گرما گرم خبریں

حکومتی دعوے دھرے کے دھرے، سحرو افطار میں لوڈشیڈنگ ،عوام بلبلا اُٹھے ، حکومت کو بددعائیں
سو کے وی کا ٹرانسفارمر نہیں لگ رہا ،واپڈا چیئرمین ،ایس ڈی او اور ایکسین کے خلاف عدالت میں دعویٰ دائر
واپڈا اِن ایکشن، عدم ادائیگی بل کی بناء پر پاسپورٹ آفس گوجرخان کابجلی کنکشن کاٹ دیا گیا، عوام ذلیل و خوار
منشیات فروشوں کے خلاف کریک ڈاؤن ،بدنام زمانہ منشیات فروش آصف عرف آصو بٹ ساتھیوں سمیت گرفتار
گو جر خان میں اندھیر نگری چوپٹ راج، سٹریٹ لائٹس خراب، پانی کی شدید کمی، تجاوزات کی بھرمار ، گندگی کے ڈھیر، بلدیہ تنخواہیں لینے کیلئے بنی ہے ؟؟
گوجرخان : الیکشن کمیشن میں زیرسماعت جعلی ڈگری کیس میں لیگی ایم پی اے حلقہ پی پی فور راجہ شوکت عزیز بھٹی نااہل
گلیانہ موڑ گوجرخان موٹرسائیکل ورکشاپ میں آتشزدگی،سامان جل کر خاکستر ہوگیا

Category: مندرہ کی خبریں

مندرہ پولیس نے قمار بازوں کیخلاف کاروائی کرتے ہوئے09ملزمان کو گرفتارکرلیا


مندرہ (نامہ نگار)مندرہ پولیس نے قمار بازوں کیخلاف کاروائی کرتے ہوئے09ملزمان کو گرفتارکرلیا۔ تفصیلا ت کے مطابق تھانہ مندرہ پولیس کو خفیہ ذرائع سے اطلاع ملی کہ بھکڑال داخلی سنگرال کے مقام پر چند اشخاص بذریعہ تاش جواء کھیل رہے ہیں جس پر مقامی پولیس نے فوری کاروائی کرتے ہوئے09ملزمان خالد، ادریس،مختار، نازک محمود، عرفان ، یونس ،مختار ،بلال اور جمیل کو گرفتارکرکے ان کے قبضہ سے داؤ پر لگی ہوئی رقم مبلغ17000/-روپے اور11عدد موبائل برآمد کرکے ملزمان کیخلاف مقدمہ درج کرلیا۔

مندرہ کے قریب ریل کار ٹرین کے حادثے میں شدید زخمی ہونے کے بعد چل بسا

mandra2
مندرہ (ساجد نقوی سے )صوابی کا بدقسمت نوجوان موٹر سائیکل بچاتے ہوئے مندرہ کے قریب ریل کار ٹرین کے حادثے میں شدید زخمی ہونے کے بعد چل بسا تفصیلات کے مطابق یوسی کلیام اعوان کے نواحی گاؤں بانٹھ موڑ کے قریب موٹر سائیکل پرریلوے پٹری کراس کرتے ہوئے صوابی کا 15/16سالہ نوجوان سندین ولد گلاب خان حال مقیم چھنی عالم شیر جوکہ جہلیاری گاؤں میں اپنے رشتے دار لال خان کے گھر ملنے کے لیے جا رہا تھا کہ اسکا موٹر سائیکل بند ہو گیا زرائع کے مطابق متوفی نے موٹر سائیکل بھی نیا لیا تھا اور ابھی مکمل موٹر سائیکل چلانا بھی نہ جانتا تھاکہ وہ پٹری سے موٹر سائیکل اٹھا کر کراس کرنے کی کوشش کر رہا تھا کہ اسی اثنا ء میں پنڈی سے لاہور جانے والی ریل کار آگئی جسکے ڈرائیور نے مسلسل ہارن بجائے مگر بدقسمت نوجوان اپنے موٹر سائیکل کو دوسری طرف لیجانے میں ناکام رہا اور ٹرین کی زد میں آگیا جس سے اسکے بازو اور ٹانگین بری طرح کچلیں گئیں اور سر پر بھی شدید چوٹیں آئیں جسے شدید زخمی حالت میں فوری طور پر 1122کے زریعے رورل ہیلتھ سنٹر مندرہ لایا گیا جہاں انچارج ڈاکٹر خلیل اللہ نے فوری طبی امداد فراہم کر کے DHQراولپنڈی بھیج دیا جو بعدازاں راستے میں ہی دم توڑ گیا

پاکستان کی سالمیت پر کوئی سمجھوتہ نہیں کریں گے،وفاقی وزیرداخلہ چوہدری نثار علی خان

Mandra Pic2 14-05-17
مندرہ ( ساجد نقوی)وفاقی وزیرداخلہ چوہدری نثار علی خان نے کہا ہے کہ پاکستان کی سالمیت پر کوئی سمجھوتہ نہیں کریں گے نئے پاکستان کے لیے پہلے خود کو بدلنا ہو گا اور اچھے لوگوں کا انتخاب کرنا ہو گا دھرنا سیاست کو عوام نے مسترد کر دیا سی پیک منصوبے سے ملک میں ترقی کی نئی راہ کھل رہی ہیں ڈان لیکس پر ان لوگوں کو خفت کا سامنا کرنا پڑا جو اداروں کے ٹکراؤ چاہتے تھے تمام ملکی ادارے اپنی آئینی حدود میں خوش اسلوبی سے کام کر رہے ہیں ان خیالات کا اظہار انھوں نے یونین کونسل کلیام مغل کے وائس چےئر مین چوہدری صفدر علی مرحوم کی رہائش گاہ پر انکے بھائی چوہدری شکیل احمد سے اظہار تعزیت کے بعد عمائدین علاقہ سے گفتگو کرتے ہوئے کیا انھوں نے کہا کہ چوہدری صفدر علی مرحوم انتہائی ملنسار شخصیت کے مالک تھے جن کا خلا شائد صدیوں پورا نہ ہو سکے اس دکھ کی گھڑی میں میں اہل خانہ کے غم میں برابر کا شریک ہوں اس موقع پر چوہدری شکیل احمد نے اس عزم کا اعادہ کیا کہ ہم چوہدری نثار علی خان کی قیادت میں متحد ہیں اور مرتے دم تک اپنے مرحوم بھائی چوہدری صفدر علی کے مشن کو جاری رکھیں گے ہمارے غم میں شریک ہونے پر چوہدری نثار علی خان کے بے حد مشکور ہیں

وزیر اعظم پاکستان میاں محمد نواز شریف نے ملک کو دیوالیہ ہونے سے بچا کر اسکی معیشت کو مضبوط کیا

437460-pmln-1347771858-364-640x480
مندرہ ( ساجد نقوی) چےئر مین آل پاکستان ملٹری اکاونٹس ایسو سی ایشن راجہ سلطان شیر افگن،وائس چےئر مین چوہدری محمد عامر اور جنرل سکیرٹری راجہ قاسم کہوٹ نے ہنگامی پریس کانفرنس کرتے ہوئے کہا ہے کہ وزیر اعظم پاکستان میاں محمد نواز شریف نے ملک کو دیوالیہ ہونے سے بچا کر اسکی معیشت کو مضبوط کیا انکا دورہ چین کے دور رس نتائج بر�آمد ہونگے ہم آنے والے بجٹ میں پے اینڈ پنشن کمیٹی کو چند ایک گزارشات میڈیا کی وساطت سے پیش کرتے ہیں کہ وفاقی حکومت اور سول ملازمین اور آرمڈ فورسز کے پے سکیل میں پائے جانے والے فرق کو ختم کیا جائے پچھلے چار سال سے وزیر اعظم پیکج کے تحت بھرتی ہونے والے ملازمین وک ریگولر کیا جائے تمام فیڈرل ملازمین کو ہاوس بلڈنگ ایڈوانس بلا سود قرضے دیے جائیں اضافی تعلیم پر دو ایڈوانس انکریمنٹ دی جائیں ریٹائرڈ ملازمین کے بچوں کا کوٹہ مقرر کیا جائے سرکاری ملازمین کی تنخواؤں میں 100فیصد اضافہ اور 50فیصد ایڈہاک بنیادی پے سکیل میں ضم کیا جائے جی پی فنڈ سکیل کے حساب س فکسڈ نہ کیا جائے انکم ٹیکس والے خود کار سسٹم رائج کریں انکیشمنٹ ایک سال سے بڑھائی جائے بوڑھے پنشنر کااضافہ 70فیصد کی بجائے 100فیصد کیا جائے آخر میں چیرمین راجہ سلطان شیر افگن نے کہا کہ پرنٹ میڈیا نے ہمیشہ ہماری مثبت تجاویز کو ارباب اختیار تک پہنچانے میں اپنا کردار ادا کیا ہے جس پر ہم تہہ دل سے پرنٹ میڈیا کے مشکور و ممنون ہیں

تجاوزات اور غیر قانونی ٹرانسپورٹ اڈوں کے خاتمے کیلئے گرینڈ آپریشن کا آغاز کر دیا ہے

MANDRA.A4
مندرہ ( ساجد نقوی سے) مندرہ جی ٹی روڈ پر نیشنل ہائی ویز اینڈ موٹروے پولیس این فائیو نارتھ زون نے سڑک پر اور اس کے کنارے بنائی گئی تجاوزات اور غیر قانونی ٹرانسپورٹ اڈوں کے خاتمے کیلئے گرینڈ آپریشن کا آغاز کر دیا ہے ۔ تفصیلات کے مطابق ڈی آئی جی این فائیو نارتھ زون عباس احسن کی خصوصی ہدایت پر ایس پی وحید الرحمن خٹک اور ڈی ایس پی نزاکت کی زیر نگرانی الطاف قادر و دیگر موٹر وے کے عملے نے جی ٹی روڈ مندرہ پرقائم غیرقانونی تجاوزات نو پارکنگ ایریا گاڑیوں کے خلاف آپریشن کیا گیا جسمیں متعدد رکشے و گا ڑیاں بند کی گئیں اور اور ناجائز تجاوزات ہٹائی گئی اور دیگر کو وارننگ دی گئی ا س موقع پر ڈی ایس پی این فائیو نارتھ زون نزاکت نے میڈیا سے گفتگو کرتے ہوئے کہا کہ ٹریفک کی روانی برقرار رکھنے کے لیے موٹر وے کا عملہ ہمہ وقت تیار ہے ااور ٹریفک کی روانی میں خلل ہر گز برداشت نہیں کیا جائے گا جی ٹی روڈ سے تجاوزات کا خاتمہ ہماری اولین ترجیح ہے جو کہ حادثات کا باعث بنتی ہیں روڈ یوزرز کی سیفٹی اور جی ٹی روڈ کو سفر کیلئے محفوظ بنانے کی خاطر ہر طرح کی تجاوزات اور غیر قانونی ٹرانسپورٹ اڈوں کا ہر صورت خاتمہ کیا جائے گا اور تجاوزات بنانے والوں کو مطلع کیا جاتا ہے کہ وہ تجاوزات کو رضا کارانہ طور پر ختم کر دیں اور اس کارِ خیر میں موٹروے پولیس کے ساتھ تعاون کریں تاکہ قومی شاہراہ کو سفر کیلئے محفوظ بنایا جا سکے

جی ٹی روڈ پر تجاوزات اور غیر قانونی ٹرانسپورٹ اڈوں کے خاتمے کیلئے گرینڈ آپریشن

Mandra Pic 06-05-17مندرہ (ساجدنقوی )نیشنل ہائی ویز اینڈ موٹروے پولیس این فائیو نارتھ زون نے جو کہ جی ٹی روڈ پشاور تا لاہور اور مری ایکسپریس وے پر محیط ہے سے سڑک پر اور اس کے کنارے بنائی گئی تجاوزات اور غیر قانونی ٹرانسپورٹ اڈوں کے خاتمے کیلئے گرینڈ آپریشن کا آغاز شروع کر دیا ہے ۔ تفصیلات کے مطابق ڈی آئی جی این فائیو نارتھ زون عباس احسن نے کہا کہ جی ٹی روڈ سے تجاوزات کا خاتمہ اولین ترجیح ہے جو کہ حادثات کا باعث بنتی ہیں اور اس کیلئے چار مراحل پر مشتمل انسدادِ تجاوزات پلان جاری کیا گیا تھا جس کے تین مراحل مکمل ہو چکے ہیں جن میں تمام قانونی تقا ضوں کو پورا کرنے اور پشاور تا لاہور جی ٹی روڈ بشمول مری ایکسپریس وے پر تجاوزات کی نشاندہی کے ساتھ ساتھ تاجر برادری ،ٹرانسپورٹرز، وکلاء برادری، NHA حکام ،یونین کونسل کے نمائندگان اور میڈیا سے تعلق رکھنے والے حضرات کے ساتھ تجاوزات کے نتیجے میں ہونے والے نقصانات اور ان کے خاتمے کیلئے آگہی مہم اور میٹنگز کا انعقاد کیا گیا اور تجاوزات کے خاتمے سے پہلے تجاوزات بنانے والوں کو قانونی نوٹس بھی جاری کیے گئے ۔ڈی آئی جی نارتھ نے بتایا کہ عوام الناس اور تجاوزات کرنے والوں کی آگاہی کیلئے خصوصی پمبفلٹس بھی تقسیم کیے گئے جن میں تجاوزات اور انکے نقصانات کے متعلق ہدایات درج کی گئی تھیں۔ ڈی آئی جی نارتھ نے مزید بتایا کہ این فائیو نارتھ زون کے سینئر افسران پر مشتمل انسدادِ تجاوزات کی دو ٹیمیں تشکیل دی گئی ہیں جن کی سربراہی ایس پی نجیب الرحمٰن بگوی اور ایس پی وحید الرحمن خٹک کر ر ہے ہیں جو تجاوزات کے خاتمے کیلئے جاری آپریشن کی نگرانی خود کریں گے تا کہ کسی بھی غیر یقینی صورتحال سے فوری طور پر نمٹا جا سکے۔ ڈی آئی جی نارتھ نے بتایا کہ روڈ یوزرز کی سیفٹی اور جی ٹی روڈ کو سفر کیلئے محفوظ بنانے کی خاطر ہر طرح کی تجاوزات اور غیر قانونی ٹرانسپورٹ اڈوں کا ہر صورت خاتمہ کیا جائے گا اور تجاوزات بنانے والوں کو مطلع کیا جاتا ہے کہ وہ تجاوزات کو رضا کارانہ طور پر ختم کر دیں اور اس کارِ خیر میں موٹروے پولیس کے ساتھ تعاون کریں تاکہ قومی شاہراہ کو سفر کیلئے محفوظ بنایا جا سکے

اظہار تشکر

Thanks-A-in-English
مندرہ (ساجدنقوی )وفاقی وزیر داخلہ چوہدری نثار علی خان نے یونین کونسل بسالی کے دیہاتوں نچوال ،رتیال اور کھائی اعوان میں ترقیاتی فنڈ جاری کر کے اہلیان علاقہ کے دل جیت لیے ہیں جسمیں بسالی موڑ تا کھائی اعوان کی رابطہ سڑک کی مرمت ،نچوال یا دروایش آباد ( رتیال گاؤں کی آبادی کا درینہ مسئلہ نئی لنک روڈ کی تعمیر کی تعمیر کے لیے خصوصی فنڈ مختص کرنے پر اہلیان علاقہ چوہدری نثار علی خان کے بے حد مشکور ہیں ان خیالات کا اظہار کھائی اعوان کی سیاسی و سماجی شخصیت نمبر دار محمود افتخار نے اپنے تحریری بیان میں کیا انھوں نے کہا کہ مسلم لیگ ن میں چوہدری نثار علی خان کا کردار جسم میں روح کی طرح ہے جبکہ آئندہ آنیوالا دور بھی انشاء اللہ مسلم لیگ ن کا ہو گااور مخالفین عبرت ناک شکست ست دوچار ہونگے ۔

مسلم لیگ ن کی مرکزی اور صوبائی حکومت کی کارکردگی صفر ہے،

437460-pmln-1347771858-364-640x480
مندرہ (ساجدنقوی )مسلم لیگ ن کی مرکزی اور صوبائی حکومت کی کارکردگی صفر ہے جس پر عوام انگلیاں اٹھا رہے ہیں 4سالہ دور اقتدار میں عوام سے کیے گئے وعدوں کی پاسداری نہ ہو سکی ہے خود مسلم لیگی راہنما حکومت کی کارکردگی پر پھٹ پڑے ہیں دونوں شریف برادران حکومت کرنے میں مکمل طور پر ناکام ہیں پانامہ اور ڈان لیکس پر نواز شریف ایکسپوز ہو چکے ہیں مہنگائی کو کنٹرول کرنے اور لوڈشیڈنگ جیسے بحران کو حل کرنے میں حکومت بری برح ناکام ہے آج وہی لوگ بجلی بحران پر احتجاجی کیمپ لگا رہے ہیں جن کے خلاف میاں شہباز شریف نے کیمپ لگائے تھے اور عوام سے وعدہ کیا تھا کہ ہم 6ماہ میں بجلی بحران کا حل نکالیں گے مگر ابھی تک ناکام ہیں ان خیالات کا اظہار مسلم لیگ ن کھائی اعوان کے راہنما چوہدری نوید نے اپنے تحریری بیان میں کیا

تعزیت

TAZIAT DUA
مندرہ (ساجدنقوی )ایم پی اے راجہ شوکت عزیز بھٹی ، پی پی پی کے راہنما راجہ جاوید اشرف ،سابق تحصیل ناظم و پی ٹی آئی کے راہنما چوہدری محمد عظیم ،چیرمین راجہ سجاد سرور ،چیر مین راجہ ابرار ،سابق ناظم غفور کیانی ، چوہدری اختر، قاضی عبد الوقار ، کرنل ( ر) اقبال ،ڈپٹی کمشنر چوہدری عبد الغفور ،،راجہ محمدافضل ،راجہ الطاف مرکزی راہنما ریلوے یونین ،ایس ایچ او روات ،ایس پی چوہدری ذوالفقار و دیگر نے جابر بھٹی ڈویژنل نائب صدر ریلوے ورکر یونین راولپنڈی کے جوانسالہ بھتیجے محمد گلفراز کی وفات پر گہرے دکھ و غم کا اظہار کرتے ہوئے لواحقین سے صبر جمیل کی دعا کی ہے

گوجر خان پولیس نے قمار بازوں کیخلاف کاروائی کرتے ہوئے 02ملزمان کو گرفتارکرلیا

police
گوجرخان(نامہ نگار)گوجر خان پولیس نے قمار بازوں کیخلاف کاروائی کرتے ہوئے 02ملزمان کو گرفتارکرلیا۔ تفصیلات کے مطابق تھانہگوجر خان پولیس کو خفیہ زرائع سے اطلاع ملی کے سکھو روڈ پر چند اشخاص بزریعہ کرکٹ میچ پر جواء کرا رہے ہیں جس پر مقامی پولیس نے فوری کاروائی کرتے ہوئے 02ملزمان محمد بشیراور سہیل کو گرفتار کر کے انکے قبضہ سے رقم مبلغ 700روپے ،ڈش انٹینا،TV،کلکولیٹر،06عددموبائیل فون برآمد کر کے ملزمان کیخلاف مقدمہ درج کر لیا۔

یونین کونسل کلیام اعوان میں پسند کی شادی کرنے والی خاتون کی ہلاکت

police
مندرہ (ساجد نقوی )یونین کونسل کلیام اعوان میں پسند کی شادی کرنے والی خاتون کی ہلاکت پر والدین کا سسرالیوں پر قتل کا الزام مندرہ پولیس نے نعش کو پوسٹ مارٹم کے لیے تحصیل ہیڈ کواٹر بھیجوا دیا تفصیلات کے مطابق مندرہ کے نواحی گاؤں ڈھوک کھا ریاں با نٹھ کی رہائشی 24سالہ خاتون مسماۃ زرمینہ نورین کی تقریباً ڈھائی سال قبل پسند کی شادی خرم شہزاد سے ہوئی تھی جن کی کوئی اولاد نہ تھی لڑکی کے سسرالیوں کا کہنا ہے کہ گزشتہ رات لڑکی کو دل کی تکلیف ہوئی جسے ہسپتال لے جایا گیا آج جمرات کی سہ پہر دوبارہ تکلیف ہوئی جو جان لیوا ثابت ہوئی جبکہ لڑکی کے والدین کا کہنا ہے کہ لڑکی کو اسکے سسرالیو ں نے پسند کی شادی کرنے کی پاداش میں جان سے مار دیا ہے مندرہ پولیس نے نعش قبضے میں لیکر پوسٹ مارٹم کے لیے تحصیل ہیڈ کواٹر بھیجوا دی ہے حتمی رپورٹ آنے پر مزید کاروائی کی جائے گی

مشہور اشتہاری جوزف سلیم بھٹی ڈرامائی انداز میں گرفتار

Mandra Pic 04-05-17
مندرہ (ساجد نقوی ) ایس ایچ او مندرہ کی خصوصی ہدایت پرمندرہ پولیس کی کامیاب کاروائی لوگوں لو لاکھوں روپے کا چونا لگانے والا مشہور اشتہاری جوزف سلیم بھٹی ڈرامائی انداز میں گرفتار تفصیلات کے ایس ایچ او مندرہ سردار ذوالفقار کی خصوصی ہدایت پر اے ایس آئی افضال نے مقدمہ نمبر 130/15بجرم 489Fمیں 5سالوں سے مطلوب اشتہاری ملزم جس نے پشاور میں 600کنال متنازعہ اراضی 45کروڑ میں خریدی جسکا کا کیس بھی چلتا رہا اس کیس کی بنا پر ملزم لوگوں کو سبز باغ دکھا کر کہ میری مدد کیجائے لوگوں کو 50لاکھ مالیت کے چیک دیکر ان سے لاکھوں روپے نقدی بٹور لیتا تھا جو کہ لوگوں کے ساتھ فراڈ ،دھوکہ دہی اور نوسر بازی کے جرم میں اشتہاری تھا کو مخبر کی اطلاع پر نیوٹاؤن راولپنڈی سے گرفتار کر کے پابند سلاسل کر کے اڈیالہ بھیجوا دیا

تعزیت

dua
مندرہ (ساجد نقوی )یم پی اے راجہ شوکت عزیز بھٹی ، پی پی پی کے راہنما راجہ جاوید اشرف ،سابق تحصیل ناظم و پی ٹی آئی کے راہنما چوہدری محمد عظیم ،چیرمین راجہ سجاد سرور ،چیر مین راجہ ابرار ،سابق ناظم غفور کیانی ، چوہدری اختر، قاضی عبد الوقار ، کرنل ( ر) اقبال ،ڈپٹی کمشنر چوہدری عبد الغفور ،،راجہ محمدافضل ،راجہ الطاف مرکزی راہنما ریلوے یونین ،ایس ایچ او روات ،ایس پی چوہدری ذوالفقار و دیگر نے جابر بھٹی ڈویژنل نائب صدر ریلوے ورکر یونین راولپنڈی کے جوانسالہ بھتیجے محمد گلفراز کی وفات پر گہرے دکھ و غم کا اظہار کرتے ہوئے لواحقین سے صبر جمیل کی دعا کی ہے

قوم اپنا حق لوٹنے والوں کا الیکشن میں ووٹ کی طاقت سے کڑا احتساب کرے گی

PTI Logo
مندرہ ( ساجد نقوی سے )قوم اپنا حق لوٹنے والوں کا الیکشن میں ووٹ کی طاقت سے کڑا احتساب کرے گی اور انشاء اللہ آمدہ الیکشن میں پاکستان تحریک انصاف یوتھ ونگ اپنی بھر پور محنت و لگن سے این اے 51کی سیٹ جیت کر اپنے محبوب قائد عمران خان کو تحفہ میں پیش کریں گے عوام اب با شعور ہو چکی ہے جس سے کرپٹ حکمرانوں کی نیندیں حرام ہو چکی ہیں پانامہ کیس میں حکمرانوں کی چوری پکڑی گئی جس سے غیور قوم کے سر شرم سے جھک گئے پوری قوم پاکستان کو ایسا دیکھنا چاہتی ہیں جس کا خواب قائد اعظم محمد علی جناح نے دیکھا تھا جو صرف اور صرف عمران خان کی قیادت میں کرپشن سے پاک نظر آرہا ہے تمام نوجوانوں کا بے حد مشکور ہوں جنھوں نے اسلام آباد جلسے کی کامیابی میں اپنا بھر پور کردار ادا کیا ان خیالات کا اظہار صدر انصاف یوتھ ونگ تحصیل گو جر خان راجہ رفاقت چب نے میڈیاسے گفتگو کرتے ہوئے کیا

راول نیوز مظلوم عوام کی آواز بن گیا ہے

Pic Of Press RepoterJannah Sajid Naqvi
مندرہ ( ساجد نقوی سے )تحصیل گو جر خان میں آزادی صحافت کے لیے سینئر صحافی و راول نیوز کے چیف ایگزیکٹیو سید منور نقوی کی خدمات قابل تحسین ہیں صحافیوں کو درپیش مسائل کے حل کے لیے ہر فورم پر انکے حقوق کی خاطر جنگ لڑنے میں ہر اول دستے کا کام کیا علاقائی مسائل کی نشاندہی اور ارباب اختیار تک رسائی کے لیے انھوں نے کوئی کسر نہیں چھوڑی جس پر وہ لائق تحسین ہیں ان خیالات کا اظہار جنرل کونسلر ایس ایس شاہ نے راول نیوز کی چھٹی کامیاب اشاعت پر سید منور نقوی اور انکی پوری ٹیم کو مبارک باد اور خراج عقیدت پیش کرتے ہوئے اپنے بیان میں کیا

ڈکیتی کے ملزم کی ضمانت منظور

cort order
مندرہ ( ساجد نقوی سے )ڈکیتی کے ملزم کی ضمانت منظور تفصیلات کے مطابق ملزم محمد عارف پر مسہ کے قریب ہونے والی ڈکیتی میں زیر دفعہ 392ت پ کے تحت تھانہ گو جر خان میں مقدمہ درج ہوا تھا ملزم کی جانب سے نوجوان ماہرقانون مرزا کامران عادل ایڈوکیٹ نے پیش ہو کر علاقہ مجسٹریٹ جناب فرخ فرید بلوچ کی معزز عدالت میں مدلل دلائل دیے جن سے اتفاق کرتے ہوئے معزز عدالت نے ڈکیتی میں نامزد ملزم محمد عارف کی ضمانت منظور کر لی ہے

ادارے کی کارکردگی بہتر بنانے کے لیے عملی اقدامات اٹھانے ہونگے،عباس حسن ڈی آئی جی موٹر وے پولیس

hadsa
مندرہ ( ساجد نقوی سے )عباس حسن ڈی آئی جی موٹر وے پولیس اینڈ نیشنل ہائی وے نے کہا ہے کہ ادارے کی کارکردگی بہتر بنانے کے لیے عملی اقدامات اٹھانے ہونگے اور روڈ ویورز کو ہر ممکن سہولیات پہنچانے کے لیے ہر ممکن کوشش کی جائے گی مسافروں کی جان و مال محفوظ بنانے کے لیے ٹرانسپوٹرز حضرات گاڑیوں میں فرسٹ ایڈ اور آگ بجھانے والے سلنڈر کو یقینی بنائیں تا کہ روڈ پر پیش آنے والے حادثات میں مسافروں کو فوری طبی امداد اور انہیں ممکنہ لگنے والی آگ سے بچانے میں مدد مل سکے انھوں نے تمام ایس ایس پیز اور ڈی ایس پیز کو ہدایات جاری کی گئی ہیں کہ وہ ٹراسپوٹرز کو آگاہی کے لیے بریفنگ دیں تاکہ روڈ پر چلنے والی تمام گاڑیوں میں یہ سہولت موجود ہو جس سے مسافروں کی جان بچانے میں مدد مل سکے

تعمیر و ترقی کے بڑے دعوے دار وں نے علاقے کو محرمیوں کے اندھیروں میں دھکیل دیا ہے

PPP
مندرہ ( ساجد نقوی سے )تعمیر و ترقی کے بڑے دعوے دار وں نے علاقے کو محرمیوں کے اندھیروں میں دھکیل دیا ہے گزشتہ ادوار میں نشتر چلانے والے آج کیوں خاموش ہیں ؟ منتخب عوامی نمائندؤں میں اتنی سکت نہیں کہ وہ سابق وزیر اعظم پاکستان راجہ پرویز اشرف کے دور حکومت میں منظور شدہ منصوبے کو عملی جامع پہنا سکیں آج عوام راجہ پرویز اشرف کے سنہری دور کو یاد کر رہے ہیں قرب و جوار میں سوئی گیس کی سہولت ہونے کے با وجود بر لب سڑک گاؤں موہڑہ غوریاں میں سوئی گیس کی سہولت سے محروم رکھنا سمج سے بالا تر ہے سابقہ دور میں طعنہ زنی کرنے والی قیادت اب 4سالہ دور حکمرانی میں عوام سے نظریں چرا تے پھر رہے ہیں مقامی قیادت علاقے کے حقوق کی آواز بلند کرے اہلیان علاقہ کی فلاح بہبود کے لیے انکے شانہ بشانہ ہر فورم پر لیبک کہیں گے ان خیالات کا اظہار وارڈ نمبر 5موہڑہ غوریاں پی پی پی کے تا حیات صدر سعید پرویز کیانی نے اپنے بیان میں کیا ۔

یونین کونسل کلیام اعوان میں پی ٹی آئی کی تنظیم سازی مکمل 13رکنی نئی ٹیم کا نوٹیفیکشن جاری

PTI Logo
مندرہ ( ساجد نقوی )یونین کونسل کلیام اعوان میں پی ٹی آئی کی تنظیم سازی مکمل 13رکنی نئی ٹیم کا نوٹیفیکشن جاری پی پی پی اورمسلم لیگ ن کو آمدہ جنرل الیکشن میں یونین کونسل کلیام اعوان میں سیاسی دھچکہ اکثریتی ناراض کارکن اپنی اپنی جماعتوں کو خیر آباد کہتے ہوئے تحریک انصاف میں شامل یونین کونسل کلیام سے سید مستفیض الحسن کا ظمی صدر ،راجہ ماجد علی جنرل سیکرٹری اور ملک کاشف میڈیا سیکرٹری کی نامزدگی کا اعلان گزشتہ روز پر وقار تقریب جھنگی لوٹن شاہ میں منعقدہ تقریب سے چیف گیسٹ سابق تحصیل ناظم اور پی ٹی آئی تحصیل گو جر خان کے صدر چوہدری محمد عظیم اور چیرمین یوسی کلیام ملک وحید اعوان نے خطاب کرتے ہوئے کیا تقریب میں اہلیان علاقہ کی بڑی تعداد میں شرکت پی ٹی آئی کے راہنما چوہدری محمد عظیم نے نو منتخب عہد داران کو مبارک باد دیتے ہوئے کہا کہ پانامہ کیس میں شریفوں کی کرپشن سب پر عیاں ہو گئی ہے کرپٹ ٹولے کو عوامی حمایت سے اقتدار سے باہر کر دیں گے پاکستان تحریک انصاف کا منشورہی پاکستان کی ترقی و خوشحالی کا ضامن ہے نوجوان ہی اس ملک کی تقدیر بدلنے میں فیصلہ کن کردار ادا کر سکتے ہیں ان خیالات کا اظہار سابق تحصیل ناظم اور پی ٹی آئی تحصیل گو جر خان کے صدر چوہدری محمد عظیم نے جھنگی لوٹن شاہ میں منعقدہ پر وقار تقریب سے خطاب کرتے ہوئے کیا ۔

مرزا عرفان اللہ رشتہ ازدواج میں منسلک ہو گئے

shadi
مندرہ ( ساجد نقوی )علاقے کی ممتا سیاسی و سماجی و علمی شخصیت ماسٹر مرزا امان اللہ آف ہرڑ کے ماموں زاد بھائی مرزا عرفان اللہ رشتہ ازدواج میں منسلک ہو گئے گزشتہ روز انھوں نے مقامی ہوٹل میں اپنے دوست احباب کے لیے پرتکلف دعوت ولیمہ کا اہتمام کیا جسمیں سابق ایم پی اے راجہ طارق کیانی ، سابق تحصیل ناظم و پی ٹی آئی کے راہنما چوہدری محمد عظیم ،چوہدری جاوید کوثر ،،ثاقب بیگ ایڈوکیٹ ،ایم رمضان قریشی و دیگر تمام سیاسی رہنماوں و دوست احبابنے بھر پور شرکت کی ۔

ڈرائیور کے خلاف کم مال دیکر زیادہ بل بٹرونے کے الزام

police
مندرہ ( ساجد نقوی )انٹرنیشنل برانڈ کمپنی کے مشروبات فروخت کرنے والے ڈرائیور کے خلاف کم مال دیکر زیادہ بل بٹرونے کے الزام میں تھانہ مندرہ میں درخواست دائر بعد میں معاملہ رفع دفع تفصیلات کے مطابق انٹرنیشنل برانڈ کمپنی پیپی وغیرہ کے مشروبات مندرہ بیٹ میں فروخت کرنے والا شوکت نامی ڈرائیور ہمراہ ہلپر کے خلاف تھانہ مندرہ میں مندرہ کے دوکانداروں نے درخواست دی کہ ہمیں کم مال دیکر ہمیں زیادہ بل دیکر ہم سے رقم بٹو ر رہا ہے جس پر مندرہ پولیس نے شوکت نامی ڈرائیور بمعہ ہلپر کو تھانہ میں بٹھا لیا جس پر کمپنی کے زمہ داران نے مذکورہ دوکانداروں سے رابطہ کر کے معاملے کو رفع دفع کروا دیا وا ضح رہے کہ زرائع کے مطابق بعض لوگوں کی شکایات ہیں کہ اسطرح کے کمپنی ڈرائیور ریٹ میں رد بدل کر کے کمپنی کی ساکھ کو نقصان پہنچاتے ہوئے جعلی مشروبات کا دھندہ بھی کرتے ہیں فوڈ انسپکٹر و دیگر اہلکار ان مشروبات کو چیک کریں یہ نہ ہو کہ یہ انسانی صحت کے محضر ہو ۔

مندرہ، سماج دشمن عناصر کے خلاف کامیاب کارائیوں میں ناجائز اسلحہ پکڑا لیا گیا

Mandra Pic1 16-04-17
مندرہ ( ساجد نقوی )ملک بھر میں جاری آپریشن رد الفساد کے تحت سی پی او راولپنڈی اسرار احمد عباسی کی خصوصی ہدایت پر ایس ایچ او تھانہ مندرہ سردار ذولفقار کی سماج دشمن عناصر کے خلاف کامیاب کارائیوں میں ناجائز اسلحہ پکڑا گیا تٖفصیلات کے مطابق مندرہ پولیس نے تین الگ الگ کا رائیوں میں اے محمد فیاضASI ،محمد افضالASI ،محمد اسحاقASI ہمراہ اہلکاروں اسلم محمود ،وقاص احمد ،طارق ایوب ،محمد عالم ،محمد طریف ،وقاص، اسد و دیگر کے تین ملزمان سبحان سہیل ولد سہیل انجم ،حیدر عباس ولد محمد عباس سکنائے ارجن ڈاکخانہ مندرہ تحصیل گو جر خان اور دانش سکنہ ڈھوک صالح محمد سے ایک عد د رائفل 44بمعہ 80روند اور 2عدد 30بور پستول ہمراہ 200روند کے قابو کر لیا جو مذکورہ اسلحہ کا لائسنس یا اجازت نامہ نہ دکھا سکے جنھیں مندرہ پولیس نے زیر دفعہ ترمیمی آرڈینس PAO 13-2(A)2015کے تحت مقدمہ درج کر کے تینوں ملزمان سے مزید تفتیش کے لیے پابند سلاسل کر دیا ہے

سپریم کورٹ نے عمر قید کے ملزم کو با عزت بری کر دیا

cort order
مندرہ ( ساجد نقوی )سپریم کورٹ نے عمر قید کے ملزم کو با عزت بری کر دیا تفصیلات کے مطابق ملزم عنصر اقبال ساکن چھاونی بلوچاں تھانہ بھیراں میں عنایت مقتول کے الزام میں سیشن جج صاحب نے 2006میں ملزم کوسزائے موت کا حکم سنایا تھا 2012ء میں میں ہائی کورٹ نے ملزم کی سزائے موت کو عمر قید میں تبدیل کر دیا ملزم نے سپریم کورٹ میں ملک کے نامور شہرت یافتہ ماہر قانون سید ممتاز حسین شیرازی ایڈوکیٹ کی خدمات لیں جنھوں نے سپریم کورٹ میں مدلل دلائل دیے جن سے اتفاق کرتے ہوئے سپریم کورٹ کے تین رکنی بینچ کے جج صاحبان نے ملزم کی عمر قید کو ختم کرتے ہوئے باعزت بری کرنے کا حکم صادر کر دیا

انگلینڈ پلٹ جوڑے کو دن دیہاڑے پولیس کے روپ میں ڈاکوؤں نے نقدی اور زیوارت سے محروم کر دیا

POLICE MANDRA
مندرہ ( ساجد نقوی )جی ٹی روڈ ساگری موڑ پمپ پر انگلینڈ پلٹ جوڑے کو دن دیہاڑے پولیس کے روپ میں ڈاکوؤں نے نقدی اور زیوارت سے محروم کر دیا تفصیلات کے مطابق ہفتہ کی صبح انگلینڈ پلٹ پاکستانی جوڑا ظفر اقبال ولد محمد اقبال ،مسماۃ شازیہ اقبال زوجہ ظفر اقبال اور محمد یاسر ولد عبد الرشید سکنہ کشمیر کالونی جہلم انگلینڈ سے واپس اپنے گھر جی ٹی روڈ سے جا رہے تھے کہ ساگری موڑ شیل پیٹرول پمپ پر پیچھے سے تیز رفتار گاڑی LE1728سلور کلر کرولہ آئی جنھوں نے واکی ٹاکی اٹھا رکھی تھی مذکورہ گاڑی کو رکنے کا اشارہ کیا ڈرائیور نے جب گاڑی سائیڈ پر روکی تو پولیس چیکنک کی آڑ میں ڈاکوؤں نے گاڑی کی تلاشی لیتے ہوئے عورت کا پرس چھین لیا جسمیں 8سے 10تولے زیورات ،2ہزار پونڈ نقدی اور دو عد د موبائل چھین کر فرار ہو گئے واضح رہے کہ اس سے قبل بھی ایسی ہی ورادتوں کا سلسلے میں موٹر وے پولیس نے ایک گاڑی ،بمعہ موبائل و دیگر کا غذات تقریباً ایک ماہ قبل مندرہ پولیس کے حوالے کی مگر تا حال پولیس ملزموں تک رسائی حاصل نہ کر سکی اب دوبارہ اس واردات سے عوام الناس میں شدید خوف ہراس پھیل گیا ہے تھانہ روات پہلے ایف آئی آر درک کرنے میں لیت و لعل سے کام لیتی رہی مگر کافی ٹائم کے بعد زیر دفعہ 382,177,171ت پ کے تحت مقدمہ درج کر لیا ہے

ٹریفک قوانین کے بلا امتیاز اطلاق اور مشکل وقت میں روڈ یوزرز کی مدد کو ہر صورت ممکن بنایا جائے،ڈی آئی جی نیشنل ہائی ویز اینڈ موٹروے

hadsa
مندرہ ( ساجد نقوی )ڈی آئی جی نیشنل ہائی ویز اینڈ موٹروے پولیس این فائیو نارتھ زون عباس احسن نے کہا کہ ٹریفک قوانین کے بلا امتیاز اطلاق اور مشکل وقت میں روڈ یوزرز کی مدد کو ہر صورت ممکن بنایا جائے۔افسران روڈ یوزرز کے ساتھ خوش اخلاقی کے ساتھ پیش آئیں سال 2017 میں نارتھ زون پشاور سے لاہور جی ٹی روڈ پر ای۔ ٹکٹنگ کا آغاز کر دیا جائیگا تاکہ محکمہ کو دورِ حاضر کے تمام جدید تقاضوں سے ہم آہنگ کیا جا سکے۔ اور جی ٹی روڈ پرقائم ہر طرح کے تجاوزات کو ہر صورت ختم کے جائے تاکہ سڑک کو مسافروں کیلئے ہر طرح سے محفوظ بنایا جا سکے۔ ڈی آئی جی آفس کیساتھ ساتھ تمام ایس ایس پی دفاتر میں آپریشنز کمانڈ اینڈ کنٹرول رومز قائم کیے جائینگے تاکہ جی ٹی روڈ پر ہونے والی تمام سرگرمیوں کی بروقت اطلاع کے ساتھ ساتھ تمام ممکنہ ذرائع بروئے کار لاتے ہوئے روڈ یوزرز کیلئے سفر کو محفوظ بنایا جا سکے۔اور حادثات کی جدید تقاضوں کو مدِ نظر رکھتے ہوئے ان کی تحقیقات اور وجوہات کو جاننے اور ان کے سدِ باب کیلئے ہر سیکٹر میں ایکسیڈنٹ انوسٹیگیشن یونٹ قائم کیا جائیگا۔ اوورلوڈ گاڑیوں کو چالان کے اجراء کے ساتھ ساتھ ان کا زائد سامان اتروا لیا جائیگا تاکہ اوور لوڈنگ کی دجہ سے ہونے والے حادثات میں کمی لانے کے ساتھ ساتھ نیشنل ہائی وے کوہونے والے نقصان سے بچایا جا سکے۔انھوں نے شرکاء کو تاکید کی کہ تمام طرح کی وائیلیشن کو کنٹرول کرنے کے ساتھ ساتھ روڈ یوزرز کو ٹریفک قوانین سے آگاہی فراہم کرنے کیلئے روڈ سیفٹی پلان 2017 پر عمل درآمد کو یقینی بنایا جائے تاکہ روڈ سیفٹی ایجوکیشن کو معاشرے کے ہر فرد تک پہنچایا جا سکے۔ان خیالات کا اظہار انھوں نے آپریشنل کانفرنس کی منعقدہ تقریب سے خطاب کرتے ہوئے کیا اس موقع پر نارتھ زون کے تمام ایس ایس پیز، ڈی ایس پیز اور آپریشنل آفیسرز نے شرکت کی ڈی آئی جی نے آخر میں کہا کہ اسطرح کی آپریشنل کانفرنسز کا انعقاد ہر تین ماہ کے بعد منعقد کی جائینگی تاکہ سابقہ کارکردگی کا جائزہ لے کر مزید بہتر لائحہ عمل اپنا کر جی ٹی روڈ کو روڈ یوزر کے سفر کیلئے محفوظ بنایاجا سکے۔

پانامہ کیس کا فیصلہ آتے ہی مسلم لیگ ن آٹے دال کے بھاؤ معلوم ہو جائیں گے ،راجہ جاوید اشرف

RAJA JAVED ASHRAF 3
مندرہ ( ساجد نقوی )پاکستان پیپلز پارٹی کے راہنما راجہ جاوید اشرف نے کہا ہے کہ سورج کو چراغ دکھانے سے سورج کی روشنی کم نہیں ہو تی پیپلز پارٹی کو مشرف کا دم بھرنے والوں کا طعنہ دینے والے اپنے گریبانوں میں جھانکیں جن کی اپنی بساط ضیاء اور مشرف کی باقیات سے بھری پڑی ہے چوہدری نثار علی خان یہ مت بھولیں کہ نواز شریف کی موجو دہ کا بینہ کی اکثریت ضیاء الحق اور مشرف کے دور اقتدار کے مزے لوٹنے والوں کی فوج ظفر موج ہے انہیں اپنی جماعت سے نکالنے کی جرات کریں انہیں اپنی حثیت کا پتہ چل جائے گا تحصیل گو جر خان کی غیور عوام پر بھی مشرف دور اقتدار کے پجاری کو مسلط کیا گیا جن کا نعرہ تھا کہ نواز شریف قدم بڑھاؤ ہم تمھارے ساتھ ہیں اور جب میاں نواز شریف پر برا وقت آئے تو یہی لوگ مشرف کی جھولی میں بیٹھ گئے جنھیں مسلم لیگ ن نے اقتدار کی خاطر دوبارہ گلے لگا لیا پانامہ کیس کا فیصلہ آتے ہی مسلم لیگ ن آٹے دال کے بھاؤ معلوم ہو جائیں گے سابق وزیر اعظم راجہ پرویز اشرف نے اپنی جماعت سے استحکامت کے وابستہ رہتے ہوئے اپنے دور اقتدار میں تحصیل بھر میں بلا امتیاز ترقیاتی کام کیے جنکی مثال تاریخ میں نہیں ملتی ان خیالات کا اظہار انھوں نے میڈیا سے گفتگو کرتے ہوئے کیا اس موقع پر عبد الرشید زرگر اور وحید قریشی انکے ہمراہ تھے

کسی بھی معاشرے میں اسکی ترقی کے لیے خواتین کا کردار بڑی اہمیت کا حامل ہو تا ہے

Mandra Pic 02-04-17
مندرہ ( سید ساجد نقوی ) کسی بھی معاشرے میں اسکی ترقی کے لیے خواتین کا کردار بڑی اہمیت کا حامل ہو تا ہے ایک پڑھی لکھی خاتون اچھا معاشرہ تشکیل دینے میں بنیادری رول ادا کرتی ہے پاکستان کی دیہی خواتین نا مساعد حالات میں بھی مردوں کے شانہ بشانہ کام کر کے بچوں کی تعلیم و تربیت میں انکا ہاتھ بٹاتی ہیں ان خیالات کا اظہار دپٹی جرمن ایمبینسڈر ڈاکٹر جونز جوکش نے گو رنمنٹ آف جرمنی کی طرف سے جرمن ایمبینسی اسلام آباد میں گو جر خان کی فلاحی تنظیم سوشل ویلفےئر کونسل کوری دولال کے ساتھ دیہی خواتین کے لیے سولر چولہے فراہم کرنے کے لیے 1.6ملین روپے کے پراجیکٹ کی منظوری دینے کی تقریب کے بعد میڈیا سے گفتگو کرتے ہوئے کیا انھوں نے کہا کہ سولر چولہوں سے دیہ خواتین کو ایک ماحول دوست ٹیکنالوجی میسر آئے گی اورجرمن گو رنمنٹ پاکستان کی دیہی خواتین کی بہتری کے لیے اپنا تعاون فراہم کرتے رہیں گے اس موقع پر سوشل ویلفےئر کونسل کوری دولال کے چیرمین فرخ عباس قریشی اور دیہی خواتین کی نمائندگی مسز فرخ عباس نے کی اور جرمن ایمبینسی سے دیہی خواتین کے سولر چولہوں کا پراجیکٹ منظور کرنے پر اظہار تشکر بھی کیا ۔

چور دو عدد ٹرانسفارمر لے اڑے

wapda
مندرہ ( سید ساجد نقوی )نا معلوم چو ر ایک ہی رات میں غوثیہ پیٹرولنگ پولیس چوکی کی ناک تلے سے آئیسکو سب ڈویژن مندرہ کی حدود میں لگے دو عدد ٹرانسفارمر لے اڑے تفصیلات کے مطابق غو ثیہ پیٹرولنگ پوسٹ کی ناک تلے بیسک ہیلتھ یونٹ (BHU) کوری دولال میں 25KVAکا ٹرانسفامر جبکہ اس سے ملحقہ آبادی گمٹی میں 50KVAکا ٹرانسفامر لگا ہو تھا جنھیں ہفتہ اور اتوار کی درمیانی شب کونامعلوم چور وں نے اتار کر ان میں سے قیمتی کوائل نکال کر رفو چکر ہو گئے موسم گرما کے آغاز میں ہی ٹرانسفارمر چور گروہ ایک بار پھر متحرک ہو گیا ہے اس سے قبل بھی آئیسکو سب ڈویژن مندرہ میں اس گروہ نے کافی وارداتیں کیں چند ماہ قبل بھی غوثیہ چوک میں ہی پی ٹی سی ایل کے آفس سے بھی 50KVAکا ٹرانسفارمر چوری ہو چکا ہے ان بڑھتی ہوئی واردتوں سے صارفین میں تشویش کی لہر دوڑ گئی ہے ہسپتال کے ٹرنسفارمر چوری ہونے سے ہسپتال میں پڑی لاکھوں مالیت کی ویکسین خراب ہونے کا بھی اندیشہ ہے عوامی و سماجی حلقوں نے لاکھوں روپے تنخواہ و دیگر مراعات لینے والے غوثیہ پیٹرلنگ پوسٹ پولیس کی کارکردگی پر سوالیہ نشان اٹھاتے ہوئے اعلیٰ احکام سے اصلاح و احوال کا مطالبہ کیا ہے

عوام کو بنیادی سہولیات سے محروم دیکھ کر دل خون کے آنسو روتا ہے، نمبر دار محمود افتخار

roads
مندرہ ( سید ساجد نقوی )عوام کو بنیادی سہولیات سے محروم دیکھ کر دل خون کے آنسو روتا ہے نہ سڑکیں ہیں ،نہ پختہ گلیاں ،نہ گیس ہے جب سے پاکستان معرض وجود میں آیا اسوقت سے لیکر اب تک ہم نے مسلم لیگ کے پرچم کو ہمیشہ بلند رکھا اور مسلم لیگ ن کو ووٹ دیا مگر ہمارے ساتھ ہمیشہ سوتیلی ماں جیسا سلوک روا رکھا گیا اور ہمیں پسماندگیوں کے اندھیرے میں دھکیلا گیا وفاقی وزیر داخلہ چوہدری نثار علی خان نے بھی اپنے آبائی حلقہ کی یونین کونسل بسالی کے گاؤں کھائی اعوان کو بھی یکسر نظر انداز کیا ہوا ہے مسلم لیگ ن کی اعلیٰ قیادت اور چوہدری نثار علی خان نے اگر کھائی اعوان میں ترقیاتی کاموں کا آغاز نہ کیا تو ہم بھی مسلم لیگ ن کو خیر آباد کہہ کر آئندہ الیکشن میں اپنے مستقبل بارے لاء عمل کا فیصلہ کرنے پر مجبور ہونگے ان خیالات کا اظہار دیرینہ مسلم لیگ ن کے راہنما نمبر دار محمود افتخار آف کھائی اعوان نے اپنے اخباری بیان میں کیا ۔

ہر فرد کو اپنے اندر سے تبدیلی لانے کی ضرورت ہے

Mandra Pic 14-03-17
مندرہ ( ساجد نقوی سے )عہد فاونڈیشن ایجو کیشن ،ہیلتھ اینڈ ڈویلپمنٹ کا بنیادی مقصد پسماندہ علاقوں میں تعلیم صحت اور غربت کے خاتمے کے لیے خدمات سر انجام دینا یہ فلاحی ادارہ 2002 ؁ء میں ایک سکول کی کچی بستی میں قائم کرنے سے معرض وجودمیں آیاالحمدو للہ اسوقت اس ادارے کے تحت پسماندہ علاقوں میں 28سکول قائم ہو چکے ہیں جن میں 4ہزار سے زائد بچے مفت معیاری تعلیم حاصل کر رہے ہیں اسکے علاوہ پینے کے صاف پانی کے لیے 500کے لگ بھگ ہیڈ پمپ لگائے اور بیواؤں کے لیے ماہانہ راشن سکیم اور سردیوں میں بسترے بھی دیے جاتے ہیں ملک بھر میں جتنی بھی این جی اوز اور فلاحی ادارے کام کر رہے ہیں انکا ایک ہی مقصد ہے خدمت خلق اسوقت ہم غربت کی لکیر سے بھی بہت نیچے ہیں تبدیلی جو آتی ہے وہ گو رنمنٹ سطح پر کام کرنے سے نہیں آتی بلکہ ہر فرد کو اپنے اندر سے تبدیلی لانے کی ضرورت ہے اس مقصد کو پورا کرنے کے لیے ہم تنظیم دن رات کوشاں ہے ان خیالات کا اظہار راجہ محمد فاضل خان چیرمین عہد فانڈیشن نے یونین کونسل مندرہ میں بیواؤں میں بسترے تقسیم کرنے کی تقریب سے خطاب کرتے ہوئے کیا اس موقع پر راجہ ذولفقار علی چیرمین یونین کونسل مندرہ ،سید عنصر عباس شاہ وائس چیرمین یوسی مندرہ،مجاہد بھٹی سینئر نائب صدر مسلم لیگ ن تحصیل گو جر خان ،شاہ رخ خان یوتھ کونسلر یوسی مندرہ ،ملک اقتدار حسین سکیرٹری یوسی مندرہ ، لیاقت بیگ ، تنزیل محسن ،اشتیاق ککے زئی و دیگر کونسلر و مقامی حضرات کی بڑی تعداد موجود تھی

error: