گرما گرم خبریں

نیا پاکستان بنانے کیلئے پرعزم ہیں،چوہدری جاوید کوثر ایڈووکیٹ
کمپیوٹرائزڈ لینڈریکارڈ سنٹر گوجرخان عوام کیلئے دردسر بن گیا
ضلع چکوال کی سیاست میں آنے والے چند دنوں میں بڑی سیاسی تبدیلیاں رونما ہورہی ہیں
نیشنل ہائی وے اینڈ موٹر وے پولیس سیکٹر نارتھ ٹو کی سالانہ ایوارڈ تقریب کا انعقاد
چوہدری زاہد جٹ نے اپنی برادری سمیت تحریک انصاف میں شامل ہونے کا اعلان کردیا
پولیس پٹرولنگ پولیس ٹھاکرہ موڑ چوکی نے مختلف کاروائیوں میں چھ مقدمات درج
تحریک انصاف میں شمولیت پر راجہ حسیب کیانی کو خراج تحسین پیش کرتے ہیں،رضوان ہاشمی

Category: دولتالہ کی خبریں

دولتالہ ، ڈینگی سے طالبہ سمیت مزید11افراد ڈینگی کا شکار


دولتالہ(نامہ نگار) دولتالہ میں ڈینگی مچھر کے پے در پے وار سکول طالبہ سمیت مزید11افراد ڈینگی کا شکار ہو کر ہسپتال جا پہنچے رورل ہیلتھ سینٹر دولتالہ کی جانب سے ڈینگی کے تدارک کے تمام تر حربے ناکام بے قابو مچھر نے عوام کا جینا حرام کر دیا آر ایچ سی دولتالہ سے ملحقہ محلے میں ڈینگی سے اب تک تقریبا20سے زائد افراد متاثر ہو چکے ہیں تفصیلات کے مطابق دولتالہ میں ٖڈینگی مچھر نے گزشتہ روز مزید 4افراد کو ڈس لیا متاثرہ افراد میں سکول طالبہ ایمن شمیم سمیت3افراد مظہر اقبال ولد خان زمان ،افسہ قدیر دختر محمد قدیر ،نوین الیاس زوجہ محمد الیاسمیں ڈینمگی وائرس کی تصدیق ہوئی ابتدائی ٹیسٹ کے بعد ان مریضوں کو ہسپتال داخل کر لیا گیا تا ہم ہسپتال حکام کو کہنا ہے کہ 6افراد کو ابتدائی طبی امداد کے بعد گھر روانہ کر دیا گیا ڈینگی مچھر کے تدارک کے لیے محکمہ صحت کی ٹیمیں مذکورہ محلے میں سپرے اور فوگنگ کا کام کر رہی ہیں با وجود اس کے روزانہ ڈینگی مریضوں کی تعداد میں اضافہ بات کا واضح ثبوت ہے کہ محکمہ کی جانب سے کیے گئے انتظامات ناکافی ہیں گزشتہ روز ڈی ایچ او راولپنڈی طاہر رضوی ،ڈاکٹر عظمی ،ڈی ڈی ایچ او گوجرخان اور ڈینگی انچارج مظہر اقبال اپنی ٹیم کے ہمراہ آر ایچ سی دولتالہ پہنچے جہاں انہوں نے ڈینگی وائرس کے حملے سے متاثرہ محلے میں فوگنگ کرائی اور مچھر دانیاں تقسیم کیں اور آر ایچ سی کی طرف سے سب اچھا کی رپورٹ دی گئی تا ہم اہلیان علاقہ میں یہ مرض پھیلنے کے باعث تشویش میں اضافہ ہوتا جا رہا ہے اہل علاقہ کا کہنا ہے کہ دولتالہ سمیت گردنواح کے علاقوں میں بھی سپرے اور فوگنگ کرائی جائے تاکہ ڈینگی پر قابو پا جا سکے موسم برسات میں ڈینگی مچھر کی افزائش میں اضافہ ہو جا تا ہے لہذا محکمہ کے افسران صرف دولتالہ کے دورے کے بجائے ہنگامی اقدمات اٹھائیں نہ کہ رسمی کاروائیاں اور فوٹو سیشن سے اعلیٰ حکام کو مطمئن کرنے کی کوشش کی جائے

محکمہ صحت نے دولتالہ میں ڈینگی آپریشن کا آغاز کردیا

دولتالہ(نامہ نگار) محکمہ صحت نے دولتالہ میں ڈینگی آپریشن کا آغاز کردیا ،20سء زائد دو رکنی ٹیموں کی تشکیل ،گھر گھر سروے ،متاثرہ افراد کے گھروں ،قرب وجوار میں سپرے،دولتالہ میں فوگنگ کیلئے انتظامات ،تفصیل کے مطابق دولتالہ میں ڈینگی مچھر سے متاثرہ افراد کی تعداد میں اضافہ ہونے کے بعد محکمہ صحت نے اس کے تدارک کیلئے آپریشن کا آغاز کردیا ،گزشتہ روز ڈی ڈی ایچ او ڈاکٹر عمر فاروق ،ڈینگی فوکل پرسن مظہر حسین اور عثمان سمیت دیگر افسران کا دورہ دولتالہ ،ڈینگی کے تدارک کیلئے اقدامات کا جائزہ لیا،دولتالہ میں مزید تین جگہ سے ڈینگی کا لاروا برآمد ،تدارک کیلئے سپرے کردیا گیا جبکہ آٗندہ ایک دو روز میں فوگنگ کیلئے انتظامات بھی کئے جا رہے ہیں،محکمہ صحت کے مطابق دولتالہ میں اب تک6مریضوں میں ڈینگی کی تصدیق ہو چکی ہے جبکہ کئی متاثرہ افراد ایسے بھی ہیں جو محکمہ صحت کے ریکارڈ میں موجود نہیں ،ذرائع کے مطابق دولتالہ میں ڈینگی سے متاثرہ افراد کی تعداد دو درجن سے زائد ہو چکی ہے ،عوامی حلقوں نے حکام بالا سے ٹھوس اقدامات اٹھانے کا مطالبہ کیا ہے

عوام کا انتخاب مسلم لیگ ن ہی ہو گی ، راجہ جاوید اخلاص، راجہ حمید ایڈووکیٹ

دولتالہ(نامہ نگار)جاتلی میں مسلم لیگ ن کا جلسہ عام ،حلقہ این اے58سے امیدوار راجہ جاوید اخلاص،پی پی9سے امیدوار راجہ حمید ایڈووکیٹ ،پی پی8سے امیدوار چوہدری محمد ریاض ،چوہدری خورشید زمان ،سابق ناظم جاتلی طاہر مغل سمیت مسلم لیگی رہنماؤں کارکنان سمیت لوگوں کی کثیر تعداد میں شرکت،جوش و خروش کا مظاہرہ،تقریب سے خطاب کرتے ہوئے مسلم لیگی رہنماؤں کا کہنا تھا کہ گزشتہ پانچ سال وطن عزیز کیلئے سنہری دور سے کم نہیں ،اس دور میں ملک کو دہشت گردی سے نجات دلاکر معاشی طورمستحکم کردیا گیا ،پہلے میاں نواز شریف کو ایٹمی دھماکے کرنے کی سزا دی گئی جبکہ اب اقتصادی راہداری بنانے کی سزا دی جا رہی ہے ،عوام انتخابات میں مسلم لیگ ن کے امیدواروں کو منتخب کرکے ملک کے مستقبل کا تابناک فیصلہ کریں،تحصیل گوجرخان کے عوام نے ہمیشہ مسلم لیگ سے اپنی الہانہ محبت کا اظہار کیا ہے اور اس انتخابات میں بھی عوام کا انتخاب مسلم لیگ ن ہی ہو گی

عوام تحریک انصاف کو بھاری اکثریت سے کامیابی دلائیں گے ،چوہدری محمد عظیم


دولتالہ(نامہ نگار) پاکستان تحریک انصاف کے امیدوار برائے این اے58چوہدری محمد عظیم اور حلقہ پی پی9سے امیدوار چوہدری ساجد محمود کا کہنا ہے کہ عوام نے انتخابات میں ملک کا مستقبل بدلنے کا قوی فیصلہ کرلیا ہے ،جس طرح عوام تحریک انصاف سے اپنی والہانہ محبتوں کا اظہار کر رہے ہیں ،مخالفین کے کانوں میں خطرے کی گھنٹیاں بجنا شروع ہو چکی ہیں ،یہ انتخابات ملک کیلئے نہایت اہم ترین ہیں اور عوام ملک کو ببدعنوانی سے پاک کرنے کا یہ موقع ہاتھ سے جانے نہیں دیں گے اور تحریک انصاف کو بھاری اکثریت سے کامیابی دلائیں گے ،امیدواران نواحی گاؤں نڑالی اور قرب وجوار میں منعقدہ تقریبات سے خطاب کر رہے تھے ،اس ومقع پر تحریک انصاف کے مقامی عمائدین اور کارکنان سمیت لوگوں کی کثیر تعداد شریک تھی

محکمہ صحت کی بے حسی،دولتالہ میں ڈینگی نے انت مچا دی


دولتالہ(نامہ نگار)محکمہ صحت کی بے حسی،دولتالہ میں ڈینگی نے انت مچا دی ،لوگوں کی بڑی تعداد متاثر ہونے کے خدشات ،درجنوں افراد میں ڈینگی وائرس کی ابتدائی علامات،کئی افراد متاثر ہونے کے بعد مختلف ہسپتالوں میں زیر علاج،دس دن قبل ڈینگی کے متاثرین سامنے آنے کے باوجود اب تک انتظامی سطح پر تدارکی اقدامات کا فقدان ،لوگوں میں تشویش کی لہر،دیہی مرکز صحت میں ڈینگی کا خصوصی کاؤنٹر ،ڈینگی کی تشخیص کیلئے ٹیسٹ اور علاج معالجے کی سہولیات فراہم کرنے کا مطالبہ ،تفصیلات کے مطابق گزشتہ دو ہفتوں سے دولتالہ میں ڈینگی مچھر کی بڑی تعداد کی موجودگی سامنے آچکی تھی جبکہ گزشتہ دس دنوں سے مسلسل ایسے مریض سامنے آ رہے ہیں جن میں ڈینگی وائرس کی ابتدائی علامات ظاہر ہو چکی ہیں اور کئی افراد میں ڈینگی کی تشخیص ہو چکی ہے ،تا حال دو درجن سے زائد افراد میں ڈینگی وائرس کے قوی خدشات ہیں اس تشویش ناک صورتحال کے باوجود انتظامی بے حسی اپنی انتہاء کو پہنچی ہے اور اب تک دولتالہ میں ڈینگی کے تدارک کیلئے ٹھوس اقدامات نہیں اٹھائے گئے جس کی وجہ سے شہریوں کی ایک بڑی تعداد متاثر ہوسکتی ہے ،عوامی سماجی حلقوں نے محکمہ صحت کے حکام ،ڈی سی او راولپنڈی ،اسسٹنٹ کمشنر گوجرخان سمیت دیگر حکام سے مطالبہ کیا ہے کہ فوری طور پر دیہی مرکز صحت دولتالہ میں ڈینگی کا خصوصی کاؤنٹر قائم کیا جائے جہاں ڈینگی کی تشخیص کیلئے ٹیسٹ اور متاثرین کیلئے علاج معالجے کی سہولیات دستیاب ہوں جبکہ دولتالہ سے ڈینگی مچھر کے تدارک کیلئے بھی فوری طور اقدامات اٹھائے جائیں تاکہ شہری محفوظ رہ سکیں

عوام گلی نالی اور تھانہ کچہری کی سیاست سے عوام تنگ آ چکے ہیں،محمد ریاض مغل


دولتالہ(نامہ نگار)پاکستان تحریک انصاف کے رہنما محمد ریاض مغل کا کہنا ہے کہ سابقہ عوامی نمائندوں نے ہمیشہ جھوٹے وعدے کئے ،سبز باغ دکھا کر لوگوں کو بے وقوف بنایا عوام نے ان سے جو توقعات وابستہ کی تھیں وہ پوری نہیں ہوئیں اور وہ نا اہل ثابت ہوئے ،گلی نالی اور تھانہ کچہری کی سیاست سے عوام تنگ آ چکے ہیں .قومی یا صوبائی اداروں میں رشوت اور شفارش کلچر کی وجہ سے عوام بنیادی سہولیات سے محروم ہیں،پٹوار کلچر بھی عوام کیلئے کسی عذاب سے کم نہیں پٹواریوں کو رشوت دینا مجبوری بن چکی ہے ،لوٹ مار اور بے ایمانی عام ہو چکی ہے،عوام اس فرسودہ نظام سے چھٹکارا چاہتے ہیں،پاکستان تحریک انصاف اور قائد تحریک عمران خان ملک و قوم کیلئے امید کی کرن بن چکی ہے اس لئے اس کے ساتھ کھڑے ہیں اور انتخابات میں اس کامیابی کیلئے بھرپور کردار ادا کر رہے ہیں

عوام تحریک انصاف کے حقمیں فیصلہ دے چکے ہیں، راجہ عامر سعید


دولتالہ(نامہ نگار)معروف سیاسی و سماجی رہنما راجہ عامر سعید آف نتھہ چھتر کا کہنا ہے کہ25جولائی کا سورج پاکستان تحریک انصاف کی کامیابی کی نوید لیکر طلوع ہو گا ،پاکستان عوام اب اس بات سے آگاہ ہو چکے ہیں کہ بدعنوان عناصر سے چھٹکارا حاصل کرکے ہی ملک کو مسائل کی دلدل سے نکالا جا سکتا ہے اسی لئے عوام جوق در جوق تحریک انصاف کے کارواں میں شامل ہوتے جا رہے ہیں ،ان کا کہنا تھا کہ تحریک انصاف کے نامزد امیدوار چوہدری محمد عظیم اور چوہدری ساجد محمود اہلیان حلقہ کی آواز بن چکے ہیں اور عوام میں انہیں پذیرائی مل چکی ہے ،پولنگ کے دن صرف رسمی کاروائی ہو گی وگرنہ عوام تحریک انصاف کے ھق میں فیصلہ دے چکے ہیں

گوجرخان کے باشعور عوام نے پی ٹی آئی کے حق میں فیصلہ دے دیا ہے، چوہدری محمد عظیم


دولتالہ(نامہ نگار )گوجرخان کے باشعور عوام نے پی ٹی آئی کے حق میں فیصلہ دے دیا ہے ان شاء اللہ 25جولائی کو محب وطن قیادت ہی کامیاب ہو گی کرپشن کے پاک پاکستان ہی ہمارا منشور ہے آپکا کا مقابلہ کرپٹ ،بد دیانت اور نا اہل سیاست دانوں کے ساتھ ہے عوام حق و سچ کی آواز بنیں عمران خان کا ساتھ دیں ،بلے کی کامیابی کے لیے اپنی توانائیاں صرف کریں ،پاکستان کی کامیابی کے لیے جوش و جذبے کے ساتھ کام کریں ،کرپٹ سیاست دانوں کے انجام کا آغاز ہو چکا ہے ملکی دولت لوٹنے والوں کا یوم حساب آ گیا ہے ملکی خزانے کے دشمن جیل کی ہوا کھا رہے ہیں جن لوگوں کے40سال تک عوام کے مسائل حل نہیں کیے ایک بار پھر چکنی چپڑی باتوں سے عوام کو گمراہ کرنے کی کوشش کر رہے ہیں کسی کے جھانسے میں نہ آئیں مداریوں کی ڈگڈگی باشعور عوام کی آنکھوں میں دھول نہیں جھونک سکتی اہلیان بھیر کلیال نے ثابت کر دیا ہے کہ اب کی بار ووٹ صرف اور صرف پاکستان کے لیے دینا ہے ریاض مغل اور ان کے گروپ کے شکر گزار ہیں جنہوں نے مسلم لیگ ن کو خیر آباد کہہ کر پی ٹی آئی کو جوائن کیا ان خیالات کا اظہار امیدوار برائے قومی اسمبلی چوہدری محمد عظیم ،امیدوار برائے صوبائی اسمبلی چوہدری ساجد محمود نے بھیر کلیال میں جلسہ عام سے خطاب کرتے ہوئے کیا بھیر کلیال کی سیاست میں بڑی تبدیلی بلدیاتی الیکشن میں آپس میں مد مقابل تینوں امیدوار پی ٹی آئی کا حصہ بن گئے اس یونین کونسل نے پی پی پی کے ٹکٹ کر کامیابی حاصل کرنے والے چیئرمین یو سی چوہدری ابرار رشید ،ان کے مد مقابل پی ٹی آئی کے امیدوار راجہ سرفراز اصالت اور سابق مسلم لیگی رہنما ریاض مغل نے متفقہ طور پر پی ٹی آئی کے امیدواروں کی کامیابی کے لیے الیکشن مہم کو آغاز کر دیا جلسہ عام سے راجہ طارق عزیز بھٹی ،علاؤ الدین قریشی ،راجہ تبسم بھٹی ،اور دیگر نے بھی خطاب کیا ریاض مغل نے اپنے خطاب میں لیگی امیدواروں کو سخت تنقید کا نشانہ بنانے ہوئے کہا کہ جو قیادت رتیال تا جھونگل6کلو میٹر روڈ5سالوں میں نہیں بنا سکی عوام اس قیادت سے آئندہ توقع رکھنا خام خیالی ہے ایسے حکمران عوام پر کسی عذاب سے کم نہیں جو40سال سے اقتدار میں ہوں اور اس حلقہ کی عوام مسائل کی دلدل میں دھنسی ہوں

جوان سالہ لڑکی غائب


دولتالہ(نامہ نگار) جوان سالہ لڑکی غائب تفصیلات کے مطابق محمد ایوب نے پولیس کاروائی کرتے ہوئے درخواست میں موقف اختیار کیا کہ میری بیٹی جسکی عمر تقریباََ 16سال عرصہ تین سال سے مدرسہ زیر تعلیم تھی ماہ رمضان کے بعد عید کی چھٹیوں کے بعد میں خود اپنی بیٹی کو مورخہ 20جون 2018کو اس کے مدرسہ ہذا میں چھوڑ کر آیا بعد ازاں میرا بیٹا عاطف اور بیٹی سحرش اپنی بہن کو ملنے مدرسہ گئے تو مدرسہ انتظامیہ نے بتایا کہ آپکی بہن تو 20جون کو ہی اپنے والد کیساتھ گھر چلی گئی تھی پولیس نے مقدمہ درج کرکے مزید کاروائی شروع کردی

راجہ پرویز اشرف کو بھاری مارجن سے کامیاب کریں گے ،راجہ یاسر


دولتالہ(نامہ نگار) پیپلز پارٹی کے رہنما راجہ یاسر آف ڈہوک بدھال کا کہنا ہے کہ سابق وزیر اعظم راجہ پرویز اشرف نے اپنے دور اقتدار میں عوام کیلئے مخلص ہو کر کام کیا ہے جس کے نتائج آج سب کے سامنے ہیں اور تحصیل گوجرخان کے عوام اپنے محترم قائد کی کارکردگی کو جانتے ہیں اور انتخابات میں تحصیل گوجرخان کے عوام سابق وزیر اعظم راجہ پرویز اشرف کو بھاری مارجن سے کامیاب کریں گے ،ان کا مزید کہنا تھا کہ عوامی مسائل کو حل کرنے کیلئے ضروری ہے کہ ان کی نمائندگی کرنے والا شخص اہل اور مخلص ہو اور یہ خصوصیات راہ پرویز اشرف میں بدرجہ اتم موجود ہیں اس لئے انتخابات میں ان کی کامیابی کیلئے پوری کوشش کریں گے اور انہیں تاریخی کامیابی سے نوازیں گے

جنجوعہ برادری کا ہنگامی اجلاس زیر صدرارت جہانگیر احمد جنجوعہ منعقد ہوا 


دولتالہ(نامہ نگار) جنجوعہ برادری کا ہنگامی اجلاس زیر صدرارت جہانگیر احمد جنجوعہ منعقد ہوا ،جنجوعہ برادری کی صفوں میں کوئی دراڑ نہیں ڈال سکتا ،جنرل سیکرٹری جنجوعہ برادری مشتاق اصغر جنجوعہتفصیلات کے مطابق جنجوعہ برادری میانہ پھمبل کا ہنگامی اجلاس زیر صدارت جہانگیر احمد جنجوعہ رہائش گاہ جنرل سیکرٹری مشتاق اصغرجنجوعہ منعقد ہوا ،جس میں سنئیر ممبران جنجوعہ برادری نے شرکت کی ۔جن میں سر پرست اعلی حاجی اصغر،چہرمین حاجی اسحاق جنجوعہ۔ حاجی ملازم حسین،بابورحمان ،جہانگیر احمد جنجوعہ ،مشتاق اصغر جنجوعہ ،فاروق احمد جنجوعہ ،بشارت حسین جنجوعہ ،خالد محمود جنجوعہ اور اشفاق انجم جنجوعہ نے شرکت کی اجلاس میں قردار پیش کی گئی کہ ،اس موقع پر بشارت حسین جنجوعہ کا کہنا تھا کہ سیاسی ووٹ مانگنے آتے ہیں ان کے ساتھ ملاقات محض اتفاقیہ تھی، جب پوری جنجوعہ برادری نے چوہدری ساجد اور اس کے پینل کی حمایت کا اعلان کیا ہے ،ہمارہ جینا مرنا چوہدری شمس تبریز اور اپنی برادری کے ساتھ ہے ،جو فیصلہ پوری برادری نے کر دیا ہے وہ ہمارامتفقہ فیصلہ ہے

میانہ پھمبل میں پی ٹی آئی کا جلسہ 17جولائی کوہوگا


دولتالہ(نامہ نگار) 17جولائی شام 7بجے یونین کونسل راماں کے گاؤں میانہ پھمبل میں چوہدری شمس تبریز کی حویلی میں پی ٹی آئی کے امیدوار برائے ،ایم این اے چوہدری عظیم اورامیدوار برائے ایم پی اے چوہدری ساجد ایک بڑے جلسے سے خطاب کریں گے ،یوسی راماں اور گردونواع کے گاؤں سے پاکستان تحریک انصاف کا عوامی میلہ سجے گا،بڑی تعداد میں لوگ جوق در جوق پی ٹی ائی کے میدواروں کی حمایت کر رہے ہیں ، انشا اللہ تاریخی کامیابی حاصل کریں گے ۔تفصیلات کے مطابق یو سی راماں کا منفرد عوامی جلسہ منعقد ہو گا جس میں ہزاروں کی تعداد میں پاکستان تحریک انصاف کے ورکر شرکت کریں گے،میانہ پھمبل کے جلسے میں بہت سے دھڑے تحریک انصاف میں شمولیت اختیار کریں گے جلسے کو کامیاب بنانے کے لیے حکمت عملی کو مرتب کر لیا گیا اخبار نویسوں سے بات کرتے ہوئے شمس تبریز کا کہنا تھا کہ یونین کونسل راماں سے پی ٹی آئی کے امیدوار ریکارڈ کامیابی حاصل کریں گے انہوں نے کہا کہ دوسری پارٹیوں سے مایوس لوگ جوق در جوق پاکستان تحریک انصاف میں شامل ہو رہے ہیں یہ جلسہ مخالفین کے لئے راتوں کی نیندیں حرام کر دے گا ۔

دولتالہ موڑ پر ٹریفک حادثے میں نوجوان جاں بحق ہو گیا

دولتالہ(نامہ نگار)دولتالہ موڑ پر ٹریفک حادثے میں نوجوان جاں بحق ہو گیا ،واقعات کے مطابق سکھو کا رہائشی نو عمر علی کمبوہ ولد بشیر کمبوہ موٹر سائیکل پر دولتالہ موڑ کے قریب مخالف سمت سے آنے والے دوسرے موٹر سائیکل کیساتھ ٹکرا گیا اور شدید زخمی ہوکر موقع پر جاں بحق ہو گیا

مرحوم ٹھیکیدار محمد سلیمان کی 19ویں برسی انتہائی عقیدت و احترام سے منائی گئی


دولتالہ(نامہ نگار) دولتالہ کی معروف شخصیت ،معروف سماجی رہنما شیخ محمد ساجد کے والد محترم مرحوم ٹھیکیدار محمد سلیمان کی 19ویں برسی انتہائی عقیدت و احترام سے منائی گئی ،برسی کی تقریب میں شرکت کیلئے سلیمان فاؤنڈیشن کے سربراہ خصوصی طور پر متحدہ عرب امارات سے وطن پہنچے،تقریب میں سیاسی و سماجی رہنماؤں،عمائدین علاقہ سمیت لوگوں کی کثیر تعداد نے شرکت کی ،مرحوم کے ایصال ثواب کیلئے قرآن خوانی ، فاتحہ خوانی اور اجتماعی دعائیں،تفصیلات کے مطابق معروف فلاحی ادارے سلیمان فاؤنڈیشن کے سربراہ شیخ محمد ساجد کے والد محترم ٹھیکیدار محمد سلیمان مرحوم کی 19ویں برسی گزشتہ روز انتہائی عقیدت و احترام سے منائی گئی ،اس موقع پر ان کیلئے بڑی تعداد میں قرآن خوانی اور فاتحہ خوانی کی گئی جبکہ تقریب کے دوران اور بعد ازاں اجتماعی دعائیں بھی کی گئیں ،برسی کی تقریب میں سلیمان فاؤنڈیشن کے چیئرمین حاجی ممتاز احمد،وائس چیئرمین ایم سلیم شیخ ،سلیمان فیملی کے درجنوں ممبران،سیاسی و سماجی رہنماؤں ،عمائدین علاقہ اور ہر طبقہ فکر کے لوگوں نے کثیر تعداد میں شرکت کی ،اس موقع پربھی فاؤنڈیشن کے سربراہ شیخ محمد ساجد کا کہنا تھا کہ والدین زندگی کا انمول اثاثہ ہوتے ہیں اور دنیا میں ان کا کوئی نعم البدل نہیں ،جب تک والدین کا سایہ سر پر ہو ان کی خدمت افضل ترین کام ہے اور جب یہ دنیا سے چلے جائیں تو ان کیلئے قرآن خوانی ،فاتحہ خوانی ،ان کے حق میں دعائیں اور ان کے نام سے نیک کام کرنا ہی اولادکا حق بنتا ہے ،ہم والدین کے نقش قدم پر چلتے ہوئے خلق خدا کی خدمت کو اپنا نصب العین سمجھتے ہیں

بینظیر انکم سپورٹ پروگرام گوجرخان کے افسران کا اچانک


دولتالہ(نامہ نگار) بینظیر انکم سپورٹ پروگرام گوجرخان کے افسران کا اچانک دورہ دولتالہ ، ،دولتالہ میں قائم BISPپوائنٹس کے دورے ،،ستفید ہونے والی خواتین سے ملاقات ،پوائنٹس پر دستیاب سہولیات کی فراہمی سے متعلق سوالات،شکایت ملنے پر پوائنٹ ہولڈر کو وارننگ جبکہ بہترین خدمات سر انجام دینے اور خواتین کی جانب سے تعریفی کلمات پر پوائنٹ ہولڈررانا ابرار کنول کو تعریفی سند جاری،تفصیلات کے مطابق گزشتہ روز بینظیر انکم سپورٹ پروگرام گوجرخان کے اسسٹنٹ ڈائر یکٹر عامر زمان اور فیلڈ سپر وائز ر عرفان اچانک دولتالہ پہنچ گئے انہوں نے امدادی رقوم کی خواتین کو فراہمی کیلئے دولتالہ میں قائم پوائنٹس کا وزٹ کیا اور موقع پر موجود استفادہ حاصل کرنے والی خواتین سے سوالات کئے شکایات ملنے پر متعلقہ پوائنٹ ہولڈر زکو وارننگ جاری کی جبکہ بہترین خدمات سرانجام دینے پر پوائنٹ ہولڈر رانا ابرار کنول کو تعریفی سند دی گئی اور ان کے کام کو سراہا گیا ،بینظیر انکم سپورٹ پروگرام گوجرخان کے افرسان کی خصوصی کاوشوں سے استفادہ حاصل کرنے والی خواتین کی مشکلات میں واضھ کمی واقع ہوئی ہے

گوجرخان پیپلز پارٹی کا مضبوط قلعہ ہے ، راجہ جاوید اشرف


دولتالہ(نامہ نگار) عوام کا محبوب قائد 15جولائی کو عوام کے درمیان ہو گا شہید عوام ذوالفقار علی بھٹو کا نواسا اور شہید بی بی کا لخت جگر گوجرخان کے جیالوں کے لہو گرمانے کے لیے15جولائی بروز اتوار دن ایک بجے بڑے قافلے کے ہمراہ گوجرخان پہنچیں گے شہید وں اور غازیوں کی سر زمین کے غیور باسی اپنے قائد کی بھر پور ااستقبال کے لیے بے تاب ہیں اہلیان گوجرخان 15جولائی کا ثابت کر دیں گے کہ تحصیل گوجرخان پیپلز پارٹی کا گڑھ اور بھٹو کے چاہنے والوں کا مضبوط قلعہ ہے پی پی پی پی کی یونین کونسل تنظیموں اور یوتھ ونگ سمیت تمام عہدیدارن ،کارکنان اس عظیم لمحے کو خوبصورت اور یاد گار بنانے کے لیے اپنی تمام تر توانائیاں صرف کریں این اے58میں 25جولائی سے قبل ہی عوام اپنا فیصلہ سنا چکیں ہیں سابق وزیر اعظم راجہ پرویز اشرف کی جیت کی باز گشت سے مخالفین پریشان ہیں ان شاء اللہ15جولائی بلاول بھٹو کے تاریخی خطاب کے بعد بہت سے مخالف امیدوار الیکشن مہم سے بھی دست بردار ہو جائیں گے پی پی پی کی کامیابی ان شاء اللہ نوشتہ دیوار بن چکی ہے جیت گوجرخان کے عوام کے مقدر میں لکھی جا چکی ہے ان خیالات کا اظہار سابق وزیر اعظم پاکستان راجہ پرویز اشرف کے برادر اصغر راجہ جاوید اشرف نے غربی گوجرخان کی یونین کونسل پنج گراں ،سید ، اور دیوی میں دھواں دھار انٹری کے بعد عوامی اجتماعات سے خطاب کرتے ہوئے اس موقع پر متعدد دھڑوں نے اپنی سابقہ سیاسی جماعتوں کو خیر آباد کہ کر پی پی پی میں شمولیت اختیار کیا راجہ جاوید اشرف نے مزید کہا کہ پاکستان کے70فیصد لوگ زراعت سے وابستہ ہیں جب کہ پاکستان کا کسان خوشحالی نہیں ہوگا ملک میں ترقی نہیں ہو سکتی پاکستان پیپلز پارٹی ان شاء اللہ آئندہ اقتدار میں آکر کسان کارڈ جاری کرئے گی پیپلز پارٹی پارلیمنٹرین نے الیکشن2018کے لیے بہترین اور جامع منشور پیش کیا ہے 25جولائی تیر کے انتخابی نشان پر مہر لگائیں ان شاء اللہ کامیابی آپکے قدم چومے گی

راجہ فیصل عزیز بھٹی کی کامیابی کے لیے تمام تر کاوشیں بروئے کار لائیں گی،چوہدری ادریس گجر 


دولتالہ(نامہ نگار) راجہ فیصل عزیز بھٹی کی کامیابی کے لیے تمام تر کاوشیں بروئے کار لائیں گی شوکت بھٹی تحصیل گوجرخان میں بڑی قوت بن چکا ہے 25جولائی کو انتخابی نشان تالا کی کامیابی یقینی ہے ان خیالات کا اظہار شوکت بھٹی گروپ ناٹہ گوجرمل کے رہنما چوہدری ادریس گجر نے اپنے ایک بیان میں کیا گزشتہ روز چوہدری ادریس کی قیادت میں ایک وفد نے سابق ایم پی اے شوکت عزیز بھٹی سے ملاقات کی وفد میں چوہدری اجمل ،چوہدری کامران کامی ،چوہدری اعجاز جازی ،ماسٹر چوہدری لال حسین ،چوہدری وحید اور دیگر بھی موجود تھے شوکت عزیز بھٹی نے وفد سے کہا کہ راجہ فیصل عزیز بھٹی کی کامیابی کے لیے دن رات ایک کر دیں تحصیل گوجرخان میں منافقت کی سیاست کو پروان چڑھانے والوں کی ایکسپائری تاریخ25جولائی ہے عوام نے جس محبت سے فیصل عزیز بھٹی کی الیکشن مہم میں حصہ لیا بلا شبہ یہ لمحات تاریخ میں ہمیشہ سنہری حروف میں لکھے جائیں گے بھٹی گروپ کے وفاداروں کی جرات کو سلام پیش کرتا ہوں جنہوں نے تمام رکاوٹوں کے باوجود میرے ساتھ اظہار یک جہتی کیا مشکل وقت میں ساتھ دینے والوں کو کبھی نہیں بھولوں گا

غربی گوجرخان کی اہم سیاسی شخصیات کا پی ٹی آئی کی حمایت کا اعلان


دولتالہ(نامہ نگار ) پیپلز پارٹی کو بڑھا دھچکا چیئرمین یونین کونسل جاتلی چوہدری ابرار رشید ، چیئرمین یونین کونسل نڑالی شیخ طاہر اشفاق ،سابق وائس چیئرمین ضلع کونسل راولپنڈی شیخ عبدالرزاق ،سابق ممبر ضلع کونسل چوہدری سجاد احمد،سابق چیئرمین ماچھیہ راجہ قیوم اورسابق نائب ناظم پنج گراں راجہ سعید اقبال نے پی ٹی آئی کی حمایت کا اعلان کر دیا غربی گوجرخان میں پی ٹی آئی کے امیدواروں کی پوزیشن مستحکم تفصیلات کے مطابق غربی گوجرخان کی اہم سیاسی و سماجی شخصیات کا اجلاس گزشتہ روز راماں میں چوہدری سجاد احمد کی رہائش گاہ پر منعقد ہوا میں اتفاق رائے سے فیصلہ کیا گیا کہ پی ٹی آئی کے امیدواروں چوہدری محمد عظیم اور چوہدری ساجد محمود کی مکمل حمایت اور بھر پور ساتھ دیا جائے گا اس موقع پر گفتگو کرتے ہوئے شرکاء کا کہنا تھا کہ ماضی میں بر سر اقتدار رہنے والی سیاسی جماعتوں نے ملک و قوم کے لیے خاطر خواہ اقدمات نہیں اٹھائے یہی وجہ ہے کہ آزادی کے70سال گزرنے کے باوجود آج تک ہم بحیثت قوم اپنا آپ دنیا میں نہیں منوا سکے بیرونی ممالک سے قرضے لیکر سڑکیں اور پل بنانے والوں نے قوم کو گروی رکھ دیا ہے آج وطن عزیز کا بچہ بچہ قرض کی دلدل میں دھنسا ہوا ہے وطن عزیز پانی کے بحران میں ڈوب چکا ہے نئے ڈیمز کی تعمیر نہ ہونے کے باعث ملک کے طول و عرض میں عوام پانی کی بوند بوند کو ترس رہے ہیں معیشت کا دیوالیہ نکل چکا ہے 21ویں صدی میں بھی پاکستان کے80فی صد عوام کو صحت اور تعلیم جیسی بنیادی سہولیات دستیاب نہیں ہیں سرکاری ادارے سیاسی مداخلت کے باعث تباہ برباد کرنے کی گھناؤنی سازش کرنے والوں سے چھٹکارا وقت کا تقاضا ہے تحریک انصاف اور عمران خان کی صورت میں عوام کو ایک ایسا قائد مہیا ہوا ہے جو پاکستانی عوام کی امیدوں کا محور و مرکز بن چکا ہے لہذا ضرورت اس امر کی ہے کہ پی ٹی آئی کے امیدواروں کو بھاری اکثریت سے کامیاب کرایا جائے انہوں نے اہل گوجرخان سے مطالبہ کیا کہ زاتی مفادات کو بالائے طاق رکھتے ہوئے ملکی مفادات کو ترجیح دیں اور تحریک انصاف کی کامیابی میں اپنا بھر پور کرداد ادا کریں انہوں نے کہا کہ امیدوارقومی اسمبلی چوہدری محمد عظیم اور صوبائی اسمبلی کے امیدوار چوہدری ساجد محمود کی کامیابی کے لیے دعا گو ہیں اور ان شاء اللہ جیت پی ٹی آئی کی ہو گی

ووکیشنل انسٹی ٹیوٹ دولتالہ کیمپس کے تمام اساتذہ فارغ کرکے کیمپس کو تالا لگادیا 


دولتالہ(نامہ نگار)پنجاب ووکیشنل انسٹی ٹیوٹ دولتالہ کیمپس کے تمام اساتذہ فارغ کرکے کیمپس کو تالا لگادیا گیا ،داخلہ لینے والے 100سے زائد طلباء وطالبات اور اساتذہ کی کیمپس بند کرنے کیخلاف احتجاجی ریلی ،احتجاج سے مین روڈ دولتالہ جزوی طور پر کچھ دیر کیلئے بند ،اساتذہ کا کنٹریکٹ رینیو کیا جائے ملازمین کا مطالبہ ،کلاسز کا اجراء کیا جائے طلباء وطالبات کا مطالبہ ،تفصیلات کے مطابق گزشتہ روز پنجاب ووکیشنل انسٹی ٹیوٹ دولتالہ کیمپس کے جملہ سٹاف کا کنٹریکٹ پیشگی اطلاع کے بغیر اچانک ختم کردیا گیا جس کی وجہ سے کیمپس عملی طور پر بند ہو گیا ،اس صورتحال سے کیمپس کے اساتذہ سمیت سو سے زائد داخلہ لینے والے طلباء وطالبات میں شدید تشویش کی لہر دوڑ گئی اور وہ احتجاج کیلئے سڑکوں پر آگئے ،اس ضمن میں ایک احتجاجی ریلی منعقد کی گئی جس کی قیادت کیمپس کے انچار ولی اللہ کر رہے تھے جبکہ دیگر اساتذہ اور طلباء وطالبات بھی شریک تھے ،ریلی کے شرکاء نے کتنے اٹھا رکھے تھے جن پر اپنے حق میں نعرے درج کئے گئے ،ریلی مختلف راستوں سے ہوتی ہوئی مین روڈ پر پہنچی جہاں کچھ وقت کیلئے ٹریفک جام رہی ،ریلی کے شرکاء نے پنجاب ووکیشنل انسٹی ٹیوٹ کے ایریا منیر راولپنڈی طاہر اکرم اور دیگر حکام بالا سے مطالبہ کیا ہے کہ ملازمین کے کنٹریکٹ بحال کرکے پنجاب ووکیشنل انسٹی ٹیوٹ دولتالہ کیمپس میں کلاسز کا اجراء کیا جائے اور پیشگی اطلاع کے بغیر اچانک کنٹریکٹ ختم کرنے کا نوٹس لیا جائے

مسلم لیگ ن پاکستان کی مقبول ترین سیاسی قوت ہے، سید قلب عباس


دولتالہ(نامہ نگار) مسلم لیگ ن پاکستان کی مقبول ترین سیاسی قوت ہے جس نے گزشتہ پانچ سال اقتدار میں رہ کر ملک کو بڑے بڑے مسائل سے نجات دلائی اور مثالی ترقیاتی اقدامات اٹھائے ،عوام کارکردگی کی بنیاد پر اس انتخابات میں بھی مسلم لیگ ن کو ہی منتخب کریں گے ،ان خیالات کا اظہار چیئرمین یونین کونسل دولتالہ سید قلب عباس نے اپنے ایک بیان میں کیا ،انہوں نے کہا کہ سابق وفاقی پارلیمانی سیکرٹری راجہ جاوید اخلاص اور مسلم لیگ ن تحصیل گوجرخان کے صدر راجہ حمید ایڈووکیٹ کی شکل میں ایک مخلص اور دیانتدار قیادت مسلم لیگ ن کا اثاثہ ہے ،ان کی کامیابی کیلئے بھرپور طور پر کوشاں ہیں اور یونین کونسل دولتالہ کی منتخب بلدیاتی قیادت ،کونسلرز ،مسلم لیگی کارکنان متحد ہو کر مسلم لیگی امیدواروں کی کامیابی میں کردار ادا کریں گے اور واضح اکثریت سے کامیابی ھاصل کریں گے

تحریک انصاف میں نئے لوگوں کی شمولیت پر پرانے لوگوں کے تحفظات


دولتالہ(نامہ نگار)تحریک انصاف میں نئے لوگوں کی شمولیت پر پرانے لوگوں کے تحفظات ،پاکستان تحریک انصاف تحصیل گوجرخان کے سینئر نائب صدر راجہ سرفراز اصالت نے ورکرز کا اجلاس طلب کرلیا ،اجلاس جاتلی میں منعقد ہوگا ،گزشتہ کچھ دنوں سے یونین کونسل جاتلی میں متعدد سیاسی عمائدین کیجانب سے تحریک انصاف میں شمولیت کے اعلانات ، تحریک انصاف تحصیل گوجرخان کے سینئر نائب صدر راجہ سرفراز اصالت کا کہنا تھا کہ تحریک انصاف میں لوگوں کی کثرت سے شمولیت عوامی مقبولیت کا منہ بولتا ثبوت ہے ،ورکرز نئے لوگوں کی شمولیت پر پریشان نہ ہوں کسی کے شامل ہونے سے کسی بھی ورکر کی حیثیت میں کوئی فرق نہیں آئے گا بلکہ تحریک انصاف کی قوت میں بے پناہ اضافہ ہوچکا ہے ،ان کا مزید کہنا تھا کہ انتخابات میں تحریک انصاف واضح اکثریت سے کامیابی حاصل کرے گی بالخصوص یونین کونسل جاتلی میں تحریک انصاف ناقابل شکست ہو چکی ہے اور انتخابات میں چوہدری محمد عظیم اور چوہدری ساجد محمود کی کامیابی یقینی ہو چکی ہے

گوجرخان کے عوام پیپلز پارٹی کے ساتھ ہیں،راجہ پرویز اشرف 


دولتالہ(نامہ نگار) گلی گلی قریہ قریہ جائیں گے تحصیل گوجرخان کے عوام پیپلز پارٹی کے ساتھ ہیں 25 جولائی کو سیاسی مخالفین کی خوش فہمیاں دم توڑجائیں گی اہل علاقہ کی خدمت اور حق نمائندگی ادا کیا ہے عوام کو بنیادی سہولیات کی فراہمی عوام کی دہلیز پر یقینی بنائی اربوں روپے کے فنڈز سے حلقہ عوام کی فلاح و بہبود کے منصوبے ترجیح بنیادوں پر مکمل کیے ماضی گواہ ہے کہ ہمیشہ پیپلز پارٹی کے دور اقتدار میں ہی عوام کے مسائل حقیقی معنوں میں حل ہو ئے پیپلز پارٹی غریب کی جماعت ہے غریب کے حقوق کی جنگ لڑنا ہی ہمارے قائدین کا ویژن ہے قائد عوام شہید ذوالفقار بھٹو اور محترمہ بینظیر بھٹو شہید کے فلسفہ سیاست سے ہی ملک حقیقی معنوں میں ترقی کی شاہراہ پر گامزن ہو سکتا ہے حلقہ عوام میرے ساتھ ہیں ان شاء اللہ جیت پیپلز پارٹی کی ہو گی اب خیالات کا اظہار سابق وزیر اعظم پاکستان راجہ پرویز اشرف نے پی پی پی کے مقامی قائدین ریاست بھٹی اور قاضی ظفر علی کے کاروباری مرکز کے افتتاح کے موقع پر میڈیا سے گفتگو کرتے ہوئے کیا اس موقع پر پیپلز پارٹی کے دیگر قائدین راجہ عرفان عزیز ،اور دیگر بھی موجود تھے راجہ پرویز اشرف نے مزید کہا کہ گوجرخان کے عوام میرے 5سالہ دور اقتدار اور 2013تا 2018میں برسر اقتدار رہنے والوں کے ترقیاتی کاموں کا موازنہ کر لیں ہمارے مخالفین میرے دور کے کاموں کی دھول کو بھی نہیں پہنچ سکتے 47ارب روپیہ اہلیان گوجرخان کی پسماندگی کے لیے خرچ کیا گاؤں گاؤں گیس کی فراہمی ،مندرہ چکوال اور سوہاوہ چکوال روڈ ،گوجرخان پاسپورٹ آفس دولتالہ نادرا آفس کے قیام سے عوام کو بھر پور سہولیات کی فراہمی یقینی بنائی ،انہوں نے کہا کہ گوجرخان 2نشان حیدر اور غیور عوام کی دھرتی ہے یہاں کے باسی اپنے ضمیر کی آواز پر لبیک کہیں 25جولائی ان شاء اللہ تیز اور عوام کی جیت کا دن ہے ڈور تو ڈور انتخابی مہیم جاری ہے ایک ایک گھر کا دروازہ کھٹکٹائیں گے عوام سے ہمارا 30برسوں کا پرانا رشتہ ہے این اے58کا چپہ چپہ اس بات کی گواہی دے گا کہ ہم نے اپنے دور اقتدار میں علاقہ کی بہتری کے لیے کوئی کسر اٹھا نہیں رکھی پہلے بھی عوام کی خدمت کی ان شاء اللہ آئندہ بھی موقع ملا تو پہلے سے بڑھ کر اس فریضہ کو سر انجام دیں گے

پولیس تھانہ جاتلی کا قمار بازی کی محفل الٹ دی،5قمار باز گرفتار


دولتالہ(نامہ نگار) پولیس تھانہ جاتلی کا قمار بازی کی محفل الٹ دی،5قمار باز گرفتار،2درجن سے زائد فرار،لڑائی والے دو مرغ،نقدی اور قمار بازی کا سامان برآمد،مقدمہ درج کرلیا گیا ،واقعات کے مطابق ڈہوک چراغ دین ناٹہ ،نزد فٹبال گراؤنڈمیں اڑھائی بجے دن 25سے30اشخاص مرغوں کی لڑائی پر قمار بازی کر رہے تھے کہ پولیس تھانہ جاتلی نے مخبر کی اطلا ع پر چھاپہ ماردیا پولیس کو دیکھتے ہی لوگ بھاگ کھڑے ہوئے جبکہ 5قمار باز بمعہ ہمراہیوں کے گرفتار کرلئے گئے ،گرفتار ہونے والوں میں ظفر محمود ولد لال خان سکنہ ڈھڈیال،محمد عباس ولد باغ حسین سکنہ مستالہ،شبیر احمد ولد محمد خان سکنہ نتھہ ،عثمان جمیل ولد جمیل احمد سکنہ مستالہ،امجد محمود ولد محمد خادم سکنہ ناٹہ شامل ہیں جبکہ ان کے قبضے سے مبلغ7000روپے نقدی،5عدد موبائل،ایک عدد موٹر سائیکل اور2عدد اسیل مرغے لڑائی والے برآمد کرکے مقدمہ درج کرلیا گیا ،اس دوران 25افراد فرار ہونے میں کامیاب ہو گئے

قومی بچت گوجرخان میں تالا بندی سے بڑی تعداد میں کھاتہ داران مشکلات کا شکار

دولتالہ(نامہ نگار) قومی بچت گوجرخان میں تالا بندی سے بڑی تعداد میں کھاتہ داران مشکلات کا شکار ہو گئے ،حکومت قومی بچت اہلکاروں کی ہڑتال ختم کراکے کھاتہ داروں کی مشکلات ختم کریں ،کھاتہ داروں کا مطالبہ ،تفصیلات کے مطابق گزشتہ کئی روز سے قومی بچت سکیم کے اہلکاروں نے اپنے مطالبات منظور کروانے کیلئے ہڑتال اور دفاتر کی تالا بندی کی ہوئی ہے جس کی وجہ سے قومی بچت گوجرخان بھر کے کھاتہ داروں کے لین دین کے امور متاثر ہوئے ہیں ،کھاتہ داروں کا کہنا ہے کہ اہلکاروں کی ہڑتال سے شدید مشکلات کا شکار ہیں انہوں نے حکومت سے مطالبہ کیا کہ قومی بچت سکیم کے اہلکاروں کے جائز مطالبات پورے کئے جائیں تاکہ ہڑتال ختم ہو اور کھاتہ داروں کی مشکلات کا بھی خاتمہ ہو سکے

راجہ شوکت عزیز بھٹی تحصیل گوجرخان کے مایہ ناز سیاستدان ہیں،چوہدری محسن بلال


دولتالہ(نامہ نگار) راجہ شوکت عزیز بھٹی تحصیل گوجرخان کے مایہ ناز سیاستدان ہیں اور انہیں عوام میں غیر معمولی پذیرائی ھاصل ہے ،انتخابات میں ان کے نازمد کردہ امیدوار راجہ فیصل عزیز بھٹی کی کامیابی یقینی ہے ،اہلیان حلقہ پی پی9انہیں واضح اکثریت سے کامیاب کروائیں گے ،ان خیالات کا اظہار معروف سیاسی و سماجی رہنما چوہدری محسن بلال نے اپنے ایک بیان میں کیا ،انہوں نے کہا کہ راجہ شوکت عزیز بھٹی نے گزشتہ دس حلقہ کی ناقابل فراموش خدمت کی ہے اورحلقہ عوام کی ایک کثیر تعداد ان پر بے انتہاء اعتماد کرتی ہے ان کاگروپ حلقہ میں ناقابل شکست ہے ،اپنی بھرپور کوششیں صرف کرکے راجہ فیصل عزیز بھٹی کو کامیاب کروائیں گے

بہیرکلیال میں 20سالہ نوجوان ڈیم میں ڈوب کر جان بحق


دولتالہ(نامہ نگار )تھانہ جاتلی کے علاقہ بہیرکلیال میں 20سالہ نوجوان ڈیم میں ڈوب کر جان بحق ،جانوروں کو پانی پلانے گیا پاؤں پھسلنے سے ڈیم کی گہرائی میں چلا گیا ،لوگوں نے اپنی مدد آپ کے تحت نعش کو ڈیم سے نکالا ،تفصیلات کے مطابق گزشتہ دن کلیال کا رہائشی 20 سالہ کاشف محمود مویشیوں کو پانی پلانے کے لئیے نزدیکی ڈیم پر لے گیا ،جہاں اس کا پاؤں پھسلنے کی وجہ سے پانی کی گہرائی میں چلا گیا ،گاؤں کے رہائشیوں نے اپنی مدد آپ کے تحت نعش کو پانی سے باہر نکالا ،نوجوان کی موت کی خبر گاؤں میں پھیلتے ہی علاقے بھر میں کہرام مچ گیا ،متوفی کاشف کو آہوں سسکیوں میں سپرد خاک کر دیا گیا ،

پاکستان تحریک انصاف کی کامیابی نوشتہ دیوار بن چکی ہے،چوہدری ساجد محمود 


دولتالہ(نامہ نگار )پاکستان تحریک انصاف کی کامیابی نوشتہ دیوار بن چکی ہے باشعور عوام جان چکے ہیں کہ وطن عزیز کو ترقی اور خوشحالی کی راہ پر گامزن کرنے کے لیے پی ٹی آئی اور قائد تحریک عمران خان کو کامیاب کرانا وقت کا تقاجا ہے نا عاقبت اندیش سیاستدانوں نے ملکی معیشت کو تباہی کے دہانے لا کھڑا کیا ہے قوم کا بچہ بچہ مقروض ہے قرضوں کے زریعے ملک چلانے والوں نے حقیقی معنوں میں ملک کو اغیار کے ہاتھوں گروی رکھ دیا ہے بجلی اور گیس کے بحران کے باعث صنعتیں بند اور بے روزگاری میں اضافہ ہوا 25جولائی عوام کی عدالت ان شاء اللہ بلے کے حق میں فیصلہ دے گی 25جولائی کا سورج ان شاء اللہ پاکستانی عوام کی فتح کی نوید لیکر طلوع ہو گا تبدیلی آ کر رہے گی پی ٹی آئی عوام کے دلوں کی دھڑکن بن چکی ہے عوام کی امیدوں پر پورا اتریں گی ان خیالات کا اظہار پاکستان تحریک انصاف کے نامزد امیدوار برائے صوبائی اسمبلی چوہدری ساجد محمود نے ناٹہ گوجر مل میں مسلم لیگی رہنما راجہ عبدالغفار بھٹی کی رہائش گاہ پر عمائدین علاقہ سے گفتگو کرتے ہوئے کیا قبل ازیں راجہ عبدالغفار بھٹی ،راجہ غلام فاروق بھٹی ،نے برادری اور دھڑے سمیت چوہدری ساجد محمود کی بھر پور حمایت کا اعلان کیا راجہ عبدالغفار بھٹی نے چوہدری ساجد محمود کو یقین دلایا کہ ان کا گروپ مکمل طور پر آپکا ساتھ دے گا اس موقع پر راجہ لیاقت علی ،صوبیدار محمد نواز ،نمبردار الطاف ،حاجی سرفراز ،راجہ سعید نذیر ،راجہ تصور ،ماسٹر مشتاق ،راجہ نذیر ،راجہ علی رضا ،چوہدری خورشید ،چوہدری لطیف کانٹی ،راجہ یاسین،راجہ نویزر ،محمد دلپذیر ،سمیت دیگر نے بھی موجود تھے چوہدری ساجد محمود نے عمائدین علاقہ اور بالخصوص راجہ عبدالغفار بھٹی اور ان کے گروپ کا شکریہ ادا کیا جنہوں نے مسلم لیگی امیدوار کو خیر آباد کہ کر پی ٹی آئی کے امیدوار کی حمایت کا غیر مشروط اعلان کیا قبل ازیں آہدی موڑ خیبر کالونی کی پختون آبادی حاجی ولی خان ،میاور خان ،حاجی رحیم گل اور دیگر نے بھی چوہدری ساجد محمود سے ملاقات کی اور انہیں مکمل حمایت کا یقین دلایا ۔

شوکت بھٹی گروپ کا فیصلہ گوجرخان کی تینوں سیٹوں پر اثر انداز ہو گا :راجہ شوکت عزیز بھٹی 


دولتالہ(نامہ نگار )دوستوں کی مشاورت سے جلد آئندہ کے لائحہ عمل کا اعلان ڈنکے کے چوٹ پر کریں گے اقتدار آنی جانی چیز ہے مسلم لیگ اور مسلم لیگیوں کو کسی صورت نہیں چھوڑ سکتا دوستوں کی محبت کا ہمیشہ مقروض رہوں گا جنہوں نے ہر مشکل وقت میں شوکت بھٹی کا ساتھ دیا اور میرے دست و بازو بنے منافقین کی چالوں کا جواب ضرور دیں گے مجھے فخر ہے کہ میری ٹیم وفادار دوستوں کا ایک گروپ ہے شوکت بھٹی گروپ عوام کے دلوں کی دھڑکن بن چکا ہے مشکل حالات سے ڈٹ کر مقابلہ کرنے ی صلاحیت اللہ تعالیٰ نے مجھے بخشی ہے منافق نہیں اور نہ ہی منافقوں کا ساتھ ہوں ان خیالات کا اظہار سابق امیدوار صوبائی اسمبلی راجہ شوکت عزیز بھٹی نے دولتالہ میں راجہ نعیم نواز کے ایک کاروباری مرکز کا افتتاح کرنے کے بعد میڈیا سے گفتگو کرتے ہوئے کیا اس موقع پر رہنما پی پی پی و چیئرمین یوسی موہڑہ نوری راجہ عرفا ن عزیز ،وائس چیئرمین کرنب الیاس حاجی چوہدری ظفر محمود ،سمیت اہل علاقہ کی کثیر تعداد موجود تھی انہوں نے کہا کہ شوکت بھٹی گروپ کا فیصلہ گوجرخان کی تینوں سیٹوں پر اثر انداز ہو گا گزشتہ 10سالوں سے عوامی خدمت کے لیے ہر پلیٹ فارم پر آواز بلند کی اور حلقہ عوام کے مسائل کے حل کر لیے ہر ممکن وسائل بروئے کار لائے عوام کی محبت کا ہمیشہ قرض دار رہوں گا جنہوں نے میری ایک آواز پر ہمیشہ لبیک کہا

ایس ایچ او تھانہ جاتلی کا لاہور تبادلہ

دولتالہ(نامہ نگار)ایس ایچ او تھانہ جاتلی کا لاہور تبادلہ،تا حال نئے ایس ایچ او کی تعیناتی عمل میں نہیں لائی گئی،تفصیلات کے مطابق محکمہ پولیس میں بڑے پیمانے پر ہونے والے تبادلوں کے تسلسل میں ایس ایچ او پولیس تھانہ جاتلی ثناء اللہ خان نیازی کا تبادلہ بھی لاہور کردیا گیا ،پولیس ذرائع کے مطابق تا حال نئے ایس ایچ او کی تعیناتی عمل میں نہیں لائی گئی

بھنگالی شریف کے سالانہ عرس مبارک کی تیاریاں زور و شور سے جاری


دولتالہ(نامہ نگار)دربار عالیہ بھنگالی شریف کے سالانہ عرس مبارک کی تیاریاں زور و شور سے جاری ،تیاریوں کا جائزہ لینے کیلئے پیر سید جابر علی شاہ ہمدانی سجادہ نشین دربار عالیہ اور چیئرمین تحریک فکر اسلام پیر سیدمخدوم عباس شاہ ہمدانی کی زیر صدارت ایک اجلاس منعقد ہوا ،اجلاس میں مریدین کی ایک بڑی تعداد نے شرکت کی ،اجلاس میں تیاریوں پر اظہار اطمینان کرتے ہوئے پیر سید جابر علی شاہ ہمدانی سجادہ نشین دربار عالیہ اور چیئرمین تحریک فکر اسلام پیر سیدمخدوم عباس شاہ ہمدانی کا کہنا تھا کہ زائدین کوزیادہ سے زیادہ سہولت فراہم کرنے کی کوشش کی جائے ،بہت بڑی تعداد میں آنے والے زائرین کی سکیورٹی یقینی بنانے کیلئے بھی خصوصی اقدامات اٹھائے جائیں

error: