ طاہر اشفاق چیئرمین یونین کونسل نڑالی ،ثاقب امام رضوی ، مرزا تجمل جرال ،ہائی سکولوں کے ہیڈماسٹر صاحبان اورعلاقہ بھر کے اساتذہ اور عمائدین علاقہ نے کثیر تعداد میں شرکت کی ۔مقررین نے حضور ﷺ کی سیرت مطاہرہ کے مختلف گوشوں پر روشنی ڈالی ہیڈماسٹر فضل الرحمن نے سپاس نامہ پیش کرتے ہوئے کہا کہ ہائی سکول نڑالی شاندار نصابی و غیر نصابی نتائج کا حامل ہے ۔اس ادارے سے فارغ تحصیل طلباء بڑے عہدوں پر فائز ہیں اور ملک و قوم کی خدمت کر رہے ہیں ۔فن تقریرایسا فن ہے جس سے انسان نے بڑی جنگیں بغیر لڑائی کئے جیتی ہیں۔ آخر میں پوزیشن ہولڈر طلباء میں انعامات تقسیم کئے گئے

جشن عید میلادالنبی

جشن عید میلادالنبی اور جشن امام جعفر صادق باہولے گاوں علی مسجد میں نہایت عقیدت و احترام کے ساتھ منایا گیا نعت رسول مقبول کے بعد علماء کرام کے ذکر کے بعد کیک کاٹا گیا اور اس کے بعد لنگر تقسیم کیا گیا جس کا نگاری سید اقبال حسین شاہ ہمدانی نے کی

نامعلوم چور دکان کا تالہ توڑ کر26ہزار مالیت کی بیٹری چوری کر کے لیے 


دولتالہ(نامہ نگار )البان ٹریولز دولتالہ میں چوری کی واردات نامعلوم چور دکان کا تالہ توڑ کر26ہزار مالیت کی بیٹری چوری کر کے لیے گئے خرم شہزاد ولد عابد حسین سکنہ مونا نے پولیس چوکی دولتالہ کو درخواست دیتے ہوئے بتایا کہ ابنالہ پلازہ دولتالہ میں البان ٹریولز نام سے میر�آفس ہے چند روز قبل دکان کا تالہ توڑ کر نا معلوم چور آفس سے یو پی ایس اور بیٹری جس کی مالیت تقریبا26ہزار روپے تھی چوری کر کے لیے گئے ہیں

میاں مہربان کسانہ کو سپردخاک کردیاگیا


دولتالہ (بابر زما ن مغل سے )معروف سیاسی و سماجی شخصیت چو ہدری میاں فاروق کسانہ کے والد میاں مہربان کسانہ کو ان کے آ بائی گاؤ ں دولتالہ میں سپردخاک کردیاگیا نمازے جنازہ میں علاقہ بھر سے معززین جن میں چو ہدری محمد عظیم PTI چیئرمین U/C-1 سید قلب عباس ،چو ہدری ساجد محمود PTIچو ہدری محمد عظیم ،چوہدر عثمان گجر ،راجہ نعیم نو از ،چو ہدری عرفا ن منیر گجر،چو ہدری نو از کسانہ ،عابد کسانہ ،ساجد کسانہ ،مسعود کسانہ ،چو ہدری زاہد محمود PTI ،جاوید مغل PPP،شیخ شو کت علی PPP،ار و دیگر نے شرکت کی

پرویز قریشی اور ملک عثمان کی عمرہ کی ادائیگی پر انور سیٹھی کو مبارکباد


سکھو (نمائندہ خصوصی) پرویز قریشی اور ملک عثمان کی عمرہ کی ادائیگی پر انور سیٹھی کو مبارکباد، تفصیلات کے مطابق سکھو ہاکی کلب کے جنرل سیکرٹری پرویز قریشی اور ملک عثمان گزشتہ روز پاکستان تحریک انصاف سکھو کے صدر انور سیٹھی کے گھر گے اور عمرہ کی ادائیگی پر ان کو مبارکباد پیش کی، اس موقع پر پریس کلب سکھو کے فوٹوگرافر طلعت قریشی بھی ان کے ہمراہ تھے۔

ہونہار طالبہ کا اعزاز فاطمہ راجہ نے کنگ ایڈورڈ میڈیکل کالج لاہور میں داخلہ حاصل کر لیا


ڈھڈیال ( نامہ نگار) ڈھڈیال سے تعلق رکھنے والی ہونہار طالبہ کا اعزاز فاطمہ راجہ نے اپنی اعلیٰ تعلیمی کارکردگی پر کنگ ایڈورڈ میڈیکل کالج لاہور میں داخلہ حاصل کر لیا آرمی پبلک سکول و کالج گوجرانوالہ کی طالبہ فاطمہ راجہ نے اپنی کامیابی کو اپنے اساتذہ کرام، اپنے دادا مرحوم راجہ محمد شریف، اپنے نانا کرنل(ر) ریاض احمد خان اور اپنی بہنوں ڈاکٹر زینب راجہ اور ڈاکٹر مریم راجہ کی دعاؤں کا صلہ قرار دیا ہے۔ فاطمہ راجہ ڈھڈیال کی مشہور و معروف راجہ فیملی کے انجینئر راجہ شوکت حیات کی صاحبزادی، سیکرٹر ی الیکشن کمیشن آزاد جموں کشمیر راجہ طارق محمود، سابق نائب ناظم راجہ خالد محمود ،منیجر الیکٹریکل ایف ایف سیمنٹ پلانٹ راجہ زاہد محمود، راجہ ممتاز (یواے ای) اور راجہ سرفراز حسین(یو ایس اے) کی بھتیجی بریگیڈیئرنوید احمد خان، ڈاکٹر ندیم احمد خان کی بھانجی ہیں۔ فاطمہ راجہ کے والد راجہ شوکت حیات نے کہا ہے کہ میری صاحبزادی کا داخلہ کنگ ایڈورڈکالج لاہور میں ہونا ہمارے لئے ایک اعزاز ہے۔ میں اللہ تعالیٰ اور ان تمام فیملی ممبر اور دوست احباب کا تہہ دل سے شکر گذار ہوں جن کی خصوصی دعاؤں سے اتنے بڑے تعلیمی مرکز میں ان کا داخلہ ہوا ہے اس موقع پر فاطمہ راجہ نے کہا کہ وہ ڈاکٹر بن کر دکھی لوگوں کا علاج اور ان کی خدمت کرینگی اور اسی جذبے کے تحت میں اس شعبے میں آئی ہوں۔

اخبار فروش یونین دولتالہ کے انتخابات شکیل مغل صدر اور صوفی ارشد محمود جنرل سیکرٹری منتخب ہوگے

دولتالہ (نمائندہ راول نیوز) اخبار فروش یونین دولتالہ کے انتخابات شکیل مغل صدر اور صوفی ارشد محمود جنرل سیکرٹری منتخب ہوگے دیگر عہدہدارا میں چیئرمین ملک اظہر محمود،سینئر نائب صدر شعیب السلام،سیکر ٹری انفارمین بابر محمود، اور خزانچی سہیل مغل سال 2018کے لئے منتخب ہوئے انتخابات ریٹرننگ آفیسر چوہدری عابد حسین کی زیر نگرانی منعقد ہوئے

راجہ ہارون کیانی کی انور سیٹھی کے گھر آمد، عمرہ کی ادائیگی پر مبارکباد پیش


سکھو (نمائندہ خصوصی) راجہ ہارون کیانی کی انور سیٹھی کے گھر آمد، عمرہ کی ادائیگی پر مبارکباد پیش کی اور پھولوں کا ہار پہنایا، تفصیلات کے مطابق پاکستان تحریک انصاف حلقہ پی پی فور کے رہنماراجہ ہارون کیانی گزشتہ روز پی ٹی آئی یوسی سکھو انور سیٹھی کے گھر آئے اور عمرہ کی ادائیگی پر مبارکباد پیش کی اور پھولوں کے ہار پہنائے، اس موقع پر انصاف یوتھ ونگ پی پی فور کے کوارڈینیٹر راجہ منان علی منہاس، ماسٹر بابر کیانی اور ڈاکٹر طیب کیانی بھی ان کے ہمراہ تھے۔

اظہار تعزیت


سکھو (نمائندہ خصوصی) سکھو کے معروف تاجرمحمد متین علوی کے تایا زاد بھائی اور ایڈوکیٹ یسیٰن علوی مرحوم کے بیٹے عارف علوی جوکہ گزشتہ روز کینیڈا میں اپنے خالق حقیقی سے جا ملے تھے، مرحوم کا جسد خاکی گزشتہ روز ان کے آبائی گاوں موہڑہ گنگال میں لایا گیا اور نماز جنازہ ادا کی گئی، نماز جنازہ میں پی ٹی آئی حلقہ پی پی فور کے رہنماء راجہ ہارون کیانی، چئیرمین یوسی سکھو چوہدری محمد ابرار سرور، وائس چیئرمین جھونگل چوہدری محمد اسحاق سمیت سیاسی و سماجی شخصیات کی کثیر تعداد نے شرکت کی اور مرحوم کے درجات میں بلندی کی دعا کی۔

مبارکباد

دولتالہ(نامہ نگار) پنجاب ٹیچرز یونین ضلع راولپنڈی کے مرکز دولتالہ کے انتخابات میں (چوہدری تنویر گورسی گروپ) کے نجم الحسن (گورنمنٹ پرائمری سکول گورسیاں) بلا مقابلہ صدر منتخب ہو گئے ماسٹر گستاسب گورسی ، چوہدری اخلاق احمد ، ماسٹر شبیر احمد، نبیل گورسی ، ماسٹر امریز اور گورنمنٹ ہائی سکول ڈھوک پناہ کے سٹاف کی جانب مبارکباد دی گی۔

چیرمین یونین کونسل راماں کونسلرز کو نظر انداز کرنے لگے


دولتالہ(نامہ نگار) چیرمین یونین کونسل راماں کونسلرز کو نظر انداز کرنے لگے یونین کونسل راماں وارڈ نمبر 1 کے کونسلر چوہدری مقصود حسین کی صحافیوں سے گفتگو۔ان کا مزید کہنا تھا کہ وزیراعلی کی جانب سے چیرمین یونین کونسلز کو کروڑوں کی گرانٹ دی جا رہی ہیں یونین کونسل راماں میں چیرمین اپنے چہیتے افراد کو نواز رہے ہیں اور ان گلیوں اور نالیوں کا سروے کیا جا رہا ہے جو پہلے سے پختہ ہیں وارڈ کے لئے مختص فنڈ کونسلر کا حق ہوتا ہے لہذا کونسلر کی مشاورت کے بغیر نہ استعمال کیا جائے اس سے پہلے بھی فنڈ چہیتوں کو دیا جا چکا ہے کروڑوں روپے کی گرانٹ عوامی فلاح کے منصوبوں میں استعمال کیا جائے۔وارڈ نمبر 1 کے فنڈ غبن کرنے کی گی تو عوام کے ہمراہ وزیراعلی کا دروازہ کھٹکھٹایا جائے گا

دارلعلوم کلریالہ میں شایان شان جشن میلاد منانے کی تیاریاں عروج پر پہنچ گئیں


سید اڈا (نامہ نگار )دارلعلوم کلریالہ میں شایان شان جشن میلاد منانے کی تیاریاں عروج پر پہنچ گئیں ، دارلعلوم کلریالہ شریف کے بانی حافظ قاری علامہ ریاض سطانی ایک بڑے جلوس کی قیادت کریں گے تفصیلات کے مطابق ملک بھر کی طرح غربی گوجرخان کے گاؤں کلریالہ شریف کے دارلعلوم میں بھی جشن ولادت منانے کی تیاریاں زور و شور سے جاری ہیں دارلعلوم کے اعلامیہ کے مطابق مرکزی جلوس سید اڈا کے مقام پر آئے گا جہاں وہ مختلف دیہاتوں سے آنے والے جلوسوں کا استقبال کریں گے جید علمائکرام حضور ﷺکی سیرت طیبہ اور آپﷺکے حسن اخلاق پر روشنی ڈالیں گے اور شمع رسالت کے پروانے جلوسوں میں شامل ہو کرحضور ﷺ سے محبت کا عملی ثبوت دیں گے

سید اڈا پر غلط اور غیر قانونی پارکنگ کی وجہ سے حادثات معمول بن چکے ہیں، سید اقبال حسین شاہ


سید اڈا (نامہ نگار ) ممتاز سماجی شخصیت سید اقبال حسین شاہ ہمدانی نے کہا ہے کہ سید اڈا پر غلط اور غیر قانونی پارکنگ کی وجہ سے حادثات معمول بن چکے ہیں سٹی ٹریفک پولیس زمہ داروں کے خلاف کاروائی کرے انھوں نے کہا کہ گزشتہ چند ماہ سے مندرہ چکوال روڈ سید اڈا پر ٹریفک کی غلط پارکنگ معمول بن چکی ہے جس کی وجہ سے آئے روز حادثات رونما ہورہے ہیں سید اقبال حسین شاہ ہمدانی سی ٹی او روالپنڈی سے مطالبہ کیا ہے کہ سید اڈا میں ٹریفک کے بہاؤ میں رکاوٹوں کو ختم کرنے کے لئے وارڈن پولیس تعینات کریں

یونین کونسل آہدی کے گاؤں کاک کی مرکزی سڑک خستہ حال

دولتالہ(نامہ نگار )یونین کونسل آہدی کے گاؤں کاک کی مرکزی سڑک خستہ حال نکاسی آب کا مناسب بندوبست نہ ہونے کے باعث سڑک کھنڈرات میں تبدیل ہو چکی ہے بلدیاتی الیکشن میں سیاسی نمائندگان کی جانب سے کیے گئے وعدے تا حال وفا نہ ہو سکے راجہ رضوان ،راجہ ندیم ،راجہ وسیم اور راجہ یونس نے اپنے ایک مشترکہ اخباری بیان میں کہا ہے کہ برسوں سے سڑک کی خستہ حالی پر کوئی توجہ نہیں دی جا رہی گاؤں میں نکاسی آب کا بندوبست نہ ہونے سے باعث گھروں ور بارشی پانی سڑک پر جمع رہتا ہے انہوں نے کہا کہ وزیر پنجاب کے پروگرام پکیاں سڑکاں سوکھے پینڈے سے بھی اہلیان کاک مستفید نہ ہو سکے جب کہ بلدیاتی الیکشن میں بھی ہم سے متعدد وعدے کیے گئے تھے جو تاحال وفا نہ ہو سکے انہوں نے پارلیمانی سیکرٹری راجہ محمد جاوید اخلاص سے مطالبہ کیا ہے کہ فوری طور پر سڑک کی تعمیر کے لیے فنڈز کا اجراء کیا جائے

پی ٹی آئی کی بڑھتی ہوئی مقبولیت سے مخالفین پریشان ہیں،راجہ ہارون کیانی


سکھو (محمد فرقان قریشی) پی ٹی آئی کی بڑھتی ہوئی مقبولیت سے مخالفین پریشان ہیں،نوجوان کارکن پارٹی کا قیمتی اثاثہ ہیں،ان خیالات کا اظہار پی ٹی آئی حلقہ پی پی فور کے امیدوار برائے صوبائی اسمبلی راجہ ہارون کیانی نے گزشتہ روز سکھو میں چوہدری شہباز کے بھائی چوہدری شہنواز کی دعوت ولیمہ کی تقریب میں کیا، انہوں نے کہا کہ پارٹی کا ہر کارکن پارٹی کا قیمتی اثاثہ ہے، پاکستان تحریک انصاف کی بڑھتی ہوئی مقبولیت نے مخالفین کی نیندیں حرام کر دی ہیں، راجہ ہارون کیانی نے گزشہ روز سکھو میں چوہدری شہباز کے بھائی چوہدری شہنواز کی دعوت ولیمہ میں شرکت کی، دعوت ولیمہ میں پی ٹی آئی موہڑہ چوہدریاں کے چوہدری وسیم افضل، محمد رمضان چوہان،راجہ فدا آف سکھو سمیت اہلیان علاقہ کی کثیر تعداد نے شرکت کی

ڈاکوؤں کا بین الاضلاعی گرو ہ پولیس چوکی سکھو نے گرفتار کر لیا


دولتالہ(نامہ نگار)ڈاکوؤں کا بین الاضلاعی گرو ہ پولیس چوکی سکھو نے گرفتار کر لیا تفصیلات کے مطابق انچارج پولیس چوکی سکھو انسپکٹر مرزا راشد محمود کی زیر نگرانی پولیس اہلکاروں نے کامیاب کاروائی کرتے ہوئے سہیل گینگ کو سرغنہ سمیت گرفتار کر لیا ڈاکوؤں کے قبضہ سے اسلحہ اور موٹر سائیکل برآمد پولیس زرائع کے مطابق زیارب محمود عرف سہیل سکنہ نابن ،ناصر والد واجد ساکن دولتالہ ،حبیب اللہ سکنہ کاک،ارشد محمود سکنہ آزاد کشمیر ،ناصر محمود کہوٹہ ،اور گلفراز سکنہ کہوٹہ کو گرفتار کر کے 2عدد موٹر سائیکل اور4عدد پسٹل برآمد کر لیے جب کہ پولیس زرائع کا کہنا ہے کہ مزید اہم انکشافات کی توقع ہے

ڈہونگ کے زمین مالکان کا پی پی ایل انتظامیہ کے خلاف احتجاجی مظاہرہ اختتام پذیر ہو گیا 


دولتالہ(نامہ نگار)ڈہونگ کے زمین مالکان کا پی پی ایل انتظامیہ کے خلاف احتجاجی مظاہرہ اختتام پذیر ہو گیا گزشتہ روز سے جاری دھرنا انتظامیہ اور زمین مالکان کے درمیان کامیاب مذاکرات کے بعد ختم چیئرمین یونین کونسل موہڑہ نوری راجہ عرفان عزیز ،وائس چیئرمین راجہ کاشف انجم جنجوعہ ،جماعت اسلامی کے رہنما راجہ محمد جواد اسسٹنٹ کمشنر گوجرخان کے نمائندہ ملک عامر نائب تحصیلدار اور ایس ایچ او تھانہ جاتلی انسپکٹر ثناء اللہ نیازی نے دھرنے کے شرکاء اور کمپنی انتظامیہ کے درمیان مذکرات کی کامیابی کے لیے اہم کردار ادا کیا اہلیان ڈہونگ کا مطالبہ تھا کہ کمپنی نے بیس وقت قائم کرتے وقت زمین مالکان سے وعدہ کیا تھا کہ صحت کی سہولیات ،عوامی بیت الخلا کی تعمیر سمیت ڈہونگ کے باسیوں کے فلاح و بہبود کے لیے اقدام کیے جائیں گئے جو تاحال پورے نہیں کیے گئے جب کہ اپنے حقوق کے لیے آواز بلند کرنے پر زمین مالکان کے خلاف بے بنیاد اور جھوٹا مقدمہ درج کرا دیا اس ضمن میں گزشتہ روز اہلیان ڈہونگ نے بیس کیمپ کے سامنے احتجاجی دھرنا دے دیا دھرنے کے شرکاء سے اظہار یک جہتی کے لیے سرپرست اعلیٰ پی پی پی راجہ جاوید اشرف ،سابق امیدوار صوبائی اسمبلی چوہدری ساجد محمود،سابق امیدوار برائے چیئرمین یو سی آہدی چوہدری ابو زر خان ،جماعت اسلامی کے رہنما چوہدری عابد ایڈوکیٹ،جنرل کونسلر راجہ سجاد کیانی سمیت علاقہ کی مقامی سیاست شخصیات کی آمد کا سلسلہ جاری رہا تا ہم گزشتہ راجہ عرفان عزیز ،راجہ کاشف انجم جنجوعہ ،راجہ محمد جواد کی کاوشوں سے مذاکرات کامیاب ہو گئے اور مظاہرین پر امن طور پر منتشر ہو گئے کمپنی انتظامیہ نے اہلیان ڈہونگ کا اطمینان دلایا کہ تمام جائز مطالبات پورے کیے جائیں گے اور مقدمہ بھی خارج کرایا جائے گا

error: