گرما گرم خبریں

ضلع چکوال کی سیاست میں آنے والے چند دنوں میں بڑی سیاسی تبدیلیاں رونما ہورہی ہیں
چوہدری زاہد جٹ نے اپنی برادری سمیت تحریک انصاف میں شامل ہونے کا اعلان کردیا
نیشنل ہائی وے اینڈ موٹر وے پولیس سیکٹر نارتھ ٹو کی سالانہ ایوارڈ تقریب کا انعقاد
تحریک انصاف میں شمولیت پر راجہ حسیب کیانی کو خراج تحسین پیش کرتے ہیں،رضوان ہاشمی
نیا پاکستان بنانے کیلئے پرعزم ہیں،چوہدری جاوید کوثر ایڈووکیٹ
کمپیوٹرائزڈ لینڈریکارڈ سنٹر گوجرخان عوام کیلئے دردسر بن گیا
پولیس پٹرولنگ پولیس ٹھاکرہ موڑ چوکی نے مختلف کاروائیوں میں چھ مقدمات درج

Category: ڈھڈیال کی خبریں

جنڈخانزادہ میں مسلم لیگ ن کا بھرپور شوآف پارو ، سیاسی مخالفین کی نیندیں اڑ گئیں

ڈھڈیال(نامہ نگار)جنڈخانزادہ میں مسلم لیگ ن کا بھرپور شوآف پارو ، سیاسی مخالفین کی نیندیں اڑ گئیں۔ تنویر بلوچ کی رہائشگاہ پر منعقدہ کارنرمیٹنگ میں مسلم لیگ ن جنڈخانزادہ کی سرکردہ شخصیات اور برادریوں کا بھرپور اتحاد کا مظاہرہ۔ ان شاء اللہ کامیابی مسلم لیگ ن کی ہوگی ۔ کارنر میٹنگ سے خطا ب کرتے ہوئے امیدواراین اے64میجر(ر) طاہر اقبال اور پی پی22ملک تنویر اسلم سیتھی نے کہا کہ تمام تر حالات اور نشیب وفراز کے باوجود لیگی ووٹر ڈٹ کر مسلم لیگ ن کے ساتھ کھڑا ہے اور اسی وجہ سے مسلم لیگ ن نے ہمیشہ ہر میدان میں کامیابی حاصل کی ہے ۔ کارنر میٹنگ سے صوفی مشتاق بھٹی اوردیگر نے بھی خطاب کیا ۔ جنڈخانزادہ پہنچے پر میجر (ر) طاہر اقبال اور ملک تنویر اسلم سیتھی کا پرتپاک استقبال کیا گیا۔ کارنر میٹنگ میں چیئرمین ملک ظفر اقبال ، ملک خالد نوابی ، عرفان محمود بھٹی ،راجہ اظہر اور دیگر سرکردہ شخصیات سمیت معززین علاقہ کی ایک بڑی تعداد نے شرکت کی ۔

پنوال میں سردار گروپ کو شدید جھٹکا 


ڈھڈیال(نامہ نگار) پنوال میں سردار گروپ کو شدید جھٹکا ، متعدد برادریوں نے سردار گروپ کو خیر آباد کہہ کر مسلم لیگ ن کی حمایت کا اعلان کردیا۔ اس سلسلہ میں گزشتہ شب پنوال میں ایک کارنرمیٹنگ منعقدہوئی جس سے ملک نعیم اصغر اور چوہدری شہریار سلطان نے خطا ب کیا ۔ اس موقع پر خطا ب کرتے ہوئے انہوں نے کہا کہ عدالتی فیصلہ کے بعد مسلم لیگی کارکنوں میں ایک نیا جوش اور ولولہ پیداہو ہے ۔ مسلم لیگی ایسے ہتھکنڈوں سے مرعوب نہیں ہوں گے۔ مسلم لیگ ن نے پہلے بھی سازشوں کا ڈٹ کر مقابلہ کیا ہے اور آئندہ بھی وہ سیاسی میدان میں اپنے مخالفین کا بھرپور مقابلہ کرے گی ۔ انہوں نے کہا کہ 25جولائی کو ہر طرف شیر کی دھاڑ ہوگی اور مسلم لیگ ن میں شامل ہونے والے نئے ساتھی اس بات کی واضح دلیل ہیں۔ کارنر میٹنگ میں سعید یعقوب جنجوعہ اور چوہدری سہیل زمرد کی خصوصی کاوشوں سے جٹ برادری ، راجہ برادری ، سندھی اور منہاس برادری سمیت دیگر برادریوں نے میجر(ر) طاہر اقبال اور چوہدری حیدر سلطان کی حمایت کا اعلان کیا ۔ کارنر میٹنگ میں چوہدری آزاد، راجہ رزاق، راجہ اعجاز، ظفر جٹ، مظہر جٹ، حافظ واجد ، محمد یعقوب، بشیر سندھی ، چوہدری حبیب الرحمن، عجائب، منصف نمبردار، ڈاکٹر ظفراقبال ، مصری خان، حاجی پائندہ خان سمیت لوگوں کی ایک بڑی تعداد نے شرکت کی ۔

سردار اظہر عباس نے پیپلزپارٹی کی ضلعی صدارت سے استعفیٰ دے دیا


ڈھڈیال(نامہ نگار)سردار اظہر عباس نے پیپلزپارٹی کی ضلعی صدارت سے استعفیٰ دے دیا۔ ذرائع کے مطابق سرداراظہر عباس نے اپنا استعفیٰ پیپلزپارٹی کی صوبائی قیادت کو بھیجوادیا ہے جسے25جولائی کے بعد منظور کرلیا جائے گا۔سردار اظہر عباس گزشتہ کچھ عرصہ سے پارٹی سرگرمیوں میں زیادہ فعال نہیں تھے اور ان دنوں ان کے چند فیصلوں پر پارٹی رہنماؤں کی جانب سے شدید تنقید کی جارہی تھی اور اعلیٰ قیادت کو تما م صورت حال کے بارے میں آگاہ کردیا گیا تھا ۔ ضلعی پارٹی رہنماؤں کا الزام تھا کہ سردار اظہر عباس پارٹی میں رہتے ہوئے پی ٹی آئی کیلئے کام کررہے ہیں جس کی مثال راجہ طارق افضل کالس کے ضمنی الیکشن میں نواب تیمور حسن کو ان کے حق میں دستبردار کرانا اور اب حلقہ پی پی23میں اپنے قریبی رشتہ دار سردار آفتاب اکبر کو فائدہ پہنچانے کیلئے ملک عبدالجبار چلہ کیلئے ٹکٹ میں رکاؤٹ بننا ہے۔ ملک عبدالجبار چلہ پی پی23میں پارٹی ٹکٹ کے مضبوط امیدوار تھے لیکن ایک سوچے سمجھے منصوبے کے تحت انہیں این اے64میں دھکیل دیا گیا ۔ ذرائع نے مزید بتایا ہے کہ حلقہ پی پی22میں پیپلزپارٹی کے امیدوار راجہ رضوان کو ضلعی صدر بنانے کا اصولی فیصلہ کرلیا گیا ہے اور اس کا باضابطہ اعلان25 جولائی کے بعد کردیا جائے گا۔پارٹی کے ضلعی عہدیداروں اور سرکردہ رہنماؤں نے بھی راجہ رضوان کو ضلعی صدر بنانے کے فیصلہ کی بھرپور حمایت کردی ہے۔

مسلم لیگ ن کو چھوڑ پر پی ٹی آئی میں شمولیت کی خبریں من گھڑت اور جھوٹ کا پلندہ ہیں


ڈھڈیال(نامہ نگار)مسلم لیگ ن کو چھوڑ پر پی ٹی آئی میں شمولیت کی خبریں من گھڑت اور جھوٹ کا پلندہ ہیں۔ گھر بیٹھنے کو میٹنگ اور پی ٹی آئی میں شمولیت کا رنگ دینے کا ڈرامہ رچانے والے اپنے امیدواروں کے ساتھ کھلم کھلا دھوکہ کررہے ہیں۔ مسلم لیگ ن یوتھ ونگ کے سرکردہ طلعت محمود کھرل نے اظہر الطاف کی رہائشگاہ پر راجہ طارق افضل کالس کی آمد کوسیاسی میٹنگ اور اسے برادری سمیت پی ٹی آئی کی حمایت کا رنگ دینے کو لغو اور بے بنیاد پراپیگنڈہ قراردیتے ہوئے کہا کہ ہماری مسلم لیگ ن کے ساتھ وابستگی اٹل ہے اور پی ٹی آئی میں شمولیت کا سوال ہی نہیں پیدا ہوتا ۔انہوں نے کہا کہ ان خبروں میں کوئی صداقت نہیں جو پی ٹی آئی کا سوشل میڈیا چلارہا ہے ۔ طلعت محمود کھرل نے کہا کہ مسلم لیگ ن کیلئے ہماری بھرپور حمایت جاری رہے گی ۔

سینیٹر لیفٹیننٹ جنرل(ر) عبدالقیوم کی قیادت میں چار رکنی وفد منگل کو سری لنکا روانہ ہوگیا


ڈھڈیال(نامہ نگار)چیئرمین قائمہ کمیٹی برائے دفاعی پیداوار سینیٹر لیفٹیننٹ جنرل(ر) عبدالقیوم کی قیادت میں چار رکنی وفد منگل کو سری لنکا روانہ ہوگیا۔ جہاں وہ کولمبو میں یواین او کے زیر اہتمام انٹرنیشنل پارلیمنٹرین یونین کی تین روز ہ کانفرنس میں پاکستان کی نمائندگی کریں گے ۔مذکورہ وفد کانفرنس میں شرکت کے بعد جمعرات کو واپس وطن پہنچے گا

ملک تنویر اسلم سیتھی کی رابطہ مہم 

ڈھڈیال ( نامہ نگار)حلقہ پی پی 22سے مسلم لیگ ن کے نامزد امیدوار ملک تنویر اسلم سیتھی اپنی رابطہ مہم کے سلسلہ میں گزشتہ روز مونا میں چوہدری غلام مرتضیٰ کی رہائشگاہ پر گئے جہاں انہوں نے مسلم لیگ ن کے کارکنان سے خطاب کرتے ہوئے کہا کہ وہ بھرپور تیار ی کے ساتھ انتخابی میدان میں اتریں۔انہوں نے کہا کہ مسلم لیگ ن اپنی کارکردگی کی بناء پر 25جولائی کو کامیابی سے ہمکنار ہوگی۔ انہوں نے مسلم لیگی کارکنان سے کہا کہ حلقہ میں شامل نئے دیہات کی ترقی ان کی اولین ترجیحات میں شامل ہوں گے۔ چوہدری غلام مرتضیٰ نے یقین دلایا کہ ان شاء اللہ میجر (ر) طاہر اقبال اور ملک تنویر اسلم سیتھی کومونا اور یوسی چک عمرا سے بھاری اکثریت سے کامیاب کرایا جائے گا۔

میاں شہباز شریف نے ملک کو اندھیروں سے نکالا،جنرل( ر) عبدالقیوم 


ڈھڈیال ( نامہ نگار)چیئرمین قائمہ کمیٹی برائے دفاعی پیداوار سینیٹر لیفٹیننٹ جنرل( ر) عبدالقیوم نے کہا ہے کہ مسلم لیگ ن ہی وہ واحد جماعت ہے جو عوام کے مسائل حل کرنے کی صلاحیت رکھتی ہے ۔ گزشتہ پانچ سالوں میں مسلم لیگ نے اپنی کارکردگی سے ثابت کردیا کہ اس نے عوام سے کئے گئے وعدوں کو پورا کیا۔ وہ پادشاہان میں اپنی رہائشگاہ پر منعقدہ کارنر میٹنگ سے خطاب کررہے تھے ۔ اس موقع پر حلقہ این اے 64سے امیدوار میجر(ر) طاہر اقبال اور پی پی 22 کے امیدوار ملک تنویر اسلم سیتھی بھی وہاں موجود تھے ۔انہوں نے کہا کہ میاں نوازشریف اور میاں شہباز شریف نے ملک کو اندھیروں سے نکالا۔ تعلیم ، ہیلتھ کے شعبہ میں انقلابی اقدامات کیے۔ انہوں نے کہا کہ پیپلزپارٹی کی حکومت نے سندھ کو کھنڈرات اور گندگی کے ڈھیرجبکہ تحریک انصاف نے خیبر پختونخواہ کو گڑھوں میں تبدیل کیا ۔ جنرل(ر) عبدالقیوم نے کہا کہ سی پیک میاں نوازشریف پر اعتماد کا اظہار ہے ۔این اے64کے امیدوار میجر(ر) طاہر اقبال نے کہا کہ مسلم لیگ ن کی ہر طرف ٹانگیں کھینچیں جارہی ہیں لیکن تمام تر مشکلات کے باوجود مسلم لیگ ن کا ووٹر ڈٹ کر اپنی پارٹی کے ساتھ کھڑا ہے۔ انہوں نے کہا کہ پاکستان جب بھی ترقی کی شاہراہ پر گامزن ہوا ایک سوچے سمجھے منصوبے کے تحت اسے پھر پستی میں دھکیل دیا گیا۔ انہوں نے کہا کہ ہم وہ نیا پاکستان نہیں چاہتے جو عمران خان چاہتے ہیں۔ میجر(ر) طاہر اقبال نے کہا کہ ترقی کے حوالے سے چکوال دیگر اضلاع کے مقابلے میں ٹاپ پر ہے۔انہوں نے کہا کہ مجھ پر کوئی داغ نہیں میں پانچ سال کے بعد آپ کے سامنے مطمئن کھڑا ہوں ۔ حلقہ پی پی22کے امیدوار ملک تنویر اسلم سیتھی نے اپنے خطاب میں کہا کہ امیدوار کی حیثیت سے یہ اس حلقہ میں ان کا پہلا دورہ ہے ۔ میرا ماضی آپ کے سامنے ہے پندرہ سال پوری دیانتداری کے ساتھ سیاست کی ہے اور اب چوتھی مرتبہ انتخابی میدان میں ہوں۔ انہوں نے کہا کہ میرے حلقہ جو دیہات دور ہیں وہ میرے دل کے قریب ہیں۔انہوں نے کہا کہ وہ اپنے حلقہ میں شامل ہونے والی نئی یونین کونسلوں کو ماڈل یوسی بنائیں گے۔ملک تنویر اسلم سیتھی نے کہا کہ عمران خان نے پی ٹی آئی کا وجودہی ختم کردیا ہے اور ان شاء 25جولائی کو مسلم لیگ ن بھرپور اکثریت کے ساتھ کامیابی حاصل کرے گی ۔ کارنرمیٹنگ سے راجہ ضمیر الدین ایڈووکیٹ، سابق ممبر ضلع کونسل چوہدری غلام صفدر رتہ اور سابق ناظم قاضی شفیق رانجھا نے بھی خطاب کیا ۔کارنر میٹنگ میں مسلم لیگ ن کے چیئرمینوں ، وائس چیئرمینوں اور ملحقہ یونین کونسلوں کی سرکردہ شخصیات نے شرکت کی ۔

ہارون عباس کی میاں شہباز شریف سے ملاقات


ڈھڈیال (نامہ نگار ) مسلم لیگ ن کے چیف کوارڈی نیٹر ہارون عباس جوند اور مسلم لیگ ن یوتھ ونگ ضلع چکوال کے صدر ملک خالد نوابی نے ماڈل ٹاؤن لاہور میں مسلم لیگ ن کے صدر میاں شہباز شریف سے ملاقات کی جس میں ضلع کی تازہ ترین سیاسی صورت اوردیگر امور کے بارے میں تفصیلی بریفنگ دی گئی ۔میاں شہباز شریف کوبتایا گیا کہ تحریک خدام اہلسنت والجماعت کے تحفظات کو فوری دور کیا جائے ۔میاں شہبازشریف نے تحریک خدام اہلسنت والجماعت کے تحفظات دورکرنے کی یقین دہانی کرائی ۔میاں شہبازشریف نے کہا کہ الیکشن کے بعد چکوال میں مسلم لیگ ن کے دفتر کا وہ خود افتتاح کریں گے اور تنظیم سازی کیلئے عملی اقدامات کیے جائیں گے ۔میاں شہباز شریف نے حلقہ پی پی22میں ملک تنویر اسلم سیتھی کے حق میں دستبرداری پر ملک خالد نوابی کاشکریہ ادا کیا۔ ملاقات آدھا گھنٹہ جاری رہی

ملک خالدنوابی ملک تنویر اسلم سیتھی کے حق میں دستبردار ہوگئے


ڈھڈیال ( نامہ نگار)حلقہ پی پی 22میں آزاد امیدوار مسلم لیگ ن یوتھ ونگ ضلع چکوال کے صدر ملک خالدنوابی ملک تنویر اسلم سیتھی کے حق میں دستبردار ہوگئے ۔ اس سلسلہ میں گزشتہ شب منعقدہ ایک تقریب میں ملک خالد نوابی نے اپنی دستبرداری کا اعلان کرتے ہوئے ملک تنویر اسلم سیتھی کی بھرپور حمایت کا یقین دلایا۔ انہوں نے کہا کہ وہ اعلیٰ قیادت کی درخواست اور حلقہ کے دوستوں کی مشاورت کے بعد اپنے کاغذات واپس لے رہے ہیں۔انہوں نے کہا کہ ملک تنویراسلم سیتھی کو بھاری اکثریت سے کامیاب کرایا جائے گا۔ تقریب میں ملک تنویر اسلم سیتھی ، سردار ذوالفقارد لہہ ، صوفی مشتاق بھٹی، ہارون عباس جوند، ڈاکٹر اعجاز مغل اور دیگر معززین بھی موجودتھے۔ ملک تنویر اسلم سیتھی نے ملک خالد نوابی کے فیصلہ کو سراہا اور بھرپور حمایت کے اعلان پر ان کا شکریہ ادا کیا

مبارکباد


ڈھڈیال ( نامہ نگار)حلقہ این اے 64کے امیدوار میجر(ر) طاہر اقبال کی رابطہ مہم کے انچارج ملک نعیم اصغر اعوان گزشتہ روز لکھوال میں مولانا ممتازصدیقی کی رہائشگاہ پر گئے اور انہیں عمرہ کی ادائیگی پر دلی مبارکباد دی ۔ اس موقع پر چیف کوارڈی نیٹر ہارون عباس جوند بھی ان کے ہمراہ تھے ۔ مولانا ممتاز صدیقی نے رہائشگاہ آمد پر ان شخصیات کا شکریہ ادا کیا اور کہا کہ امیر تحریک خدام اہلسنت والجماعت مولانا قاضی ظہور الحسین اظہر جو بھی فیصلہ کریں گے ہم اس کی بھرپور حمایت کریں گے

سردار غلام عباس خان بوکھلاہٹ کاشکار ہیں


ڈھڈیال ( نامہ نگار)مسلم لیگ ن کے چیف کوارڈی نیٹر ہارون عباس جوند اور قاضی عمر ایڈووکیٹ نے کہا ہے کہ سردار غلام عباس خان بوکھلاہٹ کاشکار ہوکر عسکری شخصیات پر الزام تراشی کررہے ہیں۔ ایک مشترکہ بیان میں انہوں نے کہا کہ سردار غلا م عباس خان اور سردار آفتاب اکبر کو اپنے اثاثوں پر اعتراضات کی وجہ سے عدالتو ں کامنہ دیکھنا پڑا۔ انہو ں نے کہا کہ عسکری شخصیات کو سیاسی کھیل میں ملوث کرنا قابل مذمت ہے ۔ انہوں نے مزید کہاکہ سرداران چکوال کے ساتھ آج جو کچھ بھی ہورہا ہے وہ ان کا اپنا کیا دھرا ہے۔ شکست ان کا مقدر بن چکی ہے اور اب وہ الزام تراشوں کا سہارا لے کر حقائق کو مسخ کرررہے ہیں

تحریک انصاف چکوال کی بھرپور انتخابی مہم


ڈھڈیال ( نامہ نگار)تحریک انصاف چکوال کی بھرپور انتخابی مہم ، سردار غلام عباس کی جارحانہ حکمت عملی سے میجر(ر) طاہر اقبال دفاعی پوزیشن پر چلے گئے۔ میجر(ر) طاہر اقبال کو اپنی سیٹ بچانا انتہائی مشکل ہوگیا۔ تفصیلات کے مطابق پی ٹی آئی کے این اے 64کے نامزد امیدوار سردار غلام عباس نے بھرپور انتخابی مہم جاری رکھی ہوئی ہے اور ہرروز کارنر میٹنگز اور جلسوں سے مخالفین کی نیندیں حرام کیے ہوئے ہیں جبکہ ان کے برعکس مسلم لیگ ن کے امیدوار میجر(ر) طاہر اقبال ابھی تک انتخابی مہم کا آغاز بھی نہیں کرسکے ہیں جس سے ن لیگ کا ورکر پریشانی کے عالم میں ہے ۔ چوآسیدن شاہ میں ن لیگ کی وکٹیں گرنے کا سلسلہ جاری ہے۔ راجہ ساجد اقبال کی صورت میں ن لیگ کا بڑا نقصان ہوچکا ہے جبکہ تحریک انصاف نے تحصیل کلرکہار کی اہم شخصیت پر اپنی نظریں گاڑ لیں۔ تحریک انصاف کی بھرپور پیش قدمی سے ن لیگ مکمل طور پر دفاعی پوزیشن پرکھڑی ہے ۔ رہی سہی کسر مذہبی جماعتوں کے امیدوار سامنے سے نکل جائے گی۔ اس تمام صورت حال میں ن لیگی ورکرز شدید بے چینی کا شکار ہیں۔

پی پی24میں حافظ عمار یاسر کی بھرپور حمایت کااعلان 


ڈھڈیال ( نامہ نگار)دندہ شاہ بلاول کی معروف شخصیت ملک قطب خان نے حلقہ پی پی24میں حافظ عمار یاسر کی بھرپور حمایت کااعلان کیا ہے ۔ ایک بیان میں انہوں نے کہا کہ تلہ گنگ کیلئے حافظ عمار یاسر کی خدمات ناقابل فراموش ہیں۔ حافظ عمار یاسر نے ہمیشہ عوام کی بے لوث خدمت کی ۔ عوام کو انہیں بھاری اکثریت سے کامیابی دلاکر ان کی خدمات کا اعتراف کرناہوگا۔

پی پی22سے آزاد امیدوار ملک خالد نوابی کی دستبرداری


ڈھڈیال ( نامہ نگار)مسلم یوتھ ونگ ضلع چکوال کے صدراور حلقہ پی پی22سے آزاد امیدوار ملک خالد نوابی کی دستبرداری میں سردار ذوالفقار دلہہ اور مسلم لیگ ن یوتھ ونگ بحرین کے صدر شہزاد احمد ملک نے اہم کردار ادا کیا ۔ ملک خالد نوابی کی آزاد حیثیت سے الیکشن میں حصہ لینے سے مسلم لیگی حلقوں میں تشویش پائی جارہی تھی ۔ اس سلسلہ میں سردار ذوالفقار دلہہ اور شہزاداحمد ملک نے اپنا کردار ادا کیا اور ملک تنویر اسلم کے حق میں ملک خالد نوابی کی دستبرداری کو ممکن بنادیا۔

ہم چوہدری خورشید بیگ کے شانہ بشانہ کھڑے ہیں

ڈھڈیال ( نامہ نگار)قریشی برادر ی کے سرکردہ رہنما زوار ندیم بلا اور جنرل کونسلر ظفر قریشی وارڈ نمبر5نے کہا ہے کہ ہم چوہدری خورشید بیگ کے شانہ بشانہ کھڑے ہیں اور ان کے لئے ہر قسم کی قربانی دیں گے۔چوہدری خورشید بیگ نہ صرف ڈھڈیال بلکہ ہمارے علاقہ کی شان ہیں ان کی عزت ہماری عزت ہے۔ انہوں نے کہا کہ آئندہ عام انتخابات میں تما م قریشی برادری چوہدری خورشید بیگ کے ساتھ کھڑی ہے اور تمام سجادیہ سنگت جس میں سالار محمد علی ، نسیم علی بابا ، سفیر احمد، نثارعباس،اظہر عباس،مظاہرعباس، شوکت علی شوکی ،ملک قیوم کے علاوہ سنگت کے دیگر ممبران چوہدری خورشید بیگ کو یقین دلاتے ہیں کہ ہم سردار غلام عباس اور راجہ یاسر سرفراز کی کامیابی کیلئے دن رات محنت کریں گے اور ڈھڈیال سے بھرپور کامیابی دلائیں گے۔ ان شاء اللہ 25جولائی کا سورج سردار غلام عباس کی فتح کی نوید لے کر طلوع ہوگا۔ مخالفین بھاگ کھڑے ہوں گے اور سردار غلام عباس اور ان کے ساتھ سرخرو ہوں گے۔ ان شاء اللہ الیکشن کے حوالے سے میٹنگ کا انعقاد بھی کیا جائے گا

راجہ برادری نے مسلم لیگ ن کی حمایت کااعلان کردیا


ڈھڈیال( نامہ نگار)امیر پور منگن میں سردار گروپ کو دھچکا ،راجہ برادری نے مسلم لیگ ن کی حمایت کااعلان کردیا۔ ایم این اے سیکرٹریٹ کے انچار ج ملک نعیم اصغر اعوان امیر پور منگن میں راجہ محمد ریاض کی رہائشگاہ پر ان سے ملاقات کی جس میں قصبہ کی سیاسی صورت حال پر تبادلہ خیال کیا گیا۔ اس موقع پر راجہ محمد ریاض ، راجہ وقار اور راجہ امیر نے اپنی برادری سمیت مسلم لیگ ن میں شمولیت اختیار کرتے ہوئے حلقہ این اے 64میں میجر(ر) طاہر اقبال اور پی پی20میں ملک تنویر اسلم سیتھی کی بھرپور حمایت کا اعلان کیا۔راجہ برادری کی مسلم لیگ ن کی حمایت کے اعلان کے بعد قصبہ میں مسلم لیگ ن کی پوزیشن مستحکم ہوگئی ہے۔

شہزاداحمد ملک رابطہ مہم کیلئے کوارڈی نیٹر مقرر

ڈھڈیال( نامہ نگار)مسلم لیگ ن یوتھ ونگ بحرین کے صدر شہزاداحمد ملک کوکراچی میں حلقہ این اے249میں میاں شہباز شریف کی رابطہ مہم کیلئے کوارڈی نیٹر مقررکردیا گیا۔وہ جلد کراچی میں پارٹی کی جانب سے دی گئی نئی ذمہ داریاں سنبھال لیں گے۔

پادشاہان میں خان ناصر خان پٹھان کے زیر اہتمام بیلوں کا کراہ منعقدہوا


ڈھڈیال( نامہ نگار)پادشاہان میں گزشتہ روز خان ناصر خان پٹھان کے زیر اہتمام بیلوں کا کراہ منعقدہو اجس میں علاقہ کی نامور بیلوں کی جوڑیوں نے حصہ لیا۔ کراہ کے مہمانان خصوصی میں سینیٹر لیفٹیننٹ جنرل( ر) عبدالقیوم، میجر(ر) طاہر اقبال امیدوار حلقہ این اے 64، ملک تنویر اسلم سیتھی امیدوار پی پی22، سردار ذوالفقار دلہہ امیدوار پی پی23، کرنل (ر) ریاض منہاس ، چیئرمین چوہدری ضمیر خان ڈھاب،چوہدری مسرت اقبال اور مسلم لیگ ن کی دیگر سرکردہ شخصیات شامل تھیں۔ کراہ کو علاقہ کے لوگوں کی ایک بڑی تعداد نے بڑی دلچسپی سے دیکھا۔ ا س سے قبل رتہ میں سابق ممبر ضلع کونسل چوہدری غلا م صفدر نے مسلم لیگی رہنماؤں کے اعزاز میں عصرانہ دیا جس کے بعد ان رہنماؤں کو جلوس کے ساتھ کراہ کے میدان میں لایا گیا جہاں ان رہنماؤں کا پرتپاک استقبال کیا گیا

ڈھڈیال سپر لیگ کرکٹ ٹورنامنٹ اختتام پذیر داتا کلب گوجر خان نے فائنل میچ جیت لیا

ڈھڈیال( نامہ نگار)ڈھڈیال سپر لیگ کرکٹ ٹورنامنٹ اختتام پذیر داتا کلب گوجر خان نے فائنل میچ جیت لیا کامیاب ہونے والی ٹیم کو ایک لاکھ کیش پرائز اور ہارنے والی ٹیم کو پچاس ہزار کیش پرائز اور ٹرافی انعام دی گئی تفصیلات کے مطابق شاہ اسحاق سٹیڈیم میں ماہ رمضان سے جاری ڈھڈیال سپر لیگ کرکٹ ٹورنامنٹ گذشتہ روز اختتام پذیر ہو گیا ٹورنامنٹ میں70 سے زائد ٹیموں نے شرکت کی اور50 سے زیادہ آل پاکستان ٹیپ بال کے اوپن کھلاڑیوں نے شرکت کی تھی فائنل میچ داتا کلب گوجر خان اور ترکوال الیون کے مابین کھیلا گیا جو کہ داتا کلب گوجر خان نے آسانی سے جیت لیا داتا کلب کے احسن مشتاقی نے چوکوں اور چھکوں کی بارش کر کے ٹورنامنٹ اپنے نام کر لیا فائنل میچ کے مہمان خصوصی پی ٹی آئی شمالی پنجاب کے نائب صدر اور حلقہ پی پی21 سے امیدوار راجہ یاسر سرفراز نے فائنل میچ جیتنے والی ٹیم داتا کلب کو ایک لاکھ کیش پرائز اور ٹرافی اور رنر اپ ٹیم ترکوال الیون کو پچاس ہزار اور ٹرافی انعام دی اس کے علاوہ مین آف دی میچ بیسٹ پلےئر مین آف دی ٹورنامنٹ اور بیسٹ باولرز کو بھی ٹرافیاں اور میڈل دئے گئے فائنل میچ کو دیکھنے کے لئے تماشاہیوں کو بہت بڑی تعداد گراونڈ میں موجود تھی اختتام پر ٹورنامنٹ کے چیف آرگنائزر سید اسد علی شاہ نے ٹورنامنٹ میں شرکت کرنے والی تمام ٹیموں اور مہمان گرامی کا تہہ دل سے شکریہ ادا کیا انہوں نے کہا کہ انشااللہ آئندہ بھی ڈھڈیال سپر لیگ کا انعقاد اسی جوش و جذبے سے کیا جائے گا

سالانہ مجلس عزا

ڈھڈیال( نامہ نگار) نیوز ایجنٹ چوہدری کوثر عباس منہاس ولد سائیں جنگ بہادر منہاس مرحوم کے زیر اہتمام 52 ویں سالانہ مجلس عزا 25 جون بروز سوموارامام بار گاہ ولائت علی منہاس کالونی نزد ریلوے اسٹیشن منعقد ہو رہی ہے جس میں علامہ آغا علی حسین قمی، ناصر عباس نوتک، سید ریاض حسین شاہ، عامر عباس ربانی، سید مزمل حسین شاہ، ناہید عباس جگ، زوار حسین قمر، اعجاز حسین جھنڈوی، تقی عباس قیامت، منظور حسین شاہ، علامہ اسحاق ترابی کے علاوہ ملک بھر کے نامور علماوکرام وذاکرین عظام خطاب کرینگے مجلس عزا صبح آٹھ بجے شروع ہو جائے گی باہر سے آئے ہوئے مومنین کے لئے لنگرحسینی کا وسیع انتظام ہو گا

اپنے قائد سردار غلا م عباس کے ساتھ کھڑے ہیں، چوہدری خورشید بیگ

ڈھڈیال ( نامہ نگار )وائس چیئرمین ضلع کونسل چوہدری خورشید بیگ نے کہا ہے کہ اپنے قائد سردار غلا م عباس کے ساتھ کھڑے ہیں اور ان کے ہر فیصلہ کی تائید وحمایت کرتے ہیں۔ این اے 64اور پی پی21پر تحریک انصاف کے نامزد امیدواروں کی بھرپور حمایت کی جائے گی بلکہ ان امیدواروں کی انتخابی مہم جنگی بنیادوں پر چلائی جائے گی ۔ بعض عناصر ان کی شخصیت کے حوالے سے منفی خبریں چلارہے ہیں میں ان کی بھرپور تردید کرتاہوں ۔ میرا ہر فیصلہ اپنے قائد سردار غلام عباس کے حکم کے مطابق ہوگا۔ ان شاء اللہ آنے والے وقت پر ثابت ہوجائے گا کہ میں کہاں کھڑا ہوں

سردار غلام عباس خوشامدیوں کے نرغے میں، حقیقی ورکر خاموش ہو گئے

ڈھڈیال(نامہ نگار)تحریک انصاف کے سینئر رہنما اور سابق ضلع ناظم سردار غلام عباس خوشامدیوں کے نرغے میں، حقیقی ورکر خاموش ہو گئے۔ سردار غلام عباس کے اردگرد آجکل فوٹو سیشن کے شوقین افراد گھیرا ڈالے ہوئے ہیں جنہیں شاید اپنی یونین کونسل سے چند افراد کی حمایت بھی حاصل نہ ہو مگر یہ ہر وقت سایہ کی طرح سردار غلام عباس کے گرد گھوم رہے ہوتے ہیں جس سے حقیقی ورکر پر یشان اور خاموش ہے جبکہ یہ خوشامدی سردار غلام عباس کو غلط مشورے دے کر ان کے اور حقیقی ورکرز کے درمیان دوریاں پیدا کر رہے ہیں۔ ورکرز نے سردار غلام عباس سے اپیل کی ہے کہ وہ ان فوٹو سیشن کے شوقین افراد سے کہیں کے جا کر اپنی یونین کونسل ووٹ مانگیں ۔اگر سردار غلام عباس نے ان ابن وقت افراد سے گلو خلاصی نہ کرائی تو آمدہ الیکشن میں سخت نقصان کا احتمال ہو سکتا ہے۔

چوہدری خورشید بیگ کی چوہدری حیدر سلطان کی درپردہ حمایت کی اطلاعات

ڈھڈیال(نامہ نگار)وائس چیئرمین ضلع کونسل چوہدری خورشید بیگ کی چوہدری حیدر سلطان کی درپردہ حمایت کی اطلاعات، عید الفطر کی چھٹیوں کے اختتام کے بعد سیاسی پارٹیوں کی اپنے امیدواروں کیلئے رابطہ مہم کے آغاز کے ساتھ ہی ان افواہوں نے گردش کرنا شروع کردیا ہے کہ سردار گروپ کے سرکردہ رہنما او روائس چیئرمین ضلع کونسل چکوال چوہدری خورشید بیگ مسلم لیگ ن کے نامزد امیدواربرائے پی پی 21چوہدری حیدر سلطان کیلئے نرم گوشہ رکھتے ہیں اور وہ اپنی انتخابات میں درپردہ چوہدری حیدر سلطان کی حمایت کریں گے۔ ان افواہوں کے بارے میں جب سردار گروپ ڈھڈیال کے تھینک ٹینک کے ایک سرکردہ رکن سے رابطہ کیا گیا تو انہوں نے کہا کہ ایسی افواہیں ہمارے نوٹس میں بھی آئی ہیں اور جلدہی اس سلسلہ میں ایک باضابطہ بیان جاری کیا جائے گا۔

سوئی گیس چکوال آفس کے اہلکاروں نے انجینئر سرمد شاہ کی سرپرستی میں لوٹ مار کی انتہا کردی

ڈھڈیال(نامہ نگار)سوئی گیس چکوال آفس کے اہلکاروں نے انجینئر سرمد شاہ کی سرپرستی میں لوٹ مار کی انتہا کردی۔ مذکورہ انجینئر کی موجودگی میں جس دھڑلے سے رشوت اور صارفین سے لوٹ کھسوٹ جاری ہے اس کی ماضی میں کوئی مثال نہیں ملتی۔ معلوم ہوا ہے کہ انجینئر سرمدشاہ کی اشیر باد سے سروس اور میٹر لگانے پر صارفین سے تین ہزار سے لے کر پانچ ہزار بٹورے جارہے ہیں۔ سوئی گیس کے عملہ نے مگرمچھوں کی طرح منہ کھول رکھے ہیں اور بغیر مال بٹورے کام کرنا گناہ کبیرہ سمجھتے ہیں۔ سوئی گیس کے ایک اہلکارنے نام نہ ظاہر کرنے کی شرط پر بتایا کہ ایف آئی اے اور انٹی کرپشن گزشتہ چھ ماہ کے دوران لگائے گئے میٹروں کے صارفین سے معلومات لیں توتمام حقائق سامنے آجائیں گے۔ اس نے مزید بتایا کہ انجینئر سرمد شاہ اور دیگر عملہ کی لوٹ کھسوٹ اور من مانیاں عروج پر ہیں اور صارفین کو ذلیل وخوار کرکے ان سے رقوم بٹوری جارہی ہیں۔ سوئی گیس کے اعلیٰ حکام چکوال کیلئے اگر ایک خفیہ تحقیقاتی ٹیم مقرر کریں تو سوئی گیس چکوال کا کرپٹ انجینئر اور دیگر عملہ بے نقاب ہوسکتا ہے۔

ڈھڈیال میں مسلم لیگی بھی تک اپنے امیدواروں کے لیے رابطہ مہم کا آغاز نہیں کرسکے

ڈھڈیال(نامہ نگار)ڈھڈیال میں مسلم لیگی بھی تک اپنے امیدواروں کے لیے رابطہ مہم کا آغاز نہیں کرسکے۔ ذرائع کے مطابق مسلم لیگیوں کو ضلع کونسل کے الیکشن کے بعد انہیں نظر انداز کیے جانے اور سردار گروپ سے زیادہ قربت پر چوہدری حیدر سلطان پرشدید تحفظات ہیں اور حلقہ میں اپنی رابطہ مہم کے دوران اس ایشو پر اپنے حامیوں کے سخت گلے شکوؤں کا سامنا کرنا پڑسکتا ہے

نامعلوم موٹر سائیکل سواروں نے فائرنگ کرکے ایک شخص کو قتل کردیا

ڈھڈیال( نامہ نگار) نامعلوم موٹر سائیکل سواروں نے فائرنگ کرکے ایک شخص کو قتل کردیا۔ تفصیلات کے مطابق محمد عزیز انصاری کا بھائی امداد حسین انصاری فروٹ والا عید کی رات محلہ جابہ اپنے گھر کے باہر بیٹھا ہوا تھا کہ نامعلوم موٹر سائیکل سوارآئے اور فائرنگ کردی جس کے نتیجہ میں وہ جاں بحق ہوگیا

سردار اظہر عباس کے سردار غلام عباس اور پی ٹی آئی کے دیگر رہنماؤں کے ساتھ پس پردہ رابطے

ڈھڈیال( نامہ نگار) پیپلزپارٹی ضلع چکوال کے صدر سردار اظہر عباس کے حلقہ این اے64میں پی ٹی آئی کے نامزد امیدوار سردار غلام عباس سے پس پردہ رابطوں کا انکشاف ہوا ہے ۔ ذرائع کے مطابق سردار اظہر عباس پارٹی کی جانب سے حلقہ این اے64کے امیدوار تھے لیکن عین وقت پر وہ بینک نادہندہ ہونے کا کہہ کر سائیڈ لائن ہوگئے جس سے پارٹی عہدیداروں اور ورکرز میں شدید بد دلی پھیلی ۔ذرائع کا مزید کہنا ہے کہ انہوں نے چوہدری لیاقت علی خان کی وفات پر ہونے والے ضمنی الیکشن میں پارٹی کے ساتھ ہاتھ کیا اور نواب تیمور کوحلقہ پی پی20میں امیدوار لاکر بغیر صلاح ومشورہ اور کسی کو اعتماد میں لیے بغیر پی ٹی آئی کے راجہ طارق افضل کالس کے حق میں دستبردار کرادیا۔ پارٹی ذرائع کے مطابق سردار اظہر عباس کے سردار غلام عباس اور پی ٹی آئی کے دیگر رہنماؤں کے ساتھ پس پردہ رابطے میں ہیں جس کی وجہ پارٹی حلقوں میں شدید بے چینی پائی جارہی ہے اور انہیں سردار اظہر عباس کی کارکنوں اور حکمت عملی پر شدید تحفظات ہیں۔

ڈھڈیال میں نماز عید الفطر نہایت عقیدت واحترام کے ساتھ منائی گئی

ڈھڈیال(نامہ نگار) ڈھڈیال میں نماز عید الفطر نہایت عقیدت واحترام کے ساتھ منائی گئی۔ جامع مظہر الاایمان مرکزی مسجد سادات، جامع فاروقیہ عید گاہ ،بلال مسجد جامع، غوثیہ مسجد ریلوے اسٹیشن میں عید کے بڑے اجتماع منعقد ہوئے جس میں ہزاروں کی تعداد میں لوگوں نے نماز عید ادا کی نماز عید کے خطبوں نے علماو کرام نے ملک پاکستان کی ترقی سلامتی اور سربلندی کے لئے خصوصی دعاہیں کیں۔ اس موقع پر سیکورٹی کے انتہائی سخت انتظامات کئے گئے تھے۔ تھانہ پولیس ڈھڈیال کا عملہ اور رضاکاور فورس کے نوجوان نماز عید کے موقع پر سیکورٹی کے فرائض انجام دیتے رہے۔

میجرجنرل(ر) حافظ مسروراحمد نے مسلم لیگ ن کی حمایت کرنے کا فیصلہ کرلیا

ڈھڈیال( نامہ نگار) سردار گروپ کیلئے بڑا اپ سیٹ ، میجرجنرل(ر) حافظ مسروراحمد نے مسلم لیگ ن کی حمایت کرنے کا فیصلہ کرلیا۔ذرائع نے بتایا ہے کہ میجرجنرل(ر) حافظ مسرور احمد سے چند روز قبل مسلم لیگ ن کے نامزد قومی وصوبائی اسمبلی کے امیدواروں نے تفصیلی ملاقات کی جس میں تمام معاملات خوش اسلوبی سے طے پاگئے۔ اس موقع پر مسلم لیگی شخصیات کو بتایا گیا کہ گروپ کے حامی جس میں حلقہ میں ہوں گے مسلم لیگ ن کے نامزد امیدواروں کی بھرپور حمایت کریں گے ۔ ذرائع نے مزید بتایا ہے کہ آئندہ چند روز میں کھوکھر زیر میں ایک جلسہ منعقد ہوگا جس میں مسلم لیگ ن کی حمایت کا باضابطہ اعلا ن کیا جائے گا۔ اس سلسلہ میں تیاریاں جاری ہیں اور گروپ کے حامیوں سے رابطے کیے جارہے ہیں۔ میجرجنرل(ر) حافظ مسروراحمد نے اپنے گروپ کی تمام سرکردہ شخصیات کو اعتماد میں لے کر انہیں صورت حال سے آگاہ کردیا ہے اور تمام سرکردہ شخصیات نے ان کے تمام فیصلوں کی تائید کی ہے اور اپنی بھرپور حمایت اور تعاون کا یقین دلایا ہے ۔ میجرجنرل(ر) حافظ مسروراحمد کی مسلم لیگ ن کی حمایت کے فیصلہ سے سردار گروپ کو ایک بڑا دھچکا لگا ہے اور وہ اپنے ایک انتہائی اہم اتحادی سے محروم ہوگئے ہیں۔

ضلع چکوال میں ٹکٹوں کی تقسیم پر پی ٹی آئی بدترین اندرونی انتشار کا شکار ہوگئی


ڈھڈیال( نامہ نگار) ضلع چکوال میں ٹکٹوں کی تقسیم پر پی ٹی آئی بدترین اندرونی انتشار کا شکار ہوگئی۔ پی ٹی آئی کے حلقوں کا خیال تھا کہ سردار غلام عباس کی پی ٹی آئی میں شمولیت کے بعد پی ٹی آئی مزید مضبوط بن کر ابھرے گی لیکن جہاں ان کی شمولیت سے پارٹی کو فائدہ ہوا وہاں ٹکٹوں کی غیر منصفانہ تقسیم پر پارٹی شدید دھڑے بندی اور اندرونی ٹوٹ پھوٹ کا شکار ہوگئی ہے۔ پی ٹی آئی کو ضلع کے ہر حلقہ میں ٹکٹ سے محروم امیدواروں کو مزاحمت کا سامنا ہے اور موجودہ صورت حال میں پارٹی میں کوئی مثبت ایڈجسٹمنٹ کی کوئی صورت بھی نظر نہیں آرہی ۔ تلہ گنگ میں سردار منصور حیات ٹمن، کرنل(ر) سلطان سرخرو اعوان،ملک اختر شہباز، پیر نثار قاسم جوجی ، پی پی21میں علی ناصر بھٹی اور پی پی22میں راجہ منور احمد ، راجہ طارق افضل کالس اور پیر وقار کرولی متاثرین میں شامل ہیں ۔ میجرجنرل(ر) حافظ مسرور احمد سے پی پی 22کا ٹکٹ واپس لیاگیا ہے ابھی تک واضح نہیں کہ یہ ٹکٹ پیر وقار کرولی یا راجہ طارق افضل کالس میں سے کس کو دیا جائے گا۔ ٹکٹوں کی تقسیم پر پی ٹی آئی میں سخت ٹوٹ پھوٹ ہوئی ہے جس کے اثرات چند دنوں کے بعد سامنے آنا شروع ہو جائیں گے۔

error: