گرما گرم خبریں

کلر سیداں اور گردونواح میں سوئی گیس کی غیر ا علا نیہ لوڈ شیڈنگ
زمین کے تنازع پربھائیوں نے کلہاڑیوں کے وار کر کے ایک شخص کو زخمی کر دیا گیا
رورل ہیلتھ سینٹر دولتالہ میں بے قاعدگیوں کے بارے میں خبروں کی اشاعت پر ہسپتال انتظامیہ میں کھلبلی مچ گئی
مندرہ کا نوجوان طالب علم ٹرین کی زد میں آکر موقع پر ہی ہلاک ہو گیا
محرم الحرام کے دوران سیکورٹی کے فول پروف انتظامات کئے جائیں گے،ایس ایچ او جاتلی
سلیمان فاؤنڈیشن کے سربراہ شیخ محمد ساجد مختصر دورے پر متحدہ عرب امارات سے پاکستان پہنچ گئے
دو منشیات فروشوں کے قبضہ سے مجموعی طور پر دو کلوگرام چرس برآمد کر کے گرفتار کر لیا
فنڈزکی غیر منصفانہ تقسیم کے خلاف دائر کی گئی رٹ پٹیشن کا بدھ کو بھی فیصلہ نہ سنایا جاسکا

Category: کلرسیداں کی خبریں

کلاس نہم کی طالبہ ڈینگی سے جاں بحق 


کلر سیداں(پر و یز و کی سے)کلاس نہم کی طالبہ ڈینگی سے جاں بحق ،یہ واقعہ یوسی دکھالی کے گاؤں بھورہ حیال میں پیش آیا ۔مرزا زاہد کے مطابق نجی مدرسہ میں زیر تعلیم کلاس نہم کی طالبہ عزیزہ بی بی دختر محمد جہانگیر کی طبیعت خراب ہوئی اسے ڈاکٹر کے پاس لے گئے جس نے انہیں راولپنڈی جانے کا مشورہ دیا طالبہ کئی ایام بینظیر بھٹو ہسپتال میں زیر علاج رہی اور جا نبر نہ ہو سکی اور دم توڑ گئی۔لواحقین کے مطابق طالبہ کی موت ڈینگی کے باعث ہوئی ہے۔

کلر سیداں اور گردونواح میں سوئی گیس کی غیر ا علا نیہ لوڈ شیڈنگ 


کلر سیداں(پر و یز و کی سے)کلر سیداں اور گردونواح میں سوئی گیس کی غیر ا علا نیہ لوڈ شیڈنگ شروع ،کھانے کے اوقات میں چولہے بجھ جاتے ہیں ۔تفصیلات کے مطابق گزشتہ کئی ایام سے کلر سید اں شہر ا و ر گر د و نو ا ح میں سوئی گیس کی لوڈ شیڈنگ جاری ہے سارا سارا دن گیس دستیاب نہیں ہوتی کلر سیداں ساگری اور ملحقہ علاقوں میں دن کے کھانے کے اوقات میں سوئی گیس مکمل طور پر بند رہتی ہے جس سے صارفین کو شدید مشکلات کا سامنا ہے اور انہیں مدارس گئے بچوں کے لیے کھانا ہوٹل سے لانا پڑتا ہے۔صارفین نے سوئی گیس کی لوڈ شیڈنگ فوری ختم کرنے کا مطالبہ کیا ہے۔

زمین کے تنازع پربھائیوں نے کلہاڑیوں کے وار کر کے ایک شخص کو زخمی کر دیا گیا


کلر سیداں(پر و یز و کی سے) زمین کے تنازع پربھائیوں نے کلہاڑیوں کے وار کر کے ایک شخص کو زخمی کر دیا گیا۔ پولیس نے مضروب کی درخواست پر مقدمہ درج کر لیا۔عبدالوحید ولد محمد یوسف سکنہ سکنہ گنگوٹھی چوکپنڈوری نے پولیس کو ا بتدائی بیان میں بتایا کہ گزشتہ روز اپنی حویلی کے ساتھ شیڈ بنا رہا تھا اور اس موقع پر میرا بھائی مجیب الرحمان بھی میرے ساتھ کام کر رہا تھا ۔تھوڑی دیر کیلئے حویلی میں پانی لینے گیا تو اس اثناء میں ثاقب حسین اور ذیشان جن کے ہاتھوں میں کلہاڑیاں تھیں آ گئے اور کہا کہ جس جگہ پر شیڈ بنا رہے ہو وہ جگہ ہماری ہے ،لہذا کام بند کر دو۔اس بات پر جھگڑا ہو گیا اور ثاقب حسین نے وار کلہاڑی کیا جو میرے سر پر لگا جس کے بعد ذیشان نے کلہاڑی کا وار کیا جو میرے ناک پر لگاجس سے میں مضروب ہو کر زمین پر گر گیا ۔

بچوں کے لیے روڈ سیفٹی کے بارے میں ایک سیمینار منعقد کروایا گیا


کلر سیداں(پر و یز و کی سے)گزشتہ روزپنجاب ہائی وے پڑولنگ پولیس کی طرف سے پی سی ایس ہائی سکول شاہ باغ میں سکول کے بچوں کے لیے روڈ سیفٹی کے بارے میں ایک سیمینار منعقد کروایا گیا جس میں پنجاب ہائی پڑولنگ پولیس ایجوکیشن یونٹ کی ٹیم نے شرکت کی ایجوکیشن یونٹ کے JPO جہانگیرمحمودنے سکول کے بچوں کوروڈ سیفٹی اور ہیلپ لائن 1124 اور پنجاب ہائی وے پٹرولنگ پولیس کی سروسز ،کے بارے می آگاہی دی اور روڈ پر کسی بھی حادثے کی صورت میں نمٹنے کے لیے حفاظتی اقدمات بتائے گے ۔

تعزیت کا اظہار

امیر جماعت اسلامی کی خالد مرزا کے گھر آمد بھائی کی وفات پر تعزیت کا اظہار کیا تفصیلات کے مطابق جماعت اسلامی کے امیر سراج الحق نے گزشتہ روز امیدوار برائے قومی اسمبلی این اے باون جماعت اسلامی خالد مرزا کے گھر آئے اور ان کے بھائی کی ناگہانی موت پر گہرے دکھ رنج کا اظہار کیا اس موقع پر انہوں نے مرحوم کے درجات کی بلندی کے لیے دعائے مغفرت بھی کی اس موقع پر جماعت اسلامی کی مقامی قیادت جن میں شمش الرحمان سواتی.عطا الرحمان راجہ عرفان بھٹی چوہدری ضمیر عبدالقدیر راجہ ذوالفقار ملک سفیر اور راجہ عمیر غفار بھی موجود تھے

آ گ بھڑ کنے سے پیکا ں کے ر ہا ئشی کا کیر ی ڈ بہ جل کر خا کستر ہو گیا 


کلر سیداں(پرو یز و کی سے)وا ئر نگ شا ر ٹ کے با عث ا چا نک آ گ بھڑ کنے سے پیکا ں کے ر ہا ئشی کا کیر ی ڈ بہ جل کر خا کستر ہو گیا تفصیلا ت کے مطا بق بد ھ کے ر و ز کلر سید اں با ئی پا س پر پیکا ں کے ر ہا ئشی محمد و حید کا کیر ی ڈ بہ نمبر ی RIV1427و ا ئر نگ شا ر ٹ کے با عث ا چا نک آ گ بھڑ کنے کی و جہ سے کیر ی ڈ بہ جل کر خا کستر ہو گیا تا ہم کو ئی جا نی تقصا ن نہیں ہو ا

قیمتی گائے چوری کرنے پر دو افراد کیخلاف مقدمہ درج کر لیا گیا


کلر سیداں(پرو یز و کی سے)قیمتی گائے چوری کرنے پر دو افراد کیخلاف مقدمہ درج کر لیا گیا ۔امجد اقبال ولد ظفر اقبال سکنہ چوکپنڈوری نے پولیس کو بیان دیا کہ میں کنگوٹھی کا رہائشی ہوں ،میری ایک عدد گائے مالیتی 80 ہزار روپے گاؤں کے باہر کھیتوں میں چارہ کھانے کیلئے چھوڑ ہوئی تھی شام کو گھر واپس نہ آئی ،کافی تلاش کی مگر اس کا کچھ سراغ نہ لگ سکا۔گزشتہ روز اپنے طور پر نامعلوم ملزمان کی تلاش کرتا رہا مجھے قوی یقین ہے کہ میری گائے کو مسمیان طاہر محمود اور محمد عاقب نے چوری کر لیا ہے ۔

بناہل میں بروقت کارروائی کر کے اہل خانہ نے ڈکیتی کی واردات ناکام بنا دی 


کلر سیداں(پرو یز و کی سے)بناہل میں بروقت کارروائی کر کے اہل خانہ نے ڈکیتی کی واردات ناکام بنا دی ۔تفصیلات کے مطابق ماجد محمود ولد مستابر حسین سکنہ نیو لالہ زار راولپنڈی نے تھانہ کلر سیداں میں مقدمہ درج کراتے ہوئے بیان دیا کہ میں بناہل تحصیل کلر سیداں کا رہائشی ہوں اور اڈیالہ روڈ پر گاڑیوں کا شو روم بنا رکھا ہے۔گزشتہ روز میں اپنے کزن عاطف حسین ،محمد خطیب ،اپنی والدہ اور بھابھی کے ہمراہ اپنے گھر میں سویا ہوا تھا اور صحن کی لائٹ جل رہی تھی۔پیر اور منگل کی درمیانی شب صبح تین بجے کے قریب دیوار پھلانگنے کی آواز سنائی دی جس سے میری آنکھ کھل گئی اور دروازہ کھول کر باہر نکل کر دیکھا تو میرے کمرے کے باہر آتشیں اسلحہ سے مسلح چار اشخاص کھڑے تھے جن میں سے چوتھا نقاب پوش تھا۔مجھے دیکھتے ہی تمام افراد نے اسلحہ تان لیا اور دھمکی دی کہ اگر شور مچایا تو جان سے مار دیں گے۔مجھے کمرے کے اندر لے گئے اور مجھ سے رقم کا مطالبہ کرنے لگے۔چند یوم قبل میرا کزن ذوہیب ہانگ کانگ سے واپس آیا تھا جس نے مجھے گاڑی خریدنے کیلئے پانچ لاکھ روپے کی رقم دی تھی جو میں نے الماری میں رکھ دی تھی جو انہوں نے مجھ سے زبردستی نکلوا لی۔پھر انہوں نے مجھے گن پوائنٹ پر کہا کہ خواتین کے کمروں کا دروازہ کھولو۔عورتیں ڈاکوؤں کو دیکھ کر خوفزدہ ہو گئیں اور شور مچانا شروع کر دیا۔شور کی آواز سن کر عاطف اور خطیب وغیرہ بھی جاگ گئے جس سے ڈاکو حواس باختہ ہو گئے اور اس دوران نقاب پوش کا اچانک نقاب اتر گیا جسے میں نے پچان لیا اور وہ ہمارا رشتہ دار تنویر اختر تھا اور جسے اس رقم کے بارے میں پتہ تھا ۔ملزمان نے ہمیں کمرے میں بند کر دیا اور باہر سے کنڈی لگا دی ۔

دو منشیات فروشوں کے قبضہ سے مجموعی طور پر دو کلوگرام چرس برآمد کر کے گرفتار کر لیا 


کلر سیداں(پرو یز و کی سے)اینٹی نارکاٹکس راولپنڈی نے مخبر کی اطلاع پرکارروائی کرتے ہوئے کلر سیداں کے رہائشی دو منشیات فروشوں کے قبضہ سے مجموعی طور پر دو کلوگرام چرس برآمد کر کے گرفتار کر لیا جبکہ ان کی نشاندہی پر کلر سیداں میں بھی کباب کی شاپ پر چھاپہ مارا گیا مگر وہاں سے کچھ برآمد نہ ہو سکا۔انسپکٹر اے این ایف نارتھ راولپنڈی انسپکٹر گوہر نبی بیگ کو ٹیلیفون پر مخبر نے اطلاع دی تھی کہ محمد ثاقب اور سہیل نامی منشیات فروش جن کا تعلق کلر سیداں کے نواحی علاقہ سے ہے اپنی ٹیوٹا کرولا کار نمبر ی ایل جی 335 میں منشیات کی بھاری مقدار لے کر جا رہے ہیں جس پر انہوں نے فوری طور پر کار کا تعاقب کر کے انہیں روک لیا اور تلاشی کے دوران ان کے قبضہ سے ایک ایک کلوگرام چرس برآمد کر لی۔ملزمان کی نشاندہی پر انہوں نے راولپنڈی روڈ کلر سیداں میں کباب فروخت کرنے والی ایک دکان پر بھی چھاپہ مارا اور دکان کی تلاشی کے بعد وہاں سے کچھ بھی برآمد نہ ہونے کی وجہ سے وہ یہاں سے خالی ہاتھ واپس لوٹ گئے۔

اصغر خان کے خلاف بے بنیاداورجھوٹہ مقدمہ درج کرنے کی پرزو ر مذمت کرتے ہیں


روات (راجہ طاہرمحمود،آصف شاہ )کلرسیداں کے صحافی اصغر خان کے خلاف بے بنیاداورجھوٹہ مقدمہ درج کرنے کی پرزو ر مذمت کرتے ہیں اگر شفاف تحقیقات نہ ہوئیں تو بھرپور احتجاج کیا جائے گا صحافتی تنظمیوں کا ہنگامی اجلاس سردار مارکیٹ کے مقام پر ہوا جس میں کلرسیداں‘ کہوٹہ‘ روات ‘چک بیلی خان‘ مندرہ ‘ گوجرخان‘ بیول‘ اسلام پورہ جبر‘ چوآ خالصہ‘ اڈیالہ ‘ سوہاوہ ‘ سہالہ کے عہدیداران نے شرکت کی اجلاس میں گزشتہ دنوں صحافی اصغر عباس کے ساتھ ہونیوالے واقعہ کی بھرپور مذمت کی ،معاملے کو حکام بالا کے سامنے لانے اور شفاف انکوائری نہ ہونے کی صورت میں بھرپور احتجاج کرنے کا فیصلہ کیا گیا۔اجلاس میں عبدالخطیب چوہدری ‘ ‘آصف شاہ‘راجہ ارشد‘ شہزادرضا‘سلیم شہزاد ‘ثاقب شانی‘ عبدالعزیز پاشا‘ اسد حیدری‘ عمران مشتاق ‘ اصغر عباس و دیگر صحافیوں نے شرکت کی اجلاس میں صحافی اصغر خان کے خلاف تھانہ کلرسیداں میں درج ہونیوالے من گھڑت مقدمہ کی پرزور مذمت کی گئی یاد رہے گزشتہ دنوں تحصیل ہیڈکوارٹر ہسپتال کلرسیداں کے ایم ایس کی جانب سے حقائق آگاہ کرنے کی بجائے بدتمیزی اور گالم گلوچ کرنے کے ساتھ ہی ہسپتال کے ملازم محمد نفیس کو مدعی بنا کر کار سرکار میں مداخلت کا پرچہ درج کروایا تھا۔

چوہدری نثار علی خان کی سیاست مخلو ق خدا کی خدمت ہے،شیخ ساجد الرحمٰن


کلر سید اں (پر و یز و کی سے)سابق وزیر داخلہ چوہدری نثار علی خان کے معاونین خصوصی شیخ ساجد الرحمٰن ،راجہ عبدالطیف نے کہا ہے کہ حلقہ این اے باون کی ترقی کا راز چوہدری نثار علی خان ہیں حالیہ برسوں میں اربوں کے ترقیاتی کام کر کے لوگوں کے مسائل کم کیئے گئے ہیں چوہدری نثار علی خان کی سیاست مخلو ق خدا کی خدمت ہے جبکہ مخالفین کے پاس کوئی ایجنڈا نہیں انہوں نے یہ بات گاؤں چکیالہ میں جے یو آئی (ف)تحصیل کلرسیداں کے امیر مولانا احسان اللہ چکیالوی کی خوشدامن کی وفات پر فاتحہ خوانی کے بعد میڈیا سے گفتگو کرتے ہوئے کہی انہوں نے کہا کہ یوسی بھلاکھر میں مسائل کے خاتمے کے لئے بھاری فنڈز دیئے گئے درجنوں گلیات تعمیر ہوئیں مرکز صحت کی نئی عمارت تعمیر ہوئی کلر روڈ سے موا تک کارپٹ روڈتعمیر کی گئی بھلاکھر کو دودہلی سے ملانے کے لیئے سڑک تعمیر کی گئی آج بھی روات اور کلرسیداں کی چھ یوسیز میں ساڑھے آٹھ کرو ڑ کی لاگت سے سڑکوں کی تعمیر جاری ہے ہم نے مخالفین کی طرح دشنام طرازی نہیں کی بلکہ لوگوں کی خدمت کی ہے مخالفین کا عوامی خدمت کا کوئی ریکارڈ نہیں الفاظ کے گورکھ دھندے سے باشعور لوگوں کو گمراہ نہیں کیا جا سکتا چوہدری نثار علی خان سے مقابلہ کی خواہش رکھنے والے پہلے کسی ایک امیدوار پر متفق تو ہو جائیں انہوں نے کہا کہ ٹیکسلا سے کلرسیداں تک ترقیاتی کاموں کا جال چوہدری نثار علی خا ن کا ہی کارنامہ ہے ہم آنے والے انتخابات میں اپنی کارکردگی کی بنیادپر لوگو ں سے رجوع کریں گے۔بعد ازاں وہ لوھدرہ کے گاؤں موری کھمبال بھی گئے جہاں انہوں نے پائلٹ کیپٹن عثمان کے والد میجر ریٹائرڈ یعقوب بھٹی کی وفات پر لواحقین سے دلی تعذیت کا اظہار کیا۔

تیز رفتار کار بے قابوہو کر روڈ کے درمیان والی فٹ پاتھ پر چڑھ گئی 


کلر سید اں (پر و یز و کی سے)تیز رفتار کار بے قابوہو کر روڈ کے درمیان والی فٹ پاتھ پر چڑھ گئی جس کے نتیجہ میں دادا پوتا شدید زخمی ہو گئے جبکہ ڈرائیور معجزانہ طور پر محفوظ رہا۔تفصیلات کے مطابق چکوال کا رہائشی محمد اقبال اپنے پوتے اسد اور بیٹے نیازی خان کے ہمراہ کاروباری لین دین کے سلسلہ میں کلر سیداں آ رہا تھا کہ تیز رفتاری کے باعث ان کی کار ٹیالہ موٹر پر بے قابو ہو کر روڈ کے درمیان بنائی گئی فٹ پاتھ پر چڑھ گئی جس کے نتیجہ میں اقبال نامی شخص کا کاندھا جبکہ اس کے پوتے اسد محمود کا بازو فریکچر ہو گیا۔حادثہ میں اقبال کا بیٹا نیازی خان جو کہ ڈرائیونگ کر رہا تھا معجزانہ طور پر محفوظ رہا۔حادثہ کی اطلاع ملتے ہی ریسکیو 1122 کی ایمبولنس گاڑی جائے حادثہ پر پہنچ گئی اور زخمیوں کو ٹی ایچ کیو ہسپتال کلر سیداں پہنچایا۔

انجینئر قمرالاسلام راجہ جنوبی ایشیائی ممالک کی کانفرنسز میں شرکت کے بعد وطن واپس پہنچ گئے


کلر سید اں (پر و یز و کی سے)چیئرمین سٹینڈنگ کمیٹی برائے تعلیم اور چیئرمین پنجاب ایجوکیشن فاؤنڈیشن انجینئر قمرالاسلام راجہ نیپال کے دارلحکومت کھٹمنڈو میں جنوبی ایشیائی ممالک کی کانفرنسز میں شرکت کے بعد وطن واپس پہنچ گئے۔ پہلی کانفرنس کا مقصد تیسری دُنیا کے ممالک میں خواتین کے حقوق کے حوالے سے آگہی پیدا کرنا اور مختلف شعبہ جات میں مساوی مواقع کی فراہمی تھی۔ انجینئر قمرالاسلام نے پاکستانی وفد کے قائد کی حیثیت سے شرکا کو آگاہ کیا کہ پاکستان میں مساوی مواقع کی فراہمی کے ساتھ ساتھ خواتین کے ساتھ ترجیحی برتاؤ کیا جا رہا ہے اور اوپن میرٹ کے ساتھ ساتھ خواتین کے لیے ملازمتوں کا کوٹہ پانچ فیصد سے بڑھا کر پندرہ فیصد کر دیا گیا ہے۔ اس کے ساتھ ساتھ عمر کی حد میں بھی خصوصی رعایت دی جا رہی ہے۔ دوسری کانفرنس کا موضوع تعلیم میں غریب طالبعلموں کو مساوی مواقع کی فراہمی تھا۔ پاکستانی وفد کے سربراہ کی حیثیت سے شرکاء سے خطاب کرتے ہوئے انہوں نے کہا کہ اس ضمن میں پاکستان کو یہ فخر حاصل ہے کہ پنجاب ایجوکیشن فاؤنڈیشن دُنیا کا سب سے بڑا ایکویٹی ادارہ بن گیا ہے جو تیس لاکھ سے زائد مستحق طلباو طالبات کو مفت تعلیم کے ساتھ ساتھ مفت کتابیں بھی فراہم کررہا ہے۔ واپسی پر دوہا میں ایک روزہ قیام کے دوران انہوں نے پاکستانی کمیونٹی سے ملاقات کی اور ان کی ملک کے لیے خدمات کو سراہا۔ ہفتہ کی صبح لاہور پہنچنے کے فوراً بعد انہوں نے وزیراعلیٰ پنجاب سے ملاقات کی اور تعلیم کے حوالے سے وزیراعلیٰ پنجاب کی زیرِ صدارت میٹنگ میں مستحق بچوں کے لیے پنجاب ایجوکیشن فاؤنڈیشن کے اقدامات سے آگاہ کیا۔ انہوں نے کہا کہ اس ضمن میں رواں مالی سال کے اندر چولستان سمیت دوردراز علاقوں میں 2700 نئے سکول کھولے جائیں گے جن میں سے آٹھ سو سکول کھولے جا چکے ہیں۔

تھانہ کلر سیداں پولیس نے صحافی کیخلاف مقدمہ درج کرلیا


کلر سیداں(پر و یز و کی سے) صحافتی ذمہ داریاں پوری کرنے پر ٹی ایچ کیو ہسپتال کلر سیداں میں تعینات ایم ایس نے صحافی کیخلاف کارسرکار میں مداخلت پر پرچہ کٹوا دیا جس سے کلر سیداں کی صحافتی تنظیم میں غم و غصہ کی لہر دوڑ گئی ہے۔صحافی اصغر خان نے یہاں بتایا کہ وہ گزشتہ روز کلر سیداں سول ہسپتال میں موجود تھا کہ اس موقع پر پرچی کے حصول کیلئے نصب کی گئی گرل جو ٹوٹی ہوئی تھی کی ویڈیو بنا رہا تھا کہ اسی دوران ایم ایس ڈاکٹر ہمایوں انور میر موقع پر آ گئے اور انہوں نے بد تمیزی کا مظاہرہ کرتے ہوئے مجھے دھمکیاں دیں کہ ایسا سبق سیکھاؤں گا کہ تم ساری صحافت بھول جاؤ گے۔ادھر صحافی کیخلاف تھانہ کلر سیداں میں دی گئی درخواست جو کہ پرچی کاٹنے پر مامور ہسپتال کے دو اہلکاروں محمد نفیس اور محمد حماد کی جانب سے تھی میں موقف اختیار کیا گیا کہ وہ پرچی کاؤنٹر پر اپنی اپنی ڈیوٹیاں سر انجام دے رہے تھے کہ اسی اثناء میں اصغر خان نامی شخص آیا اور پرچی بنوائی،پرچی بنوانے کے بعد اس نے قطاروں کے درمیان لگی حفاظتی گرل کو توڑنا شروع کر دیا ،جب ہم نے اسے منع کیا تو اس نے برا بھلا کہنا شروع کر دیا اور دھمکیاں دینی شروع کر دیں۔تھانہ کلر سیداں پولیس نے صحافی کیخلاف زیر دفعات 506,186 اور 427 ت پ کے تحت مقدمہ درج کر لیا۔

دو قیمتی بیل آئیسکو سب ڈویژن کلر سیداں کی نااہلی کی بھینٹ چڑھ گیا


کلر سیداں(پر و یز و کی سے) کلر سیداں کے رہائشی کے دو قیمتی بیل آئیسکو سب ڈویژن کلر سیداں کی نااہلی کی بھینٹ چڑھ گیا۔بجلی کے کھمبے میں اچانک کرنٹ آ جانے سے قریب ہی بیٹھے دو بیل موقع پر ہی جاں بحق ہو گئے۔ کلر سیداں چوآ روڈ پر نجی میڈیکل کمپلیکس کے قریب بجلی کا پول نصب ہے جہاں ہفتہ کے روز اچانک شارٹ ہو جانے کے باعث کرنٹ پھیل گیا جس کے نتیجہ میں سائے کے نیچے بیٹھے دو عدد بیل موقع پر ہی جاں بحق ہو گئے۔

تشدد کا نشانہ بنانے پر بیو ی خاوند کیخلاف درخواست لے کر تھانے پہنچ گئی


کلر سیداں(پر و یز و کی سے) تشدد کا نشانہ بنانے پر بیو ی خاوند کیخلاف درخواست لے کر تھانے پہنچ گئی،پولیس نے میڈیکل رپورٹ آنے پر خاوند کیخلاف مقدمہ درج کر لیا۔ راحیلہ منظور زوجہ ملک چن خان پڑی نکہ راولپنڈی نے تھانہ کلر سیداں پولیس کو بیان دیا کہ میرا خاوند ملک چن خان جو کہ سرصوبہ شاہ میں عبد الرزاق نامی شخص کی کوٹھی میں رہ رہا ہے اور وہاں پر ہی وہ کام بھی کرتا ہے نے اپنے بھانجے کیلئے ایک ہزار روپے کی رقم مانگی جسے میں نے یہ کہہ کر انکار کر دیا کہ میرے پاس جو رقم تھی وہ اپنی بیٹی کی فیس اور قسط پر ادا کر دی جس پر خاوند کو غصہ آ گیا اور اس نے میرا سر پکڑ کر چارپائی پر دے مارا جس سے میرا سر زخمی ہو گیا ۔اسی دوران قریب ہی پڑی اسٹیل کی بوتل اٹھا لی اور میرے منہ پر ماری جس سے میرا منہ اور آنکھ بھی زخمی ہو گئی اور میں زمین پر گر گئی ۔ اس پر بھی خاوند کا غصہ ٹھنڈا نہ ہوا تو اس نے مجھے لاتوں اور مکوں سے مارنا شروع کر دیا جس سے میرے جسم کے مختلف حصوں پر چوٹیں آئیں ۔

سابقہ رنجش پر دو افراد نے ایک شخص کو تشدد کا نشانہ بنا کر شدید زخمی کر ڈالا


کلر سیداں(پر و یز و کی سے) سابقہ رنجش پر دو افراد نے ایک شخص کو تشدد کا نشانہ بنا کر شدید زخمی کر ڈالا۔پولیس نے مقدمہ درج کر کے تفتیش شروع کر دی۔عدیل اختر ولد عبدالغفار سکنہ موہڑہ کھوہ والا نے پولیس کو بیان دیا کہ میں گزشتہ روز صبح پونے سات بجے کے قریب اپنی سوزوکی گاڑی پر سکول کے بچوں کو کلر سیداں لے جا رہا تھا کہ جونہی چوکپنڈوری بھاٹہ روڈ پر پہنچا تو سامنے سے خضر اور مدثر سکنائے ڈھیری جو کہ مسلح 30بور پسٹل موٹر سائیکل پر سوار تھے نے میرا راستہ روک لیا اور پسٹل نکال پر مجھے زد و کوب کرنا شروع کر دیا اور اس دوران میرا گریبان پکڑ کر پھاڑ دیا۔خضر اور مدثر نے تھپڑ مارے اور اور ہاتھا پائی کے دوران جیب سے میرا بٹوہ جس میں تیس ہزار روپے کی نقدی تھی نیچے گر گیا جو انہوں نے اٹھا لیا۔وجہ عناد یہ ہے کہ ملزمان کیساتھ فیملی کیس چل رہا ہے ۔

تحصیل کلر سیداں میں پی ٹی آئی عملاً دو حصوں میں بٹ گئی


کلر سیداں(پر و یز و کی سے) تحصیل کلر سیداں میں پی ٹی آئی عملاً دو حصوں میں بٹ گئی،جمعہ کی شام پی ٹی آئی کے امیدوار قومی اسمبلی راجہ ساجد جاوید اور امیدوار صوبائی اسمبلی چوہدری امیر افضل نے بھلاکھر کے قریب اجتماع کیا جس میں پی ٹی آئی تحصیل کلر سیداں کے صدر حافظ سہیل اشرف ملک سمیت کسی بھی عہدے دار کو مدعو نہیں کیا گیا۔جس سے پی ٹی آئی کی کلر سیداں میں تقسیم کی بنیاد رکھ دی گئی۔پی ٹی آئی تحصیل کلر سیداں کے صدر حافظ سہیل اشرف ملک نے رابطہ کرنے پر بتایا کہ تقریب میں پی ٹی آئی کے کسی بھی عہدے دار کو مدعو ہی نہیں کیا گیا،تقریب میں پی ٹی آئی تحصیل کلر سیدا ں اور یو سیز کے کسی بھی عہدے دار نے شرکت نہیں کی۔

دوہرے قتل کیس میں نامزد ملزم عدنان طارق کی ضمانت منظور


کلر سیداں(پر و یز و کی سے)ایڈیشنل ڈسٹرکٹ اینڈ سیشن جج راولپنڈی سردار حامد حسین نے کلر سیداں کے نواحی گاؤں ٹکال میں دوہرے قتل کیس میں نامزد ملزم عدنان طارق سکنہ ٹکال کی ضمانت بعد از گرفتاری کی درخواست منظور کرتے ہوئے ایک لاکھ روپے کے مچلکے داخل کروانے پر اڈیالہ جیل سے رہا کرنے کا حکم جاری کر دیا۔ملزم کی جانب سے کلر سیداں کے معروف قانون دان راجہ عابد حسین نے کیس کی پیروی کی۔ملزم پر آڑھائی ماہ قبل جگہ کے تنازع پر ساس بہو کو قتل کرنے کا الزام تھاجس پر معزز عدالت نے وکیل صفائی کے دلائل سے اتفاق کرتے ہوئے ملزم کو ضمانت پر رہا کرنے کا حکم جاری کر دیا۔ یاد رہے کہ تھانہ کلر سیداں پولیس نے ملزم عدنان طارق کو17ستمبر کو گرفتار کر کے مقامی عدالت سے چار روز ریمانڈ حاصل کیا تھا جسے بعد ازاں عدالت نے جسمانی ریمانڈ مکمل ہونے پر 22 ستمبر کو جوڈیشل ریمانڈ پر اڈیالہ جیل منتقل کر دیا تھا جہاں سے اب اسے ضمانت پر رہائی مل گئی ہے۔تھانہ کلر سیداں پولیس نے دوہرے قتل کیس کے مرکزی ملزم ذوالفقار علی کو بھی گزشتہ روز گرفتار کر لیا ہے۔

کلر سیداں پولیس ان ایکشن ،سرصوبہ شاہ ڈکیتی کے دو بڑے ملزمان کو سرگودھا سے گرفتار کر لیا

کلر سیداں(پر و یز و کی سے)کلر سیداں پولیس ان ایکشن ،سرصوبہ شاہ ڈکیتی کے دو بڑے ملزمان کو سرگودھا سے گرفتار کر لیا ،ایک ملزم پنجاب پولیس میں ASIکے عہدے سے برخواست ہو چکا ہے۔ملزمان نے اعتراف جرم بھی کر لیا ہے ،تفصیلا ت کے مطابق چار مسلح ملزمان نے گیارہ مئی کو علی الصبح سرصوبہ شاہ چوک میں پولیس کی وردی پہن کر اشتیاق کھوکھر کے گھر ڈکیتی کی واردات کی ملزمان نے خود کو پولیس اہلکار بتا کر گھر کے تمام افراد کو کمروں میں بند کر کے گھر کی تلاشی لی اور دوران تلاشی برطانوی پاکستانی کرنسی لاکھوں روپے مالیت کے طلائی زیورات موبائل فونز لیپ ٹاپ چرا کر فرار ہو گئے تھے ۔ایس ایچ او کلر سیداں شیخ محمد قاسم نے سب انسپکٹرز طارق محمود اور نصیر الرحمان کو ملزمان کی گرفتاری کا ٹاسک دیا جنہوں نے ٹیلیفون ڈیٹا کی مدد سے ملزمان تک رسائی حاصل کر لی اور گزشتہ روز کاروائی کر کے گروہ کے دوبڑے ملزمان جہانگیراور کامران سکنہ بھلوال ضلع سرگودھا کو گرفتار کر لیا ،ملزم جہانگیر پنجاب پولیس میں اے ایس آئی تھا اور اسے گزشتہ برس ملازمت سے نکال دیا گیا تھا۔کلر سیداں پولیس نے انہیں گرفتار کر لیا اور مدعی مقدمہ نے مجسٹریٹ کی موجودگی میں انہیں شناخت کر لیا ملزمان پولیس کی وردی میں ڈکیتی کی وارداتیں کرتے تھے ۔ملزمان کی گرفتاری پر عوام علاقہ میں خوشی کی لہر دوڑ گئی اور انہوں نے پولیس کاروائی کو بھی بے حد سراہا ہے

میا ں نو ا ز شر یف آ ئین ا و ر قا نو ن کے مطا بق مسلم لیگ ن کے منتخب صد ر ہیں


کلر سیداں(پر و یز و کی سے)سا بق و ز یر ا عظم میا ں نو ا ز شر یف آ ئین ا و ر قا نو ن کے مطا بق مسلم لیگ ن کے منتخب صد ر ہیں ا ن کا منتخب ہو نا کا ر کنو ں ا و ر لیڈ ر و ں کا متحد ہو نا نشا نی ہے میا ں نو ا ز شر یف عو ا م کے مقبو ل تر ین ،لیڈ ر ہیں وائس چےئرمین ایم سی کلر سیداں چوہدری محمد ضیارب منہاس اور کونسلرز حاجی محمد اسحاق، عابد حسین زائدی، جنید بھٹی ،صوفی ضابر حسین،خلیق احمد راجہ،راجہ کامران عابد،لیگی رہنماؤں شیخ ندیم احمد، شیخ حسن سرائیکی اور اظہر محمود مرزا نے میاں محمد نواز شریف کو مسلم لیگ (ن) کا بلامقابلہ صدر منتخب ہونے پر مبارکباد پیش کی ہے۔

انجینئر قمرا لاسلام راجہ انگلینڈ کے کامیاب دورہ کے بعد وطن واپس پہنچ گئے


کلر سیداں(نمائندہ راول نیوز)چیئرمین سٹینڈنگ کمیٹی برائے تعلیم پنجاب اور چیئرمین پنجاب ایجوکیشن فاؤنڈیشن انجینئر قمرا لاسلام راجہ انگلینڈ کے کامیاب دورہ کے بعد وطن واپس پہنچ گئے۔ مارک فیلڈ کی خصوصی دعوت پر لندن میں فارن آفس کے لوکارنو ہال میں منعقدہ پاک یوکے تعلقات کی سترویں سالگرہ کی تقریب میں شرکت کی۔ تقریب سے خطاب کرتے ہوئے وزیر برائے ایشیا مارک فیلڈ نے کہا کہ اگلے چند برس میں پاکستان کا شمار دُنیا کی بیس بڑی معیشتوں میں ہو گا۔ انجینئر قمر الاسلام نے کہا کہ یوکے کی معیشت اور سیاست میں پاکستانیوں کے مؤثر کردار کی اس سے بڑی مثال اور کیا ہو سکتی ہے کہ یوکے پارلیمنٹ کے بارہ ارکان کا تعلق پاکستان سے ہے اور اسکے علاوہ درجنوں شہروں میں بیسیوں پاکستانی منتخب میئر اور کونسلر کی حیثیت سے فرائض سرانجام دے رہے ہیں۔ تقریب میں دونوں ممالک کے ہائی کمشنرز سمیت برطانیہ کے ارکانِ پارلیمنٹ اور دیگر ممالک کے سفارت کاروں نے شرکت کی۔ 13ستمبر کو انجینئر قمر الاسلام نے وزیر برائے انٹرنیشنل ڈویلپمنٹ پریتی پاٹیل اور چیئرمین سٹینڈنگ کمیٹی برائے انٹرنیشنل ڈویلپمنٹ سٹیفن ٹوِگ کی دعوت پر ویسٹ منسٹر پیلس میں منعقدہ سٹینڈنگ کمیٹی کے اجلاس میں شرکت کی۔ اس اجلاس میں شرکت کے لیے آسٹریلیا کی سابق وزیراعظم اور گلوبل پارٹنرشپ فار ایجوکیشن کی سربراہ جولیا گلیرڈ بھی مدعو تھیں۔ انجینئر قمرالاسلام راجہ نے پوری دُنیا بالخصوص پنجاب میں تعلیمی ترقی کے لیے حکومت برطانیہ کے کردار کی بھرپور تعریف کی اور اس ضمن میں بھرپور تعاون پر برطانوی پارلیمان کا شکریہ ادا کیا۔ پچھتر سالہ تاریخ رکھنے والے مشہورِ زمانہ برطانوی تھنک ٹینک ولٹن پارک میں منعقدہ تین روزہ بین الاقوامی تعلیمی کانفرنس میں دُنیا کے پالیسی ساز اداروں اور بین الاقوامی ترقی کے معتبر اداروں کے سربراہان سمیت متعدد ممالک کے وزراء بھی شریک تھے۔ انجینئر قمرالاسلام نے انتہائی مؤثر انداز میں پاکستان کا کیس پیش کیا اور چاروں صوبوں بالخصوص پنجاب کی فقید المثال ترقی پر روشنی ڈالی۔ کانفرنس میں کافی شرکاء نے پنجاب کی کامیابیوں بالخصوص پنجاب ایجوکیشن فاؤنڈیشن کی بھرپور ستائش کی۔ یاد رہے کہ برطانوی وزارت خارجہ کے زیرِ انتظام ولٹن پارک 1578 میں تعمیر ہونے والے ایک تاریخی محل میں واقع ہے جس کا رقبہ پانچ ہزار ایکڑ ہے۔ ولٹن پارک کانفرنس میں پنجاب ایجوکیشن فاؤنڈیشن کو دُنیا کا سب سے بڑا اور کامیاب ماڈل قرار دیا گیا۔ انجینئر قمرالاسلام راجہ نے تیسری دُنیا بالخصوص افریقی ممالک میں تعلیمی بہتری کے لیے پیف ماڈل کو متعارف کروانے پر زور دیا اور اس مقدس فریضہ کے لیے رضاکارانہ بنیادوں پر اپنے ہر قسم کے تعاون کا یقین دلایا۔ اس کے علاوہ انجینئر قمرالاسلام راجہ برطانوی ایوانِ بالا (ہاؤس آف لارڈز) اور ایوانِ زیریں (ہاؤس آف کامنز) بھی گئے اور متعدد ارکان پارلیمنٹ بشمول لارڈ قربان حُسین، لارڈ نذیر احمد، بیرونس شیہاں، رحمان چشتی اور خالد محمود سے الگ الگ ملاقاتیں کیں اور مختلف شعبہ جات میں باہمی تعاون کے امکانات کا جائزہ لیا۔ ویسٹ منسٹر میں قیام کے دوران کیمبرج کے شعبہ تعلیم کے سربراہ ڈاکٹر ٹریشین سٹوبے نے ملاقات کی جس میں کیمبرج ایسسمنٹ اور پنجاب ایجوکیشن فاؤنڈیشن کے درمیان تعاون کے امکانات کا جائزہ لیا گیا۔ اس ملاقات کے پسِ منظر میں انہوں نے کیمبرج یونیورسٹی کا دورہ کیا جہاں شعبہ ایسسمنٹ اور بزنس کے سربراہان نے میٹنگ میں شرکت کی۔ میٹنگ میں مستقبل کی کیمبرج پیف پارٹنرشپ پر اتفاق کیا گیا۔ سات روزہ سرکاری مصروفیات کے بعد انہوں نے لگاتار پانچ دن مِلٹن کینز، گلاسگو، بریڈفورڈ، برمنگھم،لوٹن، چشم اور سلود کے دورے کیے جہاں پر اہلیانِ پوٹھوہار نے ان کے اعزاز میں تقریبات منعقد کیں۔ انجینئر قمرالاسلام نے ان اجتماعات میں پاکستانیوں کو حکومتِ پاکستان اور مسلم لیگ (ن) کی پالیسیوں اور موقف سے آگاہ کیا اور پاکستان کے روشن مستقبل کی نوید دی

یونیک ماڈل سکینڈری سکول شاہ باغ میں سکول کے بچوں کے لیے روڈ سیفٹی کے بارے میں ایک سیمینار


کلرسیداں (پرویز وکی سے )گزشتہ روزپنجاب ہائی وے پڑولنگ پولیس کی طرف سے یونیک ماڈل سکینڈری سکول شاہ باغ میں سکول کے بچوں کے لیے روڈ سیفٹی کے بارے میں ایک سیمینار منعقد کروایا گیا جس میں پنجاب ہائی پڑولنگ پولیس ایجوکیشن یونٹ کی پوری ٹیم نے شرکت کی جس میں ڈی ایس پی چوہدری افتخارایجوکیشن یونٹ کے محمد جہانگیر نے شرکت کی جس میں سکول کے بچوں کو روڈ سیفٹی اور روڈ پر کسی بھی حادثے کی صورت میں نمٹنے کے لیے حفاظتی اقدمات بتائے گے ۔اس موقع پر سکول کے پرنسپل پرویز اقبال نے بھی بچوں سے خطاب کیا ۔

کلر سیداں کے پھل و سبزی فروشوں نے سرکاری نرخ ناموں کو ہوا میں اڑا دیا 


کلر سیداں(پر و یز و کی سے) کلر سیداں کے پھل و سبزی فروشوں نے سرکاری نرخ ناموں کو ہوا میں اڑا دیا اور من مانے ریٹ لگا کر گاہکوں کو دونوں ہاتھوں سے لوٹنا شروع کر دیا۔تحصیل انتظامیہ خاموش تماشائی کا کردار ادا کرنے پر مجبور ہو گئی۔گاہکوں کی دہائی، کمشنر راولپنڈی سے نوٹس لینے کا مطالبہ۔ضلعی انتظامیہ کی جانب سے روزانہ کی بنیاد پر جاری ہونے والی ریٹ لسٹ کے مطابق پیر کے روز ٹماٹروں کا سرکاری ریٹ 140 روپے کلو مقرر تھا جبکہ بازار میں دو سو روپے سے زائد قیمت پر فروخت ہوتا رہا۔اسی طرح پیاز کا سرکاری ریٹ 57 روپے فی کلو تھا جبکہ مارکیٹ میں 70 روپے کے حساب سے فروخت ہوتا رہاجبکہ د یگر ا شیا ء بھی سر کا ر ی نر خو ں سے ز ا ئد پر فر و خت ہو تی ر ہیں۔جبکہ ایم سی انتظامیہ وارننگ دینے کے بعد اپنی ذمہ داریوں سے سبکدوش ہو جاتی ہے ۔کلر سیداں میں ڈپٹی کمشنر کلر سیداں کی ہدایت پر پرائس کنٹرول کمیٹی بھی قائم ہے مگر انہوں نے کبھی کلر سیداں شہر کا دورہ نہیں کیا ۔عوامی حلقوں نے اس امر پر سخت غم و غصہ کا اظہار کرتے ہوئے کمشنر راولپنڈی سے فوری نوٹس لینے اور پرائس کنٹرول کمیٹی کو متحرک کرنے کی ہدایت جاری کرنے کا مطالبہ کیا ہے۔

ڈاکو لاکھوں روپے کی نقدی اور موبائل فون چھین لیا اور موقع سے فرار ہو گئے


کلر سیداں(پر و یز و کی سے) کلر سیداں روات روڈ پر ڈکیتی کی دلیرانہ واردات میں ڈاکوؤں نے اسٹیٹ لائف انشورنس کے ایریا منیجر سے لاکھوں روپے کی نقدی اور موبائل فون چھین لیا اور موقع سے فرار ہو گئے ۔ایریا منیجر راجہ محمد فیاض نے میڈیا کو بتایا کہ انہوں نے پیر کے روز کلر سیداں کے تین مختلف بنکوں سے کیش وصول کی اور اپنے دیگر اسٹاف کے ہمراہ جمع کروانے اپنے ہیڈ آفس جا رہے تھے کہ دن سوا دو بجے کے قریب تین نامعلوم ڈاکو جن میں سے دو کے پاس پسٹل جبکہ تیسرا خالی ہاتھ تھا نے ہمارا تعاقب کرنا شروع کر دیا اور پسٹل لہرا کر رکنے کا اشارہ کرتے رہے۔گاڑی نہ روکنے پر انہوں نے شاہ باغ کے قریب ایک ویران جگہ پر پہنچ کر پیچھے سے فائرنگ کر کے ہماری گاڑی کے دو ٹائر برسٹ کر دہئے جس کی وجہ سے ہمیں مجبورا رکنا پڑا۔اس موقع پر انہوں نے اسلحہ کی نوک پر گاڑی کی تلاشی لے کر وہاں موجود بیگ جس میں ساڑھے چار لاکھ روپے کی کیش پڑی ہوئی تھی اٹھا لیا اور میری تلاشی کے دوران جیب میں موجود نقدی اور قیمتی موبائل فون بھی نکال لئے ۔

ریٹائر ٹی ایم او مالک داد بھٹی حج کی سعادت حاصل کر کے وطن لوٹ آئے


کلر سیداں(پر و یز و کی سے) ریٹائر ٹی ایم او مالک داد بھٹی حج کی سعادت حاصل کر کے وطن لوٹ آئے ،چوہدری اسد الرحمان ایڈووکیٹ،زر داد خان،چیف مہربان خان نے ان کے گھر ڈھوک بھٹیاں ٹکال جا کر انہیں فریضہ حج کی ادائیگی پر مبارکباد دی

اظہار تعزیت


کلر سیداں(پر و یز و کی سے) پریس کلب کلر سیداں کے عہدے داران چوہدری عامر کمبو ہ ،راجہ محمد سعید،جاوید چشتی،راجہ ناصر بشیر،اکرام الحق قریشی،جاوید اقبال ،ر ا جہ محمد ا سر ا ر ،شبیر شا نی ،پر و یز ا قبا ل اور دیگر نے سکھو کے صحافی محمد ریاض چشتی اور بیول کے صحافی راجہ طارق ایوب سے ان کے ماموں کی وفات پر دلی تعزیت کا اظہار کیا ہے۔

کلرسیداں‘چھوٹے نے بڑے بھائی کو قتل کر دیا


کلر سیداں( نیٹ نیوز)خون سفید ہوگیا چھوٹے بھاٹی نے بڑے بھائی کو گولیاں مار کر قتل کر دیا، یوسی بھلاکھر موضع دودہلی ڈہوک سنگرال کے رہائشی محمد زعفران نے اپنے بڑے بھائی سے تلخ کلامی پر اپنے بھائی کامران کو گولیوں سے چھلنی کر دیا۔ محد کامران موقع پر دم توڑ گے۔ میت پورسمارٹم کے لیے ٹی ایچ کیو کلرسیداں پہنچا دیا گیا

کلرسیداں میں ہاکی کا ایک شاندار ٹورنامنٹ منعقد کروایا گیا 


کلرسیداں (پرویز وکی سے )انقلاب ہاکی کلب کلرسیداں کے زیر اہتمام سپورٹس گراونڈ کلرسیداں میں ہاکی کا ایک شاندار ٹورنامنٹ منعقد کروایا گیا جس میں ضلع راولپنڈی کی بہترین ٹیموں نے شرکت کی ۔ٹورنامنٹ کے مہمان خصوصی شیخ حسن ریاض، ہاکی کے سینئر پلےئر بابا ہاکی چوہدر ی طارق تاج ،صغیر کولااور سردار محمد اشتیاق تھے ۔مہمان خصوصی شیخ حسن ریاض نے کہا کہ آج تقریبا 18سال بعد کلرسیداں میں ہاکی کا ٹورنامنٹ منعقد ہوا کلرسیداں میں ہاکی کے بہت مایہ ناز کھلاڑی گزرے ہیں ،انہوں نے ٹورنامنٹّ رگنائزنگ کمیٹی پرویز اقبال وکی ،شاہدرحمانی ،ظہیر بابر،علی حیدر اور عباس کو مبارک باد دے اور کہا کہ کلرسیداں میں دوبارہ ہاکی کے کھیل کو شروع کرواناخوش آئند ہے۔چوہدری طارق تاج نے کہا کہ کھیلوں کی سر گرمیاں لازمی ہونی چاہیے سے جس سے نوجوان مثبت سر گرمیوں میں مگن رہتے ہیں ۔کسی بھی معاشرے کی ترقی کا راز اس کی تعلیم اور کھیل ہوتے ہیں ،ٹورنامنٹ میں پہلی پوزیشن کونتریلہ ہاکی کلب دوسری پوزیشن کالس ہاکی کلب چکول جبکہ تیسری پوزیشن گوجرخان ہاکی کلب نے حاصل کی آخر پر مہمانان گرامی نے کامیاب کھلاڑیوں اور ٹیموں میں انعامات تقسیم کیے

JKAافضل جعفر ی کراٹے چیمپین شپ اختتام پذیر ہو گی


کلرسیداں (پرویز وکی سے )JKAافضل جعفر ی کراٹے چیمپین شپ اختتام پذیر ہو گی ۔تحصیل راولپنڈی کی پہلی پوزیشن ۔ تفصیلات کے مطابق JKAافضل جعفر کراٹے چیمپین شپ گزشتہ روز اختتام پذیر ہو گی جس میں ضلع راولپنڈی کی مختلف کلبو ں کے 100سے زائدلڑکے اور لڑکیوں نے حصہ لیا۔چیمپین شپ میں افضل جعفری کراٹے کلب شہباز شریف سپورٹس کمپلیکس نے پہلی پوزیشن حاصل کی ،یونیک ماڈل سکینڈری سکول شاہ باغ تحصیل کلرسیداں نے دوسری پوزیشن حاصل کی جبکہ الصفہ ایجوکیشن سسٹم کلر سیداں کی ٹیم نے تیسری پوزیشن حاصل کی ۔ چیمپین شپ کے مہمان خصوصی انٹر نیشنل کراٹے پلےئر اینڈ کوچ جنرل سیکرٹری JKAاسلام آبا د پاکستان راجہ تنویراحمد نے کامیاب کھلاڑیوں میں انعامات تقسیم کیے۔تنویر احمد نے کہا کہ چیمپین سپ کے چیف آرگنائزر انٹر نیشنل کراٹے کوچ پرویز اقبال کو کامیاب پروگرام منعقد کروانے پر مبارک باد دی اور انہوں کہا کہ کراٹے کھیل جسمانی فٹنس کے لیے بڑی مفید ہے اور کراٹے کھیل کے ساتھ ساتھ بچوں کو اپنا دفاع بھی سکھاتی ہے

error: