گرما گرم خبریں

عمران خان ایماندار اور ملک کو بحرانوں سے نکالنے کی صلاحیت رکھنے والے لیڈر ہیں ،راجہ طارق کیانی
مقبوضہ کشمیر میں جاری تحریک آزادی میں ہزاروں کشمیریوں کا لہو شامل ہے ،حاجی راجہ محمد جواد
گوجرخان شہر میں کیمیکل ملا ملا وٹ شدہ دودھ فروخت جاری
قوم نے میاں نواز شریف کی پالیسیوں کی حمایت کی ہے،راجہ شوکت عزیز بھٹی
لیبیا میں کشتی حادثہ میں جاں بحق ہونے والے غلام فرید وارثی کی رہائش گاہ پر ڈپٹی کمشنر،سی پی او رجاوید اخلاص کی آمد
گوجرخان ریلوے روڈ پر تجاوزات کے باعث ٹریفک جام معمول بن گیا
عالمی امن داؤ پر لگتا جا رہا ہے ،دنیا پاک بھارت جنگ کی متحمل نہیں ہو سکتی ،شیخ محمد ساجد

Category: گردونواح کی نیوز

دولتالہ،حادثے کا شکار ہونیوالا نوجوان جان کی بازی ہار گیا


دولتالہ(نامہ نگار)حادثے کا شکار ہونیوالا نوجوان جان کی بازی ہار گیا ،آبائی گاؤں میں سپرد خاک،واقعات کے مطابق نواحی گاؤں تراٹی کا رہائشی چوہدری شیراز جو چند روز قبل راولپنڈی میں موٹر سائیکل میں پیٹرول ڈلواتے ہوئے ہونے والی آتشزگی کے باعث جھلس کر ہسپتال میں زیر علاج تھا گزشتہ روز زخموں کی تاب نہ لاتے ہوئے جان کی بازی ہار گیا ،مرحوم کو سینکروں سوگواروں کی موجودگی میں آبائی گاؤں موضع تراٹی میں سپرد خاک کردیا گیا

یونین کونسل دولتالہ ٹو میں سیاسی ٹمپریچر عروج پر پہنچ گیا


دولتالہ(نامہ نگار) یونین کونسل دولتالہ ٹو میں سیاسی ٹمپریچر عروج پر پہنچ گیا،کونسلرز کی چیئرمین کیخلاف مشترکہ حکمت عملی طے پا گئی ،تحریک عدم اعتماد کے ذریعے چیئرمین کو گھر بھیجنے کی تیاریاں،تفصیلات کے مطابق یونین کونسل دولتالہ ٹو کے تمام جنرل کونسلرز،لیڈی کونسلرز،یوتھ کونسلر اور کسان کونسلر نے جنرل کونسلر راجہ رفاقت حسین کی قیادت میں چیئرمین کیخلاف عدم اعتماد کا اظہار کردیا ، تحریک عدم اعتماد کیلئے تیاریاں عروج پر پہنچ گئی جبکہ کونسلرز کو منانے کیلئے وائس چیئرمین بھی متحرک ، ایک ہفتے کی مہلت طلب ،کونسلرز کے تحفظات دور کرنے کی یقین دہانی ،اس حوالے سے یونین کونسل دولتالہ ٹو کے جنرل کونسلر راجہ رفاقت حسین کا کہنا ہے کہ اب تک ہونے والے ترقیاتی کام صرف آدڑہ عثمانزادہ اور چک بہادر میں ہی ہوئے جبکہ یونین کونسل کے دیگر موضعات کو محروم رکھا جا رہا ہے ،چیئرمین یونین کونسل نہ تو اجلاس میں شرکت کرتے ہیں اور نہ ہی مسائل پر توجہ دیتے ہیں جس کی وجہ سے اس یونین کونسل کے علاقے مسائل کی آماجگاہ بن چکے ہیں اور لوگ مایوسی کا شکار ہو رہے ہیں،ان کے ہمراہ یونین کونسل کے دیگر منتخب کونسلرز چوہدری لیاقت علی،راجہ رفاقت حسین،عبدالحق،راجہ جاوید،چوہدری نعیم،راجہ حسن اختر،حاجی شیرخان،سید عامر حسین شاہ،ریشم جان،امرین انجم بھی موجود تھے ،تمام منتخب کونسلرز کا کہنا تھا کہ اگر تحفظات دور نہیں کئے گئے تو تحریک عدم اعتماد کو کامیاب ہونے سے کوئی نہیں روک سکتا ،انہوں نے مسلم لیگی قیادت سے بھی مطالبہ کیا ہے معاملے کا سنجیدگی سے نوٹس لیکر اصلاح احوال کیا جائے

یونین کونسل منگھوٹ کی وارڈ رنجالی بنیادی سہولیات سے محروم


سکھو (نمائندہ خصوصی) یونین کونسل منگھوٹ کی وارڈ رنجالی بنیادی سہولیات سے محروم، عوامی نمائندے موضع رنجالی سے کیے گئے وعدے پورے کریں، ان خیالات کا اظہار جنرل کونسلر یوسی منگھوٹ راجہ منظور نے اپنے ایک بیان میں کیا، انہوں نے کہا کہ رنجالی کی عوام آلودہ پانی پینے پر مجبور ہوچکی ہے جس میں ارسینک کی وافرمقدار موجود ہے جو کہ ایچ سی وی اور دیگر بیماریوں کا باعث بن رہا ہے، جنرل کونسلر راجہ منظور نے کہا کہ اہلیان رنجالی سے گیس فراہمی کے وعدے کیے گئے تھے جوکہ تاحال پورے نہ کیے جاسکے، انہوں نے کہا رنجالی وارڈ کے مسائل حل کرنا منتخب عوامی نمائندوں کی زمہ داری ہے، گیس اہلیان رنجالی کا بنیادی حق ہے جس کا وعدہ ایم این اے و پارلیمانی سیکرٹری راجہ جاوید اخلاص نے کیا تھا لیکن یہ وعدہ بھی تاحال سیاسی وعدوں کی طرح ابھی تک وفا نہ ہوسکا، راجہ منظور نے کہا کہ پاکستان مسلم لیگ کو یوسی منگھوٹ میں سب سے زیادہ مینڈیٹ رنجالی وارڈ سے ملا جو کہ سو فیصد تھا اور پی پی فور میں مسلم لیگ کو ریکارڈ کامیابی رنجالی وارڈ سے دی گئی جس کا سہرا میرے سر جاتا ہے، لیکن اس کے باوجود ایلیان رنجالی کے ساتھ گزشتہ پانچ سال سے سوتیلی ماں جیسا سلوک جاری ہے،موضع رنجالی کو سہولیات فراہم کرنا اراکین اسمبلی اور منتخب عوامی نمائندوں کی زمہ داری ہے، اہلیان رنجالی بھی ملکی وسائل پر اسی طرح حق رکھتے ہیں جس طرح دیگر وارڈ کے عوام رکھتے ہیں، راجہ منظور نے کہا کہ ہم اراکین اسمبلی و منتخب مقامی قیادت سے پرزور مطالبہ کرتے ہیں کہ موضع رنجالی کو گیس کی فراہمی ممکن بنائی جائے اور پانی کا مسلہ حل کیا جائے تاکہ عوام آلودہ پانی کے مضر نقصانات سے محفوظ رہ سکیں۔

یونین کونسل سکھو میں پی ٹی آئی کی بڑھتی ہوئی مقبولیت سے ن لیگ کا مورال گرنے لگا


سکھو (نمائندہ خصوصی) یونین کونسل سکھو میں پی ٹی آئی کی بڑھتی ہوئی مقبولیت سے ن لیگ کا مورال گرنے لگا،موہڑہ چوہدریاں کے کنونشن نے پی ٹی آئی کی مقبولیت واضح کر دی، عوامی حلقوں کی نظریں موہری وارڈ کے کنونشن پر مرکوز، تفصیلات کے مطابق یونین کونسل سکھو میں پی ٹی آئی کی بڑھتی ہوئے مقبولیت نے ن لیگ کی ناو کو ہچکولے کھانے پر مجبور کر دیا، گزشتہ دنوں یونین کونسل سکھو کے گاوں موہڑہ چوہدریاں میں ہونے والے ورکرکنونشن نے علاقہ میں حکمران پارٹی کے لیے خطرے کی گھنٹی بجا دی ہے، علاقہ میں کامیاب کنونشن نے اہلیان علاقہ کی بھرپور توجہ حاصل کرلی ہے، عوامی حلقے آئندہ اتوار کو موہری وارڈ کیکنونشن پر نظریں مرکوز کیے ہیں، موہری وارڈ میں ہونے والا ورکرکنونشن یوسی سکھو کی سیاست میں اہم کردار ادا کرئے گا، موہری ہمیشہ سے ن لیگ کا گڑھ رہا ہے،لیکن عوامی حلقوں کے مطابق اتوار کو منعقد ہونے والا کنونشن فیصلہ کْن ہوگا۔

پی ٹی آئی گوجرخان سے بھرپور کامیابی حاصل کرئے گی،چوہدری عظیم، چوہدری ساجد محمود 


دولتالہ(نامہ نگار)پاکستان تحریک انصاف عوام کی طاقت کے بل بوتے پر کامیابی سمیٹے گی، بڑھتی ہوئی مقبولیت نے مخالفین کی نیندیں حرام کر دی ہیں، ان خیالات کا اظہار پی ٹی آئی تحصیل گوجرخان کے صدر چوہدری عظیم اور امیدوار برائے صوبائی اسمبلی حلقہ پی پی فور چوہدری ساجد محمود نے گزشتہ روز ایڈوکیٹ محمدارسلان قریشی کی رہاشگاہ پر منعقدہ ورکر کنونشن میں خطاب کرتے ہوئے کیا، انہوں نے کہا کہ سپریم کورٹ کے فیصلے کے بعد مخالفین اور الزامات لگانے والے اپنا منہ چھپاتے پھر رہے ہیں، عوام کی طاقت اور ووٹ سے انشاء اللہ پی ٹی آئی گوجرخان سے بھرپور کامیابی حاصل کرئے گی، ایڈوکیٹ محمدارسلان قریشی کی رہائشگاہ پر منعقدہ ورکر کنونشن جو کہ اہلیان علاقہ کی بھرپور شرکت سے بہت بڑے جلسہ کی شکل اختیار کرگیا، کنونشن میں انصاف یوتھ ونگ سکھو اور موہری وارڈ کے نئے عہدیداران میں نوٹیفکیشن تقسیم کیے گے، اس موقع پر موہڑہ چوہدریاں، موہری، موہڑہ مانجیاں اور موہڑہ سرانداز کے مضبوط ترین دھڑوں نے پاکستان تحریک انصاف میں شمولیت کا اعلان کیا اور پی ٹی آئی قیادت کا بھرپور ساتھ دینے کا عزم کیا، ورکرکنونشن میں ایڈوکیٹ محمدارسلان قریشی، ایڈوکیٹ گْل اخلاق، راجہ منان منہاس، انور سیٹھی،شاہد لطیف ہاشمی اور دیگر مقررین نے خطاب کیا اور محمد ارسلان قریشی کو کامیاب کنونشن کے انعقاد پر خراج تحسین پیش کیا۔

یو سی راماں پیپلز پارٹی کا گڑھ ثابت ہو گا، راجہ غفور 


دولتالہ(نمائندہ خصوصی) یو سی راماں پیپلز پارٹی کا گڑھ ثابت ہو گا ،سیاست چمک نہیں خدمت مانگتی ہے ، عوام جان چکے پارٹی سے کون مخلص ہیں ان خیالات کا اظہار رہنما پی پی پی یو سی راماں راجہ غفور نے اپنے اخباری بیان میں کیا انہوں نے کہا کہ کسی بھی پارٹی کا حقیقی کارکن ہی سرمایہ ہوتے ہیں ،چمک دمک اورفصلی بٹیروں کی پارٹی میں کوئی قدر نہیں ہوتی آمدہ قومی الیکشن میں یو سی راماں سے پیپلز پارٹی کے امیدوار بھاری اکثریت سے کامیاب ہوں گے انہوں نے کہا کہ مندرہ چکوال روڈ غربی گوجرخان کے لئے عظیم کارنامہ ہے

ندیم الرحمان شہید پریس کلب سکھو نے ہمیشہ حق کے لیے آواز بلند کی،راجہ نقیب


سکھو (نمائندہ خصوصی) ندیم الرحمان شہید پریس کلب سکھو نے ہمیشہ حق کے لیے آواز بلند کی، پڑھے لکھے باصلاحیت عہدیداران کے بلامقابلہ منتخب ہونے پر مبارکباد پیش کرتے ہیں، ان خیالات کا اظہار جنرل کونسلر یونین کونسل سکھو راجہ نقیب نے اپنے ایک بیان میں کیا، انہوں نے کہا کہ پریس کلب سکھو کے باصلاحیت صحافیوں بالخصوص راجہ پرویز اختر اور محمدفرقان قریشی نے ہمیشہ حق کے لیے آواز بلند کی اور علاقہ سکھو اور گردونواح کے مسائل کو پوری جانفشانی سے اعلیٰ سطح پر اجاگر کیا، راجہ نقیب نے کہا کہ پریس کلب سکھو نے بہت کم وقت میں صحافت کے میں اپنی گراں قدر خدمات کی بدولت ایک مقام بنایا ہے، سکھو اور نواحی علاقوں کے مسائل جو بہت عرصہ سے اجاگر نہ ہورہے تھے لیکن ندیم الرحمان شہید پریس کلب سکھو کے صحافیوں نے نہ صرف وہ مسائل اعلیٰ سطح پر اجاگر کیے بلکہ کسی حد تک ان مسائل کے حل میں اپنا کردار بھی ادا کیا، راجہ نقیب نے کہا کہ عہدیداران کا بلامقابلہ منتخب ہونا باہمی پیار و محبت کی ایک مثال ہے، انہوں نے نومنتخب عہدیداران راجہ پرویز اختر اور محمدفرقان قریشی کو مبارکباد دیتے ہوئے ان کی کارکردگی کو سراہا اور نیک خواہشات کا اظہار کیا۔

پیر سید جابر علی شاہ ہمدانی کی ممانی کی وفات پر گہرے دکھ اور غم کا اظہار


سکھو (نمائندہ خصوصی) پیر آف بھنگالی شریف الحاج پیر سید جابر علی شاہ ہمدانی کی ممانی کی وفات پر گہرے دکھ اور غم کا اظہار، پریس کلب سکھو پیر آف بھنگالی شریف کے غم میں برابر کا شریک ہے، ان خیالات کا اظہار جنرل سیکرٹری پریس کلب سکھو محمدفرقان قریشی نے اپنے ایک بیان میں کیا، انہوں نے کہا کہ الحاج پیرسید جابر علی شاہ ہمدانی اور پیرسید مخدوم عباس شاہ ہمدانی کے ماموں زاد بھائی سید انوار حسین شاہ ہمدانی اور سید محمودالحسن شاہ ہمدانی کی والدہ ماجدہ جو کہ گزشتہ روز انتقال فرما گئیں ان کی وفات پر پر پریس کلب سکھو ان کے غم میں برابر کا شریک ہے، اور الحاج پیر سید جابر علی شاہ ہمدانی اور سید مخدوم عباس شاہ سے دلی اظہار تعزیت کرتے ہیں

عقیدہ ختم نبوت ہمارے دین کی اساس اور ہر مسلمان کے ایمان کا حصہ ہے، حافظ نعمان بشیر سلطانی


سکھو (نمائندہ خصوصی) عقیدہ ختم نبوت ہمارے دین کی اساس اور ہر مسلمان کے ایمان کا حصہ ہے،ختم نبوت کے اقرار کے بغیر ہمارا ایمان ہی مکمل نہیں ہوتا، ان خیالات کا اظہار معروف نعت خواں حافظ نعمان بشیر سلطانی نے گزشتہ روز اپنے ایک بیان میں کیا، حافظ نعمان بشیر سلطانی نے کہا کہ ختم نبوت ہمارے دین کی اساس اور ایمان کا حصہ ہے، عقیدہ ختم نبوت کے بغیر ہمارے ایمان کی تکمیل ناممکن ہے، رسول اللہﷺ کے آخری نبی ہونے کی گواہی ہر نبی نے اپنے اپنے دور میں دی ہے، حافظ نعمان بشیر سلطانی نے کہا کہ جشن میلادالنبیﷺ کے جکوس کی تیاریاں مکمل کر لی گئی ہیں اور ہر سال کی طرح آج بھی انشاء للہ جشن میلادالنبیﷺکا جلوس مذہبی عقیدت و احترام کے ساتھ نکالا جائے گا

دولتالہ کی تعمیر و ترتی اور خوشحالی ہمارا مشن ہے :سید قلب عباس 

دولتالہ(نامہ نگار )دولتالہ کی تعمیر و ترقی کے لیے تمام تر وسائل بروئے کار لائے جارہے ہیں پارلیمانی سیکرٹری کیبنٹ ڈویژن راجہ محمد جاوید اخلاص اور راجہ شوکت عزیز بھٹی فراغ دلی کا مظاہرہ کرتے ہوئے یونین کونسل دولتالہ کی سڑکوں اور گلیوں کی تعمیر کے لیے کروڑوں روپے کے فنڈز جاری رکر رہے ہیں دولتالہ کی مرکزی شاہراہ کی تعمیر کے بعد بوائز کالج تا رہائش سید زاکر حسین شاہ سڑک کی تعمیر اور ناٹہ چوک تا ناٹہ موہڑہ باقی ماندہ سڑک کی تعمیر کا بھی آغا ز ہو جائے گا الیکشن میں عوام سے کیے گئے تمام وعدے پورے کریں گے حکومت ان شاء اللہ اپنی مدت پوری کر ئے گی تمام سازشیں ماضی میں بھی ناکام ہوئیں آئندہ بھی ناکام ہوں گے ن لیگ ملکی ترقی اور خوشحالی کی ضامن ہے ان خیالات کا اظہار چیئرمین یونین کونسل دولتالہ ون سید قلب عباس نے اپنے ایک بیان میں کیا انہوں نے کہا کہ دولتالہ کی مرکزی شاہراہ کھنڈر بن چکی تھین لیگی قیادت نے ترجیح بنیادوں پر فنڈز جاری کیے اور عوام کا دیرینہ مطالبہ پایہ تکمیل کو پہنچ رہا ہے 80فی صد کام مکمل ہو چکا ہے انہوں نے کہا کہ ناٹہ چوک تا ناٹہ موہڑہ اور گورنمنٹ بوائز ڈگری کالج سے سکھو روڈ کو ملانے والی روڈ کے لیے فنڈز جاری ہر چکے ہیں جلد کام کا آغاز ہوجائے انہوں نے کہا کہ حقیقی معنوں میں خدمت کی سیاست کا منشور ہماری سیاست کا محور و مرکز ہے

شہدا فری آئی کیمپ کے انعقاد پر راجہ پرویز اختر مبارکباد کے مستحق ہیں، ایڈوکیٹ محمد ارسلان قریشی

سکھو (نمائندہ خصوصی) ندیم الرحمان شہید پریس کلب سکھو نے فری آئی کیمپ کا انعقاد کرکے غریب عوام کے دل جیت لیے، کیمپ کے انعقاد پر پریس کلب سکھو کے ممبران اور بالخصوص راجہ پرویز اختر مبارکباد کے مستحق ہیں، ان خیالات کا اظہار پی ٹی آئی سکھو کے سینئیر نائب صدر ایڈوکیٹ محمد ارسلان قریشی نے پریس کلب سکھو کے فری آئی کیمپ کے دورہ کے موقع پر کیا، ایڈوکیٹ محمد ارسلان قریشی نے کہا کہ غریب اور نادار لوگوں کو علاج کی مفت سہولت فراہم کرکے پریس کلب سکھو نے علاقہ میں ایک تاریخ رقم کر دی ہے، انہوں نے کہا کہ شہدا فری آئی کیمپ کے انعقاد پر پریس کلب سکھو کے تمام ممبران اور بالخصوص صدر راجہ پرویز اختر مبارکباد کے مستحق ہیں، ہم ان کی اس عظیم کاوش پر ان کو خراج تحسین پیش کرتے ہیں

شریف برادران اور ان کے خاندان کی سیاست کا خاتمہ ہو گیا،چوہدری ساجد محمود 


دولتالہ(نامہ نگار)پاکستان تحریک انصاف کے رہنما و سابق امیدوار صوبائی اسمبلی پی پی4چوہدری ساجد محمود نے کہا ہے کہ شریف برادران اور ان کے خاندان کی سیاست کا خاتمہ ہو گیا نااہل لیگ نے ملک کو پسماندگی اور تباہی کے دہانے میں دھکیل دیا ہے قومی مجرموں کو سرکاری پروٹوکول میں عدالت لانا قانون اور انصاف کا مذاق اڑانے کے مترادف ہے موجودہ حکومت کی ناقص پالیسیوں کے باعث ملکی معیشت تباہی کے دہانے پر کھڑی ہے حکمرانوں کی ڈنگ ٹپاؤ منصوبہ بندی کی وجہ سے عوام کی مشکلات میں اضافہ ہوتا جا رہا ہے بجلی اور گیس کی بد ترین لو ڈشیڈنگ نے عوام کا جینا محال کر دیاہے ان خیالات کا اظہارانھوں نے ڈھوک غازی میں پی ٹی آئی یونین کونسل دیوی کے رہنما چوہدری محمد جہانگیر کے بیٹوں عادل جہانگیر اور عاطف جہانگیر کے دعوت ولیمہ کے موقع پر کے بعد میڈیا سے گفتگو کرتے ہوئے کیا ان کا کہنا تھا کہ غریب روٹی کے نوالے کو ترس رہے ہیں عوام محرومیوں اور مایوسیوں کے گھٹا ٹوپ اندھیرے اور وطن عزیز مسائل کے گرداب میں دھنستا جا رہا ہے مگر برسراقتدار طبقہ کو اس کی کوئی پرواہ نہیں اپنی تجوریاں بھرنے اور بیرون ملک جائیدادیں بنانے والوں کو اس ملک اور یہاں سے باسیوں سے کوئی سروکار نہیں انہوں نے کہا کہ تحریک انصاف کی حکومت ایسا نظام قائم کرے گی کہ محنت کرنے والے لوگوں کو بلاامتیاز ترقی کرنے کا موقع ملے تحریک قائد عمران خان کی قیادت میں تحریک انصاف انشاء اللہ بڑی قوت بن رہی ہے 6ماہ میں بجلی کی لوڈ شیڈنگ ختم کرنے کے دعویدار عوام کو جواب دیں پیٹرولیم مصنوعات کی قیمتوں میں حالیہ اضافہ انتہائی ظالمانہ اقدام ہے حکومت اپنی عیاشیوں کے لیے عوام کا خون نچوڑ رہی ہے انہوں نے کہا کہ انشاء اللہ 2018کے الیکشن میں تحریک انصاف بھاری اکثریت سے کامیابی حاصل کرئے گی عوام با شعور ہو چکے ہیں اس موقع پرچوہدری لیاقت ،راجہ سعید جنجوعہ،چیئرمین یوسی جھونگل ثقلین اعجاز،وائس چیئرمین چوہدری محمد اسحق،حاجی عبدالغنی،چوہدری عجب علی ،چوہدری محمد اسلم،چوہدری محبوب ،چوہدری جہانگیر،چوہدری وقار احمد بھی موجود تھے

رورل ہیلتھ سینٹر دولتالہ کے تمام ایشوز کو جلد حل کر لیا جائے گا 


دولتالہ (نامہ نگار)رورل ہیلتھ سینٹر دولتالہ کے تمام ایشوز کو جلد حل کر لیا جائے گا پیشہ وارانہ غفلت اور غیر زمہ داری کا مظاہرہ کرنے والے سٹاف کے خلاف کاروائی عمل میں لائی جائے گی ان خیالات کا اظہار سی ای او ہیلتھ راولپنڈی نے پریس کلب دولتالہ کے وفد سے گفتگو کرتے ہوئے کیا انہوں نے کہا کہ آر ایچ سی دولتالہ میں اہل علاقہ کو جلد بہتری نظر آئے گی انہوں نے وفد کو یقین دلایا کہ چند ماہ سے ہسپتال کے متعلقہ شکایات پر تحقیقات کا عمل جاری ہے جلد رپورٹ منظر عام پر لائی جائے گی اور غیر زمہ داری کے مرتکب افراد سے کوئی رعایت نہیں برتی جائے گی

کاہلی اعوان میں شادی کی تقریب میں فائرنگ عورت سمیت 9سالہ لڑکا زخمی 


دولتالہ(نامہ نگار) دولتالہ کے نواحی علاقہ کاہلی اعوان میں شادی کی تقریب میں دلہا اوراس کے دوستوں کی جانب سے اندھا دھند فائرنگ ایک عورت سمیت 9سالہ لڑکا زخمی ہو گئے پولیس نے ملزمان کے خلاف مقدمہ درج کر لیا محمد حسین ولد محمد بنارس ساکن کاہلی اعوان نے جاتلی پولیس کو رپورٹ درج کراتے ہوئے بتایا کہ گزشتہ رات گاؤں میں یاسر محمود کی شادی کے موقع پر مہندی کی رسم جاری تھی میری اہلیہ طاہرہ جبین اور بیٹا محمد محسن مہندی میں شریک تھی جب کہ بیماری کے باعث اس تقریب میں موجود نہ تھا دوران تقریب دلہا یاسر محمود ولد طارق محمود ،طارق محمود ولد محمد بنارس ،عابد حسین ولد عاشق حسین ہمراہ 3/4نا معلوم اشخاص نے اندھا دھند فائرنگ شروع کر دی جس کے نتیجہ میں میری بیوی اور بیٹا زخمی ہو گئے پولیس نے تعزیرات پاکستان324/337F(2)/148/149کے تحت مقدمہ درج کر لیا

اظہار تعزیت


دولتالہ(نامہ نگار) ٹھاکرہ کی معروف سیاسی و سماجی شخصیت ریاض ٹھکر کے برادراصغر خالد ٹھکر کی وفات پر چیئرمین یونین کونسل آہدی محمد خان بھٹی ،چوہدری شاہد محمود ،سرپرست اعلیٰ پریس کلب دولتالہ نوید افسر راجہ ،سینئر نائب صدر راجہ حاجی احمد سے ان کی رہائش گاہ ٹھاکرہ موہڑہ میں لواحقین سے تعزیت کا اظہار کیا اور مرحوم کی درجات کی بلندی کے لیے فاتحہ خوانی کی خالد ٹھکر پنجاب پولیس میں بطور انسپکٹر پولیس تھانہ بنی میں اہنے فرائض سر انجام دے رہے تھے چند روز قبل ایک ٹریفک حادثہ میں جاں بحق ہو گئے تھے مرحوم کو گزشتہ روز آبائی گاؤں میں سپرد خاک کر دیا گیا تھا مرحوم کے لواحقین نے اس گھڑی میں دکھ اوردرد میں شامل ہونیوالے تمام افراد کا شکریہ اداکیا ہے

پرانے رتیال کو جلد ترقیاتی فنڈز جاری کیے جایءں گے،راجہ جاوید اخلاص


سکھو (نمائندہ خصوصی) پرانے رتیال اور گردونواح کے تمام مسائل حل کرنے کے لیے بہت جلد ترقیاتی فنڈز جاری کیے جایءں گے،ان خیالات کا اظہار ایم این اے و وفاقی پارلیمانی سیکرٹری راجہ جاوید اخلاص نے پرانے رتیال آمد پر کیا،راجہ جاوید اخلاص نے پرانے رتیال کے راجہ ممتاز علی کی والدہ، راجہ کامران حیدر کی خالہ اور حاجی ہارون الرشید کی وفات کی رسم چہلم میں شرکت کی،رسم چہلم میں محفل نعت کا انعقاد بھی کیا گیا،اس موقع پر علامہ صدیق،علامہ خلیل احمد رضوی،علامہ امانت علی،اور علامہ نعمان علی نے خطاب کیا اور معروف نعت خواں صوفی نواز چشتی نے ہدیہ نعت پیش کیا، چہلم کی دعائیہ تقریب میں پاکستان مسلم لیگ ن کے رہنماء راجہ قاسم جاوید اخلاص،چوہدری محمد ریاض، چوہدری محمد اشفاق،چئیرمین یوسی جیرورتیال اسماعیل کیانی،سٹی چئیرمین شاہدصراف،ابرار وارثی،ندیم شاہ بخاری،صدف نواز بٹ،مرزا بابر، جنرل کونسلر عمران، آصف خان، چئیرمین یوسی نڑالی شیخ طاہر اشفاق اور چوہدری اشتیاق کے علاوہ جیرورتیال اور گردونواح کی مذہبی سیاسی و سماجی شخصیات کی کثیر تعداد نے شرکت کی

عیسائی کرسٹوفرعامر نے دین اسلام سے متاثر ہوکر اسلام قبول کرلیا


سکھو (نمائندہ خصوصی)ضلع سرگودھا کے رہائشی کرسٹوفرعامر نے عیسائیت سے تائب ہوکر پیرسیدسلطان علی شاہ ہمدانی کے دست حق پر اسلام قبول کرلیا،کرسٹوفرعامر کا نیا اسلامی نام عبدالرحمٰن رکھ دیا گیا، تفصیلات کے مطابق ضلع سرگودھا سے تعلق رکھنے والے روات کے رہائشی عیسائی کرسٹوفرعامر نے دین اسلام سے متاثر ہوکر گزشتہ روز دارالعلوم حنفیہ حسینیہ ہمدانیہ بھنگالی شریف میں جمعہ کے اجتماع میں پیرآف بھنگالی شریف پیرسید سلطان علی شاہ ہمدانی کے دست حق پر کلمہ پڑھ کر اسلام قبول کرلیا، پیرسید سلطان علی شاہ ہمدانی نے اسلام قبول کرنے والے کرسٹوفرعامر کا نیا اسلامی نام عبدالرحمٰن رکھ دیا،اس موقع پر نومسلم عبدالرحمٰن نے جنرل سیکرٹری پریس کلب سکھو محمدفرقان قریشی سے گفتگو کرتے ہوئے کہا کہ گزشتہ چار ماہ سے وہ اسلامی کتب کا مطالعہ کر رہا تھا جس پر دین اسلام کی سچائی اس پر آشکار ہوئی اور میرا دل اسلام کی طرف راغب ہوا، اور آج میں نے باضابطہ طور پر پیر سید سلطان علی شاہ ہمدانی کے دست حق پر کلمہ پڑھ کر اسلام قبول کر لیا،عبدالرحمٰن نے کہا کہ اس کی باقی فیملی بھی اسلام قبول کرنا چاہتی ہے میری فیملی بہت جلد بھنگالی شریف حاضر ہوکر اسلام قبول کرنے والی ہے،اس موقع پر پیر سید سلطان علی شاہ ہمدانی نے عبدالرحمٰن کے لیے خصوصی دعا کی اور تاکید کی کہ آئندہ وہ کسی بھی پریشانی کی صورت میں دارالعلوم حنفیہ حسینیہ ہمدانیہ بھنگالی شریف رابطہ کرئے انشاء4 اللہ اس کی بھرپور دینی اور اخلاقی مدد کی جائے گی

ڈولفن فورس کا راولپنڈی شہر میں فلیگ مارچ، فلیگ مارچ


راولپنڈی ( نامہ نگار ) ڈولفن فورس کا راولپنڈی شہر میں فلیگ مارچ، فلیگ مارچ میں سٹی پولیس آفیسر، اسرار احمد خان عباسی کی خصوصی شرکت۔ تفصیلات کے مطابق راولپنڈی شہر میں ڈولفن فورس کا فلیگ مارچ کیا گیا۔ فلیگ مارچ پولیس لائن نمبر1سے شروع ہوا جو کہ راولپنڈی شہر کے مختلف راستوں کچہری چوک، پشاور روڈ، چوہڑ چوک سے واپس مال روڈ ، فلیشن مین ٹرن سے مری روڈ سے گزرتا ہوا راول روڈ واپس ائیرپورٹ روڈ سے ہوتا ہوا پولیس لائن نمبر1میں اختتام پذیر ہوا۔ فلیگ مارچ میں سی پی او راولپنڈی اسرار احمد خان عباسی نے خصوصی شرکت کی

انچارج RHCقاضیاں ڈاکٹر عالم عوام کے لئے وبال جان بن گیا


قاضیاں(نمائندہ خصوصی)انچارج RHCقاضیاں ڈاکٹر عالم عوام کے لئے وبال جان بن گیا مریضوں کے ساتھ بدتمیزی اور سخت رویے سے پیش آنا اپنا حق سمجھ لیا اعلی احکام سے رفاقت حسین اور عوام الناس کا نوٹس لینے کا مطالبہ تفصیلات کے مطابق رفاقت حسین نے میڈیا سے بات کرتے ہوئے کہ آر ایچ سی قاضیاں جو کہ 60ہزار آبادی کا واحد علاج معالجہ کا ذریعہ ہے اور انچارج ڈاکٹر عالم عوام کے لئے درد سر بنا ہوا ہے رفاقت حسین نے کہا کہ ڈاکٹر سائبان پورا دن خوش گپیوں اور چائے پینے میں مصروف رہتے ہے اگر جناب کی گپ اورچائے کے ٹائم پر غلطی سے کوئی مریض اندر آ جائے تو اس کو ڈاکٹر عالم ڈانٹ پلا کر باہر نکال دیتے ہے ا ور مریض ذلیل خوار ہوتے رہتے ہے راجہ رفاقت نے کہا انچارج ڈاکٹر عالم چند مریضوں جن کو چیک کرتے ہے ان کو بھی نارمل سے نارمل بیماری پر ہزاروں روپے کی دوائی باہرکی لکھ کر دے دیتے ہے اور باقاعدہ مریض کو سامنے واے سٹور سے دوائی لینے اور لے کر واپس چیک کرانے کی ہدایت کی جاتی ہے آیا کے سامنے واے سٹور سے دوائی لینے اور واپس چیک کروانے میں کیا راز ہے رفاقت حسین نے کہا کہ یہ ڈاکٹر عالم صاحب خود یہ راز بتا سکتے ہے عام آدمی کو سرنج تک ہسپتال سے نہیں دی جاتی ر فاقت حسین اور عوام الناس نے اعلی احکام نوٹس لینے کا مطالبہ کیا ہے

سماجی شخصیت چوہدری محمد لطیف سپرد خاک


جاتلی(نامہ نگار) سماجی شخصیت چوہدری محمد لطیف جن کا گزشتہ روز انتقال ہوگیا تھا ان کی نماز جنازہ ادا کردی گئی ہے نماز جنازہ میں پیپلز پارٹی کے رہنما خرم پرویز راجہ سمیت علاقہ کی عوامی سماجی شخصیت اور ان کے عزیز و اقارب نے شرکت کی

ندیم الرحمان شہید پریس کلب سکھو کی کامیابی کا ایک سال مکمل


سکھو (نمائندہ خصوصی) ندیم الرحمان شہید پریس کلب سکھو کی کامیابی کا ایک سال مکمل، سالگرہ کی تقریب صدر راجہ پرویز اختر آف جولے کی رہائشگاہ پر منعقد ہوئی،مقامی صحافیوں سمیت اہل علاقہ کی بھرپور شرکت، تفصیلات کے مطابق ندیم الرحمان شہید پریس کلب سکھو کے کامیابی کے ایک سال مکمل ہونے پر صدر راجہ پرویز اختر کی رہائشگاہ پر سالگرہ کی تقریب منعقد کی گئی، سالگرہ کی تقریب کا باقاعدہ آغاز تلاوت و نعت شریف سے ہوا، اس موقع پر سالگرہ کا کیک بھی کاٹا گیا،سالگرہ کی تقریب میں ندیم الرحمان شہید پریس کلب سکھو کے عہدیداران وممبران، سوار محمد حسین شہید پریس کلب دولتالہ، پریس کلب جاتلی، پریس کلب کونتریلہ کے عہدیداران سمیت اہل علاقہ کی کثیر تعداد نے شرکت کی، سالگرہ کی تقریب سے راجہ پرویز اختر، نائب صدر محمد اشفاق، سرپرست اعلیٰ پریس کلبز سید منور نقوی، جنرل سیکرٹری پریس کلب دولتالہ عابد چوہدری، جنرل سیکرٹری پریس کلب جاتلی نوید اسلم فرحت، چئیرمین پریس کلب دولتالہ نوید افسر راجہ نے خطاب کیا، مقررین نے اپنے خطابات میں ندیم الرحمان شہیدپریس کلب سکھو کی بھرپور محنت کو سراہا اور کامیابی کا پہلا سال مکمل ہونے پر مبارکباد پیش کی،مقررین نے کہا کہ ندیم الرحمان شہید پریس کلب سکھو کے قیام سے علاقہ کے مسائل نہ صرف اجاگر ہونا شروع ہوئے بلکہ کافی حد تک حل بھی ہو رہے ہیں، راجہ پرویز اختر کی قیادت میں فرض شناس ٹیم اپنے فرائض بخوبی سرانجام دے رہی ہے، اس موقع پر صدر راجہ پرویز اختر نے کہا کہ ندیم الرحمان شہید پریس کلب سکھو سوار محمد حسین شہید پریس کلب دولتالہ سے الحاق شدہ ہے اس لیے آئندہ بھی پریس کلب سکھو کے تمام معاملات سوار محمد حسین شہید پریس کلب دولتالہ کی باہمی مشاورت سے طے کیے جایءں گے

ْموضع دومالی 1300کنال ملکیت کی نمائندہ شخصیات پی پی ایل آہدی فیلڈکے خلاف سراپا احتجاج


دولتالہ(نمائندہ خصوصی)موضع دومالی کا1300سے زائد کنال کا رقبہ پی پی ایل آہدی فیلڈ میں زیر استعمال ، گیس جیسی بنیادی ضرورت ہمارا حق ہے ، پی پی ایل انتظامیہ لیت و لعل سے کام لے رہی ہے ،موضع دومالی کی نمائندہ شخصیات کا شدید احتجاج ، اعلی حکام فوری نوٹس لیں ،شنوائی نہ ہونے کی صورت میں راست قدم اٹھائیں گے تفصیلات کے مطابق پی پی ایل آہدی فیلڈ میں موجود تحصیل چکوال کے گاؤں دومالی کے غریب کاشتکاروں نے 1300سے زائد کنال کا رقبہ آئل اور گیس کی تلاش کے لئے فراہم کیا ،دومالی گاؤں کے لوگوں کا ذریعہ معاش کاشتکاری ہونے کی وجہ سے زمینداری ہی پیشہ اور ذریعہ معاش ہے اتنا زیادہ رقبہ پی پی ایل آہدی فیلڈ کے لئے فراہم کرکے پاکستان سے محبت کا ثبوت اور حکومت کا ساتھ دیا ، متعدبارپی پی ایل انتظامیہ کی یقین دہانیوں کے باوجود دومالی گاؤں کو گیس فراہمی سے دور رکھا جا رہا ہے جس سے یہاں کے باسیوں میں شدید تشویش پائی جا رہی ہے اس سلسلے میں گاؤں کی نمائندہ شخصیات نے پی پی ایل انتظامیہ سے کئی بار ملاقاتیں کیں اور درخواست دی کہ ہمیں گیس جیسی بنیادی ضرورت جو ہمارا حق ہے فوری فراہم کرنے کے احکامات دئے جائیں لیکن بے حس انتظامیہ لیت و لعل سے کام لے رہی ہے اور تاحال مطالبہ پورا نہ کیا گیا ، سابق کونسلر چوہدری محبوب حسین نے اپنے ساتھیوں چوہدری واجب حسین ، چوہدری محمد ایوب ، چوہدری مظہر حسین ، چوہدری زمرد ،چوہدری نذر ، چوہدری عامر ندیم ، چوہدری محمد صادق ، چوہدری اسحاق ، ماسٹر لیاقت حسین ، چوہدری رب نواز ، چوہدری تصور حسین ،چوہدری عابد حسین اور دیگر سمیت وزیر اعظم پاکستان ، وزیر اعلی پنجاب اور وفاقی وزیر پٹرو لیم سے اپیل کی ہے کہ ہماری قربانیوں کو مدنظر رکھتے ہوئے فوری گیس فراہم کرنے کے احکامات جاری کئے جائیں انہوں نے اپنی درخواست میں اپیل کرتے ہوئے کہا ہے کہ تیل و گیس کی تلاش کے لئے ویل نمبر 6 میں 300کنال زمین استعمال ہوئی جبکہ ویل نمبر 19,20,21میں 600کنال استعما ل کی گئی ،ویل نمبر27میں بھی 200کنال استعمال ہوئی ہے ، اب ویل نمبر 29شروع کیا جا رہا ہے انہوں نے کہا کہ موضع ڈہونگ گاؤں دومالی سے ایک کلو میٹر کے فاصلے پر ہے وہاں آہدی فیلڈ ہی سے گیس فراہم کی جا رہی ہے سابق کونسلر چوہدری محبوب نے کہا کہ اگر ہماری شنوائی نہ ہوئی تو اپنے حق کے حصول کے راست قدم اٹھائیں گے

کرنب الیاس کے متعدد دیہات میں وبائی امراض پھیلنے سے درجنوں قیمتی جانور ہلاک 


سکھو(نمائندہ خصوصی)یو سی کرنب الیاس کے متعدد دیہات میں وبائی امراض پھیلنے سے درجنوں قیمتی جانور ہلاک ہوچکے ہیں یونین کونسل کے تقریباً ہر دیہات میں چڑنگ کی بیماری پھوٹ پڑی ہے۔ اس وبائی امراض سے درجنوں قیمتی جانور اسکا شکار ہوچکے ہیں جس سے زمینداروں کو لاکھوں روپے کا نقصان اٹھانا پڑرہا ہے محکمہ لائف سٹاک تحصیل گوجرخان جلد از جلد اس وبائی امراض کے حفاظتی ٹیکوں کا بندوبست کر کے ٹیکے لگانے کی مہم شروع کرے۔

راولپنڈی پولیس نے سٹریٹ کرائم میں ملوث خانی گینگ گرفتار کر لیا

00033راولپنڈی (نمائندہ راول نیوز)راولپنڈی پولیس نے سٹریٹ کرائم میں ملوث خانی گینگ گرفتار کر لیا ، گینگ کا 25سے زائد وارداتیں کرنے کا انکشاف، اسلحہ اور مسروقہ مال بر آمد کر لیا گیا، ایس ایچ او تھانہ رتہ امرال غلام اصغر چانڈیا نے اس حوالے سے بتایا کہ سٹریٹ کرائم کی وارداتوں کے سد باب کیلئے سی پی او اسرار احمد خا ن عباسی کے احکامات کی روشنی میں ایس پی راول اقبال ملک اور ڈی ایس پی سٹی سرکل سردار بابر ممتاز کی زیر نگرانی ایک خصوصی ٹیم ریا ض باجوہ سب انسپکٹر کی سربراہی میں تشکیل دی جس نے بھرپور انداز میں محنت کر تے ہو ئے خانی گینگ کو گرفتار کر لیا ۔ خانی ولد نور حسین اس گینگ کا سربراہ ہے جبکہ اس کے ساتھ حامد خان ولد گل حمید، اجمل ولد نور خان ، وسیم سجاد ولد شاکر اور بابر عرف بیبرک کو گرفتار کر لیا ، اس گروپ نے نقب زنی ، راہ زنی اور جیب تراشی کی 25سے زائد وارداتوں کا انکشاف کیا ہے اوران سے5پسٹل لوٹے گئے موبائل فونز اور نقدی بر آمد کر لی گئی ہے،ایس ایچ او غلام اصغر چانڈیا نے بتایا کہ خانی اس گینگ کا سرغنہ تھا اور کارندوں کے پکڑے جانے پر ان کو تھانہ سے چھڑا کر لاتا تھا۔ ملزمان کا ریمانڈ حاصل کر لیا گیا ہے اور مزید انکشاف کی توقع ہے

قصبہ دولتالہ میں رمضان زرگر شاپ کی چوری کا سراغ تاحال نہیں لگایا جاسکا

police
دولتالہ(نمائندہ خصوصی)قصبہ دولتالہ میں رمضان زرگر شاپ کی چوری کا سراغ تاحال نہیں لگایا جاسکاتفصیلات کے مطابق دولتالہ میں چوری کی واردات چور رمضان زرگر کی دوکان کی عقبی سمت سے شوز کی دوکان کے اندر سے نقب لگا کر داخل ہوئے اور گیس پلانٹ سے آہنی سیف کو پگلاتے رہے مگر دوکان دار کی خوش قسمتی سے لاک کھولنے میں ناکام رہے اور جاتے ہوئے cctv سسٹم اور شوکیس میں موجود 2 ڈبے کوکے ٹاپس کے ساتھ لے گئے یاد رہے کہ اس سے قبل بھی محسن شمشاد جیولر پر نقب لگا کر گیس پلانٹ سے آہنی سیف کاٹنے کی واردات ہو چکی ہے جس میں لاکھوں کا سونا چوری ہوگیا تھا

اسسٹنٹ کمشنر گوجرخان شاہد ممتازگوندل کا اچانک اراضی کمپیوٹرریکارڈ سینٹر کا دورہ

Picture-11
گو جر خان (نمائندہ راول نیوز)اسسٹنٹ کمشنر گوجرخان شاہد ممتازگوندل کا اچانک اراضی کمپیوٹرریکارڈ سینٹر کا وزٹ کمپیوٹرائزڈ ریکارڈ چیک اورسائلین سے بھی عملہ کے بارے میں پوچھا تفصیلات کے مطابق اسسٹنٹ کمشنر گوجرخان شاہد ممتاز گوندل نے اراضی ریکارڈ کمپیوٹرکا وزٹ کیا اس موقع پر نائب تحصیلدار ملک قمر ملک عامر شہزاد گرداورچوہدری خالد پٹواری حاجی مہر ریاض اور محکمہ ریونیو کے دیگر ملازمین بھی موجود تھے اسسٹنٹ کمشنر نے کمپیوٹرائزڈ ریکارڈ چیک کیا اور عملہ کو ہدایت کی کہ وہ سائلین کو زمینوں کے حوالہ سے معلومات اور دیگر دستاویزات کے حوالہ سے بھرپور تعاون کریں کسی قسم کی غفلت اور لاپرواہی ناقابل برداشت ہوگی اس موقع پر کمپیوٹرریکارڈ سنٹر میں موجود لوگوں سے بھی کمپیوٹرعملہ کے بارے میں دریافت کیا اور کہا کہ کسی قسم کی دشواری اور شکایت پر میرے دفتر آکر مجھے آگاہ کریں شکایت کا ازالہ کیا جائے گا

ریجنل پولیس آفیسر محمد وسال فخر سلطان راجہ نے راولپنڈی ریجن کے مختلف انسپکٹرز کے تبادلہ جات کے احکامات جاری کر دیئے

police
راولپنڈی (نمائندہ راول نیوز)ریجنل پولیس آفیسر محمد وسال فخر سلطان راجہ نے راولپنڈی ریجن کے مختلف انسپکٹرز کے تبادلہ جات کے احکامات جاری کر دیئے ۔تفصیلات کے مطابق آر پی او راولپنڈی نے راولپنڈی رینج کے انسپکٹرز کے تبادلے کئے جن میں انسپکٹر ملک سجاد کو ضلع راولپنڈی سے ضلع جہلم، انسپکٹر جمیل کو ضلع راولپنڈی سے ضلع چکوال، انسپکٹر سردار شکیل کو ضلع چکوال سے ضلع راولپنڈی اور انسپکٹر راجہ مشتاق کو ضلع جہلم سے آر پی او آفس راولپنڈی تعینات کیا گیا۔

گو جر خان نے تعلیمی میدان میں بڑے لوگ پیدا کئے ،راجہ ظفر الحق

raja-zafarul-haq
گو جر خان(نمائندہ راول نیوز) مسلم لیگ ن کے چئیرمین راجہ ظفر الحق نے کہا ہے کہ گو جر خان نے تعلیمی میدان میں بڑے لوگ پیدا کئے جن میں پروفیسر ممتاز قریشی کا نام بھی شامل ہے۔جنکے انتقال سے پیدا ہونے والا خلا پورا ہونا مشکل ہے۔ ان خیا لا ت کا اظہار انہوں نے اسلامی یونیورسٹی فیصل مسجد کے سابق چانسلر پروفیسر ڈاکٹر ممتاز قریشی کے انتقال پر انکے بیٹوں پروفیسر جنید ممتاز اور پروفیسر فیصل ممتاز سے انکی رہائش گاہ پر اظہار تعزیت کرتے ہو ئے کیا۔ اس موقع پر سابق وزیر چو ہدری محمد ریاض، اور را جہ ادریس بھی مو جود تھے۔راجہ ظفر الحق نے کہا کہ ڈاکٹر ممتاز قریشی نے پوری دنیا میں پڑھا یا مگر انہوں نے وصیت کی تھی کہ انہیں گو جر خان اپنے مٹی میں دفن کیا جائے ۔یہ انکی قابل تقلید مثال ہے۔انہوں نے کہا کہ ایسی شخصیات کا نام سنہرے حروف سے لکھا جا تا ہے۔ چو ہدری محمد ریاض نے کہا کہ ڈاکٹر ممتاز قریشی ایک اعلی پائے کے استاد تھے۔ جنہوں نے اپنی زندگی تعلیم کے لیے وقف کر رکھی تھی۔ اسلامی یونیورسٹی فیصل مسجد کے چانسلر کی حیثیت سے انکے شا گرد دنیا بھر میں پھیلے ہو ئے ہیں۔انکا شمار گو جر خان کی ہونہار شخصیات میں ہو تا ہے۔

دوسروں کے کام آنا ہی اصل زندگی ہے ،خلیفہ محمد مسکین چشتی

maskiin 01
گوجرخان (نمائندہ راول نیوز)مُتحدہ عُلماء المشائخ سپریم کونسل آف پاکستان تحصیل گوجرخان کے نائب صدر ،دربارِ عالیہ گنگانوالہ شریف کے خلیفہ اعظم خلیفہ محمد مسکین چشتی شبیری نے خطاب کرتے ہوئے کہاکہ دوسروں کے کام آنا ہی اصل زندگی ہے دوسروں کو نفع پہنچانا اسلام کی روح اورایمان کا تقاضا ہے ایک اچھے مسلمان کی یہ خوبی ہے کہ وہ ایسے کام کرتا ہے جو دوسرے انسانوں کے لئے فائدہ مند ہو اسلام میں رنگ ونسل ،ذات پات ،امارات و غربت کی بنیاد پر کوئی ادنیٰ یا اعلیٰ نہیں ہے اسلام تو ان بتوں کو پاش پاش کرنے آیا ہے لیکن ایک افسوس ناک حقیقت یہ ہے کہ دنیا پرستی نے انسان سے اس کی انسانیت ہی چھین لی ہے اسلام تو ایسے معاشرے کی تشکیل نہیں چاہتا جہاں ہمدردی کی بجائے بے حسی ہو ،محبت کی بجائے نفرت ہو ،ایثارو قربانی کی بجائے خود غرضی ہو ۔اسلام تو ایسا معاشرہ تعمیر کرنا چاہتا ہے بلکہ اس پر زور دیتا ہے کہ خدمتِ خلق ہی معراجِ انسانیت ہے ہم نے اسلام کی تعلیمات کو چھوڑ دیا ہے خاص کر حقوق العباد کو ہم عبادت ہی خیال نہیں کرتے اسی وجہ سے ہم اتحاد و اتفاق نہیں رہا ،یک جہتی اور بھائی چارہ نہیں رہا ،اخوت محبت ،رواداری اور ایک دوسرے کا احساس نہیں رہا ساری مخلوق اللہ کا کنبہ ہے اور سب سے زیادہ اللہ کا محبوب بندہ وہ ہے جو اللہ پاک کے کنبے کو نفع پہنچائے

ملک حارث کی بلا مقابلہ کامیابی ان کے خاندان کی سیاسی سماجی خدمات کا مظہر ہے،راجہ طاہر کیانی

Tahir kayaniگوجرخان (نمائندہ راول نیوز)سیاسی سماجی شخصیت راجہ طاہر کیانی نے کہا ہے کہ ملک حارث کی بلدیاتی انتخابات میں یوتھ کی مخصوص نشست پر بلا مقابلہ کامیابی ان کے خاندان کی سیاسی سماجی خدمات کا مظہر ہے، ملک حارث ملک شاہ روزمرحوم کے پوتے ہیں ، ملک شاہ روز کے صاحبزادے ملک حمید ایڈووکیٹ نے بھی اپنے مدمقابل کو شکست سے دوچار کیا اس طرح ایک ہی گھر سے دو کونسلروں کی کامیابی ہوئی ملک شاہ روزمرحوم گوجرخان کی سیاسی تاریخ میں ایک جگمگاتانام ہے جنہوں نے بحثیت کونسلر اپنے عوام کی خدمت کی اور علاقائی مسائل کو حل کرنے کیلئے بھرپور کردار ادا کیا ہے دو کونسلروں کی کامیابی میں بریگیڈیئر(ر) رئیس جوکہ سیاسی جوڑ توڑ کے ماہر گردانے جاتے ہیں کی سیاسی بصیرت بھی شامل ہے راجہ طاہر کیانی نے ملک حارث جوکہ نوجوان قیادت ہے اور ملک حمید ایڈووکیٹ کی شاندار کامیابی کو ملک شاہ روز مرحوم ،بریگیڈیر(ر)رئیس اور ملک شاہ ویز کی عوامی خدمات کا صلہ قرار دیا ہے اور مبارک باد پیش کرتے ہوئے اس توقع کا اظہار کیا ہے کہ وہ اپنے خاندان کی روایات کو برقرار رکھتے ہوئے علاقہ کے عوام کے بنیادی مسائک حل جبکہ تعمیری اور مثبت سیاست کو فروغ دینگے

error: