گرما گرم خبریں

دو منشیات فروشوں کے قبضہ سے مجموعی طور پر دو کلوگرام چرس برآمد کر کے گرفتار کر لیا
محرم الحرام کے دوران سیکورٹی کے فول پروف انتظامات کئے جائیں گے،ایس ایچ او جاتلی
فنڈزکی غیر منصفانہ تقسیم کے خلاف دائر کی گئی رٹ پٹیشن کا بدھ کو بھی فیصلہ نہ سنایا جاسکا
رورل ہیلتھ سینٹر دولتالہ میں بے قاعدگیوں کے بارے میں خبروں کی اشاعت پر ہسپتال انتظامیہ میں کھلبلی مچ گئی
زمین کے تنازع پربھائیوں نے کلہاڑیوں کے وار کر کے ایک شخص کو زخمی کر دیا گیا
سلیمان فاؤنڈیشن کے سربراہ شیخ محمد ساجد مختصر دورے پر متحدہ عرب امارات سے پاکستان پہنچ گئے
مندرہ کا نوجوان طالب علم ٹرین کی زد میں آکر موقع پر ہی ہلاک ہو گیا
کلر سیداں اور گردونواح میں سوئی گیس کی غیر ا علا نیہ لوڈ شیڈنگ

Category: گردونواح کی خبریں

مریم نواز کی قائدانہ صلاحیتوں کے نتیجہ میں ن لیگ مزید مضطوط ہو رہی ہے،محترمہ تحسین فواد 


دولتالہ(نامہ نگار ) رہنما مسلم لیگ (ن) ایم پی اے تحسین فواد نے کہا ہے کہ مریم نواز کی قائدانہ صلاحیتوں کے نتیجہ میں ن لیگ مزید مضطوط ہو رہی ہے مریم نواز با ہمت اورحوصلہ مند خاتون رہنما ہیں انہیں شاندار الفاظ میں خراج تحسین پیش کرتے ہیں موجودہ حکومت عوام کو ریلیف فراہمی کرنے اور ملکی استحکام کو دوام بخشنے کے لیے ہر ممکن اقدامات اٹھا رہی ہے جامع اور مربوط پالیسیاں مرتب کر کے ملکی معیشت کو بہتر اور اقوام عالم میں وطن عزیز کے وقار کو سر بلند کیا گیا میاں نواز شریف عوام کے دلوں میں بستے ہیں مسلم لیگ ن عوامی جماعت ہے اور تمام صوبوں سمیت آزاد جموں کشمیر میں یکساں مقبولیت رکھتی ہے یہ وجہ ہے کہ ن لیگ کو وفاق کی علامت گردانا جاتا ہے اقتدار نچلی سطح پر منتقل کرنے سمیت موجودہ حکومت نے بیش بہا کارہائے نمایاں سر انجام دیے وہ گزشتہ روز پریس کلب دولتالہ کے صحافیوں سے گفتگو کر رہی تھیں انہوں نے کہا کہ ہمیں اپنے قائدین پر فخر ہے مسلم لیگ ن ان شاء اللہ کارکردگی کی بنیاد پر آئندہ الیکشن میں بھی کامیابی حاصل کرئے گی مخالفین کی تمام سازشیں پہلے بھی ناکام ہوئیں اور آئندہ بھی انہیں شرمندگی کا سامنا ہو گا شیر کے آگے سب ڈھیر ہیں انہوں نے کہا کہ ملکی کو ایٹمی قوت بنانے کے بعد مسلم لیگ ن کے وطن عزیز کو معاشی قوب بھی بنا دیا ہے سی پیک منصوبے کے ثمرات سے ملکی میں خوشحالی کے دور کو آغاز ہوگا

سکھو مرکزی کی رابطہ سڑکیں ٹوٹ پھوٹ کا شکار ہوکر کھنڈر بن چکی ہیں،راجہ حمید سلیم 


سکھو (نمائندہ خصوصی) سکھو مرکزی کی رابطہ سڑکیں ٹوٹ پھوٹ کا شکار ہوکر کھنڈر بن چکی ہیں، رابطہ سڑکیں عوام کے لیے رحمت کی بجائے زحمت بن چکی ہیں، ان خیالات کا اظہار پاکستان پیپلز پارٹی کے رہنماء راجہ حمید احمد سلیم نے اپنے ایک بیان میں کیا، انہوں نے کہا کہ موجودہ دور حکومت میں یونین کونسل سکھو کو مسلسل نظرانداز کیا گیا جس کی وجہ سے سکھو اور نواح کی سڑکیں کھنڈر بن چکی ہیں، راجہ حمید سلیم نے کہا کہ دولتالہ گوجرخان روڈ سمیت بھنگالی تا گلیانہ روڈ، سکھو تا سکھو موڑ روڈ، جولے تا بھکر اڈا، للہیال تا کرنالی روڈ کھنڈر بن کر اپنی افادیت کھو چکی ہیں اور اہلیان علاقہ کے لیے رحمت کی بجائے زحمت بن چکی ہیں، راجہ حمید احمد سلیم نے کہا کہ سکھو کی رابطہ سڑکوں کی بدحالی ن لیگ کی نااہلی کا منہ بولتا ثبوت ہے

یونین کونسل سکھو میں ریکارڈ ترقیاتی کام کروائے گے ہیں،خواجہ حاجی یسینٰ 


سکھو (نمائندہ خصوصی) وفاقی پارلیمانی سیکرٹری راجہ جاوید اخلاص کی قیادت میں یونین کونسل سکھو کی عوام کی خوشحالی کا سفر جاری وساری ہے کوٹلہ گاوں میں سوئی گیس کی فراہمی راجہ جاوید اخلاص کی کاوش سے مکمل ہوئی، ان خیالات کا اظہار وائسچیئرمین یونین کونسل سکھو خواجہ حاجی یسینٰ نے اپنے ایک بیان میں کیا، انہوں نے کہا کہ وفاقی پارلیمانی سیکرٹری راجہ جاوید اخلاص،راجہ شوکت عزیز بھٹی اور راجہ محمد حمید ایڈوکیٹ کی خصوصی کوششوں سے آج ہم کوٹلہ گاوں میں گیس کی فراہمی میں کامیاب ہوئے، خواجہ حاجی یسینٰ نے کہا کہ یونین کونسل سکھو میں ریکارڈ ترقیاتی کام کروائے گے ہیں جن کا تمام تر سہرا راجہ جاوید اخلاص کے سر جاتا ہے، جنہوں نے یونین کونسل سکھو میں بلاتفریق کام کروا کر مجھے علاقہ میں سرخرو کیا ہے، خواجہ یسینٰ نے کہا کہ آئندہ بھی راجہ جاوید اخلاص کی قیادتمیں یونین کونسل سکھو میں ترقیاتی کام کروائے جائیں گے۔

علاج معالجہ کی سہولیات فراہم کرنا دکھی انسانیت کی خدمت ہے،شیخ ساجد

 سکھو(نامہ نگار ) فلاحی تنظیم سلیمان فاونڈیشن کی سرپرست اعلیٰ شیخ ساجد نے کہا ہے کہ علاج معالجہ کی سہولیات فراہم کرنا دکھی انسانیت کی خدمت ہے، پریس کلب سکھو نے ایک نئی تاریخ رقم کر دی، ان خیالات کا اظہار سرانھوں نے سکھو میں ندیم الرحمان شہید پریس کلب سکھو کے زیرانتظام شہدا فری میڈیکل کیمپ کی افتتاحی تقریب سے خطاب کرتے ہوئے کیا، شیخ ساجد نے کہا کہ علاقہ کے غریب عوام کو علاج معالجہ کی فری سہولت دینا نہ صرف باعث ثواب ہے بلکہ انسانیت کی خدمت بھی ہے، شہدا فری میڈیکل کی افتتاحی تقریب میں پیپلز پارٹی کے رہنما حمید احمد سلیم، پی ٹی آئی کے رہنماراجہ ہارون کیانی، ایڈوکیٹ محمد ارسلان قریشی،جنرل کونسلر یوسی سکھو راجہ نقیب، ، پریس کلب دولتالہ کے عہدیداران سید منور نقوی، نویدافسر راجہ،راجہ حاجی احمد اور راجہ محمد افتاب سمیت اہلیان علاقہ کی کثیر تعداد نے شرکت کی، افتتاحی تقریب سے خطاب کرتے ہوئے مقررین نے پریس کلب سکھو کے اقدام کو سراہتے ہوئے کہا کہ ندیم الرحمان شہید پریس کلب سکھو کی طرف سے ماہانہ فری میڈیکل کا قیام قابل تحسین ہے، اہل علاقہ اس سہولت سے مستفید ہوں گے۔

راجہ خضر حیات کی کوششوں کو سلام پیش کرتے ہیں


جاتلی(نامہ نگار)راجہ خضر حیات کی کوششوں کو سلام پیش کرتے ہیں تفصیلات کے مطابق موہڑہ حیات میں کی سیاسی و سماجی کارکن راجہ خضر حیات موہڑہ حیات میں اپنی ذاتی دلچسپی لے کر نکاسی اور دیگر ترقیاتی کام کر وا رہے ہیں جس پر علاقہ کی سیاسی و سماجی شخصیات سیٹھ محمد اکرم ،صوبیدار ر وحید احمد،کونسلر عمر حیات وقار ،اظہر حسین ،امتیاز حسین تاجی ،رانا افتخار ،راجہ اکرام ،راجہ تصور،راجہ گلتاصب ،محمد یوسف ،عدیل احمد شانی اور دیگر نے راجہ خضر حیات اور ان کی پوری ٹیم کو خراج تحسین پیش کیا

کنیال بجرانہ کالونی میں گیس کی فراہمی اور گلیوں کو پختہ کیا جائے،راجہ عدیل زاہد 


میانہ موہڑہ(نامہ نگار)عوامی سماجی رہنما راجہ عدیل زاہد نے اپنے ایک بیان میں وفاقی پارلیمانی سیکرٹری راجہ جاوید اخلاص سے مطالبہ کیا ہے کہ کنیال بجرانہ کالونی میں گیس کی فراہمی اور گلیوں کو پختہ کیا جائے ان کا کہنا تھا کہ علاقہ مگین گیس کی فراہمی کا درینہ مطالبہ ہے امید کرتے ہیں کہ وفاقی پارلیمانی سیکرٹری راجہ جاوید اخلاص فوری کاروائی کرتے ہوئے کنیال بجرانہ کالونی کے مسائل حل کریں گے

22لاکھ روپے کا کلیم ادا کر دیا


دولتالہ(نامہ نگار) اسٹیٹ لائف انشورنس آف پاکستان دولتالہ کے ایریا منیجر مسعود اختر راجہ سیلز آفیسر محمد مدثر نے ہسولہ شریف کی رہائشی پالیسی ہولڈر خالد محمود جو کہ گزشتہ دنوں حرکت قلب بند ہونے سے خالق حقیقی سے جا ملے تھے کی اہلیہ مسز خالد کو 22لاکھ روپے کا کلیم ادا کر دیا اس موقع پر میڈیا سے گفتگو کرتے ہوئے مرحوم کی اہلیہ نے اسٹیٹ لائف دولتالہ کی ٹیم کا شکریہ اداکیا

موہڑہ چوہدریاں کے چوہدری وسیم افضل انتقال کرگے

سکھو(نمائندہ خصوصی) پی ٹی آئی یوتھ ونگ موہڑہ چوہدریاں کے چوہدری وسیم افضل (پنجاب پولیس) نمبر دار افضل گزشتہ روز انتقال فرما گے ہیں ۔ مرحوم کچھ دنو ں سے عارضہ قلب میں مبتلا تھے۔ مرحوم کو ان کے آبائی قبرستان موہڑ ہ چوہدریاں میں ہزاروں سوگواروں کی موجودگی میں سپردِ خاک کر دیا گیا۔نمازِ جنازہ میں پی ٹی آئی دولتالہ کے راہنما چوہدر ی زاہد محمود ، پی ٹی آئی سکھو کے راہنما محمد ارسلان قریشی ایڈووکیٹ ، پی ٹی آئی یوتھ ونگ کرنب الیاس کے راجہ منان علی منہاس، ممبران و عہدیداران ندیم الرحمان انجم شہید پریس کلب سکھو، جے یو پی کے ضلعی راہنما حافظ کامران اخترکے علاوہ ہر شعبہ ء زندگی سے تعلق رکھنے والے لوگوں کی کثیر تعداد نے شرکت کی اور مرحوم کے درجات کی بلندی کے لئے دعا کی۔

رورل ہیلتھ سینٹر دولتالہ میں بے قاعدگیوں کے بارے میں خبروں کی اشاعت پر ہسپتال انتظامیہ میں کھلبلی مچ گئی 


دولتالہ(نامہ نگار)رورل ہیلتھ سینٹر دولتالہ میں بے قاعدگیوں کے بارے میں خبروں کی اشاعت پر ہسپتال انتظامیہ میں کھلبلی مچ گئی ایم ایس اور ڈبلیو ایم او سارا نزلہ ایل ایچ ایس ،ایل ایچ وی اور ایل ایچ ڈبلیو پر ڈالنے کے لیے تگ و دو میں مصروف ماضی کی طرح ہسپتال کی انتظامیہ کی حالیہ کارستانی بھی کھوہ کھاتے جانے کا امکان تفصیلات کے مطابق چند روز قبل رورل ہیلتھ سینٹر میں ہونیوالی بے قاعدگیوں کے بارے میں خبروں کی اشاعت کے بعد ہسپتال انتظامیہ حرکت میں آ گئی زرائع کے مطابق ایل ایچ ایس ،ایل ایچ وی اور ایل ایچ ڈبلیوز اس تمام تر معاملے میں لا تعلق ہیں حکومت پنجاب اور محکمہ صحت کی جانب سے ٹارگٹ پورا کرنے کے لیے ہسپتال انتظامیہ کی جانب سے دباؤ اور تنخواہ کی کٹوتی جیسے اقدامات کا بھی انہیں سامنا کرنا پڑتا ہے زرائع کا کہنا ہے کہ ماضی میں بھی اس سلسلے میں ہونیوالی تمام تر انکوئریوں میں نچلے طبقے کو ہی سامنا رہا ہے یا انہیں قصور وار ٹھہرایا جاتا رہا ہے مذکورہ معاملہ میں بھی تا حال ایسی ہی صورتحال دکھائی دے رہی ہے ایم ایس اور ڈبلیو ایم او کی کی معاونت کے لیے کرپٹ کلرک بھی میدان میں آ گیا ہے مذکورہ کلرک بادشاہ کے پاس دو ہیلتھ سینٹرکا چارج ہے جو کہ خود ایک بہت بڑا سوالیہ نشان؟ہے زرائع کا کہنا ہے کہ لیڈی ہیلتھ سپروائزر سمیت تمام عملہ ہسپتال انتظامیہ کے دباؤ کے باعث انتہائی مشکلات کا شکار ہے عوامی سماجی حلقوں و اہلیان دولتالہ کا کہنا ہے کہ وزیر اعلیٰ پنجاب رورل ہیلتھ سینٹر کے خلاف اعلیٰ سطحیٰ تحقیقات کرائی جائیں اور لیڈی ہیلتھ سپروائزر ،لیڈی ہیلتھ ورکرز اور لیڈی ہیلتھ وزیٹر کے بجائے حقیقی معنوں میں قصور وار اور زمہ داران کا تعین کر کے انہیں قرار واقعی سزا دئی جائے

ایپکا بلڈنگ ڈیپارٹمنت راولپنڈی کی نو منتخب باڈی کی تقریب حلف برداری آج ان کے دفتر آدم جی روڈ پر منعقد ہوئی


سکھو(نمائندہ خصوصی) ایپکا بلڈنگ ڈیپارٹمنت راولپنڈی کی نو منتخب باڈی کی تقریب حلف برداری آج ان کے دفتر آدم جی روڈ پر منعقد ہوئی ۔ نو منتخب باڈی سے مرکز ی جنرل سکریٹری و صدر پنجاب ایپکانے لیا۔ تقریب میں مرکزی چیئرمین ایپکا حاجی محمد اسلم خان، مرکزی صدر فضل غفار باچا، سریر خان ، سید محمد صدیق شاہ آذاد کشمیر ، افتخار احمد گڈو صوبائی نائب صدر پنجاب ،سے اورراولپنڈی کے صدر سردار محمد حنیف اور چوہدری وحید مراد جنرل سکریٹری راولپنڈی نے بھی شرکت کی۔تقریب میں حال ہی میں ملازمت سے سبکدوش ہونے والے ملازمین بشیر احمد بٹ ، طاہر محموداور خالد محمود کی خدمات کو بھی خراجِ تحسین پیش کیا گیا۔ اور ان کو تحائف اور پھولوں کے ہار پہنا کر الوداع کہا گیا۔حاجی محمد ارشاد چوہدری نے اپنے خطاب میں کہا کہ ہم دل وجان اور پورے خلوص سے خدمت کر رہے ہیں اس وجہ سے ہمارے ساتھ اللہ تعالیٰ کی مدد شامل حال ہے۔ ہم نے جس کام کی ابتداء کی ہے اس میں آپ لوگوں کی دعاؤں سے کامیابیوں نے ہمارے قدم چومے ہیں۔ ہم اپنے تمام افسران اور حکومت کے لئے دعا گو ہیں جنہوں نے ہماری جد وجہد میں ہمارے ساتھ مثبت کردار ادا کیا ہے۔ ہمارے مطالبات میں بلا شرکت غیرے گریڈ ایک سے لیکر گریڈ بائیس تک کے تنخواہوں میں اضافہ ہے۔ انشاء اللہ بہت جلد گروپ انشورنس کی ریٹائیرمنٹ پر ادائیگی کے نوٹیفیکشن کی خوش خبر ی سنیں گئے جس کے لئے ایڈیشنل چیف سکریڑی شمائل احمد خواجہ کے ساتھ مثبت میٹنگ ہو چکی ہے۔انھو ں نے تمام ایپکا کارکنان سے اپیل کی ہے کہ وہ متحد ہو کر چلیں اور اپنی اپنی زمہ داریوں کو احسن طریقہ اور ایمانداری سے نبھائیں۔ انھوں نے تمام محکمہ جات کے افسران سے مطالبہ کیا ہے کہ ملازمین کی ملازمت میں سب سے خوشی کا مقام اس کی ترقی ہے اور اللہ تعالی نے آپ کو اس بات کا زریعہ بنایا ہے لہٰذا جلد از جلد ڈی پی سی کر کے ملازمین کو ترقی دے کر سرخرو ہوں۔

عبد الحسیب قریشی ایپکا کا چیف الیکشن کمشنر مقرر ہونے پر مبارک باد کے مستحق ہیں

سکھو (نمائندہ خصوصی) عبد الحسیب قریشی ایپکا کا چیف الیکشن کمشنر مقرر ہونے پر مبارک باد کے مستحق ہیں،ہم مرکزی صدر فضل غفار باچا اور مرکزی جنرل سکریٹری صدر ایپکا پنجاب حاجی محمد ارشاد چوہدری کے انتہائی شکر گزار ہیں جنہوں نے ایک انتہائی ہی ایماندار اور محنتی مخلص کارکن کو چیف الیکشن کمشنر مقرر کیا۔ واجد علی عباسی ، زولفقار علی اور ضلعی راہنما ایپکا نے ان کی تقرری کو خوش آئند قرار دیا ہے اور امید ظاہر کی ہے کہ وہ اب پہلے سے بھی زیادہ محنت اور لگن سے اپنے قلم کار ساتھیوں گریڈ ایک سے سترہ تک کے حقوق کی جنگ میں ساتھ دیں گے۔

کیپٹن صفدر کی گرفتاری سب ٹوپی ڈرامہ ہے 


گو جر خان(نامہ نگار)کیپٹن صفدر کی گرفتاری سب ٹوپی ڈرامہ ہے حکومت انصاف اور قانون کی راہ میں روڑے اٹکا رہی ہے اور افسران اور وزرا سب اس میں برابر کر شریک ہیں ان خیا لات کا اظہار پیپلز پا رٹی کے را ہنماؤں سٹی صدر طاہر راحیل اعوان اورجنرل سیکر ٹری را جہ عمران کامی نے مشترکہ بیان میں کیا انہوں نے کہا کہ ملکی سیاسی تاریخ کا یہ پہلا واقعہ ہے کہ ساری حکومت نا اہل وزیر اعظم اور کر پشن میں ملوث انکے خاندان کی واضح طور پر پشت پنا ہی کر رہی ہے یہ لوگ حق حکمرانی کھو بیٹھے ہیں اور اگر انہوں نے اپنا وقت پوراکر لیا تو ملک کا بیڑہ غرق ہو جا ئے گا ۔ پی پی پی کے را ہنماؤں نے کہا کہ عدالتیں وزرا اور افسران کے ان غیر قانونی حربوں کا نوٹس لیں اور انکے خلاف قانون کے مطابق کا روائی کی جائے بصورت دیگر عوام کو میدان میں آ نا پڑے گا جسکے یہ متحمل نہیں ہو سکیں گے

یونین کونسل سکھو کے گاؤں موہڑہ چوہدریاں کے جنید چوہان کو ڈینگی کی تشخیص


سکھو(نمائندہ خصوصی)یونین کونسل سکھو کے گاؤں موہڑہ چوہدریاں کے جنید چوہان کو ڈینگی کی تشخیص، جنید بے نظیر ہسپتال راولپنڈی میں زیرِ علاج ہے، جنید چوہان گزشتہ دو سال سے بسلسلہ روز گار شکیل ہوٹل نزد فوارہ چوک راولپنڈی میں رہائش پذیر ہے، مرض کی تشخیص ہوتے ہی ڈپٹی ڈسٹرکٹ ہیلتھ آفیسر گوجرخان ڈاکٹر عمر فاروق نے فوری ایکشن لیتے ہوئے بی ایچ یو کے میڈیکل آفیسر ڈاکٹر زیشان ظفر کی زیرِ نگرانی ایل ایچ ایس مسز نصرت ممتاز کے ہمراہ ڈینگی ٹیم بھیج کر گھر گھر سپرے کرایا۔ ڈینگی ٹیم میں ڈاکٹر زیشان ظفر ، ایل ایچ ایس مسز نصرت ممتاز ، ایل ایچ ڈبلیوفرزانہ بی بی ،نگینہ فردوس، شہلا بی بی نے گھر گھر جا کر چیکنگ کی اور اہلیان گاؤں کو بتایا کہ ڈینگی قابلِ علاج مرض ہے اس سے خوف زدہ ہونے کی کوئی ضرورت نہیں گورنمنٹ آپ کی صحت کے لئے فوری اقدامات کررہی ہے جو کہ قابلِ تحسین ہیں، اس موقع پر سپروائیزر محمد عثمان ، محمد احتشام ، محمد زین اور محمد مقصود نے گھر گھر جا کر ڈینگی مار سپرے کیا اور ٹی ایم اے گوجرخان کے فوگ گینگ کے محمد قاسم نے فوگ سپرے کیا۔

مندرہ چکوال روڈ کی تعمیر نے سکھو موڑ کے باسیوں کو دو حصوں میں تقسیم کر دیا


سکھو (نمائندہ خصوصی )مندرہ چکوال روڈ کی تعمیر نے سکھو موڑ کے باسیوں کو دو حصوں میں تقسیم کر دیا یو ٹرن نہ ہونے کے باعث حادثات کی تعداد میں بھی اضافہ مختلف حادثات میں4سے زائد مردوخواتین اپنی جان گنوا بیٹھے ہیں اعلیٰ حکام اس جانب اپنی توجہ مبذول کریں تفصیلات کے مطابق مندرہ چکوال روڈ پر سکھو موڑ سٹاپ پر یو ٹرن موجود نہ ہونے کے باعث جہاں گاڑیوں کو ٹرن کرنے کے لیے طویل فاصلہ طے کرنا پڑتا ہے وہاں سڑک کو کراس کرنے والوں نالخصوص خواتین اور بچوں کو شدید مشکلات کا سامنا رہتا ہے جب کہ سکھو موڑ سے سکھو شہر اور منگھوٹ ،رجوعہ کی جانب ٹرن کرنے والی گاڑیوں کو بھکر اڈہ یا بھنگالی کے نزدیک موجود ٹرن سے گاڑیوں ٹرن کرنی پڑی ہیں اس تمام تر صورتحال کے ساتھ ساتھ سڑک کے اطراف میں موجود دکاندار کے کاروبار پر بھی منفی اثرات مرتب ہو رہے ہیں مختلف اشیاء خریدنے والوں کو سڑک کے درمیان موجود دیوار کو عبور کر کے دوسری طرف جانا پڑتا ہے اہلیان علاقہ ماسٹر ارشاد کیا نی ،چوہدری جاوید ،چوہدری مظہر ،،چوہدری محمد نواز نے اس صورتحال سے پریشان دکھائی دیتے ہیں ان کا کہنا ہے کہ متعدد باداس بارے میں حکام بالا کو درخواست دی ہے تا ہم کوئی عمل درآمد نہیں ہو رہا ہے انہوں نے این ایل سی کے اعلی حکام سے مطالبہ کیا ہے کہ روڈکے اس حصے کے ٹھیکدار کو احکامات جاری کیے جائیں یوٹرن نزدیک بنایا جائے

بھکر تا جولے روڈ ٹوٹ پھوٹ کا شکار، پیدل چلنا بھی محال ہوگیا


سکھو (نمائندہ خصوصی ) بھکر تا جولے روڈ ٹوٹ پھوٹ کا شکار، پیدل چلنا بھی محال ہوگیا،تفصیلات کے مطابق بھکر تا جولے روڈ مکمل ٹوٹ پھوٹ چکی ہے، سڑک پر پیدل چلنا محال ہو گیا ہے، لوگوں کو آمدورفت میں شدید دشواری کا سامنا،عرصہ دراز سے مرمت نہ ہونے کی وجہ سے سڑک کھنڈر بن چکی ہے،اور سڑک کی بجری بھی اکھڑ چکی ہے جس کی وجہ سے ٹریفک چلنے میں انتہائی دشواری پیش آتی ہے، اہلیانِ علاقہچوہدری طاہر صفدر اور دیگر نے مطالبہ کرتے ہیں کہ وہ فوری نوٹس لے کر اس سڑک کی مرمت یا از سرِنو پختگی کے لیے خصوصی گرانٹ جاری فرمائیں تاکہ اہلیانِ علاقہ کو سفری مشکلات کا ازالہ ہوسکے

سکھو روڈ کھنڈرات میں تبدیل منٹوں کا سفر گھنٹوں میں طے ہونے لگا 


سکھو (نمائندہ خصوصی ) سکھو موڑ تا سکھو روڈ کھنڈرات میں تبدیل ، سڑک پر بڑے بڑے گھڑے منٹوں کا سفر گھنٹوں میں طے ہونے لگا عوام کو آمد رفت میں شدید دشواری کا سامنا عوامی نمائندوں کی عدم دلچسپی سے رابطہ سڑکوں کی خستہ حالی کے باعث عوام کو مشکلات ملازمین و طلباء سمیت ہر طبقہ ہائے زندگی سے تعلق رکھنے والے افراد کی بڑی تعدادمذکورہ سڑک کے ذریعے راولپنڈی و چکوال کا رخ کرتی ہے خستہ حالی کے سبب کم و بیش تین کلو میٹرپر مشتمل سکھو موڑ تا سکھو سڑک پرسفر کرنا جوے شیر لانے کے مترادف ہے سڑک کی خستہ حالی کے باعث اس روڈ پر متعدد چھوٹے بڑے حادثات رونما ہو چکے ہیں ناظم سکھو انسپکٹر(ر) چوہدری ایاز،سابق نائب ناظم ملک افتخار حسین نے اپنے مشترکہ بیان میں مطالبہ کیا ہے کہ ارباب واختیار فوری نوٹس لیتے ہوئے سڑک کی از سر نو تعمیر کی جائے تا کہ عوام کی مشکلات کا ازالہ ہو سکے

چوہدری محمد عظیم چوہدری جاوید کوثر تحریک انصاف کے مضبوط امیدوار ہیں،مرزا محمد سلیم 

گو جر خان ( نامہ نگار)تحریک انصاف کے سینئر رہنما مرزا محمد سلیم نے ہے کہا کہ حلقہ این اے 51سے الحاج چوہدری محمد عظیم اور پی پی تھری سے چوہدری جاوید کوثر تحریک انصاف کے مضبوط امیدوار ہیں جن کی عوامی خدمات مقبولیت اور شرافت دیانتداری کسی سے ڈھکی چھپی نہیں اور یہ دونوں شخصیات کسی تعارف کی محتاج نہیں اورمخالفین بھی میدان سیاست میں ان سے مقابلہ کرنے سے گھبراتے ہیں بلاشبہ یہ دونوں تحریک انصاف کے مضبوط امیدوار ہیں انہوں نے کہا کہ وی کیا امیدوار ہے جو پا کستان میں رہتا ہی نہیں ہے چوہدری محمد عظیم نے بطور تحصیل ناظم تحصیل بھر میں عوام کی بلاتفریق خدمت کی اور عوام کے مسائل کو حل کیا اور گوجرخان کی محرومیوں کا صحیح معنوں میں خاتمہ کیا اور اسی طرح چوہدری جاوید کوثر ایڈووکیٹ عرصہ دراز سے سیاست کے میدان میں موجود ہیں اور بھرپور عوامی رابطہ مہم جاری رکھے ہوئے ہیں اور لوگوں کے دکھ درد میں برابر کے شریک ہو رہے ہیں اور تحریک انصاف کے سابق امیدوار صوبائی اسمبلی بھی ہیں مرزا محمد سلیم نے مزید کہا کہ اعلیٰ قیادت آمدہ انتخابات میں تحریک انصاف گوجرخان کے ان دونوں مضبوط امیدواروں کی خدمات اور مقبولیت کو مدنظر رکھے

اظہار تشکر


گو جر خان ( نامہ نگار)عشرہ محرم کے دو ران بہترین تعاون کر کے اسے پر امن بنا نے پر مقامی افسران اور شہریوں کی کو ششیں شامل ہیں جنکے تعاون کے باعث گو جر خان میں عا شو رہ محرم میں مکمل امن رہا جس پر ہم انکا شکریہ ادا کر تے ہیں ان خیا لات کا اظہارانجمن امامیہ اثناء عشریہ گوجرخان کے صدر زوار شام سید اسجد علی کاظمی اور دیگر عہدیداران نے کیا۔ انہوں نے کہا کہ عشرہ محرم الحرام کے دوران اسسٹنٹ کمشنر گوجرخان مہرین فہیم عباسی ، چیئرمین بلدیہ گوجرخان الحاج محمد شاہد صراف، مسلم لیگی را ہنما راجہ طاہر اکبر کیانی، ایس ایچ او تھانہ گوجرخان انسپکٹر اشتیاق مسعود چیمہ وعملہ، ٹی ایم او شیراز اسلم چیف آفیسر چاند مبین چیئرمین امن کمیٹی حاجی چوہدری محمد اقبال سینئر نائب صدر غلام قمر الحاج شہادت حسین بٹ راجہ عبدالغفور کیانی ،محمد شاہد قریشی،مصالحتی کمیٹی کے چئیرمین حاجی ملک محبوب حسین، امن کمیٹی کے دیگر اراکین الحاج محمد اعجاز صوفی زوار سید کاظم علی نقوی راجہ سجاد سلیم حیدر زوارسید مقدر حسین کاظمی خواجہ عبدالقیوم کونسلر خواجہ مظہر اقبال راجہ سہیل عباس کیانی اور ایم ایس ڈاکٹر راجہ محمد پرویز کے بھرپور تعاون پر تہہ دل سے شکریہ ادا کی کرتے ہیں۔

راجہ زیشان اکبر شانی کی چچی محترمہ رضائے الہیٰ سے انتقال کر گی


جاتلی(نامہ نگار ) وائس چیئرمین یونین کونسل جاتلی و رہنما پی پی پی راجہ زیشان اکبر شانی کی چچی محترمہ رضائے الہیٰ سے انتقال کر گئیں مرحومہ کو آبائی قبرستان بھیر کلیال میں سپرد خاک کر دیا گیا نماز جنازہ میں سرپرست اعلی پی پی پی تحصیل گوجرخان راجہ جاوید اشرف،چیئرمین یونین کونسل جاتلی چوہدری ابرار رشید ،راجہ نعیم (جاتلی) حاجی رفیق،بابو طاہر موہڑہ فاطمہ،راجہ خرم عزیز (رتیال) راجہ طالب (رتیال) ماسٹر شہباز (حصال ) سمیت بحریہ ٹاؤن فاونڈر گروپ کے چیئرمین و دیگر عہدیدارن ،نے شرکت کی

سابق وزیراعظم پاکستان راجہ پرویز اشرف سرخرو ہونگئے، حاجی راشد زمان


سید اڈا (نامہ نگار)سابق وزیراعظم پاکستان راجہ پرویز اشرف سرخرو ہوگئے ، عوامی لیڈر نے اگر عوامی کام کیے تو اس کے خلاف انکوائیریاں قائم ہوئیں ، چار سال کی انکوائری کے باوجود کچھ ہاتھ نہ آیا آخر کار نیب نے انکوائری بند کردی ، اس وقت چوہدری افتخار نے سیاسی مقدمات بنائے جوکہ کوئی ثبوت نہ ملا ان خیالات کا اظہار رہنما پی پی پی ملک عابد حسین ، حاجی راشد زمان اور چوہدری مناظر نواز نے ایک مشترکہ بیان میں کیا انہوں نے کہا کہ راجہ پرویز اشرف عوامی لیڈر ہیں اگر عوامی کام ، گیس ، بجلی اور بے روزگار نوجوانوں کو روزگار مہیا کرنا جرم ہے اسی وجہ سے ان کے خلاف سیاسی مقدمات قائم ہوئے جوکہ اس وقت افتخارچوہدری نے قائم کیے اور چار سال یہ انکوائری کرنے کے باوجود جب کچھ نہ ملاتو آخر کار نیب نے یہ بند کردیے اور ہم سابق وزیراعظم پاکستان راجہ پرویز اشرف کو خراج تحسین پیش کرتے ہیں جنہوں نے عدلیہ کا احترام کرتے ہوئے مقدمات کا سامنا کیا اور آج سرخرو ہوگئے جوکہ عوام کی فتح ہے عوامی لیڈر مقدمات سے عوام کے دلوں سے نہیں نکالے جاسکتے ہیں

بغیر ہیلمنٹ ،نمبر پلیٹ موٹرسائیکل اور گاڑیوں کیخلاف سخت ایکشن

راولپنڈی(نمائندہ راول نیوز) ایڈیشنل انسپکٹرجنرل آف پولیس پنجاب ہائی وے پٹرول جاوید سلیمی کی نے ایس ایس پی پنجاب ہائی وے پٹرول راولپنڈی ریجن محمد یوسف ملک کو ریجن بھر میں بغیر ہیلمنٹ ،نمبر پلیٹ موٹرسائیکل اور گاڑیوں کیخلاف سخت ایکشن کی ہدایت جاری کر دی ہے جبکہ بغیر کاغذات ہائی وے پر سفر کرنیوالے افراد کیلئے بھی کارروائی کا عندیہ دیدیاہے جس پر ایس ایس پی پنجاب ہائی وے پٹرولنگ محمد یوسف ملک نے ریجن بھر کے ملازمین سمیت افسران کو قوانین کی خلاف ورزی کرنے کی صورت میں سخت ترین کارروائی کی ہدایت کی ہے جبکہ اس ضمن میں پنجاب ہائی وے پٹرول کی موبائل ایجوکیشن یونٹ کو بھی ٹریفک قوانین پر عملدرآمد کروانے کے حوالے سے آگاہی مہم کو تیز کرنے کے احکامات صادر کیے گئے ہیں تاکہ شہری زیادہ سے زیادہ ٹریفک قوانین پر عملدرآمد کرے اور حادثات اور ٹریفک قوانین کی خلاف ورزیوں میں کمی واقع ہوسکے۔ ہائی وے پٹرولنگ پولیس نے گزشتہ چند ماہ کارروائی عمل میں لاتے ہوئے پر بغیر نمبرپلیٹ اور کاغذات نہ رکھنے والے ڈرائیوں کیخلا ف کارروائی عمل میں لاتے ہوئے 5ہزار 5سو 32گاڑیوں اور موٹرسائیکلوں کو مختلف تھانوں میں بند کر دیا ہے ۔ تفصیلات کے مطابق ایڈیشنل انسپکٹر جنرل آف پولیس پنجاب ہائی وے پٹرول جاوید سلیمی کی خصوصی ہدایت پر ایس ایس پی پنجا ب ہائی وے پٹرول نے ریجن بھر میں بغیر نمبر پلیٹ موٹرسائیکل اور کاغذات نہ رکھنے والے افراد کیخلاف کارروائی کا آغاز کر دیا ہے۔ اس ضمن میں ترجمان پنجاب ہائی وے پٹرولنگ پولیس کا کہنا تھا کہ ریجن بھر میں پکٹس میں اضافہ کر دیا گیا ہے جہاں چیکنگ کے عملے کو سخت چیکنگ کی ہدایات جاری کی گئی ہے جبکہ خلاف ورزی کرنیوالوں کیخلاف ہر صورت اور بلا امتیاز کارروائی عمل میں لائی جائیگی جبکہ دوسری جانب پنجاب ہائی وے پٹرول کی موبائل ایجوکیشن یونٹ کو بھی شہریوں کو ٹریفک قوانین بارے آگاہی مہم مزید تیز کرنے کی ہدایات جاری کی گئیں ہے تاکہ زیادہ سے زیادہ شہری پنجاب ہائی وے پٹرولنگ کی موبائل ایجوکیشن یونٹ کے ذریعے ٹریفک قوانین پر عمل پیرا ہو کر اچھے شہری ہونے کا ثبوت دے سکیں

چوھدری محمد خورشید کی امریکہ کی سابق سفیر اور سابق وفاقی وزیر بیگم سیدہ عابدہ حسین سے ملاقات ۔۔۔۔سیاسی صورت حال پر تبادلہ خیال

چوھدری محمد خورشید کی امریکہ کی سابق سفیر اور سابق وفاقی وزیر بیگم سیدہ عابدہ حسین سے ملاقات ۔۔۔۔سیاسی صورت حال پر تبادلہ خیال

پوسٹ آفس کا کیش والی گاڑیوں کے ساتھ معاہدہ ختم پنشنر رل گئے


سید اڈا (نامہ نگار) پوسٹ آفس کا کیش والی گاڑیوں کے ساتھ معاہدہ ختم پنشنر رل گئے ، دوسرے پوسٹ آفس کی طرح سید کسراں میں جہاں کثیر تعداد میں پنشنر پنشن لیتے ہیں تاحال پنشن سے مرحوم، کیش متعلقہ پوسٹ آفس میں نہ جاسکی جس کی وجہ سے بزرگ پنشنرز میں شدید غم و غصے کی لہر ، پوسٹ ماسٹر جنرل سے فوری نوٹس لیکر اصلاح احوال کا مطالبہ تفصیلات کے مطابق تحصیل گو جرخان کے پوسٹ آفس کا کیش دینے والی گاڑی سے معاہدہ ختم ہوگیا جس کیو جہ سے کیش سید کسراں نہ پہنچ سکی اور یہاں پر سینکڑوں بزرگ پنشنر تاحال پنشن سے مرحوم ہیں اور دیہاتی علاقہ ہونے کی وجہ سے اکثر پنشنرز کے گھر کا چولہا ماہانہ پنشن پر ہوتا ہے جن کو شدید مشکلات کا سامنا ہے جس کی وجہ سے شدید غم و غصے کی لہر پائی جاتی ہے اور پنشنرز نے پوسٹ جنرل پاکستان سے فوری نوٹس لیکر اصلا ح احوال کی اپیل کی ہے

استاد نے ہمیشہ معا شرے کی اصلاح کا بیڑہ اٹھا یا


گو جر خان ( نامہ نگار) استاد نے ہمیشہ معا شرے کی اصلاح کا بیڑہ اٹھا یا اور معاشروں میں مثبت تبدیلیوں کا سب سے پہلے کریڈٹ استاد کو ہی دیا جا تا ہے ان خیا لات کا اظہار ایک خصوصی نشست سے خطاب کرتے ہو ئے مقررین نے کیا جو ؛ٹیچرز ڈے؛کے سلسلے میں منعقدہو ئی اس مو قعہ پر وقار احمد قاضی، را جہ محمد حاشر،حکیم عبد الرؤف کیانی ،جہا نگیر بھٹی، ماسٹر ساجد حسین،جہا نگیر افضل اور دیگر نے اظہار خیال کیا۔ انہوں نے کہا کہ بد قسمتی سے وطن عزیز میں ٹیچر کو وہ مقام نہیں دیا گیا جسکے وہ مستحق تھے ۔ پاکستان میں حکو متوں کی طرف سے نت نئے تجربات کے با وجود ٹیچرز نے اپنی بساط سے بڑھ کر قوم کی تعمیر کی۔ حکو متوں نے ٹیچرز کو فا لتو شہ سمجھ کر تختہ مشق بنا یا اور ہر فا لتو کام استاد سے لیا اور پھر اس سے تعلیمی نتا ئج بھی لیے لیکن الحمد للہ پا کستان کی تعمیر و ترقی میں آج بھی سب سے بڑا حصہ استاد کا ہے جسے اسلام نے بہت بلند مقام عطا کیا اور انہیں والدین جیسا مر تبہ دیا ۔ترقی یا فتہ اقوام نے اسکی تقلید میں استاد کو دنیا جہاں کی مراعات اوکے شایان شان مقام دیکر کامیابی کی وہ منازل طہ کیں جسکا تصور ہی کیا جا سکتا ہے ۔ انہوں نے حکو متوں پر زور دیا کہ کہ تعلیم کو اسکا مقام دیں تبھی استاد کو بھی وہ مرتبہ اور مقام مل سکے گا جسکا ایک استاد مستحق ہے

کریانہ کی دوکان سے پیسے چرانے والے اپنا موٹرسائیکل چھوڑ کر فرار ہوگے


جاتلی(نامہ نگار)تھانہ جاتلی کے علاقہ دوکھوہا میں کریانہ کی دوکان سے پیسے چرانے والے اپنا موٹرسائیکل چھوڑ کر فرار ہوگے حفیظ صادق ولد صادق حسین ساکن دوکھوہا نے پولیس تھانہ جاتلی کو بتایا کہ گاؤں میں میری دوکان ہے حب دار، ثقلین ،مشرف نے میری دوکان کا کنڈا توڑ کر دوکان سے نقدی3000 چوری کئے ان تینوں کو چوری کرتے ہوئے ضیاء الرحمان اور لال حسین نے موقع پر پکڑنے کی کوشش کی اور شور مچانے پر وہ اپنا موٹر سائکل بھی چھوڑ کر فرار ہوگے پولیس تھانہ جاتلی نے مقدمہ درج کرکے مزید تفتش شروع کردی ہے

راجہ پرویز اشرف کا دور تحصیل گوجرخان کے عوام کے لئے سنہری دور تھا،قادر نواز قادری 


ساہنگ(نامہ نگار)راجہ پرویز اشرف کا دور تحصیل گوجرخان کے عوام کے لئے سنہری دور تھا ،دیرینہ مطالبات اور مسائل حل کر کے عوامی امنگوں کی ترجمانی کی ، میگا پروجیکٹ کی تکمیل سے تحصیل گوجرخان کی محرومیوں کا ازالہ ہوا ، آمدہ قومی الیکشن میں عوام حمایت سے مرکز میں پی پی پی حکومت بنائے گی ، راجہ پرویز اشرف کی جیت یقینی ہے ان خیالات کا اظہار پی پی پی تحصیل گوجرخان کے ڈپٹی جنرل سیکرٹری قادر نواز قادری نے دولتالہ میں صحافیوں سے بات چیت کے دوران کیا ،انہوں نے کہا کہ تحصیل گوجرخان کو کوئی پرسان حال نہیں گذشتہ پانچ سالوں سے عوام مسائل کا شکار ہیں کوئی ترقیاتی کام نہیں ہو رہے ہیں ،مندرہ چکوال اور سوہاوہ چکوال روڈ ، گیس پروجیکٹ ، پاسپورٹ آفس ، نادرہ آفس، انڈر پاس ،بجلی کی اپگریڈیشن اور تقریبا6000ہزار نوجوانوں کو نوکریاں دینا ان کا عوامی خدمت کا منہ بولتا ثبوت ہے ، انہوں نے کہا کہ آمدہ قومی الیکشن میں پی پی پی تمام صوبوں سے بھر پور کامیابی حاصل کرے گی اور گوجرخان سے عوامی امیدوار راجہ پرویز اشرف عوامی حمایت اور اللہ کی مدد سے شاندار کامیابی حاصل کریں گے اور ایک دفعہ پھر عوام کی خدمت کریں گے انہوں نے ایک سوال کے جواب میں کہا کہ PP4میں کسی قسم کا کوئی ترقیاتی کام نہیں ہوا ہے موجودہ نمائندوں نے عوام کو مایوس کیا ۔

محر الحرام کے دنوں میں شہر میں صحت و صفائی کی صورتحال انتہائی نا گفتہ بہ رہی


گو جر خان(نامہ نگار) محر الحرام کے دنوں میں شہر میں صحت و صفائی کی صورتحال انتہائی نا گفتہ بہ رہی ۔ انتظامیہ نے محض مجلس و جلو سوں والے راستوں کی صفائی کے علاوہ شہر کو بالکل بے یار و مدد گار چھوڑ دیا گیا ۔ شہر کے تمام محلے کئی کئی دنوں سے گند سے اٹے ہو ئے پڑے ہیں وارڈ نمبر8، محلہ شاہ زمان، تکیہ با با رحیم شاہ، شاہین آ باد، جھنڈا اور وارڈ نمبر 3کے لو گوں نے بتا یا کہ ہمارے علاقوں می ایک ایک ہفتہ سے صفائی نہیں کی گئی ۔ ہمیں بتا یا گیا کہ تمام عملہ محرم الحرام کے سلسلے میں مصروف ہے۔ انہوں نے اسکی شدید مذمت کی اور چئیرمین بلدیہ گو جر خان سے مطالبہ کیا کہ وہ اس سلسلے میں اپمی ذمہ داریاں پو ری کریں اور شہر میں صفائی کے سلسلے میں متعلقہ عملہ سے باز پرس کریں۔

مندرہ چکوال روڈ پر کار اور موٹر سائیکل میں تصادم، دو افراد شدید زخمی


سکھو (نمائندہ خصوصی) مندرہ چکوال روڈ پر کار اور موٹر سائیکل میں تصادم، دو افراد شدید زخمی، زخمیوں کو راولپنڈی ہسپتال منتقل کر دیا گیا، تفصیلات کے مطابق مندرہ چکوال روڈ ہرنال سٹاپ پر مندرہ کی طرف سے آنے والے کار نمبر ڈی جی 822 یوٹرن پر اچانک موٹر سائیکل سامنے آجانے سے موٹر سائیکل سے جا ٹکرائی، جس کے نتیجے میں موٹر سائیکل سوار زین اور ارسلان جن کا تعلق نوڈھیل گاوں سے تھا شدید زخمی ہوگئے، زخمیوں کو فوری طبی امداد کے لیے راولپنڈی ہولی فیملی ہسپتال منتقل کر دیا گیا، کار سوار کا تعلق چکوال سے تھا اور مندرہ کی طرف سے آ رہا تھا

کالعدم تنظیمات سے رابطے کے ضمن میں جاری کی گئی اراکین اسمبلی کی فہرست جعلی ہے،راجہ جاوید اخلاص


گوجر خان(نامہ نگار) کالعدم تنظیمات سے رابطے کے ضمن میں جاری کی گئی اراکین اسمبلی کی فہرست جعلی ہے سپیکر اسمبلی اور وزارت داخلہ نے اس کا سختی سے نوٹس لیا ہے ذمّہ داروں کا تعیّن کرنے کے بعد ان کے خلاف مقدّمہ درج کیا جائے گا ن لیگ کے رکن قومی اسمبلی راجہ جاوید اخلاص کی گفتگو تفصیلات کے مطابق گزشتہ روز سوشل میڈیا پر اراکین اسمبلی و سینیٹرز کی ایسی فہرست جاری کی گئی جس میں ڈائریکٹر جنرل انٹیلی جنس بیوریو آفتاب سلطان کی جانب سے ایک کورنگ لیٹر بھی دکھایا گیا ہے اس فہرست میں ایسے 35اراکین اسمبلی اور 2سینٹرز کے نام شامل ہیں جن کے تعلقات کالعدم مذہبی شدت پسند جماعتوں سے بتائے گئے ہیں اس فہرست میں گوجر خان سے ن لیگ کے رکن قومی اسمبلی راجہ جاوید اخلاص کا نام بھی سر فہرست ہے اس ضمن میں دنیا نیوز سے خصوصی گفتگو کرتے ہوئے راجہ جاوید اخلاص نے کہا کہ یہ فہرست بالکل جعلی ہے اور اس کا مقصد ماسوائے معزز اراکین اسمبلی کو بدنام کرنے کے کچھ بھی نہیں ہے انھوں نے بتایا کہ سپیکر قومی اسمبلی اور وزارت داخلہ نے اس معاملے کا سخت نوٹس لیا ہے اور یہ فہرست جاری کرنے والے ذمّہ داروں کا تعیّن کرنے کے بعد ان کے خلاف مقدمہ درج کیا جائے گا راجہ جاوید اخلاص نے کہا کہ وہ تو ایک سیدھے سادے مسلمان اور محب وطن پاکستانی ہیں اور ملک کو غیر مستحکم کرنے والی شدّت پسند تنظیموں کے ساتھ رابطے کا سوچ بھی نہیں سکتے

مقامی عدالت نے گو جر خان کے مشہور پراپرٹی ڈیلر ملک رفیق کے قتل کا فیصلہ سنا دیا 


گو جر خان(نامہ نگار)مقامی عدالت نے گو جر خان کے مشہور پراپرٹی ڈیلر ملک رفیق کے قتل کا فیصلہ سنا دیا ۔قاتل کو سزائے موت اور جر مانہ اور شریک ملزمہ مقتول کی بیوی کو 7سال قید اور دو لا کھ رو پے جر مانہ کی سزا کا حکم دیا گیا۔ تھانہ گو جر خان میں درج ایف آئی آر کے مطابق پراپرٹی ڈیلر کو ملزم محمد اویس سکنہ مندرہ نے مقتول کی بیوی شازیہ کے ساتھ مل کر اسکے شو ہر محمد رفیق کو گھر میں قتل کر دیا اور نعش ایک بو ری میں بند کر کے مو ٹر سائیکل پر لوڈ کر کے دور دراز ایک ویرانے میں جا کر مٹی میں دبا دی۔ جو ایک ماہ سے زائد عرصہ کے بعد اس وقت برامد ہو ئی جب مقتول کی ہڈیاں ہی باقی رہ گئی تھیں۔ پو لیس نے دو نوں ملزمان کو گرفتار کر کے چا لان ایڈیشنل سیشن جج محمد اسلم گو ندل کی عدا لت میں پیش کیا۔ مقدمہ کے مدعی شہزاد ولد محمد رفیق نے حامد رضا چو ہدری ایڈو کیٹ کے ذریعے عدالت میں اپنے کیس کی پیروی کی۔ عدالت نے گواہوں کے بیا نات اور وکلا کے دلائل کی رو شنی میں فیصلہ سناتے ہو ئے اویس کو سزائے موت اور ایک لا کھ رو پے جر مانہ اور شریک ملزمہ شازیہ کو 7سال قید اور دو لا کھ رو پنے جر مانہ کی سزا کا حکم سنا یا۔

error: