گرما گرم خبریں

چوہدری زاہد جٹ نے اپنی برادری سمیت تحریک انصاف میں شامل ہونے کا اعلان کردیا
نیا پاکستان بنانے کیلئے پرعزم ہیں،چوہدری جاوید کوثر ایڈووکیٹ
نیشنل ہائی وے اینڈ موٹر وے پولیس سیکٹر نارتھ ٹو کی سالانہ ایوارڈ تقریب کا انعقاد
پولیس پٹرولنگ پولیس ٹھاکرہ موڑ چوکی نے مختلف کاروائیوں میں چھ مقدمات درج
کمپیوٹرائزڈ لینڈریکارڈ سنٹر گوجرخان عوام کیلئے دردسر بن گیا
تحریک انصاف میں شمولیت پر راجہ حسیب کیانی کو خراج تحسین پیش کرتے ہیں،رضوان ہاشمی
ضلع چکوال کی سیاست میں آنے والے چند دنوں میں بڑی سیاسی تبدیلیاں رونما ہورہی ہیں

Category: دولتالہ کی خبریں

دولتالہ،پولیس نے مشکوک شخص گرفتار کرلیا دو ساتھی فرار ہونے میں کامیاب


دولتالہ (نامہ نگار)دولتالہ پولیس نے ایک مشکوک شخص گرفتار کرلیا مشکوک موٹر سائیکل سوار کے دو ساتھی فرار ہونے میں کامیاب،تلاش جاری واقعات کے مطابق پولیس چوکی دولتالہ کے انچارج سب انسپکٹر محمد اکرم خان نیازی ہمراہ نفری گشت پر تھے کہ کالج روڈ دولتالہ پربدون نمبر موٹرسائیکل سوار وں کو روکنے کی کوشش کی جنھوں نے پولیس کو دیکھتے ہی فائر کھول دیا جس پر پولیس نے بھی جوابی ہوائی فائرنگ کی اور موٹر سائیکل سوار تینوں افراد،محمدعلی ولد راجہ پرویز ساکن بہر کلیال،اویس اور کاشف عرف کاشی گرگے اور اویس اور کاشف عرف کاشی پولیس پر فائرنگ کرتے ہوئے فرار ہونے میں کامیاب ہوگے اور محمدعلی کو پولیس نے زخمی حالت گرفتار کرلیاملزم کا تعلق بھیر کلیال سے ہے،تفتیش کے پولیس چوکی دولتالہ منتقل کر دیا گیابتایا جاتا ہے کہ پولیس اور ملزمان میں دو گھنٹے سے زاہد آنکھ مچولی جاری رہی اور پولیس کے تعاقب پر ملزمان واٹر سپلائی محلہ کے پاس موٹرسائیکل چھوڑ کر فرار کی کوشش جسے پولیس نے قابو کرلیا

چیئرمین یونین کونسل دولتالہ سید قلب عباس نے پی پی 9سے الیکشن لڑنے کا اعلان کردیا

دولتالہ(نامہ نگار)چیئرمین یونین کونسل دولتالہ سید قلب عباس نے حلقہ پی پی9سے مسلم لیگ ن کے ٹکٹ کیلئے درخواست جمع کرادی ،انتخابات میں بھرپور حصہ لینے کا اعلان ،اگر پارٹی نے اعتماد کیا تو صوبائی اسمبلی کیلئے انتخابات میں حصہ لیں گے ،سید قلب عباس کا عزم ،تفصیلات کے مطابق چیئرمین یونین کونسل دولتالہ و معروف مسلم لیگی رہنما سید قلب عباس نے مسلم لیگ ن کو تحصیل گوجرخان کے صوبائی حلقہ پی پی9کیلئے ٹکٹ کی درخواست دیدی ہے ،ان کا کہنا ہے کہ اگر پارٹی نے اعتماد کرتے ہوئے ٹکٹ جاری کیا تو بھرپور انداز میں انتخابات میں حصہ لیں گے ،ان کا مزید کہنا تھا کہ عوامی مسائل کا حل اور علاقائی تعمیر وترقی ہی وہ واحد ایجنڈا ہے جس کیلئے سیاسی میدان میں جدوجہد کر رہے ہیں ،ان کا کہنا تھا کہ تحصیل گوجرخان مسلم لیگ ن کا مضبوط قلعہ ہے اور انتخابات میں حسب سابق تحصیل گوجرخان سے مسلم لیگ ن کے امیدوار ہی کلین سویپ کریں گے ،موجودہ دور حکومت میں بھی مسلم لیگ ن کے توسط سے ان گنت ترقیاتی کام مکمل کئے جن سے نہ صرف لوگوں کے دیرینہ مسائل کا خاتمہ ہوا بلکہ معیار زندگی بھی بہتر ہوا ہے اگر مسلم لیگ ن کو تسلسل ملا تو باقی ماندہ مسائل کا بھی با آسانی خاتمہ کیا جا سکتا ہے

پولیو اور دیگر حفاظتی ٹیکہ جات کے حوالے سے آگاہی مہم کا انعقاد 


دولتالہ(نمائندہ خصوصی)رورل ہیلتھ سنٹر دولتالہ میں پولیو اور دیگر حفاظتی ٹیکہ جات کے حوالے سے آگاہی مہم کا انعقاد کیا گیا ڈاکٹر شہر یار نے ڈاکٹرز اور نرسنگ سٹاف کو بریفنگ دی پریس کلب دولتالہ کے صدر راجہ حاجی احمد نے خصوصی طور پر شرکت کیااس موقع پر ڈاکٹر شہر یار نے کہا کہ پولیو کی وجہ سے اکثر بچے معذوری کا شکار ہو جاتے ہیں اور اکثر مواقع پر ان بچوں کی موت بھی واقع ہو جاتی ہے پولیوسے بچنے کے لیے صرف اور صرف پولیو کے قطرے پلوانے سے اپنے بچوں کو تمام عمر کی معذوری سے بچایا جا سکتا ہے پوری دنیا میں اس مرض پر قابو پایا جا چکاہے ڈاکٹر شہر یارنے بتایا کہ اس پروگرام کا باقاعدہ مقصد پولیو کے حوالے سے معاشرے کے ہر فرد کو آگاہی فراہم کرنا ہے ضروری ہے کہ معاشرے کے ہر فرد کو صحت محافظ بننا ہو گا اس کے لیے کمیونٹی کو آگے آنا ہو گا اورمہم کو موثر بنانے اور رہ جانے والے بچوں کو پولیو کے قطرے پلانے کے لئے آگاہی مہم شروع کر نے کی ضرور ت ہے

میاں محمد نواز شریف محب وطن قائد ہیں،راجہ محمد جاوید اخلاص،راجہ شوکت عزیز بھٹی

دولتالہ (نامہ نگار) میاں محمد نواز شریف محب وطن قائد ہے سابق وزیر اعظم پاکستان کے ملکی سلامتی بارے حالیہ بیان کو توڑ موڑ کر پیش کیا گیا ملک میں اربوں روپے کی سرمایہ کاری لا کر ملکی معیشت کو بہتری کی جانب گامزن کرنے والے شخص کو غدار کہنا سر ا سر نا انصافی ہے 5سالہ دور اقتدار میں موجود حکومت نے 11ہزار میگاواٹ بجلی سسٹم میں شامل کی جس سے لوڈ شیڈنگ میں کمی آئی ،سی پیک منصوبے کو پایہ تکمیل تک پہنچا کر وطن عزیز کو معاشی قوت بنایا ،تحصیل گوجرخان پر برسر اقتدار رہنے والے سابقہ عوامی نمائندوں نے کرپشن کے عالمی ریکارڈ قائم کیے آج بھی 263منصوبے نیب میں زیر التواء ہیں ہمارا دامن صاف ہمارا ماضی بے داغ ہے اللہ تعالیٰ کا کرم ہے کہ مجھ پر میری ٹیم پر ایک پائی کی کرپشن کا الزام نہیں عوام کو پیسہ صاف شفاف انداز میں خرچ کیا پوائنٹ سکورنگ کے لیے نہیں سیاست نہیں کرتا عوامی خدمت کے جذبہ میری سیاست کا اولین منشور ہے گزشتہ40سالوں سے میدان سیاست میں موجود ہوں ان شاء اللہ آئندہ بھی گوجرخان نے عوام نے موقع دیا تو خدمت کا سلسلہ جاری رہے گا ان خیالات کا اظہار پارلیمانی سیکرٹری راجہ محمد جاوید اخلاص نے ناٹہ موہڑہ میں مسلم لیگی رہنما راجہ ناصر عباس اور راجہ ریاض کے زیر اہتمام منعقدہ سڑک کی افتتاحی تقریب کے موقع پر عوامی اجتماع سے خطاب کرتے ہوئے کیا اس موقع پر رکن قومی اسمبلی راجہ شوکت عزیز بھٹی ،صدر مسلم لیگ ن تحصیل گوجرخان راجہ محمد حمید ایڈوکیٹ ،چیئرمین یو سی دولتالہ سید قلب عباس،چیئرمین آہدی محمد خان بھٹی ،چیئرمین سکھو چوہدری ابرار سرور،چیئرمین دولتالہ ٹو چوہدری جمشید علی ،چیئرمین کرنب الیاس یحیٰ فیض ،وائس چیئرمین چوہدری ظفر محمود،وائس چیئرمین شیخ سعید احمد ،مسلم لیگی رہنما راجہ نعیم نواز،چوہدری شاہد محمو د،راجہ تصور حسین،سمیت بڑی تعداد میں مقامی مسلم لیگی عہدیداران و کارکنان موجود تھے راجہ شوکت عزیز بھٹی نے اپنے خطاب میں کہا کہ میاں محمد نواز شریف عوام اور ووٹ کے تقدس کی جنگ لڑ رہے ہیں ہمیں انکا دست و بازو بننا ہو گا آئندہ الیکشن میں عوام ن لیگ کو بھاری اکثریت سے کامیاب کرائیں قبل ازیں دولتالہ کا ناٹہ موہڑہ تعمیر ہونیوالی سڑک کا افتتاح کیا گیا

دولتالہ، بجلی کی گھنٹوں بندش نے نظام زندگی مفلوج کر کے رکھ دیا


دولتالہ(نامہ نگار) گرمی کی حدت میں اضافے کے ساتھ ہی بجلی کی لوڈ شیڈنگ میں شدت آئیسکو سب ڈویژن دولتالہ کے زیر انتظام چلنے والے فیڈر میں بجلی کی گھنٹوں بندش نے نظام زندگی مفلوج کر کے رکھ دیا آئیسکو سب ڈویژن دولتالہ کے عملے اور جاتلی گرڈ اسٹیشن کے عملے کی ملی بھگت سے لائن لاسز پر قابو پانے کے لیے بجلی بندش پر عوام سراپا احتجاج لوڈ شیڈنگ کے سلسلے میں معلومات حاصل کرنے کے لیے گرڈ اسٹیشن رابطہ کرنے والے صارف کو جواب دیا جاتا ہے کہ روات سے مین سپلائی بند ہے جب کہ آئیسکو آفس دولتالہ رابطہ کرنے پر عملے کی پر اسرار خاموشی صارفین بجلی کے منہ چڑھا رہی ہوتی ہے ماہ رمضان المبارک میں سحری افطاری اور تراویح کے اوقات کار میں ٹرپنگ کے باعث عوام کا انتہائی مشکلات کا سامنا کرنا پڑا رہا ہے اہل علاقہ کا کہنا ہے کہ حکومتی نمائندوں کی جانب سے متعدد بار دعوے کیے جا رہے ہیں کہ 11ہزار واٹ بجلی نیشنل گرڈ سسٹم میں شامل کر دی گئی ہے تا ہم بجلی کی بندش کا سلسلہ تواتر سے جاری ہے اور عوام کو کہیں بھی ریلیف فراہم نہیں کیا جا رہا ہے موسم سرما میں عوام ہائے گیس پکارتی ہے اور موسم گرما بجلی کا رونا رویا جاتا ہے گزشتہ 5سالہ دور اقتدار میں حکمرانوں نے حقیقی معنوں میں کوئی کام کیا ہوتا تو آج عوام اس مشکلات سے دوچار نہ ہوتے اہل علاقہ ،عوامی سماجی مذہبی حلقوں نے وفاقی وزیر پانی و بجلی سے اپیل کی ہے کہ ماہ رمضان المبارک میں عوام کے حال پر رحم کیا جائے جب کہ ،آئیسکو چیف سے مطالبہ کیا ہیسب ڈویژن دولتالہ اور گرڈ اسٹیشن جاتلی کے عملہ کی ملی بھگت سے لائن لاسز پورا کرنے کے لیے بجلی بندش پر سخت نوٹس لیا جائے

میرا جینا مرنا راجہ جاوید اخلاص کے ساتھ ہے، راجہ امیر کاظم

دولتالہ (نامہ نگار)چیئرمین یوسی کونتریلہ راجہ امیر کاظم نے کہا ہے کہ میرا جینا مرنا راجہ جاوید اخلاص کے ساتھ ہے سیاست میں کچھ اصول ہوتے ہیں اور جس کے اصول نہیں ہوتے وہ سیاست دان نہیں ہوتاوہ مفاد پرست ہوتا ہے راجہ جاوید اخلاص نے ہر معاملے میں میرے ساتھ تعاون کیا ہے، میرے پاس ایسا کوئی جواز نہیں کہ میں ان سے اپنے رستے جدا کر لوں میری یونین کونسل میں جتنے بھی ترقیاتی منصوبے تجویز ہوئے تھے وہ سب کے سب اللہ تعالی کے فضل و کرم سے پورے ہوئے ویسے بھی میرا تعلق احسان فراموش گھرانے سے نہیں ہیمیں مسلم لیگی تھا، اور مسلم لیگی ہی رہوں گاکسی اور پارٹی میں جانے کا سوچ بھی نہیں سکتااس پارٹی نے مجھے ہمیشہ عزت دی ہے راجہ جاوید اخلاص نے ہمیشہ مجھ پر بھروسہ کیا ہے

وفاقی پارلیمانی سیکرٹری راجہ جاوید اخلاص کا یو سی آہدی ،راماں اور نڑالی کا دورہ 

دولتالہ (نامہ نگار) وفاقی پارلیمانی سیکرٹری راجہ جاوید اخلاص کا یو سی آہدی ،راماں اور نڑالی کا دورہ مرحومین کے لئے مغفرت کی دعائیں لواحقین سے تعزیت اور صبرو جمیل کی دعا کی تفصیلات کے مطابق وفاقی پارلیمانی سیکرٹری راجہ جاوید اخلاص کا یو سی آہدی،راماں اور نڑالی کا ہنگامی دورہ موضع رئیاں میں ممتاز شخصیت چوہدری طالب ،ڈہونگ میں محمد اسماعیل خالد،عبدالستار ، تراٹی میں جنرل کونسلر حسن اختر راجہ کی دادی جان اور ڈہوک بدہال میں ملک محمد شفیق کی بہو اور ملک قاسم منا کی بھانجی کی وفات پر اہل خانہ سے اظہار افسوس ،مرحوم کے درجات کیبلندی اور مغفرت کی دعا اور لواحقین کے لئے صبرو جمیل کی دعا کی

دولتالہ میں تجاوزات مافیا کا راج،ٹریفک بلاک رہنا معمول بن گیا

دولتالہ(نامہ نگار) دولتالہ میں تجاوزات مافیا کا راج،ٹریفک بلاک رہنا معمول بن گیا ،پیدل چلنا بھی دشوار ،بزرگوں اور خواتین کو شدید زحمت کا سامنا ،انتظامیہ نوٹس لیکر اصلاح احوال کرے ،عوامی حلقوں کا مطالبہ ،تفصیلات کے مطابق مین بازار دولتالہ اور مین روڈ دولتالہ کے دونوں اطراف میں جا بجا تعمیر کی گئی یا عارضی طور پر رکھی گئی تجاوزات نے دولتالہ میں ٹریفک کے مسائل میں شدید اضافہ کردیا ہے ،مین روڈ دولتالہ کے اطراف میں ناجائز پارکنگ اور تجاوزات کے باعث اکثر ٹریفک جام رہتی ہے ، مین بازار دولتالہ میں قائم تجاوزات کے باعث ٹریفک جام رہنا معمول کی بات ہے جبکی پیدل چلنا بھی محال ہو چکا ہے بالخصوص خواتین اور بزرگوں کو گزرنے میں شدید زحمت کا سامنا کرنا پڑتا ہے ،عوامی حلقوں نے ڈی سی او راولپنڈی اور دیگر انتظامی حکام سے پرزور مطالبہ کیا ہے کہ دولتالہ میں تجاوزات کیخلاف اقدامات اٹھا کر دیرینہ مسائل کا خاتمہ عمل میں لایا جائے

مسلم لیگ (ن)سے بےء وفائی کرنے والے راجہ عرفان عزیزکی کوئی حثیت نہیں،سید علی اشعر کاظمی

دولتالہ(نامہ نگار) یونین کونسل سید کے چیئر سید علی اشعر کاظمی کا کہنا ہے کہ وفاقی پارلیمانی سیکرٹری راجہ جاوید اخلاص تحصیل گوجرخان کے مدبر اور قابل احترام قائد ہیں ان کی طویل سیاسی خدمات شرافت اور ایمانداری سے مزین ہیں ان کیخلاف کیا جانے والا پراپگینڈا بے بنیاد ہے ،ان کے توسط سے تحصیل گوجرخان میں ان گنت ترقیاتی اقدامات اٹھائے گئے ہیں اور اہلیان تحصیل گوجرخان ان کا بے حد احترام کرتے ہیں ،ان کا مزید کہنا تھا کہ چیئرمین یونین کونسل موہڑہ نوری راجہ عرفان عزیز کے جانے سے مسلم لیگ ن اور راجہ جاوید اخلاص کو کوئی فرق نہیں پڑتا ،انہوں نے حکومت کے5سال مکمل کرنے کے بعد جس انداز میں پارٹی اور قیادت سے کنارہ کشی اختیار کی ہے اس سے مفاد پرستی صاف نظر آ رہی ہے ،ان کا مزید کہنا تھا کہ باشعور عوام ابن الوقت سیاستدانوں اور مفاد پرست عناصر کو سختی سے مستردکریں گے اور کارکردگی کی بنیاد پر مسلم لیگ ن کے امیدواروں کو کامیابی سے ہمکنار کریں گے

گوجرخان،گیس کی مکمل بندش کے خلاف زبر دست مظاہرہ، جی ٹی روڈ بلاک کر دی گئی


گو جر خان(نامہ نگار)گو جر خان میں رمضان المبارک شروع ہوتے ہی گیس کی مکمل بندش کے خلاف زبر دست مظاہرہ، جی ٹی روڈ بلاک کر دی گئی۔نواز شریف، وزیر اعظم، ایم این اے اور جی ایم گیس کے خلاف نعرے،اگر 24گھنٹوں میں گیس کی لو ڈ شیڈنگ ختم نہ ہو ئی تو جی ٹی روڈ پر تا دم مرگ دھرنا دیا جا ئے گا ۔مظاہرین کا الٹی میٹم ،تفصیلات کے مطا بق جمعرات کو صبح سے ہی گو جر خان کو گیس کی سپلائی مکمل طور پر بند کر دی گئی ۔ گذشتہ ایک ہفتہ سے گیس کا پریشر تو کم تھا مگر اسطرح مکمل بندنہیں ہو ئی تھی چئیرمین بلدیہ شاہد صراف نے جی ایم گیس ظہور احمد سے را بطہ کیا تو انہوں نے کو ئی خاطر خواہ جواب نہیں دیا اور کہا کہ وہ ٹیم بھیج رہے ہیں جسکا وہ تین دنوں سے وعدہ کر رہے تھے ادھر تاجر بھی افطاری کے لیے اشیا تیار کر نے سے قاصر تھے ۔چنانچہ شہری مجبور ہو کر جی ٹی روڈ پر آ گئے دیکھتے ہی دیکھتے تاجر،شہری اور بڑی تعداد میں سول سو سائٹی بھی جی ٹی روڈ چوک میں جمع ہو گئی مشتعل مظاہرین نے جی ٹی روڈ دو نو ں طرف سے بلاک کر دی مظاہرین نے سینہ کو بی بھی کی انہوں نے نواز شریف، شاہد خا قان، جا وید اخلاص اور ظہور احمد کے خلاف نعرے با زی شروع کر دی مظاہرین سے چو ہدری محمد اقبال،را جہ محمد جواد اور دیگر نے خطاب کرتے ہو ئے کہا کہ جی ایم گیس جا ن بو جھ کر گو جر خان کی گیس بند کر رہا ہے ۔ گو جر خان سے نکلنے والی گیس اسلام آ باد، مری، روات اور دیگر لو گو ں کو مکمل پریشر کے ساتھ مہیا کی جا رہی ہے انہوں نے کہا کہ اہلیان گو جر خان کسی صورت یہ امتیازی سلوک بر داشت نہیں کریں گے انہوں نے جی ایم گیس کے تبا دے اور گو جر خان کو مکمل پریشر کے ساتھ گیس فراہم کر نے کا مطا لبہ کیا اور امٹی میٹم دیا کہ اگر 24گھنٹوں کے اندر ہما رے مطا لبات حل نہ ہو ئے تو جی ٹی روڈ پر مکمل دھر نا دیا جا ئے گا

مندرہ چکوال روڈ پر قائم غیر قانونی یوٹرن کے باعث حادثات میں اضافہ


دولتالہ(نامہ نگار)مندرہ چکوال روڈ پر قائم غیر قانونی یوٹرن کے باعث حادثات میں اضافہ محکمہ کے اہلکاروں نے مذکورہ روڈ پر قائم ہوٹلز اور پیٹرول پمپس مالکان سے رشوت کے عوض جگہ جگہ غیر قانونی یو ٹرن بنادیے جن کے باعث روزانہ متعدد حادثات رونما ہو رہے ہیں جس میں درجنوں افراد جاں سے ہاتھ دھو بیٹھے جب کہ متعدد افراد زندگی بھر کے لیے معذور ہو چکے ہیں ماضی میں اہل علاقہ کی جانب سے متعدد شکایات پر چند ایک یو ٹرن ختم کیے گئے تا ہم آج بھی بڑی تعداد میں ایسے خونی یو ٹرن اپنی جگہ موجود ہیں چند روز قبل ایک حادثہ میں 24سال نوجوان دم توڑ گیا جب کہ گزشتہ روز ایک حادثہ میں مال مویشی ہلاک ہو گئے جب کہ کار اور رکشہ میں تصادم سے ایک ہی خاندان کے9افراد زخمی ہو گئے مندرہ چکوال روڈ کے قرب جوا ر میں قائم دیہات و قصبات کے باسی بالخصوص اور اس روڈ پر سفر کرنے والے عوام بالعموم اس صورتحال سے انتہائی پریشان ہیں اہل علاقہ نے این ایل سی کے اعلیٰ حکام سے مطالبہ کیا ہے کہ فی الفور مندرہ موڑ تا چکوال روڈ پر قائم تمام غیر قانونی یو ٹرن ختم کریں تا کہ حادثات میں کمی واقع ہو اور عوام کا سفر محفوظ بن سکے

ویلفیئر ایجوکیشنل سوسائٹی کے زیراہتمام امسال 112میں غرباء و مساکین گھرانوں میں ماہانہ راشن تقسیم 


دولتالہ(نامہ نگار)خیر الکثیر ویلفیئر ایجوکیشنل سوسائٹی کے زیراہتمام امسال 112میں غرباء و مساکین گھرانوں میں ماہانہ راشن تقسیم کیا صدر خیر الکثیر ویلفیئر سوسائٹی سید مخدوم عباس شاہ ہمدانی ،سید جابر علی شاہ ہمدانی ،سید ساجد سلطان شاہ ہمدانی ،چوہدری حاجی امجد ،دیگر سیاسی و سماجی شخصیات ،جنرل سیکرٹری پریس کلب دولتالہ راجہ آفتاب بھی اس موقع پر موجود تھے اس موقع پر گفتگو کرتے ہوئے مقررین نے کہا کہ اِسلام ہمیشہ سے ایک فلاحی، باہمی تعاون اور امن و سلامتی پر قائم معاشرے اور ریاست کی تعمیر و تشکیل کا خواہاں رہا ہے۔ وہ ایک ایسے معاشرے کا متمنی ہے، جس میں ہر شخص کی بنیادی ضرورتوں کی تکمیل ہو رہی ہو اور افرادِ معاشرہ امن و سلامتی کے ساتھ اپنی زندگی بسر کر رہے ہوں۔ یہی وجہ ہے اس نے فلاح و بہبود کے حصول کو یقینی بنانے کے لیے افرادِ معاشرہ کو ایک دوسرے کی کفالت کاذمہ دار بنایا اور اْنہیں اِس کی ترغیب دینے کے لیے اجر و ثواب کا وعدہ کیا انہوں نے کہا کہ رسول اللہ صلی اللہ علیہ و سلم اور خلافتِ راشدہ میں اجتماعی طور پر امداد باہمی کے طریقہ کار کو رواج دیا گیا اور ریاستی سطح پر غربا و مساکین کی کفالت کو یقینی بنایا گیا۔ یہی وجہ ہے کہ اْس زمانے میں رعایا خوش حال تھی اور ریاست معاشرتی و معاشی بے راہ روی سے پاک تھی۔ آج کے حکمرانوں کو رسول اللہ صلی اللہ علیہ و سلم کے ارشادات کی روشنی میں اپنے طرزِ عمل پر غور کرنے کی ضرورت ہے، جو عوام کے لیے آسانیاں پیدا کرنے کے بجائے مہنگائی، بے روزگاری اور لوڈ شیڈنگ اور افراطِ زر کی صورت میں ان کے لیے نت نئے مسائل پیدا کر رہے ہیں

جاتلی دو مختلف حادثات24سالہ نوجوان جاں بحق ایک ہی خاندان کے9افراد زخمی

جاتلی(نامہ نگار) مندرہ چکوال روڈ پر 2مختلف حادثات24سالہ نوجوان جاں بحق ایک ہی خاندان کے9افراد زخمی تفصیلات کے مطابق موٹر سائیکل سوار کامران شعیب عمر24سال اپنے دوستوں ہمراہ راولپنڈی سے گھر آ رہا تھا کہ بھنگالی کے قریب یو ٹرن لیتے ہوئے پیچھے سے آنے والی تیز رفتار کار نے ٹکر مار دی جس نے نتیجہ میں کامران شعیب عرف کامی موقع پر جاں بحق ہو گیا جب کہ ایک دوسرے حادثے میں جاتلی سٹاپ پر تیز رفتار کار نے موٹر سائیکل رکشہ کو ٹکر مار دی جس کے نتیجہ میں بچوں اور خواتین سمیت ایک ہی خاندان کے9افراد زخمی ہو گئے جن میں سے 3کی حالت تشویش ناک بتائی جاتی ہے واقعات کے مطابق سہیل مظہر سکنہ بھیر کلیال اپنے عزیز و اقارب کے ہمراہ پھامڑے گاؤں میں فوتگی پر تعزیت کے لیے گیا ہوا تھا کہ واپسی پر جاتلی پیٹرول پمپ کے قریب پیچھے سے آنیوالی تیز رفتار کار نمبر APG294جسے ڈرائیور بلال احمد ولد احسان ساکن ڈہوک کشمیریاں راولپنڈی چلا رہا تھا نے ٹکر مار دی جس کے نتیجے میں سہیل مظہر ،رکشہ ڈرائیور قدیر ،2بچوں اور3خواتین سمیت9افراد زخمی ہو گئے بلال احمد چکوال سے راولپنڈی جا رہا تھا جاتلی پولیس نے کار ڈرائیور کوگرفتار کر لیا

حافظ راجہ فیصل کے بھائی راجہ یاسر رشتہ ازواج سے منسلک ہو گئے

دولتالہ(نمائندہ خصوصی) موضع ڈہونگ کی سیاسی وسماجی شخصیت حافظ راجہ فیصل کے بھائی راجہ یاسر رشتہ ازواج سے منسلک ہو گئے،دعوت ولیمہ میں پیر سید محمد شاہ آستانہ عالیہ چھبر شریف،چیئر مین شیخ طاہر اشفاق،پاکستان تحریک انصاف کے رہنماچوہدری ساجد محمود،ملک سلطان اکبر،ایڈووکیٹ راجہ محمد صدیق کیانی،خرم بھٹی،راجہ عبدلقدوس کیانی،وائس چیئرمین راجہ محمد زبیر،پریس کلب دولتالہ کے صدر راجہ حاجی احمد،چوہدری ابوزر،معروف صحافی عابد حسین چوہدری،ملک تصور،حافظ محمد رمضان،ریاست حسین بھٹی،جنرل کونسلر راجہ سجاد حسین کیانی،سابق بینک منیجر چوہدری پرویز اقبال،بابو نثار،جنرل کونسلر راجہ حسن اختر،احمد نواز راجہ،مرزا سعید،قاضی ظفر،میاں انجم مسعود،راجہ ساجد کیانی،چوہدری ظہیر الدین بابر،حاجی ظفرمحمود،نزیر نمبردار،ملک مظہر،چوہدری ریاست،وکلاء،اساتذہ اکرام،اور اہل علاقہ نے بڑی تعداد میں شرکت کی

راجہ شوکت عزیز بھٹی کی قیادت میں حلقہ پی پی4میں ریکارڈ ترقیاتی کام ہوئے ہیں، احسن محمود مرزا 


دولتالہ(نامہ نگار)ایم پی اے راجہ شوکت عزیز بھٹی کے ترجمان و نوجوان مسلم لیگی رہنما احسن محمود مرزا کا کہنا ہے کہ مسلم لیگ ن آئندہ انتخابات میں کارکردگی کی بنیاد پر پہلے سے بھی زیادہ اکثریت کیساتھ حکومت بنائے گی ،جس طرح مسلم لیگ اور قائد میاں نواز شریف نے ملک کو بحرانوں سے نکال کی ترقی اور خوشحالی کی طرف گامزن کیا ،کسی بھی سیاسی جماعت کے پاس خدمات کا یہ سلسلہ نہیں ہے ،وفاقی پارلیانی سیکرٹری راجہ جاوید اخلاص اور ایم پی اے راجہ شوکت عزیز بھٹی کی قیادت میں حلقہ پی پی4میں ریکارڈ ترقیاتی کام ہوئے اور لوگوں کے دیرینہ مسائل کا خاتمہ ہوا جس کی وجہ سے حلقہ ے عوام اپنے قائدین اور مسلم لیگ ن کیساتھ محبت کرتے ہیں اور اس کا بھرپور اظہار انتخابات میں اپنے ووٹ کی پرچی سے کریں گے

یونین کونسل راماں کے گاوں پنجگراں خورد میں شاہراہ عام پر تجاوزات کی بھرمار


دولتالہ(نامہ نگار)یونین کونسل راماں کے گاوں پنجگراں خورد میں شاہراہ عام پر تجاوزات کی بھرمار۔ گلیاں سکڑ کر رہ گے۔ نئی تعمیرات میں تجاوزات زور پکر رہی ہیں۔ محکمہ مال سے مداخلت کی اپیل۔ راجہ جاوید اقبال کی پریس کانفرنس۔گزشتہ روز پنجگراں خورد میں پریس کانفرنس کے دوران صحافیوں سے بات کرتے ہوئے کہا کہ مجھے بہت دکھ ہوتا ہے جب اپنے ملک آتا ہوں تو تعمیرات میں ناجائز تجاوزات کی بھرمار دیکھنے میں آتی ہیں۔ گلیاں تنگ کر دی گئی ہیں۔ راستے تنگ ہو گئے ہیں۔راجہ جاوید اقبال عرصہ دراز سے ہانگ کانگ میں مقیم ہیں اور منہاج القران ہانگ کانگ کے سینئر راہنما ہیں۔ انہوں نے کہا کہ اس ضمن میں ایک درخواست اسسٹنٹ کمشنر گوجرخان کو دی گء ہے جس میں درخواست کی گئی ہے کہ گاوں کی گلیوں کی نشاندہی کی جاے اور محکمہ مال کے ریکارڈ کے مطابق گلیاں کھلی کی جائیں اور تجاوزات ہٹائے جائیں اور ناجائز تعمیرات کرنے والوں کے خلاف سخت کارروائی کی جائے تاکہ آئیندہ آنے والی نسلیں ان راستوں سے مستفید ہو سکیں اور نئی تعمیرات کرنے والے ناجائز تجاوزات سے باز رہیں راجہ جاوید اقبال نے والدین کے ایصال ثواب کیلئے گاوں کے قبرستان کا راستہ جو بہت خراب تھااپنی مدد آپ کے تحت پختہ کروانے کے لیے رقم فراہم کر دی.جس پر جلد کام شروع کر دیا جائے گا

ذہنی دباؤ کا شکار سکول ٹیچر دل کا دورہ پڑنے سے جاں بحق

دولتالہ(نامہ نگار)ذہنی دباؤ کا شکار سکول ٹیچر دل کا دورہ پڑنے سے جاں بحق تفصیلات کے مطابق گورنمنٹ ہائی سکول موہڑہ نوری کے سینئر ٹیچر امجد حسین گزشتہ روز انتقال کر گئے سکول اساتذہ نے میڈیا کو تفصیلات کے آگاہ کرتے ہوئے بتایا کہ مرحوم امجد حسین سکول ہذا کے ہیڈ ماسٹر تنویر احمد آئے روز آرڈر بک ،طریقہ تدریس اور رجسٹر حاضری وغیرہ کے حوالے سے بلا جواز جواب طلبی سے انہیں ذہنی دباؤ میں مبتلا رکھتے تھے مرحوم امجد حسین کی طبعیت گزشتہ روز سکول میں خراب ہو گی ہیڈ ماسٹر تنویر احمد نے انہیں جان بوجھ کر چھٹی نہ دی اور انہیں کہا گیا کہ کسی مقامی ڈاکٹر سے چیک اپ کرا کے میڈیکل رپورٹ کے ساتھ ایک گھنٹے کے اندر دوبارہ سکول حاضر ہوں سکول سٹاف کا کہنا تھا کہ ہیڈ ماسٹرتنویر احمد کا ناروا سلوک کے باعث امجد حسین کو دل کا دورہ پڑا جو جان لیوا ثابت ہوا انہوں نے محکمہ تعلیم کے اعلیٰ حکام سے مطالبہ کیا کہ واقعہ کی تحقیقات کرائی جائیں

تحریک انصاف میں شمولیت پر راجہ حسیب کیانی کو خراج تحسین پیش کرتے ہیں،رضوان ہاشمی


دولتالہ(نامہ نگار)فیڈریشن آف پاکستان چیمبر آف کامرس اینڈ انڈسٹری کی رئیل سٹیٹ پراجیکٹ کمیٹی کے چیئرمین راجہ حسیب کیانی کی پاکستان تحریک انصاف میں شمولیت سے پارٹی کو مزید تقویت حاصل ہوئی ہے ،ان کی قائدانہ صلاحیتوں سے نہ صرف پارٹی بلکہ اہلیان حلقہ کو بھی فائدہ حاصل ہوگا ،چیئرمین تحریک انصاف عمران خان سے ملاقات کے بعد پاکستان تحریک انصاف میں شمولیت پر راجہ حسیب کیانی کو خراج تحسین پیش کرتے ہیں اور صوبائی حلقہ پی پی 10سے انتخابات میں بطور امیدوار حصہ لینے کے اعلان کا خیر مقدم کرتے ہیں،ان خیالات کا اظہار تحریک انصاف موہری کے صدر رضوان ہاشمی نے اپنے ایک بیان میں کیا،انہوں نے کہا کہ راجہ حسیب کیانی ایک مخلص اور جرات مند قیادت کے طور پر سامنے آئے ہیں اور انہوں نے اپنی قائدانہ صلاحیتوں کو اہلیان حلقہ کیلئے بروئے کار لانے کا فیصلہ کرکے حلقہ کے نوجوانوں کی حوصلہ افزائی کی ،ان کو بھرپور تعاون کی یقین دہانی کراتے ہوئے اس عزم کا اظہار کرتے ہیں قائد تحریک عمران خان کی جدوجہد کو آگے بڑھانے کیلئے تحریک انصاف کے کارکنان راجہ حسیب کیانی کے شانہ بشانہ کھڑے ہوں گے اور ہمیں امید ہے کہ ان کی قیادت میں پاکستان تحریک انصاف حلقہ میں ناقابل تسخیر سیاسی قوت بن کر سامنے آئے گی

پولیس پٹرولنگ پولیس ٹھاکرہ موڑ چوکی نے مختلف کاروائیوں میں چھ مقدمات درج 


دولتالہ(نامہ نگار)پولیس پٹرولنگ پولیس ٹھاکرہ موڑ چوکی نے مختلف کاروائیوں میں چھ مقدمات درج کر کہ ملزمان کوکے ضابطے کی کاروائی کے لیئے پولیس چوکی دولتالہ کے حوالے کر دیا ،تفصیلات کے مطابق پٹرولنگ پولیس چوکی ٹھاکرہ موڑ کے انچارج محمد زمان کی سربرائی میں مختلف کاروائیوں کے دوران ایک فرد سے اسلحہ اور سپیڈ ،ناقص سلنڈر۔اور معمول کی چیکنگ کے دوران موٹرسائیکلوں کے کاغزات اور نمبر پلیٹ نہ کی ہونے کیوجہ سے 293 موٹر سائیکل دولتالہ پولیس چوکی کے حوالے کیے دوران گشت 15ہیلپ کال پر کاروائی کی گئی وقتی روڈ بلاکنگ اور ناجائیز تجاوزات پر کاروائی کی گئی ،6مختلف مقدمات درج کیئے گئے جس پر ضابطے کی کاروائی کے لیئے پولیس چوکی دولتالہ کے حوالے کیا گیا

مقامی صحافی چوہدری محمد اعظم کے گھر پر نامعلوم افراد کی گے رات فائرنگ پریس کلب دولتالہ کی واقعہ کے خلاف شدید مزمت


دولتالہ(نامہ نگار)مقامی صحافی چوہدری محمد اعظم کے گھر پر نامعلوم افراد کی گے رات فائرنگ پریس کلب دولتالہ کی واقعہ کے خلاف شدید مزمت اعلیٰ پولیس حکام سے فوری نوٹس لینے کا مطالبہ واقعات مقامی صحافی چوہدری محمد اعظم ساکن بھنگالی نے پولیس چوکی سکھو کو اپنے تحریری بیان میں بتایا کہ میں ہمراہ فیملی گھر میں سویا ہوا تھا کہ رات قریب11بجے فائرنگ کی آواز سنی اتنے میں میری اہلیہ اور بچے بھی خوف سے جاگ گے گھر کے مشرق کی جانب سے نامعلوم افراد فائرنگ کررہے تھے ،فائر میرے گھر کی دیوار اور سیڑھیوں کی جانب آرہے تھے جہاں نشانات موجود ہیں جب فائرنگ بند ہوئی تو میں نے دیکھا کہ تین نامعلوم افراد بھاگ کر جارہے تھے لیکن میں ان کو پہچان نہ سکا انھوں نے بتایا کہ میری کسی کے ساتھ کوئی دشمنی نہیں پولیس حکام مجھے اور میرے خاندان کو تحفظ دیں ادھر صدر پریس کلب دولتالہ راجہ حاجی احمد ،جنرل سیکرٹری راجہ محمد آفتاب نے مقامی صحافی چوہدری محمد اعظم کے گھر نامعلوم افراد کی جانب سے فائرنگ کے واقع کی شدید الفاظ میں مزمت کرتے ہوئے اعلیٰ پولیس حکام سے فوری نوٹس لینے کی اپیل کرتے ہوئے کہا کہ مقامی صحافی چوہدری محمد اعظم کو تحفظ فراہم کیا جائے

تھانہ جاتلی کے علاقوں میں موٹر سائیکل چور گروہ سرگرم،کئی شہری موٹرسائیکلوں سے محروم 

دولتالہ(نامہ نگار)تھانہ جاتلی کے علاقوں میں موٹر سائیکل چور گروہ سرگرم،کئی شہری موٹرسائیکلوں سے محروم ،پولیس خاموش تماشائی ،عوامی حلقوں میں تشویش کی لہر،واقعات کے مطابق تھانہ جاتلی کے نواحی گاؤں تراٹی کے رہائشی راجہ خاور کا نیا موٹر سائیکل ہنڈا125 گزشتہ روز کھیتوں سے نا معلوم چور اڑا لے گئے جبکہ نواحی گاؤں موضع نڑالی سے موٹر سائیکل چوری کی دو وارداتیں وقوع پذیر ہوئیں ،اسی طرح دولتالہ میں بھی دو شہری اپنے موٹر سائیکل سے محروم ہو گئے ،موٹر سائیکل چوری کی پے درپے وارداتوں سے شہری عدم تحفظ کا شکار ہو چکے ہیں اس ضمن میں جب مقامی پولیس سے رابطہ کیا تو اایس ایچ او تھانہ جاتلی کا کہنا تھا کہ جرائم پیشہ عناصر کی سرکوبی کیلئے کوشاں ہیں مگر تھانہ جاتلی میں نفری کی کمی کے مسائل کا سامنا ہے ،عوامی حلقوں نے اعلیٰ پولیس حکام سے مطالبہ کیا ہے کہ چوری کی وارداتوں کے خلاف ٹھوس اقدامات اٹھائے جائیں اور پولیس تھانہ جاتلی میں نفری کی کمی کو فوری طور پر پورا کیا جائے

گورسیاں میں گندم سے بھری ٹرالی بجلی کی تاروں سے ٹکرا گئی گندم جل کر خاکستر

دولتالہ(نامہ نگار) تھانہ جاتلی کے علاقہ گورسیاں میں گندم سے بھری ٹرالی بجلی کی تاروں سے ٹکرا گئی ٹریکٹر ڈرائیور معجزانہ طور پر محفوظ گندم جل کر خاکستر ہوگی تفصیلات کے مطابق جاتلی کے نواحی علاقہ گورسیاں میں مقامی کسان چوہدری عبدا مالک کی گندم سے بھری ٹرالی مزدور لے کر جارہے تھے کہ راستہ میں ٹرالی بجلی کی تاروں سے ٹکرا گئی جس سے گندم مکمل طور پرجل کر خاکستر ہوگی تااہم ٹریکٹر ڈرائیور اور ٹرالی پر سوار دیگر افراد معجزانہ طور پر محفوظ رہے

صوبیدار مقبول حسین مسلم لیگ کے سچے سپائی اور ہمارا قیمتی اثاثہ تھے، راجہ حمید ایڈوکیٹ 

دولتالہ(نامہ نگار) مسلم لیگ (ن)تحصیل گوجرخان کے صدر راجہ حمید ایڈوکیٹ نے کہا ہے کہ سابق چیئرمین یوسی راماں صوبیدار مقبول حسین مسلم لیگ کے سچے سپائی اور ہمارا قیمتی اثاثہ تھے ان کے انتقال سے ہونے والا خلا کبھی پورا نہیں ہوگا وہ مخلص ،سچے اور کھرے انسان تھے علاقہ کی تعمیر وترقی میں ان کا کردار نمایاں تھا ہم نے مسلم لیگ کے لئے اگھٹے جدوجہد کی جیلیں کاٹیں وہ عوام میں بے حد مقبول لیڈر تھے صوبیدار(ر) مقبول حسین نے قابل قدر خدمات سرانجام دیں اور انکی انسانیت کیلئے خدمات کو ہمیشہ یاد رکھا جائیگا۔

اظہار تعزیت

دولتالہ(نامہ نگار) ایم پی اے راجہ شوکت عزیز بھٹی،سابق ایم پی اے برگیڈئر(ر)محمد حسن بھٹی،چیئرمین راماں مرزا عنایت اللہ،چیئرمین دیوی راجہ شبیر ا،پیپلز پارٹی کے رہنما ملک سلطان،وائس چیئرمین جھونگل چوہدری محمد اسحق،چوہدری اسرار،راجہ رشید،سینئر صحافی چوہدری عابد حسین ،راجہ شیر افضل اور دیگر نے سابق چیئرمین یوسی راماں صوبیدار مقبول حسین کے انتقال پر ان کی مغفرت اور بلندی درجات کیلئے دعا کیاور ان کے صاحبزادے راجہ سعید اقبال سے تعزیت کی

خیرالکثیر ویلفیئر فاونڈیشن کے زیر اہتمام موہڑہ دھمیال میں فری میڈیکل کیمپ لگایا گیا

دولتالہ(نامہ نگار) خیرالکثیر ویلفیئر فاونڈیشن کے زیر اہتمام موہڑہ دھمیال میں فری میڈیکل کیمپ لگایا گیا جس میں بڑی تعداد میں مریضوں کا میڈیکل فری چک اپ کیا گیا اور انھیں ادویات فراہم کی گئی ،میڈیکل کیمپ کی نگرانی راجہ محمد آفتاب کر رہے تھے۔ ایک روزہ میڈیکل کیمپ میں مختلف امراض کے معروف سپیشلسٹ ڈاکٹرز نے خدمات انجام دیں۔ ۔ کیمپ میں خواتین و حضرات کے مفت چیک اپ کیے گئے اور انہیں مفت ادویات فراہم کی گئیں۔ فری میڈیکل کیمپ کا علاقہ کی مقامی سیاسی و سماجی شخصیات نے دورہ کیا۔ اس موقع پرانتظامیہ نے کہا کہ ہم اللہ کی رضا کے لئے دکھی انسانیت کی خدمت بڑھ چڑھ کر کرتے رہیں گے کیونکہ یہی اسلام کا اصل مقصود ہے۔

گورنمنٹ ایلیمنٹری سکول کنیال بجرانہ کے ہیڈ ماسٹر چوہدری بشارت ریٹائر ہو گئے

دولتالہ(نامہ نگار)گورنمنٹ ایلیمنٹری سکول کنیال بجرانہ کے ہیڈ ماسٹر چوہدری بشارت ریٹائر ہو گئے ان کے اعزاز میں پر وقار الودائی تقریب کا انعقاد ہوا جس میں معززین علاقہ اور اساتذہ کی بڑی تعداد نے شرکت کی اور رانا محمد یوسف کی بطور استاد کارکردگی پر انہیں خراج تحسین پیش کیا اور ان کی تعلیمی خدمات کو بے حد سراہا گیااس موقع پر ڈپٹی ایجوکشن آفیسر گوجرخان رانا جاوید نے تقریب سے خطاب کرتے ہوئے کہا کہ اساتذہ قوم کا سرمایہ ہیں معاشرہ میں تعلیمی انقلاب برپا کرنے والے اساتذہ کو سلام عقیدت پیش کرتے ہیں چوہدری بشارت تعلیمی خدمات کو ہمیشہ یاد رکھا جائے گاتقریب سے خطاب میں شیخ طاہر اشفاق چیئر مین یوسی نڑالی نے کہا کہ ہیڈ ماسٹر چوہدری بشارت جیسے عظیم استاد صدیوں بعد جنم لیتے ہیں نہوں نے طلباء پر شب وروز محنت کرکے سکول کانام روشن کیاپروفیسر عبدالرحمان،ماہر تعلیم سید ثاقب امام رضوی،ملک سلطان اکبرنے کہا کہ ہیڈ ماسٹر چوہدری بشارت نے جانفشانی سے محنت کرکے سکول کے وقارکو بلند کیا ہم اہل علاقہ ان کی تعلیمی کاوشوں پر انہیں خراج تحسین پیش کرتے ہیں، ڈپٹی ایجوکشن آفیسر گوجرخان رانا جاویداور AEO دولتالہ مرکز خرم شہزاد قاضی نے کو تعریفی سرٹیفیکیٹ پیش کی یاس موقع پرنواز چیمہ۔راجہ محمد قیاس،ظفر مغل،انوار شاہ ،راجہ طارق محمود ،مرزا اظہر کے علاوہ مقامی صحافیوں،ضیاء ہاشمی،راجہ تیمور ، راجہ طارق نجمی،عابد اور صفدر مغل بھی شامل تھے۔اضح رہے کہ سکو ل سٹاف اور طلباء نے اپنے عظیم استاد کو پرنم آنکھوں سے رخصت کیا

گوجرخان میاں نواز شریف کے چاہنے والوں کی دھرتی ہے، راجہ محمد حمید ایڈ وکیٹ 

دولتالہ(نامہ نگار)مسلم لیگ(ن)تحصیل گوجرخان صدر راجہ محمد حمید ایڈ وکیٹ نے کہا ہے کہ سابق وزیراعظم میاں محمد نواز شریف کی 13مئی کو گوجرخان آمد پر ان کا تاریخی اور والہانہ استقبال کیا جائے گا قائد عوام میاں محمد نواز شریف ،مریم نواز ویگر قائدین کا والہانہ استقبال کر کے ثابت کردینگے کہ گوجرخان میاں نواز شریف کے چاہنے والوں کی دھرتی ہے ان خیالات اظہار انھوں نے اپنی رہائش گاہ جاتلی میں مسلم لیگی کارکنوں سے ملاقات کے بعد میڈیا سے گفتگو کرتے ہوئے کیا ان کا کہنا تھا کہ جلسہ کی بھر پور تیاریاں جاری ہیں مسلم لیگی کارکنوں اور منتخب بلدیاتی نمائندوں سے جلد رابطہ مہم شروع کیا جارہی ہے اس سلسلے میں اتوار کو جاتلی میں ملحقہ یونین کونسلوں کا اجلاس طلب کرلیا گیا ان کا کہنا تھا کہ گوجرخان مسلم لیگ ن کا گڑھ اور یہاں کے عوام نواز شریف کے چاہنے والے ہیں عوامی طاقت آج بھی میاں نواز شر یف کے ساتھ ہے وہ اب بھی عوام کے دلوں پر حکمرانی کر رہے ہیں مسلم لیگ ن کل کی طرح آ ج بھی ملک کی مقبول ترین جماعت ہے اور اپنی کارکردگی کی بنیاد پر آ ئندہ بھی عوام کی نمائندگی کرتی رہے گی ان کا کہنا تھا کہ موجودہ حکومت عوام کی محرومیوں کا ازالہ کرنے کیلئے پرعزم ہے اور عوام کی بھلائی کیلئے بیشمار منصوبے زیر تکمیل ہیں ، اور لوگوں کے دیرینہ مسائل کو حل کیا جا رہا ہے گوجرخان مسلم لیگ ن کا قلعہ اور مضبوط گڑھ ہے ان شاء اللہ2018کے الیکشن میں ن لیگ تینوں نشستیں بھاری اکثریت سے حاصل کرئے گی

صوبیدار مقبول حسین طویل علالت کے 90بر س کی عمر میں انتقال کرگے

دولتالہ(نامہ نگار)معروف صحافی ویونین کونسل راماں کے سابق نائب ناظم راجہ سعید اقبال کے والدسابق چیئرمین یوسی راماں صوبیدار مقبول حسین طویل علالت کے 90بر س کی عمر میں انتقال کرگے تھے انھیں آبائی گاؤں پنجگراں میں سپرد خاک کردیا گیا نماز جنازہ میں تحریک انصاف کے رہنما چوہدری محمد عظیم ،چوہدری ساجد محمود،پیپلز پارٹی کے رہنما راجہ جاوید اشرف،مسلم لیگ (ن)کے رہنما راجہ حمید ایڈوکیٹ،چیئرمین راماں مرزا عنایت اللہ،سابق ناظم راماں چوہدری سرفراز ،سمیت یونین کونسلز کے چئیر مینز،وائس چئیر مینز ،کونسلرز ،اساتذہ ،سیاسی وسماجی شخصیات بڑی تعداد میں صحافیوں وکلاء سمیت سیکڑوں سوگواروں نے شرکت کی

عمر سوار میموریل سکول راماں میں سپورٹ گالا کا انعقاد کیا گیا


دولتالہ(نامہ نگار) عمر سوار میموریل سکول راماں میں سپورٹ گالا کا انعقاد کیا گیا،خوشگوار موسم میں بچوں نے بھرپور حصہ لیا، سکول کے ڈائریکٹر ایڈمن چوہدری محمد سخی رضا نے خطاب کرتے ہوئے بچوں کی کارکردگی پر ان کی حوصلہ افزائی کی، انہوں نے کہا کہ آج کے بچے ہمارے وطن کا مستقبل ہیں، ادارے قوم کو صحت مند نوجوان دیں تاکہ وطن عزیز ترقی کی منازل طے کر سکے، کھیل صحت مند معاشرہ کی ترقی کے ضامن ہیں، کھیل نوجوانوں کو منفی سرگرمیوں سے دور رکھتے ہیں،ادارے اس میں کلیدی کردار ادا کر سکتے ہیں، پرائیویٹ سکول ایسوسی ایشن کو چاہیئے کہ سالانہ کھیلوں کے مقابلے کا انعقاد کرئے، آخر میں انہوں نے بچوں اور اساتذہ کی کاوشوں کو سراہتے ہوئے کھیلوں میں مزید بہتری لانے کی تلقین کی۔

پولیس تھانہ جاتلی کی منشیات فروشوں،ناجائز اسلحہ رکھنے والوں کے خلاف کاروائی


دولتالہ(نامہ نگار)پولیس تھانہ جاتلی کی منشیات فروشوں،ناجائز اسلحہ رکھنے والوں اور آتش بازی کا سامان فروخت کرنے والوں کیخلاف کاروائی 05ملزمان کو گرفتار،پولیس زرائع کے مطابق گزشتہ روز مختلف کاروائیو ں کے دوران خلیل سے 04لیٹر کھلی شراب، پرویز سے 03لیٹر کھلی شراب، وجاہت سے01عدد پستول30 بور، بلال سے25پیکٹ ماچس پٹاخے اور حارث سے28پیکٹ ماچس پٹاخے برآمد کر کے ملزمان کے خلاف الگ الگ مقدمات درج کر لیے

error: