گرما گرم خبریں

حکومتی دعوے دھرے کے دھرے، سحرو افطار میں لوڈشیڈنگ ،عوام بلبلا اُٹھے ، حکومت کو بددعائیں
منشیات فروشوں کے خلاف کریک ڈاؤن ،بدنام زمانہ منشیات فروش آصف عرف آصو بٹ ساتھیوں سمیت گرفتار
سو کے وی کا ٹرانسفارمر نہیں لگ رہا ،واپڈا چیئرمین ،ایس ڈی او اور ایکسین کے خلاف عدالت میں دعویٰ دائر
گوجرخان : الیکشن کمیشن میں زیرسماعت جعلی ڈگری کیس میں لیگی ایم پی اے حلقہ پی پی فور راجہ شوکت عزیز بھٹی نااہل
گلیانہ موڑ گوجرخان موٹرسائیکل ورکشاپ میں آتشزدگی،سامان جل کر خاکستر ہوگیا
واپڈا اِن ایکشن، عدم ادائیگی بل کی بناء پر پاسپورٹ آفس گوجرخان کابجلی کنکشن کاٹ دیا گیا، عوام ذلیل و خوار
شہیدوں اور غازیوں کی دھرتی کا ایک اور سپوت شہادت کا درجہ پا گیا
گو جر خان میں اندھیر نگری چوپٹ راج، سٹریٹ لائٹس خراب، پانی کی شدید کمی، تجاوزات کی بھرمار ، گندگی کے ڈھیر، بلدیہ تنخواہیں لینے کیلئے بنی ہے ؟؟

Category: گوجر خان کی خبریں

میں نے سیاست میں کبھی ہار نہیں مانی،راجہ شو کت عزیز بھٹی


گو جر خان(نامہ نگار)مسلم لیگ ن کے راہنما راجہ شو کت عزیز بھٹی نے کہا ہے کہ میں نے سیاست میں کبھی ہار نہیں مانی۔پی پی پی کے دور میں جب پنجاب میں گورنر راج نافذ کیا گیا تو مجھے لالچ کے علاوہ سنگین نتائج کی دھمکیوں سمیت نواز شریف کو چھوڑنے کے لیے دباؤ ڈا لا گیا مگر میں نے حکومتی ہتھکنڈوں کا ڈٹ کر مقابلہ کیا۔اب بھی الیکشن کمیشن کا فیصلہ عارضی ہے قانونی جنگ لڑوں گا اور جیت کر دکھاؤں گا۔ ان خیالات کا اظہار انہوں نے مقامی صحافیوں سے گفتگو کرتے ہو ئے کیا۔انہوں نے کہا کہ جعلی ڈگری کا کیس میں سول کورٹ سے لیکر سپریم کورٹ تک جیت چکا ہوں۔میرے خلاف بے بنیاد الزا مات لگا کر سیاسی منظر سے ہٹانے کی کو ششیں کی گئیں۔مگر گو جر خان کے عوام کے تعاون سے انہیں نا کام بنا یا۔انہوں نے کہا کہ مجھے ن لیگ اور نواز شریف کا ساتھ چھوڑنے کے لیے بے شمار آفرز کی گئیں مگر میں نے انہیں ٹھکرا دیا پھر میرے خلاف جعلی ڈگری کا ڈرامہ رچا یا گیا اور سپریم کورٹ نے مجھے بحثیت ایم پی اے معطل کر دیامگر میں نے عدالتوں میں ثابت کیا کہ مجھے پر الزا مات جھوٹے ہیں اور سپریم کو رٹ نے مجھے بحا ل کر دیا۔ اب الیکشن کمیشن نے مجھے معطل کر نے کا جو فیصلہ کیا ہے میں انکی نقول ملتے ہیں اس فیصلے کے خلاف عدالت میں جا ؤں گا اور ثابت کروں گا کہ یہ فیصلہ غیر قانونی ہے۔ انہوں نے اپنے حامیوں سے کہا کہ وہ فکر نہ کریں میرے خلاف الزامات بے بنیاد ہیں اور میں انہیں ثابت کر کے رہوں گا۔

زائد کرایہ وصول کرنے اور سواریوں کی اوور لوڈنگ کر نے و الوں کے خلاف کاروائی ہوگی


گو جر خان(نامہ نگار)ڈی آئی جی موٹروے پولیس نارتھ احسن عباس نے کہا ہے کہ عید الفطرکے موقع پر زائد کرایہ وصول کرنے اور سواریوں کی اوور لوڈنگ کر نے و الوں کے خلاف کاروائی کے لیے اقدامات مکمل کر لیے گئے ہیں ان خیالات کا اظہار انہوں نے جنگ سے گفتگو کرتے ہو ئے کیا۔ انہوں نے کہا کہ آئی جی موٹروے پولیس شوکت حیات کی ہدایت پر موٹروے پولیس N-5 نارتھ زون نے، جو کہ پشاور تا لاہور جی ٹی رو ڈ اور مر ی ایکسپریس وے پر محیط ہے سے ملک کے تقریباً تمام شہروں کو جانے والی ٹریفک گزرتی ہے ۔ لہذا عیدالفطر پر زائد کرائے کی وصولی اور مسافرو ں کی اوورلوڈنگ کو کنٹرول کرنے کے اینٹی اوورلوڈنگ اینڈ اوورچارجنگ سکوارڈز تشکیل دیے گئے ہیں۔ ڈ ی آئی جی نے مزید بتایا کہ عید کی تعطیلات کے دوران مسافروں سے زائدکرایہ وصول کرنے اور مسافروں کی اوور لوڈنگ کے متعلق شکایات کے ازالہ کے لیے 4اسپیشل کنٹرول رومز قائم کیے گئے ہیں اور مسافر اوورلوڈنگ اور زائد کرایہ وصولی کی شکایات 130ہیلپ لائن کے علاوہ قائم کیے گئے کنٹرولز رومز پر بھی کر سکتے ہیں تاکہ خلا ف ورزی کرنے والوں کے خلاف مؤثر طریقہ سے کاروائی کی جا سکے۔ پہلاکنٹرول روم مری ایکسپریس وے پر ، دوسرا خیرآباد روڈ، تیسرا جہلم جبکہ چوتھا گجرانوالہ کے ایریا پر قائم کیا گیا احسن عباس نے کہا کہ زائد کرایہ وصول کرنے والوں کو بھاری جر مانہ کرنے کے ساتھ ساتھ زائد وصول کیا گیا کرایہ موقع پر ہی سواریوں کو واپس کروایا جائے گا۔ اسکے علاوہ سواریوں اور سامان کی اوورلوڈنگ کا رجحان بھی ان دنوں بڑھ جاتا ہے جو کہ حادثات کا با عث بنتا ہے لہذا ٹرانسپورٹر حضرا ت کو ہدائت کی جاتی ہے کہ وہ سواریوں کی اوورلوڈنگ سے اجتناب کریں جسے کسی صورت برداشت نہیں کیا جائے گا۔ نارتھ زون کی تما م مو با ئل ایجوکیشن یونٹس کو ہدائیت جاری کی گئی ہے کہ وہ اس سلسلہ میں بس/ہائی ایس ٹرمینل پر بریفنگ دیں۔ڈی آئی جی نے مزید بتایاعید کی چھٹیوں کے دوران مسافراپنے ساتھ قیمتی اشیاء لے کر سفر کرتے ہیں اور ان دنوں جرائم پیشہ عناصر بھی سر گرم ہوتے ہیں ۔ ان عناصر کی سر کوبی کے لیے بھی اقدامات کیے گئے ہیں اور ٹال پلازوں پر موووی کے ساتھ ساتھ اینٹی کراءئم اسکواڈ تشکیل دیے گئے ہیں تا کہ کسی بھی ناخوشگوار واقع سے بچا جا سکے۔ انہوں نے کہا کہ آج سے عید کی چھٹیوں کے دوران سڑک استعمال کرنے والوں میں افطاری اور عید گفٹس تقسیم کیے جا ہیں گے

اظہار تشکر


گو جر خان(نامہ نگار)مقامی سماجی راہنماؤں سابق امیدوار برائے کو نسلر پہلوان محمد اکرام اور نعیم اشرف نے المصطفوی ویلفیئر ایسو سی ایشن کو تین لاکھ رو پے عطیہ دینے پر حاجی لیاقت حسین آف کاہلی کا شکریہ ادا کیا ہے۔ انہوں نے کہا کہ حاجی لیاقت ہمیشہ سماجی کا موں میں بڑھ چڑھ کر حصہ لیتے ہیں اور انکے اعزاز میں بہت جلد ایک تقریب منعقد کی جائے گی

سیاسی و قانونی محاذ پر مخالفین کے خلاف جنگ جا ری رکھوں گا،راجہ شو کت عزیز بھٹی

گو جر خان(نمائندہ راول نیوز) مسلم لیگ ن کے راہنما راجہ شو کت عزیز بھٹی نے کہا ہے کہ میں سیاسی و قانونی محاذ پر مخالفین کے خلاف جنگ جا ری رکھوں گا اور جس طرح پہلے انکو دو نوں محاذوں پر شکست دی ایک بار پھر انہیں شکست دوں گا ان خیالات کا اظہار انہوں نے میڈیا سے گفتگو کرتے ہو ئے کیا۔انہوں نے کہا کہ جعلی ڈگری کا کیس میں سول کورٹ سے لیکر سپریم کورٹ تک جیت چکا ہوں۔میرے خلاف بے بنیاد الزا مات لگا کر سیاسی منظر سے ہٹانے کی کو ششیں کی گئیں۔مگر گو جر خان کے عوام کے تعاون سے انہیں نا کام بنا یا۔انہوں نے کہا کہ مجھے ن لیگ اور نواز شریف کا ساتھ چھوڑنے کے لیے بے شمار آفرز کی گئیں مگر میں نے انہیں ٹھکرا دیا پھر میرے خلاف جعلی ڈگری کا ڈرامہ رچا یا گیا اور سپریم کورٹ نے مجھے بحثیت ایم پی اے معطل کر دیامگر میں نے عدالتوں میں ثابت کیا کہ مجھے پر الزا مات جھوٹے ہیں اور سپریم کو رٹ نے مجھے بحا ل کر دیا۔ اب الیکشن کمیشن نے مجھے معطل کر نے کا جو فیصلہ کیا ہے میں انکی نقول ملتے ہیں اس فیصلے کے خلاف عدالت میں جا ؤں گا اور ثابت کروں گا کہ یہ فیصلہ غیر قانونی ہے۔ انہوں نے اپنے حامیوں سے کہا کہ وہ فکر نہ کریں میرے خلاف الزامات بے بنیاد ہیں اور میں انہیں ثابت کر کے رہوں گا۔

سیوریج کے نظام کو بہتر بنانے کے منصوبے نے عوام کی ناک میں دم کر رکھا ہے:شہری

گوجرخان (عبدالستار نیازی) ہاؤسنگ سکیم میں سیوریج کیلئے کھدائی کئے گئے گڑھے عوام کیلئے وبال جان بن گئے، بارش کے باعث کیچڑ اور پانی کھڑا ہونے سے پیدل چلنے والوں کو شدید مشکلات ، تفصیلات کے مطابق گوجرخان کے پوش علاقے ہاؤسنگ سکیم نمبر 1گوجرخان میں سیوریج کے نظام کو بہتر بنانے کیلئے شروع کئے گئے منصوبے نے عوام کی ناک میں دم کر کے رکھ دیاہے، بارش کے باعث کیچڑ اور پانی کھڑا ہونے کے باعث شہری گھروں میں محصور ہوکر رہ گئے ، گاڑیاں ، رکشے اور موٹرسائیکل کیچڑ میں پھنس جاتے ہیں ، لوگ شدید پریشانی کا شکار ہیں، عوام کا کہنا ہے کہ ہفتوں کا کام مہینوں کے حساب سے کیا جارہاہے، عوام پہلے گندے پانی سے پریشانی کا شکار تھے اب کیچڑ کے باعث ہمارا پیدل چلنا بھی دشوار ہوچکاہے، عوام نے ذمہ داران حکام سے اصلاح احوال کی اپیل کی ہے۔

پیپلز پارٹی کے کارکن ہی پارٹی کا اثاثہ ہیں:سید غالب

گوجرخان(نمائندہ خصوصی) پاکستان پیپلز پارٹی پنجاب کونسل کے ممبر سید غالب حسین شاہ کی طرف سے ایک مقامی ہوٹل میں افطار ڈنر ضلع راولپنڈی کے صدر چوہدری ظہیر ، نائب صدرراجہ منصور اختر، سیکرٹری اطلاعات محمد شاہد اور پاکستان پیپلز پارٹی تحصیل گوجرخان کے کارکنان اور گوجرخان شہر سے پیپلز پارٹی کے کارکنوں کو افطاری دی گئی،افطار ڈنر میں پیپلز پارٹی کے رہنما سید شاہد احمد شاہ ، سید ضیافت حسین شاہ، سید عدنان حسین ، سید آفتاب حسین شاہ، مرزا اسلم، شیخ سجاد، شیخ خلیل، محمد ارسلان، محمد قدوس ، تراب حسین شاہ، محمد شہزاد، شیخ خلیل ودیگر کارکنان نے بڑی تعداد میں شرکت کی، صدر ضلع راولپنڈی چوہدری ظہیر نے اپنے خطاب میں کہا کہ بلاول بھٹو زرداری امید کی کرن ہیں، ان شاء اللہ آنے والے الیکشن میں پیپلز پارٹی اکثریت سے کامیابی حاصل کرے گی، ہم شہید ذوالفقار علی بھٹو محترمہ بینظیر بھٹو شہید کے وژن کو لے کر ، پارٹی کے تمام ورکروں کو ساتھ لے کر چلوں گا، کسی کے ساتھ امتیازی سلوک نہیں ہوگا۔ پیپلز پارٹی کے کارکن ہی پارٹی کا اثاثہ ہیں، سب دوست محنت کریں گے اور اپنے اپنے علاقے میں امیدواران کو کامیابی سے ہمکنار کریں گے، میں تمام پیپلز پارٹی کے نظریاتی کارکنوں کو انتہائی احترام کی نگاہ سے دیکھتاہوں اور نئے آنے والے کارکنوں کو بھی خوش آمدید کہتاہوں، ہم سب نے ملکر کام کرنا ہے، سید غالب حسین شاہ ، سید شاہد حسین شاہ نے افطار ڈنر میں شریک ہونے والے تمام پارٹی کارکنان وعہدیداران کا شکریہ ادا کیااور کہا کہ ہم ان شاء اللہ مل کر پارٹی کیلئے دن رات کام کریں گے، ہم پہلے بھی پیپلز پارٹی میں تھے اور ہم مرتے دم تک پیپلز پارٹی کیساتھ رہیں گے، جہاں حق کی بات ہوگی وہ بھی پیپلز پارٹی کے کارکن کا حق ہے کہ وہ بات کرے اور ظالم کا مقابلہ کرنا بھی پارٹی کے منشور میں ہے۔ شہید ذوالفقار علی بھٹو نے ظالم ضیاء الحق کا مقابلہ کیااور اپنی جان کا نذرانہ دیا ، ہم ان کے کارکن ہیں، ہم نہ ڈرتے ہیں اور نہ جھکتے ہیں۔ غریب عوام کے ساتھ ہیں ۔ اللہ پاک پاکستان پیپلز پارٹی کو کامیابی سے ہمکنار کرے

چمپینزٹرافی کے فائنل کر کٹ میچ میں شاندار باؤلنگ پر محمد عامرکو خراج تحسین


گوجرخان(نامہ نگار)چمپینزٹرافی کے فائنل کر کٹ میچ میں شاندار باؤلنگ پر محمد عامر کو ملک کے دیگر حصوں کی طرح اسکے آ بائی شہر گو جر خان میں بھی شاندار الفاظ میں خراج تحسین پیش کیا جا رہا ہے۔ اسکے بھائی سابق کونسلر چو ہدری محمد اشرف آج جب لا ہور سے گو جر خان پہنچے تو انکی رہا ئش گاہ واقع چنگا بنگیال میں انکو مبارکباد دینے والوں کی بڑی تعداد جمع ہو گئی۔ان میں بڑے بچے اور بوڑھے سبھی شامل تھے۔ نو جو انوں نے محمد عامر کی تصویروں والے پمفلٹ اٹھا رکھے تھے۔ چو ہدری اشرف نے شام کو مہمانوں کے لیے افطاری اور کھانے کا خصوصی انتظام کیا ۔ اس موقع پر انہوں نے کہا کہ اہل علاقہ نے ہر مشکل اور اچھے وقت میں محمد عامر، اور ہمارے خاندان کی پذیرائی کی ہے۔ انہوں نے مزید کہا کہ ابھی جلد محمد عامر کی وطن واپسی مشکل ہے کیونکہ انہوں نے بر طانیہ میں ایک کاؤنٹی سے کھیلنے ے کا معاہدہ کیا ہے۔ انہوں نے کہا کہ محمد عامر جب بھی واپس آئے انہیں شائقین سے ملوانے کے انتظا مات کیء جائیں گے

گو جر خان کے عوام کی خدمت ہی میرا سیاسی ایجنڈا ہے، راجہ طا ہر کیانی


گو جر خان(نامہ نگار) مسلم لیگ ن کے راہنما راجہ طا ہر کیانی نے کہا ہے کہ وزیر اعظم اور انکے خاندان کو غیر ضروری معا ملات میں الجھا کر ملک میں افرا تفری اور انتشار پیدا کیا جا رہا ہے جبکہ واحد راہنما میں جن پر کرپشن، بد عنوانی اور کرپشن کا کوئی الزام نہیں پا نامہ لیکس کو لیکر ملکی ترقی کا دانستہ راستہ رو کا جا رہا ہے ان خیالات کا اظہا ر انہوں نے پو ٹھو ہار پریس کلب کے صحافیوں کے اعزاز میں دئے گئے ایک افطار ڈنر سے خطاب کرتے ہوئے کیا۔انہوں نے کہا کہ شہباز شریف کا تو پا نامہ میں نام تک نہیں تھا مگر ان کو بھی بلا یا گیا جس سے ثابت ہو تا ہے کہ صرف شریف فیملی کا ہی احتساب ہو رہا ہے جو پہلے بھی مشرف اور بھٹو و اورزرداری دور کڑے احتساب سے گذر چکے ہیں۔ انہوں نے کہا کہ مو جودہ سیاسی کشمکش سے ملک کی معیشت بری طرح متاثر ہو رہی ہے اور شاید یہی ایجنڈا عمران خان کو دیا گیا ہے۔ طاہر کیانی نے مقامی سیاست کا ذکر کرتے ہو ئے کہا کہ میں حلقہ پی پی 3سے صوبائی اسمبلی کا امیدوار ہوں اور قوی امکان ہے کہ مسلم لیگ ن کا ٹکٹ مجھے ہی ملے گاتا ہم میرے دیگر بھائی جو ٹکٹ کے لیے کو ششیں کر رہے ہیں یہ انکا حق ہے کسی کو اس سے نا راض ہو نے کی ضرورت نہیں ہے۔ طا ہر کیانی نے کہا کہ میں نے گو جر خان کے عوام کی خدمت کا جو بیڑہ اٹھا یا ہے وہ ہر حال میں جا ری رکھوں گا۔

حضرت علیؓ شجاعت و بہادری کا پیکر تھے،مقررین


گو جر خان(نامہ نگار)حضرت علیؓ شجاعت و بہادری کا پیکر تھے۔ اسکے ساتھ ساتھ انکی حکمت و عقل و دانش اور حکمت عملی کا دین اسلام ابتدائی سالوں میں قدم قدم پر پھلا پھو لا۔ آ پکی زندگی حضرت محمد ﷺ اور اسلام کے لیے وقف تھی ان خیالات کا اظہار با وا ضمیر حسین شاہ کی طرف سے دئے گئے افطار ڈنر کے موقع پر مقررین نے کیا۔ جوحضرت علی کی شہادت کے جلوس سے قبل شرکا کے اعزاز میں دیا گیا اس موقع پر سابق وزیر سردار سلیم،سابق ایم پی اے طارق کیانی، سابق تحصیل ناظم چو ہدری محمد عظیم،چئیرمین بلدیہ گو جر خان محمد شاہد صراف، چو ہدری جا وید کو ثر، عبد الغفور کیانی،فیصل کیانی، شاہد کیانی ایڈوکیٹ اور بڑی تعداد میں لو گوں نے شر کت کی۔ با وا ضمیر شاہ نے کہا کہ آج حضرت علی کی شہادت کے دن ہر دل دکھی ہے اور ہر آ نکھ اشکبار ہے۔حضرت علیؓ کی دین میں اہمیت و کردار کا ہر مسلمان معترف ہے۔ آج ہر مکتبہ فکر کے لوگ ہمارے ساتھ شامل ہیں جس پر میں انکا شکر گذار ہوں۔ افطاری کے بعد ماتمی جلوس شروع ہوا جو مقررہ راستوں سے ہو تا ہوا سحری کے وقت اختتام پذیر ہوا۔شرکا نے راستوں میں زنجیر زنی بھی کی۔ اس موقع پر سیکورٹی کے انتہائی سخت انتظا مات کئے گئے تھے

مستحق اور نادار لوگوں کی خدمت سے دلی سکون ملتا ہے


گو جر خان(نامہ نگار)ڈان ویلفئیر آرگنائزیشن کے صدر ملک الطاف حسین اورجنرل سیکرٹری ملک قاسم ر بانی نے کہا ہے کہ مستحق اور نادار لوگوں کی خدمت سے دلی سکون ملتا ہے ان کو عید کی خوشیوں میں شریک کر کے ان کی خوشیوں کو دوبالا کریں انہوں نے کہا کہ امسال بھی19جون کو536سپیشل بچوں اور مستحق و نادار افراد میں عید کے گفٹ تقسیم کیے جائیں گے جس کے مہمان خصوصی الحاج محمد شاہد صراف چئیرمین بلدیہ ،راجہ لیاقت آف کھینگر اوردیگر سیاسی و سماجی شخصیات ہوں گی ۔( جاری ہے صفحہ2

الیکشن لڑوں گا مسلم لیگی اور نواز شریف کا سپاہی ہوں، چوہدری محمد ریاض


دولتالہ(نامہ نگار) الیکشن لڑوں گا مسلم لیگی اور نواز شریف کا سپاہی ہوں ،مسلم لیگ میں کوئی دراڑ نہیں پارٹی قائدین کے فیصلوں کا احترام کرتا ہوں ،میاں نواز شریف کی جے آئی ٹی میں پیشی سے قانونی ادارے کو تقدس ملا ، ان خیالات کا اظہار سابق صوبائی وزیر چوہدری محمد ریاض نے دولتالہ میں صحافیوں سے گفتگو کے دوران کیا انہوں نے کہا کہ میاں برادران نے پاکستان کو ترقی یافتہ ممالک کی صف میں لاکھڑا کیا ہے ،اپنے پچھلے چار سالہ دور حکومت میں غیر سیاسی قوتوں تعمیرو ترقی کی راہ میں ہر قسم کے روڑے اٹکائے لیکن میاں برادران نے ملکی مفادات کی خاطر ہو قسم کی قربانی دی خود کو پورے خاندان اور پچھلی نسلوں سمیت احتساب کے پیش کیا ایسا وہی کرتا ہے جو ملک و قوم کے لئے مخلص ہو تا ہے انہوں نے ایک سوال کے جواب میں کہا کہ میں مسلم لیگ کے پلیٹ فارم سے الیکشن میں حصہ لوں گا مسلم لیگ میرے اندر رچی بسی ہے اور میں میاں نواز شریف کا سپاہی ہوں

عوامی عدالت میں نواز شریف ایک بار پھر سر خرو ہو کر نکلیں گے،را جہ علی اصغر


گو جر خان( نامہ نگار) گو جر خان شہر کی حا لت انتہائی نا گفتہ بہ ہے جبکہ بری حکمت عملی کی وجہ سے ہمارے حلقہ پی پی 3میں بھی ترقیاتی کا موں کے وہ نتائج نہیں نکلے جس سے عوام مطمعن ہوں ان خیا لات کا اظہار مسلم لیگ ن کے راہنما اور امیدوار برائے صو بائی اسمبلی را جہ علی اصغر نے تحصیل بھر کے صحافیوں کے اعزاز میں دئے گئے افطار ڈنر سے خطاب کرتے ہو ئے کیا۔انہوں نے کہا کہ میرے پاس حلقہ کی تعمیر و ترقی کے لیے منصوبہ مو جو دہے ۔ شہر کے لیے سیوریج نظام اشد ضروری ہے جسے منتخب ہو نے کے بعد پہلی ترجیح کے طور پر رکھا ہے۔ انہوں نے کہا کہ میں وزیر اعظم نواز شریف کا ادنی سا سپاہی ہوں اور سمجھتا ہوں کہ میاں فیملی کے خلاف سرا سر زیادتی ہو رہی ہے اور ان سے دو نسلوں کا حساب لیا جا رہا ہے را جہ علی اصغر نے کہا کہ اپوزیشن بھی آج تک بحثیت وزیر اعظم ان پر کسی قسم کی کرپشن کا الزام نہیں لگا سکی۔ در اصل یہ سب پاکستان کی ترقی کے خلاف سازش ہیاور ملک میں مو جود بعض قوتیں ملک کو پھلتا پھو لتا نہیں دیکھنا چاہتیں۔مگر عوامی عدالت میں نواز شریف ایک بار پھر سر خرو ہو کر نکلیں گے۔

راولپنڈی پولیس نے یوم علیؓ کے جلوس کے سیکورٹی پلان کو حتمی شکل دے دی ہے

راولپنڈی(نمائندہ راول نیوز)راولپنڈی پولیس نے یوم علیؓ کے جلوس کے سیکورٹی پلان کو حتمی شکل دے دی ہے۔یوم علیؓکے مرکزی جلوس کو بھر پور تحفظ فراہم کرنے کے لیے راولپنڈی پولیس نے بڑے پیمانے پر حفاظتی اقدامات کیے ہیں ۔یوم علیؓ کے جلوس کے فول پروف سیکورٹی کے لیے ر اولپنڈی پولیس کے 2000 افسران و ملازمان ڈیوٹی سر انجام دیں گے۔ ضلع پولیس کے علاوہ سپیشل برانچ پولیس ، ایلیٹ فورس ، لیڈیز پولیس ، PQRبھی ڈیوٹی سر انجام دیں گے۔ جلو س کے راستوں میں CCTVکیمرے نصب کیے گئے ہیں ۔کسی بھی شخص کو چھت پر جانے کی اجازت نہ ہو گی۔ چھتوں پر مسلح پولیس اہلکار تعینات کیے جائیں گے۔ جلوس شروع ہونے سے قبل جلوس کے روٹ کی سپیشل چیکنگ کی جائے گی بم ڈسپوزل سکارڈ کسی بھی ممکنہ صورت حال سے نمٹنے کے لیے ہمہ وقت تیار رہے گا ۔ جلوس میں شامل ہونے والے اشخاص کی چار لائنزمیں چیکنگ کی جائیگی سب سے پہلے باڈی سرچ کی جائیگی اسکے بعد میٹل ڈیٹکڑ سے چیک کیا جائیگا اسکے بعد پھر باڈی سرچ کی جائیگی اور آخر میں واک تھرو گیٹ سے گزارا جائے گا دوران جلوس ڈیوٹی کسی بھی شخص کو بغیرسرچنگ/چیکنگ کے جلوس میں داخل نہ ہونے دیا جائیگا۔ برقعہ پوش خواتین کو لیڈیز پولیس اہلکار چیک کریں گی۔ جلوس کے راستوں /گلیوں کو خار دار تاروں سے سیل کیا جائے گا۔ جلوس میں گاڑیوں اور موٹر سائیکلوں کے داخلے اور پارکنگ پر مکمل پابندی ہو گی۔جلوس کے روٹ پر واقع گھروں، ہوٹلوں اور بیٹھکوں کی مکمل چیکنگ کی جائے گی۔ جلوس کے روٹ پر کسی گاڑی اور شخص کو کھڑا نہ ہونے دیا جائے گا۔ جلوس میں داخل ہونے کے لیے اور باہر جانے کے لیے ایک ہی راستہ استعما ل کیا جائے گادرمیان میں سے کسی بھی شخص کو داخل ہونے کی اجازت نہ دی جائے گی۔صرف جلوس کے عقب سے داخلے کی اجازت ہوگی۔ راولپنڈی پولیس شہریوں کے جان و مال کے تحفظ کے ساتھ ساتھ یوم علیؓ کے جلوس کے لئے بھی اپنے پیشہ وارانہ فرائض بھر پور ذمہ داری اور جذبے سے سر انجام دے گی

مستحق اور نادار لوگوں کی خدمت سے دلی سکون ملتا ہے،ملک الطاف حسین


گو جر خان( نامہ نگار) مستحق اور نادار لوگوں کی خدمت سے دلی سکون ملتا ہے ان کو عید کی خوشیوں میں شریک کر کے ان کی خوشیوں کو دوبالا کریں ان خیالات کا اظہارڈان ویلفئیر آرگنائزیشن کے صدر ملک الطاف حسین اورجنرل سیکرٹری ملک قاسم ر نی نے کیا انہوں نے کہا کہ امسال بھی19جون کو536سپیشل بچوں اور مستحق و نادار افراد میں عید کے گفٹ تقسیم کیے جائیں گے جس کے مہمان خصوصی الحاج محمد شاہد صراف چئیرمین بلدیہ ،راجہ لیاقت آف کھینگر اوردیگر سیاسی و سماجی شخصیات ہوں گی ۔

گورنمنٹ بوائز ہائی سکول نابن جنجوعہ کے ہیڈ ماسٹر نے سکول کی زمین سے را ستہ دید یا

school2
گو جر خان(نامہ نگار)گورنمنٹ بوائز ہائی سکول نابن جنجوعہ کے ہیڈ ماسٹر نے کمرے گرا کر سکول کی زمین سے من پسندفراد کو را ستہ دید یا ۔ سکول کونسل کے ممبران را جہ محمد افسر، حاجی عبد الحق اور را جہ طیب نواز نے تفصیلات سے آ گاہ کرتے ہو ئے بتا یا کہ علاقہ کے مخیر لو گوں نے سکول کو زمین عطیہ کی تھی جسے سکول کی حدود میں شامل کر نے کے بعد جس پر کمرے بھی بنا دئے گئے ۔اور سکول کے طلبا کی سہولیات میں اضافہ ہوا۔ تا ہم اعلی حکام سے اجازت لئے بغیر سکول کے ہیڈ ماسٹر نے اپنے کچھ افراد کو نواز نے کے لیے سکول کے کمرے گرا کر انکے لیے سڑک بنا دی ۔ کو نسل کے ممبران نے کہا کہ اس سلسلے میں اعلی حکام کو درخواستیں دیدی گئی ہیں۔ انہوں نے وزیر اعلی پنجاب شہباز شریف اورضلعی انتظامیہ سے صورتحال کا نوٹس لینے کا مطالبہ

تحصیل روڈ پر ٹریفک کا مسئلہ گھبیر صورتحال اختیار کر گیا

gujar khan city
گو جر خان(نامہ نگار)تحصیل روڈ پر ٹریفک کا مسئلہ گھبیر صورتحال اختیار کر گیا ہے۔اور دن ہو یا رات یہاں ہیوی ٹریفک کے باعث ٹریفک بند رہنا معمول بن چکا ہے۔ گو جر خان بار ایسو سی ایشن کے سابق سیکر ٹری احمد ادریس مرزا اور مرزا لیاقت حسین نے جنگ کو بتا یا کہ مقامی انتظامیہ نے دن کے اوقات میں بھاری ٹریفک کے تحصیل روڈ پر آ نے پر پا بندی لگا رکھی ہے مگر بڑے ٹرک پھر بھی یہاں آ کر ٹریفک بلاک کر دیتے ہیں۔ جبکہ رات کو وہ راستہ بھی انہیں چھوڑتے۔ انہوں نے کہا کہ یہ راستہ نصف شہر پر مشتمل آ بادی استعمال کرتی ہے جنکا متبادل کو ئی راستہ نہیں ہے۔ انہوں نے مزید کہا کہ مین با زار میں رکشوں نے الگ مسائل پیدا کر رکھے ہیں۔جنہوں نے سڑک پر خود ساختہ اڈے بنا کر شہریوں کے لیے مشکلات پیدا کر رکھی ہیں۔ انہوں نے اعلی حکام سے مطالبہ کیا کہ اس مشکل کو آ سان کر نے کے لیے کوئی حل نکا لا جا ئے تحصیل روڈ اور مین با زار کے راستے کھلے رکھے جائیںَ

گو جر خان ،رمضان المبارک کے مہینے میں بجلی گیس اور پا نی سے محروم کر دیا گیا ہے، قاضی نعمان احمد

GUJAR KHAN CITY 95
گو جر خان(نامہ نگار)گو جر خان بار ایسو سی ایشن کے سابق صدر قاضی نعمان احمد نے کہا ہے کہ تمام وزیر مشیر اور حکومتی مشینری وزیر اعظم اور انکے خاندان کو جے آئی ٹی کے عذاب سے نکالنے کی کو ششوں میں مصروف ہے دوسری طرف عوام کو ایک عذاب میں مبتلا کر دیا گیا ہے انہوں نے کہا کہ ملک کے دیگر حصوں کی طرح گو جر خان کے لو گوں کو رمضان المبارک کے مہینے میں بجلی گیس اور پا نی سے محروم کر دیا گیا ہے ۔ کئی دنوں سے سحری و افطاری کے اوقات میں بھی گیس اور بجلی کی فراہمی روک دی جا تی ہے۔ قاضی نعمان نے کہا کہ اس سلسلے میں حکومت یا ممبران اسمبلی کی طرف سے کوئی وضاحت نہیں کی گئی کہ جون کے مہینے میں گیس کا پریشر کیوں کم کر دیا گیا ہے ۔ہماری معلو مات کے مطابق حکومت میں بیٹھے سر ما یہ داروں کی فیکٹریوں کو گیس کی وافر فراہمی کے لیے گو جر خان کے گھریلو صارفین کے گیس پریشر میں کمی کی گئی ہے انہوں نے کہا کہ سحری و افطاری میں رو زے داروں کو بنیادی سہولیات سے محروم کر نا عذاب الہی کو دعوت دینے کے مترادف ہے۔

حیاتسر روڈ پر چوبیس گھنٹے گیس لیکج ،کسی بڑے حادثے کا ذمہ دار کون ؟؟کئی بار شکایت کر چکے ، اہل محلہ

gk stickerگوجرخان (عبدالستار نیازی) حیاتسرروڈ پر چوبیس گھنٹے گیس لیکج ، محکمہ نے آنکھیں موند لیں، کئی بار شکایت کر چکے ہیں مگر کوئی شنوائی نہیں ہورہی، اہل علاقہ کا جینا محال ہوگیا، تفصیلات کے مطابق حیات سر روڈ پر واقع مسجد صدیق اکبر کے ساتھ نالے میں سوئی گیس پائپ لائن لیکج کا شکار ہے، جس کو کافی عرصہ گزر چکاہے، چوبیس گھنٹے گیس لیکج کے باعث پورا محلہ گیس کی بو کی لپیٹ میں رہتاہے، اہل محلہ کا جینا دوبھر ہوچکاہے، اہل محلہ نے میڈیا سے گفتگو کرتے ہوئے کہا ہے کہ کئی بار سوئی گیس دفتر کے چکر لگاچکے ہیں مگر کوئی شنوائی نہیں ہورہی ، عملہ موقع پر ملاحظہ کر کے واپس چلا جاتاہے، کسی بھی بڑے حادثے کی صورت میں محکمہ ذمہ دار ہوگا، عوام نے جی ایم سوئی نادرن گیس لمیٹڈ سے اصلاح احوال کا مطالبہ کیاہے۔

مین با زار گو جر خان میں فائرنگ کے مرتکب ملزمان کی گرفتاری کے لئے چھا پے

police station gujar khan
گو جر خان(نامہ نگار) اے ایس پی گو جر خان کی ہد ایت پر پو لیس تھانہ گو جر خان نے مین با زار گو جر خان میں فائرنگ کے مرتکب ملزمان کی گرفتاری کے لئے چھا پے مارنا شروع کر دئے ہیں۔نواحی قصبہ صندل کے رہائشی ما نا اور بھگا گذشتہ رات مین با زار میں ایک ہو ٹل پر آئے اور مالکان سے مفت کھا نے کا تقاضا کیا۔ دو یوم قبل بھی انہوں نے کھا نا کھا یا تھا اور بغیر ادائیگی چلے گئے تھے۔ مفت کھا نا دینے سے انکار پر ما نا اور بھگا نے ہو ٹل پر اور ہو ائی فائرنگ شروع کر دی فا ئر ہو ٹل کے کا ؤنٹر اور مالک کے بیٹے نذیر کو لگے جس سے وہ زخمی ہو گیا۔پو لیس ذرائع نے بتا یا کہ دو نوں ملزمان پہلے بھی غیر قانونی سر گر میوں میں ملوث رہے ہیں

گوجرخان : صندل روڈ کے رہائشیوں کو لوڈشیڈنگ کے بعد واپڈا ملازمین کی پھرتیوں نے آگ بگولا کر دیا

gk stickerگوجرخان (عبدالستار نیازی) صندل روڈ کے رہائشیوں کو لوڈشیڈنگ کے بعد واپڈا ملازمین کی پھرتیوں نے آگ بگولا کر دیا ، تفصیلات کے مطابق وارڈ نمبر چودہ صندل روڈ گوجرخان کے رہائشی ارسلان طارق نے گوجرخان ایکسپریس سے خصوصی گفتگو کرتے ہوئے کہا ہے کہ واپڈا کے بجلی بلوں کی آخری تاریخ 8جون ہے ، جبکہ 8جون تک بجلی کے بل گھروں میں نہ پہنچ پائے ہیں، جس کی وجہ سے عوام سرچارج بھرنے پر مجبور ہیں، ایکسین واپڈا کو دی گئی درخواست میں ارسلان طارق نے موقف دیا ہے کہ گزشتہ کئی ماہ سے بجلی کے بل لیٹ آرہے ہیں، ایکسین واپڈا نے یقین دہانی کرائی ہے کہ عملہ کو سرزنش کی جائے گی اور آئندہ بل بروقت گھروں تک پہنچائے جائیں گے۔

گو جر خان میں بجلی و گیس بندش کے خلاف مظاہرہ،حکومت کے خلاف شدید نعرہ بازی

PROTEST PUBLIC
گو جر خان(نمائندہ راول نیوز)گو جر خان میں بجلی و گیس بندش کے خلاف مظاہرہ۔ حکومت، وزیر اعظم ،وزیر پانی و بجلی اور مقامی ممبران اسمبلی کے خلاف نعرے بازی۔تفصیلات کے مطابق منگل کو بھی گو جر خان میں بجلی و گیس بند رہی۔پورے 24گھنٹے میں چند منٹ کے لیے بجلی آتی اور پھر گھنٹوں غائب ہو جا تی۔ بجلی کی اس آ نکھ مچولی سے لو گوں کے لاکھوں رو پے کے بجلی کے آ لات جل گئے۔اسکے ساتھ ساتھ دن بھر گو جر خان کی گیس بھی بند رہی اور دئے کی لو جیسا شعلہ بھی نہیں جلا۔ اس صورتحال سے مشتعل ہو کر تکیہ با با رحیم شاہ میں لوگ سڑکوں پر آ گئے اور انہوں نے بجلی و گیس کی بندش کے خلاف احتجاج کیا۔ مظاہرین نے حکومت، وزیر اعظم، پانی و بجلی کے وزیر اور مقامی ممبران اسمبلی کے خلاف زبر دست نعرے با زی کی ۔ ایکشن کمیٹی کے چئیرمین راجہ محمود نے کہا کہ جو حکومت قیامت خیز گرمی اور رمضان المبارک میں عوام کی بنیادی ضرورت کی بجلی اور گیس فراہم کر نے سے قاصر ہے اسے حکومت کر نے کا کوئی حق نہیں ہے ادر پی ٹی آئی تحصیل گو جر خان کے صدر چو ہدری محمد عظیم اور پیپلز پارٹی تحصیل کے جنرل سیکر ٹری محسن صغیر بھٹی نے کہا کہ گو جر خان کے لوگ قیامت خیز صورتحال سے گذر رہے ہیں اور مقامی ممبر قومی اسمبلی میں اتنی جرات نہیں کہ وہ کسی افسر سے پو چھ سکیں کہ جون میں گیس کے پریشر میں سو فیصد کمی اور بجلی سے لو گوں کو کیوں محروم رکھا جا رہا ہے۔ انہوں نے کہا کہ نا اہل قیادت ہمیشہ قوموں کو مصائب میں مبتلا رکھتی ہے

گوجرخان، میں بہترین صفائی یقینی بنائی جائے،ایم ڈی راولپنڈی ویسٹ مینجمنٹ کمپنی

gujar khan city
گوجر خان (نامہ نگار) ایم ڈی راولپنڈی ویسٹ مینجمنٹ کمپنی ڈاکٹر رضوان علی شیر دل نے کہا ہے کہ رمضان المبارک میں راولپنڈی اور اسکی تحصیلوں میں بہترین صفائی یقینی بنائی جائے،رمضان بازاروں ،مساجد سے ملحقہ علاقوں میں اضافی نفری تعینات کرکے بھرپور صفائی کی جارہی ہے،روزہ داروں کیلئے صاف ستھرا ماحول فراہم کرنا ہمارے فرائض میں شامل ہے،وہ گزشتہ روز گوجر خان میں صفائی کی صورتحال کے معائنہ کے موقع پر میڈیا سے بات چیت کر رہے تھے، سینئر منیجرآ پر یشنزآر ڈبلیو ایم سی ڈاکٹر حامد،اسسٹنٹ مینیجر عامر نائیک اور دیگر اعلیٰ افسران اس موقع پر انکے ہمراہ تھے،ایم ڈی رضوان علی شیر دل نے شہر میں میں صفا ئی کی صو رتحا ل کو تسلی بخش قرار دیتے ہو ئے ہدا یت کی کہ با زار کے ارد گرد اور را ستو ں میں رو زانہ کی بنیا د پر چو نا پھینکنے کا اہتما م کیا جا ئے، کو ڑا دا نوں سے دن میں دو سے تین با رکو ڑا کر کٹ اٹھا یا جا ئے ،انہو ں نے کہا کہ عو ام کی سہو لت کیلئے قا ئم کیے گئے رمضان با زارو ں میں صفا ئی کی صورتحا ل کو مزید بہتر کیا جا ئے، آر ڈبلیو ایم سی کے ورکر مکمل طور پر مستعد اور صفائی کے حوالے سے کوشاں ہیں، صفائی کے حوالے سے شہریوں کو کسی قسم کی شکایت کا موقع نہیں دیا جائیگا، عوا م کو سہو لیا ت بہم پہنچا نے کیلئے تما م تر و مسا ئل بر و ئے کا ر لا ئے جا ئیں گے ،ماہ مقدس میں روزہ داروں اور رمضان بازاروں میں خریداری کیلئے آنیوالوں کو صاف ستھرا ماحول فراہم کرنے کی ہر ممکن کوشش کرینگے،انہوں نے کہا کہ صفائی نصف ایمان پر عمل کرتے ہوئے گوجر خان میں صفائی کو ہر حال میں یقینی بنایا جائیگا،اس مو قع پر ایم ڈی ڈاکٹر رضوان علی شیر دل نے سستے با زا رو ں میں صفا ئی کے انتظا ما ت کے حوالے سے عوا م سے بھی آ راء و تجا ویز لیں ۔عوامی حلقو ں نے بھی صفا ئی ستھر ائی کے انتظا ما ت کو تسلی بخش قرار دیتے ہو ئے حکو مت پنجا ب اور مقا می ادارو ں کی تعر یف کی

فروٹ کا بائیکاٹ تیسرے دن بائیکاٹ پہلے دو دنوں سے زیادہ موثر رہا

18813547_1758123894203946_4815283705584306646_n
گو جر خان(نامہ نگار)فروٹ بائیکاٹ کے تیسرے روز فروٹ فروشوں نے گھٹنے دئے ۔رمضان کے پو رے سیزن کا بیڑہ غرق ہو گیا۔ تین دن سے آ ڑھتیوں کو ایک پائی نہیں دی، فروٹ فروشوں کا موقف۔ تفصیلات کا مطابق سوشل میڈیا پر جا ری مہم اور صارفین تنظیموں کی اپیل پر گو جر خان میں تیسرے روز بھی فروٹ کا بائیکاٹ کیا گیا تیسرے دن بائیکاٹ پہلے دو دنوں سے زیادہ موثر رہا۔ جماعت اسلامی کے مقامی نو جوانوں نے تیسرے دن بھی بائیکاٹ مہم میں بھر پور حصہ لیا۔جس کے خاطر خواہ نتائج برا مد ہو ئے۔ اتوار کو فروٹ کی قیمتیں خاصی گر گئیں مگر خریداروں نے کسی دلچسپی کا مظاہرہ نہیں کیا۔مقامی صارف عادل خواجہ نے بتا یا کہ اتورارکو تیسرے روز بائیکاٹ کی مہم بہت زیادہ موثر رہی۔ انہوں نے کہا کہ فروٹ کہ رمضان المبارک کو فروٹ کی قیمتوں میں خود سا ختہ اضافے اور روزہ داروں کو لوٹنے والے آج بھیگی بلی بنے ہو ئے تھے۔انہوں نے کہا کہ اب صارف متحد ہو چکے ہیں۔ اگر آئندہ انہوں نے خود ساختہ قیمتیں بڑھائیں تو پھر ایسا ہی ہو گا۔

ایم این اے کو پنجاب فوڈ اتھارٹی کا سر براہ بنا نا نا انصافی ہے، چو ہدری جا وید کوثر

CH JAVED KOSAR PTI PP 3
گو جر خان(نامہ نگار)پاکستان تحریک انصاف گو جر خان کے راہنما اور سابق امید وار صوبائی اسمبلی چو ہدری جا وید کوثر نے کہا ہے حکومتی پارٹی کے ایم این اے کو پنجاب فوڈ اتھارٹی کا سر براہ بنا کر وزیر اعلی نے ثابت کر دیا ہے کہ اتھارٹی کو سیاسی مقاصد کے لیے استعمال کیا جا رہا ہے۔ انہوں نے کہا کہ محکمہ فوڈ اور محکمہ صحت سے تمام اختیا رات لیکر اس اتھارٹی کو سونپ دئے گئے ہیں اسکا مطلب یہ ہے کہ ادروں کو ختم کر کے اختیارات سر کاری پارٹی کو منتقل کئے جا رہے ہیں جو سرا سر غیر قانونی ہے عدلیہ کو اسکا خود نو ٹس لینا چاہئے جا وید کو ثر نے کہا کہ عمران خان کی کرپٹ حکمرانوں کے خلاف تحریک انہی مقاصد کے لیے ہے کہ لو گوں کو صاف ستھری انتظامیہ دی جا ئے اور فیصلے میرٹ پر کئے جائیں۔ خیبر پختونخواہ میں ایسی کو کو شش نہیں کی گئی وہاں ایک آئیڈیل نظام دیا گیا ہے ۔

گو جر خان میں گیس کی لوڈ شیڈنگ جا ری ہے

load sheding
گو جر خان(نامہ نگار)گو جر خان میں گیس کی لوڈ شیڈنگ جا ری ہے ۔ اور مقامی ممبران اسمبلی نے اس سلسلے میں کسی سے رابطہ کر کے نہیں پو چھا کہ جون میں گو جر خان میں گیس کی لو ڈ شیڈنگ کیوں کی جا رہی ہے اور علاقے کے لیے پریشر میں کیوں کمی کر دی گئی ہے۔ محکمہ گیس کے ذرائع کے مطابق اس وقت گو جر خان میں 25تا 28پریشر کے ساتھ گیس فراہم کی جا رہی ہے۔جبکہ مو سم سرما ا4 میں یہ پریشر 35 تا40تھا۔ گیس پریشر میں کمی کے باعث روزہ داروں کو شدید پریشانی کا سامنا کر نا پڑ رہا ہے۔ گیس پریشر میں کمی کے باعث سحری و افطاری کے لیے اشیا کی تیاری میں خلل واقع ہوا ہے پیپلز پارٹی سٹی گو جر خان کے صدر طاہر راحیل اعوان نے گیس لو ڈ شیڈنگ کی شدید مذمت کی ہے اور کہا ہے کہ یہ پہلی بار ہوا ہے کہ جون میں گیس کی لو ڈ شیڈنگ کی جا رہی ہے انہوں نے کہا کہ اسکے ذمہ دار مقامی ممبران اسمبلی ہیں جن میں اتنی جرات نہیں کہ وہ گیس حکام سے بات ہی کر سکیں اور گیس پریشر میں کمی کی وجو ہات کے بارے میں پو چھ سکیں انہوں نے مطالبہ کیا کہ رمضان المبارک میں فوری طور پر گیس پریشر میں اضافہ کیا جائے۔

گو جر خان میں دوسرے روز بھی فروٹ کا بائیکاٹ

18813547_1758123894203946_4815283705584306646_n
گو جر خان(نامہ نگار)سوشل میڈیا پر جا ری مہم اور صارفین تنظیموں کی اپیل پر گو جر خان میں دوسرے روز بھی فروٹ کا بائیکاٹ کیا ۔ یہ بائیکاٹ اتنا موثر تھا کہ دو کاندار جمعہ کی طرح ہفتہ کو بھی سارا دن پریشان رہے آج دوسرے دن فروٹ فروشوں کو یقین تھا کہ آج گاہک آئیں گے مگر شام تک انہیں ما یوس ہو نا پڑا۔سوائے ان معدودے چند گاہکوں کے جو دیہات سے آئے اور انہیں اس مہم کا پتہ نہ تھا شہری لو گوں کی اکثریت نے فروٹ نہیں خریدا۔ جماعت اسلامی کے چند مقامی نو جوانوں نے اس سلسلے میں آگہی مہم جاری رکھی جس کے خاطر خواہ نتائج برا مد ہو ئے۔افطاری کے بعد فروٹ کے مقامی دوکانداروں نے کیلا 80رو پے درجن بھی بیچنے کی کوشش کی جو پہلے دوگنی قیمت پر فروخت ہو رہا تھا مگر کوئی خریدنے کے لیے تیار نہیں تھا۔مقامی صارف عادل خواجہ نے بتا یا کہ جمعہ کی نسبت آج ہفتہ کو بائیکاٹ کی مہم بہت زیادہ موثر رہی۔ انہوں نے کہا کہ فروٹ کہ رمضان المبارک کو فروٹ کی قیمتوں میں خود سا ختہ اضافے اور روزہ داروں کو لوٹنے والے آج بھیگی بلی بنے ہو ئے تھے۔انہوں نے کہا کہ اب صارف متحد ہو چکے ہیں۔

گوجرخان کے نواحی علاقے بھائی خان میں گیس میٹرز کی تنصیب سیاست کی نذر ہوگئی

gas
گوجرخان (تحصیل رپورٹر) گوجرخان کے نواحی علاقے بھائی خان میں گیس میٹرز کی تنصیب سیاست کی نذر ہوگئی، منظورنظر افراد کے گھروں میں گیس میٹر نصب ہوگئے ، جبکہ عوام رمضان المبارک میں گیس جیسی بنیادی سہولت سے محروم ہیں، تفصیلات کے مطابق یونین کونسل جیرورتیال کی وارڈ بھائی خان میں گیس میٹرز کی تنصیب مقامی کونسلر کی ہٹ دھرمی کی نذر ہوگئی، دو ماہ قبل گیس کا افتتاح راجہ جاوید اخلاص نے کیا تھا ، جس کے بعدجنرل کونسلر کے منظور نظر افراد کے گھروں میں 50میٹرز ایک ہفتے کی مدت میں لگا دیئے گئے جبکہ دیگر عوام کو کہا گیا کہ ان کے میٹرز ان کی باری پر لگیں گے، اس حوالے سے محکمہ سوئی گیس سے رابطہ کیا گیا تو ان کا کہنا تھا کہ میٹرز کی تنصیب میں مقامی کونسلر رکاوٹ بناہواہے جو اپنی مرضی کے بغیر کوئی میٹر نصب نہیں ہونے دیتا، یہاں یہ بات بھی قابل ذکرہے کہ مقامی کونسلر اپنے مخالفین کے میٹرز کی بھی تنصیب نہیں ہونے دے رہا، عوام نے احتجاج کرتے ہوئے مطالبہ کیا ہے کہ جی ایم سوئی نادرن گیس اس معاملے کا نوٹس لے کر میٹرز کی تنصیب منصفانہ طریقے سے یقینی بنائیں

صارفین تنظیموں کی اپیل پر گو جر خان میں فروٹ کا بائیکاٹ کیا گیا

18813547_1758123894203946_4815283705584306646_n
گو جر خان(نامہ نگار)سوشل میڈیا پر جا ری مہم اور صارفین تنظیموں کی اپیل پر گو جر خان میں فروٹ کا بائیکاٹ کیا گیا ۔ یہ بائیکاٹ اتنا موثر تھا کہ دو کاندار سارا دن پریشان رہے جمعہ سے پہلے انہیں یقین تھا کہ نماز جمعہ کے بعد گاہک آئیں گے مگر شام تک انہیں ما یوس ہو نا پڑا۔سوائے ان معدودے چند گاہکوں کے جو دیہات سے آئے اور انہیں اس مہم کا پتہ نہ تھا کسی شہری نے فروٹ نہیں خریدا۔ جماعت اسلامی کے چند مقامی نو جوانوں نے اس سلسلے میں آگہی مہم جاری رکھی جس کے خاطر خواہ نتائج برا مد ہو ئے۔افطاری کے بعد فروٹ کے مقامی دوکانداروں نے کیلا 80رو پے درجن بھی بیچنے کی کوشش کی جو پہلے دوگنی قیمت پر فروخت ہو رہا تھا مگر کوئی خریدنے کے لیے تیار نہیں تھا۔ تھوک فروشوں کو ہفتہ کی صبح منڈی میں اس وقت پتہ چلے گا جب دوکاندار مال نہیں اٹھائیں گے کیونکہ فروٹ فروشوں کی دوکانیں، ٹھیے اور ریڑھیاں فروٹ سے بھری ہو ئی پڑی ہیں۔مقامی صارف عادل خواجہ نے بتا یا کہ جمعہ کو بائیکاٹ کی مہم بہت زیادہ موثر رہی۔ اور آ ج ہفتہ کو اس سے بھی زیادہ کا میابی کا امکان ہے۔ انہوں نے کہا کہ فروٹ کہ رمضان المبارک کو فروٹ کی قیمتوں میں خود سا ختہ اضافے اور روزہ داروں کو لوٹنے والے آج بھیگی بلی بنے ہو ئے تھے۔انہوں نے کہا کہ اب صارف متحد ہو چکے ہیں۔ادھر ایک اور صارف خواجہ قیصر فاروق نے کہا کہ آج فروٹ کے دوکانداروں کا یہ عالم تھا کہ اپنے جاننے والوں کو خود فون کر کر کے گھر فروٹ بھیجنے کی آ فریں کر رہے تھے۔انہوں نے کہا کہ آج ہفتہ کو بھی فروٹ کا بھر پور بائیکاٹ کیا جائے گا

شہریوں نے ایک چور کو دوکان میں چو ری کرتے ہو ئے رنگے ہاتھوں پکڑ لیا

Lahore-Police-310x200گو جر خان(نامہ نگار)شہریوں نے ایک چور کو دوکان میں چو ری کرتے ہو ئے رنگے ہاتھوں پکڑ لیا جسے دوسرے ساتھ فرار ہو گئے۔ پو لیس تھا نہ گو جر خان نے مقدمہ درج کر لیا ہے ۔ علی الصبح چور ریلوئے روڈ کی دوکان میں چو ری کی غرض سے تالے توڑ کر داخل ہو ئے جنہیں چو کیدار نے دیکھ لیا اور مالکان کو اطلاع کی۔ جس میں سے ایک کوپکڑ لیا گیا۔اسی اثنا میں بڑی تعداد میں لوگ جمع ہو گئے جنہوں نے اسکے گلے میں جو توں کا ہار ڈال کر ایک کھمبے کے ساتھ باندھ دیا اور قبل اس سے کہ وہ تشدد کرتے پو لیس موقع پر پہنچ گئی اور اسکی لو گوں سے جان چھڑوائی۔ پو لیس اسکے خلاف مقدمہ درج کر کے حو لات میں بند کر دیا ۔

جن کو اپنی پارٹی ٹکٹ نہیں دیتی وہ پیپلز پارٹی پر تنقید کرتے ہیں راجہ اختر رہنما پی پی پی

gk stickerگوجرخان (عبدالستار نیازی) سابقہ صوبائی وزیر چوہدری ریاض نے ہمیشہ تھانہ کچہری کی سیاست کو فروغ دیاہے، راجہ پرویز اشرف کے متعلق ان کا بیان ان کی بوکھلاہٹ کا نتیجہ ہے، ان کی اپنی پارٹی ان کو ٹکٹ نہیں دیتی اور وہ دوسری پارٹیوں کے قائدین پر تنقید کر کے اپنا قد بڑھانا چاہتے ہیں، ان خیالات کااظہار پاکستان پیپلزپارٹی یونین کونسل بھڈانہ کے معروف رہنما راجہ اختر نے اپنے بیان میں کیا، ان کا مزید کہنا تھا کہ چوہدری محمد ریاض صوبائی وزیر رہنے کے باوجود بھی اپنے آبائی گاؤں جنڈ نجار میں نہ ہی گیس اور نہ ہی دیگر سہولیات فراہم کر سکے، انہوں نے کہا تھا کہ راجہ پرویز اشرف اگر جنڈنجار میں گیس لگوادیں تو میں اس کے گھوڑے کی لگام پکڑوں گا ، مگر آج ان کی اپنی پوزیشن یہ ہے کہ وہ خود در بدر کی ٹھوکریں کھارہے ہیں اور کسی معجزے کا انتظار کررہے ہیں۔ ہم راجہ پرویز اشرف کو تحصیل گوجرخان سے بھاری اکثریت سے کامیاب کریں گے۔
error: